Chiềng Xôm (Sơn La): Ju lix côngv thôngx uô hlôngr yiêz jêx jok tox siêz

Jok Hụm, xã Chiềng Xôm, đrôngl Sơn La, tỉnh Sơn La đrav ntêx zos iz jok txov nhêv, tsôngv box huôv tsar uô nox phênhv ntâu txix chos poz cưk, uô blêx lok six khưr cux sâu tsi tâu pêk tsơưs. Txos shông 2012, đros trâu têx muôx jông ntơưv qơư li: Liêx têz, qơư nhoz lax nziêk...., jok Hụm tâu hâu vov xã Chiềng Xôm xeir uô jok ju lix côngv thôngx hâur xã. Khov uô jông hâux lưv yax kriê, huiz tôngv tas nro txix luôs chính trị thiêz tsôngv box sik đros côngv tês, viv li kinh tế hâur jok jux juk tsar ndê, uô tâu trơưk tsưr ziv siêz xar, tsôngv box li phênhv sâu tâu thiêz luz nênhx nox nhoz shông tov kaz jông đuô shông uô ntêx, txos shông 2017, xav kror đruôz đraz tâu 2,5 tsov đeiv iz lênhx nênhs iz hlik.

Lar heik li zơưv Quàng Văn Phóng chuôz zis-Iz chuôz zis tsôngv box hâur jok tưz car hlo hlôngr tsưr ziv huôv tsar uô ju lix côngv thôngx. Shông 2017, tâu TP Sơn La paz muôz pênhr trâu kêr txeik, zuôr nhiêx nju tsơưs thiêz yưv pênhr uô nzir têx côngz trênhx zuôr trâus txos, zơưv chuôz zis tưz yưv pênhr, cxiv kho đuô vax tsêr nhoz, đhâu ntơư jux juk muôz têx liêx têz uô tsi jông kôngz hlôngr chos têx ntông nox txir phưx vưv tsôngv kruô..... Ciês hâur shông nhiv kruôr đhâu, têx lênhx kruô tuôx nhoz, so ntơưv zơưv chuôz zis tsêr tok kruô côngv thôngx tsar ndê ntâu lênhx, sâu tâu xar muôx 100 tsov đeiv nhiêx nju. Zơưv Quàng Văn Phóng, lênhx tsưr tsêr tok kruô Homestay Long Trang ntơưv jok Hụm, xã Chiềng Xôm shir phaz heik: Uô tsêr tok kruô ju lix côngv thôngx tsi yuô phiv liv pir li uô liêx têz, mak phênhv sâu tâu ho ntâu đuô. Lar heik, uô ju lix mak vax tsêr, cêr mul lok thâuv tưs cux hur si, đhâu ntơư, paz tuôr truôx tsưr ziv lok tênhx  qơư hâur jêx jok yiêz:

“Txix thâuv uô ju lix côngv thôngx heik cxuô mak chuôz zis phênhv sâu tâu cux ntâu đuô, đrav ntêx chuôz zis lok six txov nhêv taz sik nhiv no uô ju lix côngv thôngx mak muôx mê njik, thiêz pir li uô liêx têz mak cux tâu jông đuô, phênhv sâu tâu cux ntâu đuô, luz nênhx nox nhoz iz hnuz tsar jux juk”.

Niêv lâuk Lèo Minh Châu nhoz jok Hụm chuôz zis cux sir jos uô ju lix côngv thôngx txix ntâu shông lok no. Txos shông 2017, tâu TP Sơn La yưv pênhr nzir, niêv lâuk Homestay Minh Châu cux cxiv uô tâu jông đuô pir li đrav ntêx. Txix ntơư, tsôngv kruô cux tuôx nhoz so ntâu đuô ntơưv niêv lâuk tsêr tok kruô. Niêv lâuk Châu shir phaz heik:

“Zuk chuôz zis tsưr ziv hâur six hơưv zuôr txos, zos xar cxiv tsa jok ju lix côngv thôngx, zuôr vênhv tôngv tsôngv box chos têx ntông njuôz thiêz pax hâur zuk têx câuv vax  cov jông jav. Zuk chuôz zis zuôr paz ntâu đuô thiêz cxiv tsa zuk thax tsav ju lix côngv thôngx cov jông đuô chiê tok tsôngv kruô sđ tuôx ndis shuôs uô si, uô trâu tsôngv kruô tsi yuôr đhuôr thiêz xar tuôx nhoz so uô si ntâu đuô”.

