Jax sâu thưr 5.18.8.2016:

CÔNG TY XƠƯK TSÔNGK TRIK YO DNN SƠN LA: CIR NTƠƯR UÔ, THÊV NHIÊX HLI TSIk TRƠƯk

          Niêv lâuk Nguyễn Thị Trâm, iz hâur têx công nhân nhiv kruôr uô ntơưr thor so hâux lưv ntơưv Công ty xơưk tsôngk trik yo DNN, Thành phố Sơn La, tỉnh Sơn La hêik pâuz: Ciês cxôngx thâuv tâu xeir uô công nhân, công ty puôr lênhx thôngz pov phênhv nhiêx hli zos 3,5 tsov đeiv iz lênhx nênhs iz luz hlik, paz txưv nhiêx nox 260.000 đeiv iz luz hlik, tsi tâu xav têx phênhv nhiêx txơưr. Đros tỉnh tox siêz pluôs li Sơn La, ntơư cux chênhr zos phênhv zuôr sâu tâu nhiêx hli truôx tuk trâu ntâu lênhx nênhs lox tôngv xar njôngr txos. Viv li, niêv lâuk tưz uô ntơưr thor lol uô hâux lưv trâu hâur công ty xơưk trik yo. Đhâu iz ntu uô siv hâux lưv, niêv lâuk tâu cir ntơưr uô hâux lưv cxôngx hnuz 20/5. Taz sik, txos jiês thêv nhiêx hli hâur luz hli 6, niêv lâuk thiêx li pâuz công ty tsuôk thêv 45.000 đeiv iz hnuz, bâuv li phênhv sâu iz luz hlik zos 1,2 tsov đeiv. Txos đraz hli 7, hlôngr njêx muôs công ty ho thôngz pov qir xav nhiêx hli lơưr têx xiv huv uô tâu zos 1.500 đeiv iz xiv huv đros 5 lênhx nênhs uô. Tas nro thôngz pov puôr lênhx tsi muôx ntâuz ntơưr. Niêv lâuk Trâm hêik pâuz:

          “ Cur qir cir hôx thôngx cxôngx hnuz 20/5, xưk li hnuz đhâu chủ tịch Hội đồng khiêz phêv mak tsuôk cir hôx thôngx iz luz hlik iz jiês. Taz sik cur uô txos hli 7 cux tsi pov lênhx tưs tuôx chiê tror cir hôx thôngx, cux tsi pov lênhx tưs heik tul tsi ciês hlo”.

          Niêv lâuk Bùi Thị Đức, công nhân Công ty xơưk tsôngk trik yo DNN cux hêik pâuz:

          “ Qir thơưx tuôx uô hâux lưv lơưr heik nhiêx shar zos 3,5 tsov đeiv, thiêz tâu paz txưv 3 luz hlik qir thơưx”.

          Công ty xơưk tsôngk trik yo DNN nhoz phường Chiềng Sinh, thành phố Sơn La huôx tôngv tsiv uô xơưk tsôngk trik yo. Nhiv no, công ty tsênhv cxiv uô cxaz iz tsêr meir ntơưv phường Quyết Tâm, thành phố Sơn La. Lơưr tsưr ziv xav, thâuv uô tiêr zuôr muôx hâux lưv trâu 1.000 lênhx nênhs lox tôngv uô. Txos hnuz 25/7, công ty tưz xeir zuôr tâu 151 lênhx nênhs lox tôngv, phênhv ntâu zos tsôngv box mênhx cxưx tsơưs nênhs nhoz têx huyện, thành phố nhoz tỉnh Sơn La. Têx công nhân hêik pâuz, uô ntêx thâuv tâu xeir zuôr, lơưr puôr lênhx tâu thôngz pov tsênhz mênhx phênhv nhiêx hli sâu tâu ntơưv công ty. Muôx bảng thôngz pov sâu “ Nhiêx  hli qir thơưx zos 3.500.000 đeiv iz luz hlik”. Li ntơưv, tsênhz mênhx, công nhân zuôr sâu tâu phênhv nhiêx hli zos 3,5 tsov đeiv iz luz hli. Taz sik, ciês cxôngx chor nhiêx hli xuz thơưx, công ty tưz uô tsi trơưk li heik kriê. Zơưv Phạm Văn Kiên, coar lik kỹ thuật công ty puz pâuz:

