Điện Biên: Cxiv tsa tsôngv box li siêz njênhs njôngr nhoz ntus đriv faz Tây têz qơưk

          Leng Su Sìn, Chung Chải zos 2 thax tsav muôx ntâu phưx txuôx lok txiv ngaz nôngx cxênhz nhoz huyện Mường Nhé. Têx lênhx nênhs fêv khênhr liv zôngv têx phêv liv lok cêr mul lol, lok tsôngv box li jênhv pâuz kis chiê uô xã hội tsi ngaz tul. Hâur co tiv zix zos hâux lưv muôv muôs zax zênhz thiêz tsir têz tsir qơưk. Xav tênhv têx phêv liv co, viv li hâux lưv mul seiz car por vêv ntus đriv đros lưx lươngv bộ đội pênhz phax nhoz sâuv thax tsav muôx ziz njiêz lok six coaz tsôngv. Đhâu co zuôr qênhz yuôx cêr ntus đriv, đriv têz, pov têx uô cxâuv lok quy chế ntus đriv, têx huôx tôngv muôv muôs zax zênhz, hax huv trâus txưr, têx uô cxâuv lok por vêv jôngr....Trung úy Nguyễn Văn Tùng, Tuêv tsar tuêv vũ trang, Zênhx pênhz phax Leng Su Sìn, Bộ đội pênhz phax tỉnh Điện Biên, taz viv coar lik thax tsav 2 xã Leng Su Sìn thiêz Chung Chải puz pâuz:

          “ Đros thax tsav Leng Su Sìn, hâux lưv seiz car por vêv ntus đriv zos lok six zuôr trâus. Nhoz no thax tsav phưx txuôx, khênhr muôx têx huôx tôngv uô cxâuv nhoz ntus đris li thâux hax huv txưr, nhiês tsir mul đhâu ntus đriv...Viv li hâur yênhx ciêz, yênhx hli taz viv puôr lênhx tsưr tsix mul seiz car, qênhz yuôx đros lưx lươngv dân quân, por vêv tsưr qênhx txiv ngaz ntus đriv, taz por xã hội nhoz thax tsav”.

          Đros hâux lưv yax six tsưr tsix tễ xjiês yax mông, vênhv tôngv tsôngv box, cxôngx ntâu tsưr ziv yax mông, têx cán bộ chiến sĩ pênhz phax tưz paz tsôngv box pâuz tâu têx txux hiêv thâuv muôv muôs zax zênhz, tsuv nhoz truôx têz truôx qơư, huôv tsar uô xênhz yar. Côngv đros têx lâus jos, txir ndâux txir lul hâur xênhv nênhs chiê vênhv tôngv tsôngv box, têx cxênhx nênhs hâur jêx jos cxiv tsa ntus đriv truôx vênhs. Cxôngx co thôngz đhâu tsôngv box pov têx xor mông tsiv grê chiê ruôr por tsês têx txuz muôv muôs zax zênhz, têx liêx têz tror chos zax zênhz, pâuz tâu tsôngv box li siêz xar chiê paz max huôv tsar kinh têr, tsi tsir têz tsir qơư, por vêv têz qơưk, ntus đriv. Zơưv Lỳ Xè Chừ, Phưv chủ tịch UB xã Leng Su Sìn, huyện Mường Nhé, tỉnh Điện biên heik:

          “ Tsôngv box cux jênhv pâuz tâu, sik côngv đros têx lưx lươngv sâuv thax tsav, tiv zix zos zênhx pênhz phax Leng Su Sìn car chêx têx vênhv thix txiv ngaz ntus đriv sâuv thax tsav. Pir đros têx shôngk tov ntêx, qênhx shênhx ntor luôx jôngr, uô têz, tsir têz tsir qơư tưz txu grês, tsôngv box huôv tsar kinh têr ngaz tul, luz nênhx tâu muôz siêz”.

