Yên Bái: Thị xã Nghĩa Lộ zênhx max qênhz shuôs, phênhz qơư nhoz trâu têx chuôz zis tsôngv box trâus tox poz ar lơưk uô hiêv

Đhâu thâuv muôx yưv ar trâus xưz lox xar 2 thiêr pêv kâuv tsêr, tix lâus Lường Văn Giáp nhoz Nà Vặng, xã Nghĩa An chuôz zis tsuv tâu yêik txar zênhx max qơư nhoz, taz sik tiv zok nriêr tsi tâu tâu ar nhoz viv li tix lâus chuôz zis cux tsênhv lav nhoz ntơưv kror qơư co đros trâu cêr cxơưx hâur niêx hnuz. Chiê txo grêk tsơưs têx riêz nênhs, tix lâus chuôz zis muôx têx lav yêik txar tsêr nhoz  đêz mê njik thax tsav muôx tox zuôr xưz poz co 2, 3 thiêr. Tix lâus Lường Văn Giáp, nhoz xã Nghĩa An, thị xã Nghĩa Lộ heik pâuz:

“Nhiv no tox xưz poz tưz uô hiêv txos vax tsêr thiêz têx côngz trênhx. Hâu nov cux tưz heik cov yêik txar muk nhoz trâu têx qơư taz por, taz sik txos iz jiês no cur chuôz zis cux tsênhv zok nriêr tsi tâu tâu ar nhoz. Vav thiêz xar tiêk cov xã, têx hloz thênhv siêz paz zok nriêr iz kro ar kror tưs chiê pêz yêik txar muk nhoz cov chuôz zis truôx tuk luz nênhx”.

Cux  xưk li tix lâus Giáp chuôz zis, niêv lâuk Hoàng Thị Liên nhoz jok Nậm Đông chuôz zis nhiv no cux tsênhv lav uô nênhx nhoz đros têx cêr cxơưx hâur niêx hnuz, thâuv têx ar, poz jêz xưz poz lok cxuz tas chuôz zis qơư tu zus tsiêx cxu thiêz têx guôx tu zus. Iz chas ntơư, niêv lâuk chuôz zis zos chuôz zis txov nhêv, tưz tsi pov kaz mul zok nriêr ar kror tưs chiê yêik txar muk nhoz. Niêv lâuk Hoàng thị Liên heik cxơưx li no:

“Cur chuôz zis lok six txov nhêv, nyei tsav ntux nas tror xưz poz lok mak tsi pâuz zuôr uô li chas. Vav chiê siêz tiêk, têz qơưk thiêz hâu nov ntơưv qơư paz pêz zok nriêr iz kro qơư kror tưs chiê pêz yêik txar muk nhoz”.

Tox xưz poz ntơưv xã Nghĩa An, thị xã Nghĩa Lộ uô hiêv txos 4 jok, đros thiêz 17 chuôz zis tsôngv box tsuv tâu yêik txar qơư nhoz, têx ar poz jêz xưz poz lok njuôk xav muôx nhos 500 yiv đruôz. Iz chas têx uô hiêv trâu ntâu chuôz zis, mak têx ar, poz jêz co tsênhv cxuz tas ntâu têx cưx đês đêx ntêr xar 5 cêik, uô hiêv txos têx liêx tsi muôx đêx zưs têx kôngz, tsôngv box phiv liv mul lok.

Nhiv no, thị xã Nghĩa Lộ thiêz xã Nghĩa An tưz hu têx yêz tuôx khơưz huk chiê yêz mul lok tâu đhâu; qênhz shuôs 2 qơư nhoz chiê yêik txar têx chuôz zis tsôngv box trâus uô hiêv lok nhoz shơư uô ntêx cheix ntux nas chuô 2018. Zơưv Vi Ngọc Trinh, Chủ tịch Ủy ban xã Nghĩa An, thị Nghĩa Lộ, tỉnh Yên Bái heik:

“Đhâu thâuv muôx yưv têx li heik sâuv, pêz tưz hu têx lưv lươngv li: Jênh quân, Công an, tsôngv box sđ sik đros paz têx chuôz zis trâus uô hiêv heik co. Xã cux tưz uô jông hâux lưv yax kriê chiê tsôngv box muôz ar, muôz iz cxiê liêx têz trâu têx chuôz zis trâus uô hiêv lok nhoz cov lơưr truôx tuk luz nênhx, huôv tsar uô nox hnar. Txos iz jiês no, tưz njuôk hov, cêv kuôk tas qơư nhoz ntơưv Tsênhv qơư, Đều 1 thiêz thax tsav Nậm Đông”.

Trơưk li Ban seiz car phax tar ntux uô ruôr hiêv thiêz zok nriêr chơưv paz lênhx nênhs thị xã Nghĩa Lộ, đros trâu luôs hâux lưv qênhz shuôs, phênhz qơư nhoz truôx tuk trâu 17 chuôz zis tsôngv box trâus uô hiêv tiv tox xưz poz  ntơưv Nghĩa An, hâu nov thị xã cux tsênhv taz tov uô luôs hâux lưv qênhz shuôs, qênhz yuôx đuô têx qơư zôngx ziv muôx tox xưz poz, têx chuôz zis zuôr trâus yêik txar qơư nhoz chiê muôx tsưr ziv tir thêir cov tsôngv px sđ muôx luz nênhx truôx tuk hâur cheix ntux nas./.

