Hêir nênhs poz ziz đuz nhoz Sơn La chêi nox yôngz cok

          Hêir nênhs poz ziz đuz nhoz Sơn La, thâuv têx tuz nxêik hloz lox tiêr nênhx, xar zuôr pox niêv, zuôr txir cux tsuv xêir tus zuk nhiêv, zuk hluz, niêv thiêz txir xêir trâu cux zos phênhv tsơưs. Trơưk li hêir nênhs poz ziz niêv txir siêz xar, zos zuôr pox niêv thiêz zuôr txir tsuv xêir tus gruôs khưr; lar hêik zos tuz mak tsuv xêir tus pâuz phiêz cxuô zav tơưz; nxêik tsuv xêir tus pâuz xơưk fuôv txiêx, pâuz ntok ntâuz thiêz thâuv oz tus tuz nxêik ntơư siz nhiêv, iz tus hluz trâus iz tus, tos tuz tsuv tso oz tus nênhs chiê gra têx zav li: Txir tsơưz, caz tsiz muk njiz tus nxêik li niêv txir, thor niêv txir sieez ntêr chiê tus tuz tâu đros tus nxêik nox nhoz muk lok hâur chuôz zis. Zơưv Lường Văn Muôn, nhoz phươngx Chiềng Lề, thành phố Sơn La hêik pâuz:

          “Zos tus tuz nhiêv tus nxêik tiês tiês, tsuv tâu muk uô vâur đros niêv têik zơưv txir nhoz 2-3 shông thiêz tâu vax huôv gra triêv txuôk, trik yo muk đros tus nxêik nox nhoz  uô hâux lưv muk lok ntơưv tus nxêik niêv txir tsêr, zos oz tus tuz nxêik ntơư siz nhiêv tiês li chiê siz zuôr uô txix gơưv”.

          Thâuv oz tus tuz nxêik ntơư siz nhiêv, tos tuz tsuv tso nênhs xa têx zav li: iz tus buô muôx 2 chov đros trâu iz gơưv kêiz, 10 lít chơưr, 1 chov cxur blâuv thâux chox muk tênhv niêv têik zơưv txir chiê nox tơư yôngz thiêz  tênhv yôngz.

          Trơưk li hêir nênhs poz ziz chêi nox yôngz cok, tos tuz tsuv gra iz gơưv kêiz, iz gơưv tôngx, iz tus rêik plâuz hâu, 4 thiêr ntâuz ntok. Têx zav no zos chiê oz tus pox niêv muôx luz nênhx truôx tuk ntơưv tos pox zơưv chiê gra muk trâu niêv têik zơưv txir uô ntêx hnuz zuôr nox yôngz chiê uô ntênhk chêik kơưk zir tưk trâu tus nxêik, ntơư chênhr zos ntâuk chiv trâu tus nxêik tưz zuôr txir, muôx chuôz muôx zis. Hnuz tov kaz, tos pox zơưv li gra  iz tus buô muôx 70-80 đros trâu 70 lít chơưr, 70 cir cxur, 0z gơưv kêiz. Iz poz njêr, iz poz kriêr, iz poz pênhz laz, iz poz luôv zênhz, iz poz njêk thiêz tsuv gra mê njik nhiêx grê toz hâu chox muk trâu niêv têik zơưv txir. Zuôr ntâu lok sik tsơưs cux zâuk oz tos siz chos saz lax. Zơưv Lường Văn Muôn, nhoz thành phố Sơn La hêik pâuz:

          “Hur si cxuô zav hêik sâu zos gra chox muk choz zok trâu toss niêv têik zơưv txir thiêz tos niêv têik zơưv txir tsuv tâu phêiz trâu têx nênhs cxênhz jê. Pir li fax zơưs tâu kêiz, fax tuz cxêik tâu đêiv grêix buô”

          Đhâu nox yôngz cok tas, tus tuz ntơư tsuv tâu đros tus nxêik thiêz niêv têik zơưv txir nhoz iz ntu; đhâu ntơư, tos pox zơưv li gra kêiz buô, chơưr, cxur tsưr tsix ntênhk thor nhaz, tok nhaz chox lok trâu pox zơưv tsêr. Thâuv ntơư, niêv têik zơưv txir tưz bax tâu cxix cxuô chuôz zênhx chuôz tav sir zôngv hâur luz nênhx chiê muôz trâu tus nxêik lok cxiv kho chuôz zis truôx tuk./.