          Têx zênhx pênhz phax thiêz chinhr quyênx têx xã puôr lênhx cxiv tsa cui chế sik côngv hâur uô phongz yaox, hâur co xav tênhv Zênhx pênhz phax zos lưx lươngv lov lik hâur por vêv tsưr qênhx txiv ngaz ntus đriv. Nhiv no 73 luz jêx jos, 30 tập thể, zuôr xar 4 cxênhz 500 ziv chuôz zis tưz chiv chir cir ntơưr coar lik 366 cei cêr ntus đriv; zuôr xar 3 cxênhz 700 ziv cir ntơưr coar lik 149 ndêx đriv têz....Thiếu tá Chu ngọc Lệ, Zênhx tsar Zênhx pênhz phax Leng Su Sìn, Bộ chỉ huiz bộ đội pênhz phax tỉnh Điện Biên puz pâuz: Hâur shông 2018 thiêz têx shông lơưr co, Ban chỉ huiz zuôr tsov cưv cxơưz tiês côngz xưv cxiv tsa thiêz phuôx huiz têx trâur nuv tsôgnv box cxaz chuôz coar lik, por vêv tsưr qênhx têz qơưk, txiv ngaz ntus đriv:

          “ Leng Su Sìn tâu xav tênhv zos thax tsav coaz tsôngv, phưx txuôx lok txiv ngaz, viv li pêz chêx chôngk têx tsưr ziv zaoz zux yax mông, cxiv tsa lênhx nênhs jông uô hâux lưv jông thôngz đhâu têx lâus jos tsar jos chiê pâuz tâu huôx tôngv tsir têz tsir qơư, kruôz kriê vax tsưr tsi trơưk cêr chei....Sik côngv đros lưx lượng pâuz thiêz yưr lir muôx chêx cuk têx hâux lưv muôx yưv, heik trâu tiv phaz car chêx txos qơư chiê muôx thax tsav ntus đriv ngaz tul...”

          Đros têx hâux lưv uô tsênhv tsênhz, muôx chêx cuk, đros pưs txux zos lưx lươngv tsênhv hâur uô jênhv vưv por vêv tsưr qênhx têz qơưk, txiv ngaz ntus đriv, cán bộ chiến sĩ Bộ đội pênhz phax tỉnh Điện Biên tưz cxiv tsa ntus đriv truôx vênhs, reik đros uô tsôngv box ziv njênhs njôngr, chuôz tsar cêr sik côngv siêz hâur bộ đội thiêz tsôngv box nhoz ntus đriv faz Tây têz qơưk./.

                          (Hữu Lợi- Txâur Vax cxeik nhênhv)

PHÊNHV HÊIK PÂUZ TXUX CHI

Tsưr jôngr thiêz chor chuôz zis uô nênhx nhoz jê ntus jôngr li qênhx, txơưx jênhv.

I- Tsưr jôngr li qênhx thiêz txơưx jênhv:

1. Tsưr jôngr muôx chor qênhx li đrav kaz:

a) Tir tar têx kror uô cxâuv lok phax cuz thiêz tuô caz jôngr;

b) Huiz tôngv lênhx nênhs thiêz chuôz zênhx hâur zuk li qênhx sêiz car chiê cxaz chuôz tuô hluôr tơưl cuz jôngr;

c) Tâu hêik cơ quan têz qơưk muôx qênhx paz, tsov cưv txos txêik pênhr yưv trâu uô hâux lưv phax cuz thiêz tuô cuz jôngr.