Xã Chiềng Xôm tsuôk kuôk đêz tsênhv qơư TP Sơn La muôx 3 cêik, no zos 6 heir nênhs li qơư nox nhoz xênhz huôx, hâur co phênhv ntâu zos heir nênhs Poz Ziz muôx txos 90%. Đhâu ntâu shông, tiv tsôngv box ntơưv qơư phênhv ntâu uô nênhx nhoz khov trâu tsêz chos kôngz thiêz tu zus tsiêx cxu, viv li tưz muôx têx đras liêx blêx njuôz xiêz trơưk têx tơư trôngz, đros trâu tsôngv box cxuô heir nênhs têx txux chi vênhx huôv thâuv  nzor thiêz lênhx nênhs siêz jông, nhiêv kruô tưz uô yênhx têx jông chiê huôv tsar uô ju lix côngv thôngx. Zơưv Lèo Văn Hưởng, Phưv Chủ tịch Ủy ban xã Chiềng Xôm, TP Sơn La, tỉnh Sơn La heik pâuz:

“Hâur six hơưv zuôr txos, đros thiêz Đảng ủy, Ủy ban xã Chiềng Xôm cux tror vênhv tôngv, yax kriê, lar heik tsi tiêk jok Hụm mak tsênhv zos jok Phiêng Ngùa, jok Tông Nọi tror krêz uô têx muôx jông hâur jok. Tiv 2 zos khưx phưx, uô đuô têx hâux lưv thâuv nzor li: Hiêz tơưz, xơưs tsôngk trik yo, ntok ntâuz; têx ntênhs hội li: Đhiê pax vuôk xèo, têx txux chi chiê uô li chas cov tsi trâus pôngz plox thiêz seiz co zos kror jông chiê hu zâuv tsôngv kruô tuôx ndis shuôs têz qơưk uô si”.

Shir phaz lok jêx jos têx hlôngr yiêz, tsôngv box Chiềng Xôm  tsênhv tror sik đros thôngx siêz cxiv tsa luz nênhx yiêz, cov jông đuô, huôv tsar đuô, tsiv nhos zos xã xuz thơưx hâur tỉnh tox siêz Sơn La uô tâu tiêr luôs hâux lưv cxiv tsa jêx jok yiêz./.

                                      (Hoàng Long-Riê Lâux cxeik, nhênhv)

Kriz tsênhz mênhx zos kror jông chiê tir tar nox nhiêx têz qơưk

Txuz án Dương Chí Dũng; Huỳnh Thị Huyền Như; Phạm Công Danh; Hà Văn Thắm; thiêz txuz án Đinh La Thăng; Trịnh Xuân Thanh; lok sik Phan Anh Vũ (Vũ Nhôm)…puôr lênhx zos chor txuz án tâu xưv lik ndax ndênhk, tsênhz mênhx huv đros têx kror uô cxâuv cik txos nox nhiêx têz qơưk. Ủy ban Trung ương li têx kết luận lok ntâu cán bộ nhoz cấp trung ương thiêz tiv phaz, têx cuêz tênhv kỷ luật, cuêz tênhv khởi tố tưz tâu uô tsênhz mênhx, muôx chôngz pêx xênhv tsov cưv txos. Đhâu co tưz hêik tơưv tâu tsik muôx qơư txưr, tsik muôx lênhx tưs tsik trâus xưv lik, zos uô cxâuv chêi têz qơưs, paz gra siêz đuô Đảng li tsav txênhz thiêz sơưr đơưk njênhs njôngr trâu Đảng đuô. Zơưv Nguyễn Viết Chức, Ủy viên đoanx chủ tịch Ủy ban trung ương MTTQ Việt Nam hêik tiêk: Đảng zos hlôngr njêx muôs trâu tas nro pêx xênhv, hâux lưv uô tsênhz mênhx chêx cur qênhz yuôx, xưv lik truôx têx txuz án nox nhiêx têz qơưk zos iz kror yiêz jông:

“Đảng hlôngr njêx muôs trâu tas nro pêx xêhv sik ho tsik uô ndax ndênhk tsênhz mênhx trâu pêx xênhv pâuz mak puôk tâu? Lơưr cur mak no zos iz kror yiêz thiêz uô zos. Cur xar mak kror tưs tsuv uô tsênhz mênhx mak uô cov tsênhz mênhx. Ziv tsênhz mênhx ntâu mak ziv jông. Uô tsênhz mênhx mak thiêx kho tâu, thiêx zos iz kror cêr cơưv jông, hok fênhx siz jêik mak zos iz kror siz paz uô trâu zuk têx cán bộ hax zav uô cxâuv ntâu đuô”.