(Tuấn Xuân-Riê Lâux cxeik, nhênhv)

Lênhx nênhs tu zus mur nhoz Sơn La, iz shông sâu tâu nhiêx tiv

Pêz njiz zơưv Hồ Văn Sâm thâuv zơưv tsênhv qênhz yuôx chor mur. Muôx lok six ntâu tuk mur tsênhv za tsưx phưv luz thôngz mur, taz sik zơưv Sâm cux tsik hnar chor khâuz ndơưk tir thêir mur mak tsuôk hnar trik yo li yênhx hnuz, zơưv Sâm hêik: Viv chor mur no zơưv tưz zus txix ntêr lok viv li lok six sênhx, tsik uô hiêv txos nênhs tu zus.

Njiê chor thôngz mur nhoz hâur luz var tsêr, zơưv puz pâuz nzir: Shông 1965, đhâu thâuv cơưv tiêr tsêr cơưv Trung cấp Nông Lâm, zơưv tưz tuôx trâu Sơn La chiê uô nox, thiêz zơưv tưz tu zus mur, viv shông co, tỉnh Sơn la cuêz tênhv yênhx lix qơư nhênhz chơưv tu zus mur. Xuz thơưx mak tsuôk nhênhz chơưv chor mur kuk nhoz tiv phaz, chox lok zus cov sênhx thiêz zus hâur thôngz ntông, chor mur no txơưx muôx tâu hax huv jông, taz sik tsơưr lươngv kik thiêz tsik truôx. Txos shông 1981 zơưv Sâm zos nênhs chox chor mur I-ta-ly-a lok trâu Sơn La. Thâuv hlôngr đuô yênhx lix Công ty mur Sơn La, txos shông 1993 uô nox pôngz pênhr, công ty tsuv tso tsês, zơưv sâm cux truôx siêz sir jos tu zus mur, yưv pênhr uô qơư tu zus mur ntơưv chuôz zis tsuôk muôx 7 paz mur, lax uô taz sik phênhv sâu cux tsik ntâu luôx tưs:

“Xuz thơưx phiv liv zos kror pâuz tsik tâu tsênhz lok chor mur, oz thiêz zos qiv hơưv nhoz Sơn La, pêz thiêz zos six hơưv chor pax tơưs nhoz Sơn La. Zus chor mur no mak pêz tsuv tâu tsênhz tâu qir tiv, oz thiêz zos tsuv pâuz tsênhz chor jiz mur yênhx shông bâuv li chak, nhoz kror tưs, tiv phaz tưs”.

Txix 7 jas mur, zav nôngz mur ntiêx têz A-pít-me-li-phê-ra, zơưv Hồ Văn Sâm tưz sir jos cơưv shâuv chênhz zênhv, kỹ thuật, pâuz tâu txos chor mur thiêz sir zôngv khoa họ công nghệ trâu yênhx ntu, chor pax, qiv hơưv. Đhâu 50 ntâu shông tu zus mur, txos nhiv no zơưv chuôz zis tưz muôx 1.000 ntâu jas mor, huôv tsar hâur thiêz đrâuv tỉnh, paz sâu tâu cxuô zav txix mur li: Jiz mur, mor mur, nak mur, thiêz cuô mik thơưx mur…muôx tsơưr lươngv jông. Tas nro phênhv sâu tâu muôx 1,5 tiv đêiv ntâu iz shông. Zơưv Hồ Văn Sâm puz pâuz:

“Pêz cux hêik tiêk tsuv nhênhz chơưv, cêv kuôk thiêz siz txuôk chor chuôz zis uô cê, zos yênhx iz kror uô xênhz yar hax huv tsơưr lươngv siêz, chiê pêz tso tsês tâu têx qơư uô hax huv tax tsik tâu zoz qơưx thiêz tsêx trung trâu thax tsav thiêz muôs tơưv saz đrâuv têz qơưk puôr lênhx tsuv taz por tsơưr lươngv siêz, taz por suôz bê trâu jiz mur Sơn La”.

Têx hax huv txix mur nhoz Sơn  La tsư ka tâu muôs txos trâu ntâu qơư hâur têz qơưk đros gri muôs huv đros, khov trâu yênhx chêix chiv li: Jiz mur muôx gri txix 150.000 đêiv txos 300.000 đêiv iz lir; cuô mik thơưx mur muôx gri txix 1 triệu 200.000 đêiv txos 1 triệu 500.000 đêiv iz cir…viv li tâu tsôngv kruô lok six nhiêv. Tix lâus Nguyễn Thành Long, phường Chiềng Lề, thành phố Sơn La hêik:

“Jiz mur nhoz Sơn La lok six kaz, thiêz jông. Cur chor fôngx zưs tsik so hêik cov paz zuôr, xa lok trâu lơưr, sơưr đơưk puôr lênhx hêik tiêk lok six kaz viv li muôx chôngz nênhs zuôr”.

Đrâuv zơưv Hồ Văn Sâm li chuôz zis, tas nro tỉnh Sơn La nhiv no muôx 1.000 ntâu ziv chuôz zis tu zus mur. No zos iz kror hâux lưv uô tsik yiêz, taz sik zos sir jos thiêz sir zôngv khoa học kỹ thuật jông zuôr paz muôx chêx cur phênhv sâu siêz trâu pêx xênhv, paz uô sêiz côngz xưv cxuôv yêiz thiv pluôs. Viv li lok six khov txos chor cơ quan uô hâux lưv no li sir jos paz, chiê kriz đar tâu hâux lưv tu zus mur, thôngx cxix taz por tâu qơư muôs truôx trâu chor hax huv txix mur./.

(Hoàng Long-Lik Thox cxêik nhênhv)