          “ Công ty, chủ tịch Hội đồng tsuôk thêv iz luz hlik iz jiês thâuv hli 5 xưz. Hli 5 paz txưv li ntơưv zos uô lơưr six hơưv, tas nro nhiêx shar zuôr tâu paz txưv 3,5 tsov đeiv. Nhiv no công nhân tsi pâuz thôngz, hâur paz txưv jiês 1, yuôr têx lênhx nênhs cơưv tov kaz mak tsi tâu sơưv phênhv paz txưv no”.

          Nhiv kruôr đhâu tsik ntêr lok no, ntơưv jiês uô hâux lưv đros Sở lox tôngv- saz pênhz thiêz xã hội tỉnh Sơn La, doanh nghiệp ho xar tiêk, thâuv cir ntơưr uô siv hâux lưv, viv pov công nhân tsi tâu txơưx uô; viv li hâur hli 6, công ty tsuôk thêv 45 cxênhz đeiv iz hnuz. Thiêz cxôngx hnuz 13/7, công ty hlôngr thêv nhiêx hli lơưr xiv huv uô tâu, chiê cxơưz cxiz công nhân muôz siêz uô hâux lưv. Hâux lưv hlôngr cxôngx xav txix nhiêx hli chiê xav lơưr xiv huv uô tâu, cán bộ nghiệp vụ công ty tsi tâu heik kriê cxix cxuô, tsênhz mênhx, viv li uô iz cxiê nênhs lox tôngv pâuz tsi thôngz, ho xar tiêk hâur 3 luz hlik uô siv hâux lưv, tâu jênhv nhiêx hli zos 3.500.000 đeiv iz luz hlik.

          Công ty mak nưs muôx nưs chei, yuôr công nhân mak zos têx lênhx nênhs trâus phêv liv. Tsênhz mênhx tưz muôx 40 ntâu lênhx nênhs thor so tsik uô hâux lưv, viv thêv phênhv nhiêx hli tsik ntơưr cir ntơưr. No cux zos iz kro hêik trâu tsôngv box têx mênhx cxưx nhoz thax tsav jêx jos tox siêz xar nriêr hâux lưv uô ngaz tul, tsuv nriêr pâuz tsênhz mênhx nênhs lox tôngv li qênhx liv chiê jav tâu têx kror tsik jông thiêx tsik uô ruôr hiêv txos sđ luz nênhx./.

( H.Việt- H.Long- Txâur Vax cxeik nhênhv)

Phênhv thưr 5, hnuz 18/8/2016:

Lênhx cưk kriê ntơưr heir nênhs Chăm moz siêz lus trâu côngv thôngx

             Phường 1, quận 8, TP HCM muôx 300 ntâu ziv chuôz zis, 1.400 ntâu lênhx nênhs. Viv zos thax tsav muôx chôngz tsôngv box Chăm uô nênhx nhoz viv li luôs hâux lưv kriê ntơưr Chăm tưz tâu hâu nov ntơưv qơư moz siêz txos. Zos lênhx muôx 28 ntâu shông kriê đreiv têx ntơưr Chăm; ntơư zos Tual Mu Sa, niêx hnuz, đhâu thâuv 7 six  zar tas cik ho tuôx muk kriê ntơưr, suôv qơư no muôx 25 txos 30 lênhx shux xênhz thiêz lơưr nhoz ntâu tỉnh txix Đồng Nai, Ninh Thuận, Tây Ninh, An Giang puôr lênhx tuôx đros cơưv. Ntơưv lớp cơưv no, chor nhuôs shux xênhz tâu cơưv têx chei, hâur pâuk ntơưr, luk heik…. Shux xênhz Abdul Go Fous nhoz xã Khánh Hòa, huyện Phú Tân, tỉnh An Giang tuôx cơưv ntơưr ntơưv no heik pâuz, tuôx nhoz no cơưv ntơưr tâu pâuz ntâu lênhx fôngx zưs, tâu njiz ntâu đoanx ntiêx têz, khov li ntơư, cur pâuz tâu ntâu zav li: têx luk heik, ntơưr sâu…...:

