Ntus đriv Lai Châu jênhv tâu cán bộ, chiến sĩ Quân chủng Hải Quân li paz txưv siêz jông

          Zuôr xar 70 shông hnuz nhôngs, pos Lò Thị Sánh, nhoz jos Pa So, thị trấn Phong Thổ, huyện ntus đriv Phong Thổ, tỉnh Lai Châu luz nênhx lok six txov nhêv, cux xưk li ntâu lênhx pox nhuôs hâur jos, hnuz no pos lok six shir phaz tâu njiz thiêz jênhv cán bộ, chiến sĩ hải quân li huv muôz puz:

          “Uô tsâus bộ đội quân chủng hải quân Việt Nam muôx huv puz trâu cur chuôz zis. Pox nhuôs lok six jông siêz, uô tsâus têx chiz coaz, têx nganhx tuôx paz txưv pêz. Xar njôngr ntu zuôr txos tror jênhv tâu huyện, tỉnh, bộ đội hải quân Việt Nam li tsov cưv chiê pêz txu gris phênhv tưs têx phêv liv hâur luz nênhx”.

          Cán bộ, chiến sĩ Quân chủng hải quân li tsov cưv tsês trâu tsôngv box ntus đriv Lai châu tưz pheiz kênh phênhv tưs têx phêv liv trâu têx ziv chuôz zis pluôk. No zos iz hâux lưv uô tsênhv tsênhz hâur tsaz yênhx sik côngv yax mông lok niêv đêx hiêr-ntus đriv têz qơưk hâur Quân chủng hải quân thiêz tỉnh ủy Lai châu. Têx phêv huv tsiv gri li cxiv tsêr nhoz jông siêz, khơưk muôz pav, vix tsav, tris yo, ntâuz ntơưr, chuôz zênhx cơưv ntơưr...tsês trâu tsôngv box txơưv tsi ntâu, taz sik tưz cxơưz cxiz tôngv vênhx tâu pox nhuôs ngaz tul luz nênhx, nhoz truôx têz truôx qơư sâuv thax tsav ntus đriv, por vêv ntus đriv. Đại tá Nguyễn Ngọc Quân, Phưv chủ nhiệm chính trị, Bộ tham mưu, Quân chủng Hải Quân puz pâuz:

          “Cán bộ chiến sĩ Hải quân pêz tưz muôx ntâu huôx tôngv tsênhv tsênhz thiêz têx huôx tôngv no tâu cán bộ, chiến sĩ sir jos uô. Pov tsôngv box têx mênhx cxưx tsơưs nênhs tỉnh Lai Châu li têx phêv liv, pêz ziv xar pheiz kênh đuô. Đhâu huôx tôngv jiês no pêz zuôr tsưr tsix têx huôx tôngv gôngr côngv thiêz, uô li chas chiê pheiz kênh phênhv tưs têx phêv liv đros tsôngv box, chuôz tsar cêr sik côngv jông hâur lính hải quân thiêz pox nhuôs Lai Châu”.

          Iz jiês jiês mul đhâu zuôr xar yênhx cxênhz cei cêr mul txos tsôngv box pluôs nhoz ntus đriv Lai Châu zos têx jiês khơưk muôz huv, tsưr tsix seiz njuôs moz, muôz yuôx tsi zuôr nhiêx txiêx trâu têx ziv chuôz zis pluôs. Đrâuv co, têx lênhx cán bộ, chiến sĩ hải quân tsênhv sik côngv đros cấp ủy têx tiv phaz tsưr tsix thôngz xor mông lok qênhx shênhx niêv đêx hiêr Đông, cux xưk li Đảng, têz qơưk li chủ trương, chính sách hâur tơưv txênhz por vêv tsưr qênhx têz qơưk. Đại tá Nguyễn Ngọc Quân, Phưv chính ủy, Bộ tham mưu, Quân chủng Hải Quân puz pâuz cxaz:

          “Tsôngv box Lai châu pâuz lok niêv đêx hiêr, poz hiêr, tiv zix zos lok chiến sĩ hải quân mak tsi tâu ntâu. Sâuv Lai châu cux muôx ntus đriv thiêz pêz cux muôx ntus đriv niêv đêx hiêr. Qênhx shênhx zuôr txos tsênhv lok six nxor loanv, viv li pêz zuôr cxơưz tiês yax mông txos tox siêz chiê tsôngv box sđ pâuz tsênhz đuô qênhx shênhx niêv đêx hiêr poz hiêr cux xưk li ntus đriv têz qơưk”./.

(Thủy Kiên-Txâur Vax cxeik nhênhv)

Uô zuôv chêi thik tưr ntơưv Sơn La: Oz jiês zơưv Hoàng Tiến Đức tsik muôx njêx muôs ntơưv Toà án tu plâuz, chôngz lênhx nênhs tsik jông siêz

Ntơưv jiês tòa tu plâuz uô zuôv chêi thik tưr ntơưv Sơn La, kror zơưv Hoàng Tiến Đức, kuz Giám đốc Sở Zoz zux thiêz Thox cxov muôx njêx muôs zos lok six zov chênhr. Đrâuv txơưx jênhv zos lênhx giám đốc kuz, zơưv Đức tsênhv tâu tòa án tỉnh Sơn La hu tuôx đros thiêz zos lênhx nênhs đros pov, pâuz kror hâux lưv no.