Tsik tâu muôx thâuv tưs Ủy ban qênhz yuôx Trung ương li têx kết luận lok chor tsưr tsix, tiz nênhs hâur Đảng li uô cxâuv ho tâu pêx xênhv txêik tok ntâu li ntu đhâu. Co paz cêir chêx têx phiv liv hâur xar hôiv, thôngx cxix hêik tsênhz mênhx tiêk Đảng li têx cơ quan qênhz yuôx, sêiz kaz tsênhv phuôx huiz hênhr zuk li pưk txix, txâuk trâu pêx xênhv njênhs njôngr. Uô tsênhz mênhx Đảng li chêx cur qenhz yuôx cux puz pov, Đảng hêik tâu mak uô tâu, uô Nghị quyết Trung ương 4 khóa 11, Nghị quyết trung ương 4 khóa 12 zos kror tsênhv tsênhz tsik zos tsuôk kiểm điểm, chiv chir phê bình hâur tsưr tsix Đảng xưz. Cán bộ li têx uô cxâuv tâu hêik pâuz tsênhz mênhx tsik zos muôx nhoz iz cxiê qơư xưz. Tsênhv tsênhz chiê hêik iz lênhx nênhs mak zos tas nro iz kror uô cxâuv txix têx bôv, nganhx tiv phaz xưk li txuz Trịnh Xuân Thanh. Cux xưk li cán bộ thênhv siêz sơưr thơưx iz tiv phaz, iz nganhx tsuv trâus xưv bluô truôx jông tưz tsik zos kror tsik muôx…zơưv Hồ Văn Năm, Trưởng Ban nội chính tỉnh Đồng Nai hêik tiêk:

“Tsưr ziv lok uô ntâuz ntơưr ndax ndênhk tsênhz mênhx, chuôz cxaz pêx xênhv li sêiz kaz, chuôz cxaz pov chir hêik pâuz, tsuv ndax ndênhk tsênhz mênhx hêik pâuz têx zuk muôx. Co zos têx tsưr ziv tsuv uô. Chiê chuôz cxaz tâu pêx xênhv, cơ quan thênhv siêz thiêz nênhs sơưr thơưx li sêiz kaz hâur chuôz cxaz qênhz yuôx pov thiêz tir tar tâu têx kror uô cxâuv hâur cơ quan, taz viv”.

Uô tsênhz mênhx thiêz xưv lik truôx chor txuz án nox nhiêx têz qơưk zuôr sâu tsês tâu têx qơưk cxuô zav trâus pôngz plox. Hâux lưv nriêr pâuz, sâu tsês iz cxiê kror hâur têx txuz án nox nhiêx têz qơưk, kinh tế zov chênhr tax tâu siêz. Tsuv hêik zos txuz án Giang Kim Đạt sâu tsês muôx 300 tiv đêiv ntâu; txuz Hứa Thị Phấn 10 tiv đêiv ntâu; txuz zênhx hangx Đông Á 2 cxênhz tiv đêiv ntâu; txuz Phạm Công Danh (ntu I) 6 cxênhz tiv đêiv ntâu; txuz Đinh La Thăng 20 tiv đêiv ntâu; txuz trịnh Xuân Thanh 45  tiv đêiv ntâu thiêz AVG 8 cxênhz 500 tiv đêiv ntâu…Taz sik, no cux tsuôk zos iz kror njiê pov thiêz pâuz tâu xưz. Iz hâur têx qir tiv zos pháp luật tsik tâu muôx chêi xưv lik têx kror hâur nox nhiêx têz qơưk, tiv zix zos têx kror hêik tsik tâu cov zos lơưr cêr chêi. No cux zos iz hâur têx tsênhv njiêz tâu chôngz lênhx têiv plor Côx hôiv tsov cưv txos sêiz lax lok Luật phax, tar nox nhiêx têz qơưk (kho đuô). Hâux lưv xav jênhv tâu têx kror uô tsik zos tưz zos iz kror lax nriêr pâuz tâu thiêz thâuv xưv lik zos uô tsik jông mak tsênhv zos paz trâu nox nhiêx têz qơưk thiêz. Zơưv Lê Minh Thông, Trợ lý chủ tịch Côx hôiv khav tênhv: Uô tsênhz mênhx, ndax ndênhk têx zuk muôx zos kror jông chiê phax tar nox nhiêx têz qơưk.

Uô tsênhz mênhx têx txuz án nox nhiêx têz qơưk, sâu tsês têx kror uô cxâuv, tsik zos muôx tâu; kriz uô qênhz yuôx thiêz hêik pâuz tsênhz mênhx, ndax ndênhk têx kết luận đhâu qênhz yuôx zos Đảng li têx kror hlôngr yiêz tsuv muôx hâur hâux lưv qênhz yuôx, paz gra siêz tsơưr lươngv đảng viên, cxiv tsa Đảng jông thiêz hênhr đuô./.

(VOV1-Lik Thox cxêik nhênhv)