           “ Tuôx no cơưv ntơưr, cur cơưv lok six ntâu têx txux chi, chiê pâuz tâu ntâu zav, bax trâu zuk luz nênhx.  Cur tsưr ziv, siêz xar zos muôx txâuk têx txux chi chiê tov kaz kriê trâu têx tuz nxeik, nhuôs zâu”.

           Iz chas luôs hâux lưv kriê ntơưr hâur tsêr cơưv, Tual Mu sa cux tsênhv muk iz ziv chuôz zis jux juk chiê tôngv zênhx, seiz shuôs tsôngv cưr tix nênhx tsa chiê pâuz tâu lơưr têx tsưr ziv, siêz xar; zênhx max paz tsưr ziv, heik trâu têx chức sắc nênhs Chăm, hâu nov ntơưv qơư têx tsưr ziv lok huôv tsar uô nox uô hnar, cxiv tsa chuôz zis vênhx huôv; vênhv tôngv tsôngv box sđ nox nhoz vêv xênhz, tsik uô vuôz tsuôz kiêk thiêz tso tsês jux juk têx cêr nênhx pôngz kaz; por hưv thiêz tuôr chiê zuk heir nênhs têx txux chi vênhx huôv jông.  Cxiv tsa têx chei, cui tinhv chiê trâu sđ uô trơưk, muôx cêr thôngx siêz, siz hluz siz paz, tsi mnôngs thiêz tsi uô trơưk têx nênhs fêv hâuz nziêk…..Chênhr li ntơư, Tual Mu Sa thiêz chuôz zis thâuv tưs tưz uô ntêx nyuôs uô lơưr jông Đảng, têz qơưs têx chei, uô trơưk ntơưv qơư, jêx jok têx tsưr ziv, cui tinhv tso tơưv. Tsi tiêk li ntơư, Tual Mu Sa tsênhv yax mông, fuô kriê, heik tsôngv box sđ siz chos gôngr nhiêx txiêx, zav nox paz trâu têx ziv chuôz zis pluôs thiêz shux xênhz muôx luz nênhx txov nhêv sir jos cơưv ntơưr hênhr. Tual Mu Sa heik pâuz:

           “ Nhiv kruôr đhâu, cur hmôngr jông tâu cxaz chuôz đros cơưv phêv ziv pưs txux têx lênhx txir ndâux txir luk hâur tsôngv box Chăm. No zos six hơưv chiê tâu cơưv shâuv thiêz chuôs njiz pêz iz tsôngv cưr tix nênhx tsa 54 heir nênhs VN. Đhâu jiês cơưv no, cur tưz cơưv shâuv tâu ntâu txux chi tsưr ziv jông thiêz zuôr muk choz kriê trâu têx nhuôs shux xênhz cov lơưr muôx cêr thôngx siêz, pâuz siz hluz siz paz, li muôx tâu iz XH huôv tsar truôx jông”.

                Đros Tual Mu Sa, tsi muôx đaz tsi jông bâuv li niêx hnuz seiz pov zuk têx tuz nhuôs shux xênhz tâu cơưv ntơưr, uô si lov jêv, xênhz huôx, heik zuk heir nênhs têx luk….; têx kror  hêik ntơư cux zos Tual Mu Sa tưz xar njôngr thâuv nzor lok./.

( TTTPHCM-Riê lâux cxeik, nhênhv)