2. Tsưr jôngr muôx txơưx jênhv:

a) Tsưr tsix uô chor cuiz tênhv, cêr chêi, tsar tov ngaz tuk, tsưr ziv phax cuz thiêz tuô cuz jôngr lơưr cêr chêi têz qơưk li cuiz tênhv;

b) Cxiv tsa, tso tơưv têx cuiz tênhv, cêr chêi thiêz tsưr ziv phax cuz thiêz tuô cuz jôngr hâur thax tsav jôngr zuk sêiz car;

c) Cxiv tsa thiêz tsưr tsix uô tsưr ziv, dự án, tsưr ziv phax cuz tuô cuz jôngr trâu thax tsav jôngr zuk sêiz car;

d) Yax kriê, hêik pâuz cêr chêi têz qơưk, txux chi phax cuz thiêz tuô cuz jôngr; kruôz kriê uô hâux lưv phax cuz thiêz tuô cuz jôngr; yênhx lix, sêiz car thiêz uô truôx jông chor tôv, đôiv phax cuz thiêz tuô cuz jôngr li huôx tôngv;

đ) Qênhz yuôx ngaz tuk lok phax cuz thiêz tuô cuz jôngr; xưv lik lok sik hêik cov xưv lik têx kror uô cxâuv cuiz tênhv, cêr chêi lok phax cuz thiêz tuô cuz jôngr thiêz tsưr tsix khưx phưx ndar six hơưv têx kror uô tsik zos, uô cxâuv cuiz tênhv lok ngaz tuk phax cuz thiêz tuô cuz jôngr lơưr zuk qênhx;

e) Yưv pênhr zuôr cxuô zav, chuôz zênhx phax cuz thiêz tuô cuz jôngr lơưr cuiz tênhv;

g) Taz por nhiêx txiêx yưv pênhr trâu huôx tôngv phax cuz thiêz tuô cuz jôngr lơưr têz qơưk li cuiz tênhv nhiv no muôx;

h) Hêik pâuz tsik so thiêz hêik pâuz sêi lok qênhx shênhx phax cuz thiêz tuô cuz jôngr, hêik pâuz nzor trâu cơ quan kiểm lâm ntơưv qơư, Cơ quan cảnh sát phax cuz thiêz tuô cuz thiêz cơ qian sêiz car ciês têx txơưr txar cik txos taz por ngaz tuk phax cuz thiêz tuô cuz jôngr nhoz hâur kror zuk sêiz car;

i) Sik côngv đros chor tsưr jôngr txơưr đuô, chính quyền ntơưv qơư, cơ quan, tsưr tsix iz ndis hâur taz por ngaz tuk lok phax cuz thiêz tuô cuz jôngr; tsik uô phiv liv cuz jôngr trâu chor thax tsav jôngr, cơ quan, tsưr tsix thiêz chor chuôz zis iz ndis;

k) Uô chor huôx tôngv phax cuz thiêz tuô cuz jôngr thâuv muôx chor cơ quan muôx qênhx li zoz qơưx;

l) Sik côngv thiêz paz tsar tov trâu chor cơ quan txơưx jênhv qênhz yuôx, zok nriêr nênhs uô hluôr tơưl txêik cuz jôngr.

II- Chor tsưr chuôz zis uô nênhx nhoz hâur jôngr thiêz ntus jôngr li txơưx jênhv:

1. Uô lơưr chor cuiz tênhv, cêr chêi, tsar tov ngaz tuk, tsưr ziv lok phax cuz thiêz tuô cuz jôngr lơưr cêr chêi têz qơưk li cuiz tênhv.

2. Hêik chor nênhs hâur chuôz zis uô lơưr cuiz tênhv, cêr chêi, chor tsar tov ngaz tuk lok phax cuz thiêz tuô cuz jôngr.

3. Pov hluôr tơưl cuz, hêik sơưr đơưk pâuz thiêz cxaz chuôz tuô hluôr tơưl.

4. Sik côngv đros chor ziv chuôz zis, cơ quan, tsưr tsix iz ndis hâur hâux lưv taz por ngaz tuk lok phax cuz thiêz tuô cuz jôngr; tsik uô muôx yưv hluôr tơưl txêik cuz trâu hâur har jôngr.

5. cxaz chuôz chor huôx tôngv phax cuz thiêz tuô cuz jôngr thâuv muôx cơ quan muôx qênhx li zoz qơưx.

(Thu Thùy-Lik Thox cxêik nhênhv)