Huyện Mường Nhé-Điện Biên sir jos phax tir thêir caz moz corona ntơưv thax tsav ntus đriv

Têx hnuz đhâu, hur tiz si cxuô zav yêz, lênhx nênhs mul lok đhâu trâu huyện Mường Nhé puôr lênhx tax đrêk nhoz qơư qênhz shuôs moz ntơưv xã Quảng Lâm chiê canr bôv đoanx lênhx ngênhx tsuôs yuôx tuô, lov caz moz, phax tir thêir tsi chiê moz lok cêr uô pa tiv zav caz moz corona uô moz siz cik tâu lok hâur thax tsav.

Zơưv Nguyễn Khắc Huy, phưv Tsar khoa qênhz njuôk shuôs têx moz gênhs thiêz HIV/AIDS Tsênhv qơư y tế huyện Mường Nhé, tỉnh Điện Biên, heik pâuz: Ntơưv qơư qênhz njuôk shuôs moz, chor canr bôv tsuv siz hlôngr seiz jor thơưv hnuz thơưv hmo uô hâux lưv tsuôs yuôx thiêz seiz njuôk moz trâu hur tiz si têx lênhx kruô mul lok đhâu, iz chas ntơư sâu bê têx lênhx tâu xav tiêk trâus moz chiê tso nưk nhoz nưk iz kro, njuôk shuôs moz thiêz seiz car trơưk li cui tinhv.

“Txix thâuv yênhx lix qơư seiz jor, qênhz shuôs moz txos nhiv no mak muôx đreiv nênhs nhoz thơưv hnuz thơưv hmo ntơưv co, tưz qênhz yuôx tâu 700 ntâu lênhx nênhs mul lok trâu hâur Mường Nhé, njuôk shuôs iz lênhx nênhs jux juk thâuv grêk sâuv yêz lok mal tsi pov muôx lênhx nênhs tưs trâul moz uô cuz uô no thiêz tâu xav tiêk trâul moz lok cêr uô pa tiv zav caz moz corona uô moz hlo”.

Chiê seiz car luôs hâux lưv mul lok đhâu cêr A Pa Chải-Long Phú (thôngz  đhâu trâu huyện Giang Thành, tỉnh Vân Nam, Trung Quốc), têx hnuz no cấp ủy, Ban chỉ huy Zênhx pênhz phax A Pa Chải, nhoz xã Sín Thầu tưz bax tsưr ziv phax tir thêir tsênhv tsênhz, sir jos tso yênhx châuv lênhx canr bôv chiến sỹ uô hâux lưv qênhz yuôx shuôs têx cêr mê, cêr lus mul lok đhâu đriv têz chiê tir thêir tsôngv px tsi khênhr mul lok tsi trơưk chei hâur huyện Mường Nhé.

Thiếu tá Đặng Văn Tuấn, Zênhx tsar zênhx pênhz phax A Pa Chải, huyện Mường Nhé heik pâuz: Chiê uô tiêr jông luôs hâux lưv tâu choz, chor canr bôv chiến sỹ hâur taz viv puôr lênhx sir jos hla đhâu têx phiv liv chiê lês uô jông cxuô luôs hâux lưv zok muôz lok phax tir thêir caz moz corona tsi chiê siz cik tâu lol hâur VN thôngz đhâu mul lok tri trơưk chei hâur thax tsav.

“Pêz tsi so uô têx hâux lưv qênhz yuôx, tsưx phưv ntus đriv, seiz jor njôngr têx cêr mul lok chiê phax tir thêir tsi khênhr mul lok tsi trơưk chei đhâu thax tsav ntus đriv. Uô 2 qơư seiz jor, chiê têx canr bôv, chiến sỹ qênhz pov lênhx tiz nênhs mul lok đhâu ntus đriv tsi trơưk chei, tiv 2 zos chiê lênhk tok têx lênhx tâu lưv lươngv muôx vax huôv saz têz qơưk đrâuv tror xa choz lok đhâu ntus đriv chiê qênhz njuôk shuôs đal jos xuz thơưx, đhâu co zuôr heik trâu cơ quan muôx vax huôv chiê tror muôz xưv bluô trơưk li cui tinhv”.