                                                          (Tsu cxêik nhênhv-Lường Hạnh)

Por hưv chiê heir nênhs Cho nhoz Tả Phìn txux chi tsiv uô têx xâur nhiêx

         Ntơưv huyện Sìn Hồ, phênhv ntâu, heir nênhs Cho uô nênhx nhoz trâu têx xã thax tsav tox siêz. Tsi thôngx li iz cxiê zav nuv uô txơưr đuô thâuv nzor, tưz tsi yuô muôx lênhx nênhs tưs moz siêz txos; taz sik nhoz xã Tả Phìn-suôv qơư muôx chôngz tsôngv box Cho uô nênhx nhoz cux tsênhv muôx kênh lênhx tuôr chiê thiêz por hưv tsês tâu têx txux chi tsiv uô xâur nhiêx. Pêz hmôngr jông tâu tsôngv box kriê cêr muk txos trâu Chẻo A Quẩy, iz hâur têx lênhx txơưx ntâuk thiêz uô xâur nhiêx heik sâuv tsêr. Tix lâus Quẩy shông no tưz xar muôx 40 shông taz sik thâuv nhiv kruôr muôx 10 shông, tix lâus tưz tâu lênhx txir kriê tsưr ziv uô xâur nhiêx. Heik kriê lok sâuv têx tsưr ziv uô xâur nhiêx ntơư, tix lâus Quẩy heik pâuz, thâuv tsênhv zâu, tix lâus khênhr paz txir uô iz cxiê zav nuv li: Truz lưx, tuôr trâux...., jux juk uô trâu tix lâus nhiêv trâus, cơưv tâu lênhx txir têx tsưr ziv uô zuk heir nênhs têx xâur nhiêx. Iz hnuz đhâu hnuz, shông đhâu đros lênhx txir uô têx nuv heik sâuv, tix lâus tưz cơưv tâu zuk txir têx tsưr ziv ntâuk uô xâur nhiêx, đhâu ntơư zuk chiv chir zok nriêr nzir têx tsưr ziv uô cov jông li: Cok uô têx trêr pax, nôngk uz no trâu cov luz xâur txêix jông..... Chiê uô tâu tiêr têx luz xâur jông mak pôngz lok six ntâu six hơưv, đas jos jos. Iz zav li uô iz luz xâur trâu têx pox niêv chox mak tsuv uô txix 3-5 hnuz thiêx tâu; iz luz tôngx nhiêx, hưv gâux njês, ntir mfleiz mak uô txix 1-2 hnuz; lax yax zos uô têx zav xiv huv lox mak tas nhos 7-10 hnuz li uô tâu. Iz zav xiv huv uô tâu tiêr tsuv uô đhâu têx ntu li: Hor đeiv nhiêx trơưk zuk tsưr ziv, cok uô iz kro mê mê jux juk..... Zos tsi uô liêx têz, mak iz hlik tix lâus Quẩy muôx têx uô tâu 10 tơưv luz xâur nhiêx têx, đhâu muôs tal tix lâus cux tâu liv txix 2, 3 puôk cxênhz txos tsov đeiv nhiêx iz gơưk, muôx têx sâu tâu lok 3-5 tsov đeiv iz hlik.

          Đhâu nuk mul nuk lok pêz li pâuz nzir, chiê uô tâu iz zav xiv huv jông thiêz chi, têx nhiêx ntơư tsênhv tsênhv zos nhiêx tiês thiêz zuk hlơưr, ntâuk li chas cov huv xưz, tsi cxoz uô đhâu hênhr, zos tsi li mak têx nhiêx zuôr thiv njuôz, tsi đơưz lok sik trâus lor thâuv sir zôngv.... Zov chênhr đuô zos lênhx nênhs tsiv uô tsuv txơưx ntâuk, uô thiêz tiz jông max mav uô iz kro jux juk thiêx uô tâu jông trơưk siêz nhiêv, taz sik cux tsuv tâu tuôr tsês thiêz uô trơưk li zuk heir nênhs txux chi vênhx huôv thâuv nzor.

Zơưv Tẩn Liều Sơn-Chủ tịch Ủy ban Mặt trận tổ quốc xã Tả Phìn heik mênhx: Heir nênhs Cho txux chi uô xâur nhiêx tsuv tâu tuôr chiê, por hưv tsês. Chênhr viv li, xã tưz sir jos yax kriê, vênhv tôngv tsôngv box cov por hưv jông chiê txix tiêv no đhâu tiêv tov tsi chiê pôngz plox. Nhiv no, tsi tiêk tsôngv box Cho nhiêv têx huv no xưz, mak hur si tsôngv kruô, lơưr tuôx txos hâur jok lơưr cux lok six nhiêv txos.

           Đrav ntêx, nênhs Cho nhoz têx xã Phăng Xô Lin, đrôngl Sìn Hồ thiêz iz cxiê suôv  qơư txơưr đuô cux uô zav nuv ntâuk têx xâur nhiêx no. Taz sik txos nhiv no, tsuôk yuôr 3 chuôz zis tsôngv box hâur xã Tả Phìn thiêx pâuz ntâuk, tsiv uô têx xâur nhiêx. Por hưv tsês heir nênhs Cho txux chi uô têx xâur nhiêx thâuv nzor thiêz tsênhv zos zuk heir nênhs Cho têx txux chi vênhx huôv jông chiê tsôngv kruô tuôx ndis ntux seiz shuôk têz qơưk txos. Chênhr zos li hêik ntơư, cxuô cấp, ngênhx tsuv moz siêz paz max txos chiê heir nênhs Cho nhoz Tả Phìn txux chi tsưr ziv ntâuk uô têx xâur nhiêx tsik chiê trâus pôngz plox./.

                        (KT báo Lai Châu-Riê Lâux cxeik, nhênhv)