Lơưr chêi têz qơưk li cui tênhv, nênhs đros pov, pâuz zos nênhs pâuz tsênhz têx xor mông lok nênhs uô cxâuv. Viv li, kror zơưv Hoàng Tiến Đức tuôx ntơưv tòa zuôr paz uô tsênhv mênhx sêi đuô ntâu kror hâux lưv cik txos txuz án no.

Hâur cơ quan qênhz yuôx têx ntâuz ntơưr, xuz thơưx zơưv Đức hêik tiêk muôz bê ntơưr 8 lênhx nênhs thor cov Trần Xuân Yến kho đuô điểm, đhâu co zơưv Đức ho hlôngr đuô zuk têx luk hêik. Viv li kror zơưv Đức muôx njêx muôs ntơưv tòa zuôr uô tsênhz mênhx muôx lok tsik muôx hâux lưv zơưv Đức muôz bê ntơưr 8 lênhx nênhs no cov zơưv Yến paz kho đuô điểm, phưx vưv trâu jiês tòa xết xử cov ndaz ndênhk, tsênhz mênhx đuô. Luật sư Phạm Văn Hiển, Văn phongx Luật sư Nguyễn Thanh, Đoanx Luật sư Hà Nội, lênhx nênhs paz trâu zơưv Trần Xuân Yến hêik:

“Lơưr chêi têz qơưk li cui tênhv zos tiêk zơưv Đức tưz tâu hêik cov tuôx jiês oz, uô ntêx mak lơưr jênhv vưv zơưv Đức tsuv muôx njêx muôs taz sik jiês oz no cux tsik tuôx thiêz pêz cux tsik pâuz zơưv Đức tsik tuôx zos tiv li chak. Viv li, lơưr cur mak HĐXX tsuv uô tsênhz mênhx zơưv Đức tsik muôx njêx muôs ntơưv tòa zos tiv li chak thiêz tsuv chox zơưv Đức tuôx trâu ntơưv tòa. Zos tiêk zơưv Đức muôx njêx muôs ntơưv tòa mak HĐXX tsuv uô tsênhz mênhx lok zơưv Đức têx luk hêik trâu cơ quqn qênhz yuôx thiêz cux uô tsênhz mênhx zơưv Yến luk hêik txos zơưv Đức thor cov sêiz shuôk đuô điểm lok zos kho ndê điểm thik”.

Zơưv Nguyễn Văn Long, nhoz thành phố Sơn La tsov cưv txos thiêz sêiz kaz jiês tòa xết xử puz pâuz: Xor mông zơưv Đức muk tsêr kho moz mak tòa tsuv xav jênhv tsik zos mnôngs têx lênhx nênhs no, lênhx nênhs  tor hêik lok sik chuôz zis hêik tiêk muôx moz chiê tsik tsuv tuôx trâu ntơưv tòa. Thiêz zos muôx moz mak tsuv muôx tsêr kho moz qơư zơưv Đức chơưv kho xav jênhv lok qênhx shênhx đas jos nhiv no. Zos tiêk tsuôk lav nhoz kho moz tsik zos muôx moz hnhar mak cux tsik zos kror chiê zơưv tsik muôx njêx muôs ntơưv tòa:

“Pêz vav tiêk tas nro cxuô kror uô tsik zos hâur ntu tsưr tsix chấm thik tsêiz no tsuv tâu uô tsênhz mênhx ntơưv jiês tòa xết xử no, têx kror hâux lưv tưs tsik tâu tsênhz mênhx mak tsuv tâu qênhz yuôx uô cov tsênhz mênhx. Zos li, zơưv Đức li pưk txux hâur txuz hâux lưv no zos li chak, co tưz tsik tâu hêik txos kror zơưv Yến hêik tiêk tâu zơưv Đức thor cov paz. Pêz njênhs tiêk uô ntêx mak cux zos zơưv Đức hêik hôiv đôngx chấm thik kho ndê điểm trâu iz cxiê lênhx shux xênhz thiêz chor nênhs no thiêx li uô trơưk”.

Chôngz lênhx nênhs thôngx ziv đros hâux lưv Hôiv đôngx xết xử sơ thẩm txuz uô zuôv thik tưr, jiês thik cơưv tiêr ntơưr lớp 12 têz qơưk shông 2018 tưz cuêz tênhv chox 6 lênhx nênhs trâus pênhr tiêk thor cov paz kho đuô điểm tuôx ntơưv tòa. Taz sik, đros zơưv Hoàng Tiến Đức, kuz Giám đốc Sở Zoz zux thiêz Thox cxov Sơn la tsik muôx njêx muôs tiêk tiv muôx moz, mak chor luật sư paz trâu chor nênhs uô zuôv co thiêz chor nênhs tsov cưv txos txuz án no hêik cov Hôiv đôngx xết xử tsuv uô tsênhz mênhx zơưv Đức muôx moz li chak? Puôk zos tiêk zơưv Đức trâus moz hnhar tuôx tsik tâu ntơưv tòa lok tsik zos.../.

(TTTB-Lik Thox cxêik nhênhv)