Yuôr đros thiêz Tsênhv qơư y tế huyện Mường Nhé, luôs hâux lưv bax têx qơư, chuôz zênhx seiz njuôk shuôs moz, lênhx nênhs lês uô têx hâux lưv co tưz bax tâu cxix cxuô trâu phax tir thêir zênhx max, thâuv muôx lênhx nênhs trâul moz. Iz chas lês uô têx hâux lưv hâur niêx hnuz, six hơưv no chor canr bôv y tế hâur tsênhv qơư cux tâu hu lơưk 100% lênhx chiê bax têx chuôz zênhx seiz njuôk shuôs moz, yuôx kho moz trâu hâux lưv qênhz njuôk shuôs thiêz kho moz trâu chor nênhs trâul moz corona zos muôx.

Zơưv Nguyễn Danh, Phưv Giám đốc Tsênhv qơư y tế huyện Mường Nhé, tỉnh Điện Biên heik pâuz:

“Đros thiêz tsênhv qơư y tế mak cux tưz yênhx lix Ban chox kriê phax tir thêir moz, yênhx lix têx paz nênhs lês uô luôs hâux lưv no, cxiv tsa tsưr ziv tsênhz mênhx chiê phax tir thêir caz moz. Bax têx chuôz zênhx thiêz lênhx nênhs chiê lênhl tok, chơưv kho moz trâu chor nênhs moz, zos muôx lênhx nênhs tưs trâul muôx moz”.

Ntơưv tỉnh Điện Biên, shux xênhz tax so ntơưr txix hnuz xiêz 6/2 txos tax thâuv tưs Ủy ban tỉnh muôx heik pâuz lok tror tso têx shux xênhz muk cơưv, li tso chor shux xênhz tror tuôx cơưv, taz sik nhoz têx tsêr cơưv ntơưr hâur thax tsav huyện Mường Nhé, chor canr bôv, cưk kriê ntơưr cux nhoz trơưr ntơưv tsêr cơưv chiê qêz suô, vêv xênhz, tsuôs yuôx tuô lov caz moz trâu têx qơư nox nhoz, cơưv ntơưr; iz chas ntơư sox seiz njôngr têx nhuôs shux xênhz hâur tsêr thôngz đhâu chor nhuôs li têx lênhx uô niêv uô txir thiêz chor nênhs cxênhz jê. Pos Nguyễn Thị Minh Hồng, thơưx seiz car tsêr cơưv phưv thôngz niêv txir zus mor, cxênhx iz Leng Su Sìn, xã Leng Su Sìn heik pâuz:

“Uô ntêx thâuv zuôr tso shux xênhz so ntơưr. Pêz tưz heik txos trâu hur tiz si chor nhuôs shux xênhz hâur tsêr cơưv, thâuv muk tsêr mak tsi tâu mul lok đhâu hâur thax tsav, thâuv pov muôx têx moz li chas txơưr txar tsuv zênhx max heik trâu chor cưk kriê ntơưr ntơưv tsêr cơưv pâuz. Têx lênhx cưk kriê ntơưr tưz tsuôs yuôx tuô, lov caz moz, muôz chor nhuôs shux xênhz têx vix tsav, pav uz no jiêz yar ntux cux li tu, qêz suô hur si, đu lus têx tsêr cơưv, qơư nox nhoz, cơưv ntơưr...”.

Txos iz jiês no, ntơưv tỉnh Điện Biên tsi tâu pov muôx lênhx nênhs tưs trâul moz lok cêr uô pa tiv zav caz moz corona uô muôx yưv. Taz sik, muôx têx tso pov no zos tas nro cxuô cấp hâu nov, taz viv, ntơưv qơư hâur thax tsav ntus đriv Mường Nhé li têx sir jos sik đros phax tir thêir tsik chiê caz moz siz cik lol hâur thax tsav ntus đriv Việt Nam./.

(Vũ Lợi-Riê Lâux cxeik, nhênhv)