Lai Châu: khưx phưx jok pluôs Nậm Củm

          Nậm Củm kuôk no oz pêz shông zos luz jok pluôs txov nhêv tiv zix sâu thax tsav tỉnh Lai Châu. Txơưv nhoz đêz tsênhv qơư huyện Mường Tè xar muôx 10 cêik cêr, taz sik tiv phôngx cxưx pôngz kaz, tok khov trâu têz qơưk viv li tas nro chor chuôz zis hâur jos puôr lênhx zos chuôz zis pluôs. Qênhx shênhx muôx zênhk zax zênhz, zênhk chơưr tưz uô trâu tsôngv box luz nênhx ziv hnuz ziv njiz ntâu phiv liv. Têz qơưk têx tsaz yênhx, dự án paz trâu jêx jok puôr lênhx tâu pox nhuôs ntâuk gri pâur zax zênhz thiêz chơưr.

          Zơưv Lò Văn Đang, iz ziv chuôz zis muôx luz nênhx truôx tuk, khov pâuz hlôngr yiêz huôv tsar cêr uô nênhx nhoz jok Nậm Củm hêik pâuz tiêk: đhâu thâuv têx chuôz zênhx yax mông hêik lok pox nhuôs hâur jokk li qênhx shênhx yêiz pluôs, muôx zênhk zax zênhz, ntâu lênhx cán bộ tưz tuôx hâur jok chiê paz, hêik kriê px hlôngr yiêz huoov tsar cêr uô nox. Cán bộ tuôx jêx jok paz zuz nôngz tsoz chos, tsiêx tu zus, đros hêik kriê gra siêz jênhv pâuz trâu pox nhuôs. Khov muôx cán bộ kruôz kriê uô blêx liêx, tu zus tsiêx cxu, viv li txos nhiv no ntâu ziv chuôz zis hâur jok tưz muôx txâuk kôngz krâur:

“Thâuv ntêx no mak uô liêx têz chiê nriêr kror nox. Muôx shông mak tsik txâuk, shông mak txâuk nox xưz. Nhiv no muôx têz qơưk paz zuk luz nênhx cux truôx tuk đuô”.

          Qênhx shênhx muôx zênhk chơưr, zênhk zax zênhz zos qir tiv uô muôx yưv qênhx shênhx yêiz pluôs nhoz Nậm Củm. Xav jênhv kror tsuv uô ciês, cấp ủy đảng, hâu nov ntơưv qơư tưz yênhx lix chor tổ côngz xưv, kriz uô luôs hâux lưv chiv zênhk zax zênhz txix tsưr ziv hâuk yuôx methadol hâur jok. Đros co zos chuôz cxaz yax kriê, hêik pêx xênhv hâuk tsơưs chơưr chiê sir jos huôv tsar cêr uô nox. Đhâu 3 shông ntâu sir jos kriz uô, txos nhiv no tas nro chor nênhs muôx zênhk zax zênhz hâur jok puôr lênhx tâu chiv zênhk zax zênhz txix yuôx methadol thiêz chor nênhs muôx zênhk chơưr cux tâu tir tar. Zơưv Lò Y Van, tsưr jok Nậm Củm, xã Bum Nưa, huyện Mường Tè puz pâuz:

“Hâur jok, chor ziv chuôz zis tâu yưv pênhr zuôr vuôk vor tsêr, uô tsêr nhoz, paz uô cêr muk lok zôngx ziv đuô, pox nhuôs pâuz tu zus buô, nhux tưv…Pox nhuôs luz nênhx tưz muôx đuô thâuv ntêx lok six ntâu, pox nhuôs muôx txâuk nox, txâuk hnar đuô thâuv ntêx lơưv”.

          Chiê huôv tsar kinh tế trâu tsôngv box nhoz no, cấp ủy, hau nov ntơưv qơư tưz kriz uô ntâu luôs hâux lưv muôx liv. Txix kriê pox nhuôs uô kôngz lôngk, tu zus tsiêx cxu, xêir tsov zuz nôngz tsoz chos, tsiêx zus huv đros, yưv pênhr uô đros têz qơưk têx tsênhv chêi tâu kriz uô. Têz qơưk paz uô vax tsêr, paz nôngz buô, nhux tưv thiêz tsoz chos chiê pêx xênhv sir jos hla đhâu cêr pluôs. Ntâu ziv chuôz zis hâur jok tưz hlôngr yiêz đuô jênhv pâuz, sir zôngv muôx chêx cur têz qơưk têx tsênhv chêi paz, sir jos truôx tuk luz nênhx. Zơưv Mào Văn Phụi, phưv chủ tịch UBND xã Bum Nưa puz pâuz:

“Thâuv ntêx mak mênhx cxưx Mảng lok six yêiz pluôs. Taz sik nhiv no tâu Đảng, têz qơưk paz, tiv zix zos pêz mênhx cxưx Cống, Mảng, La Hủ, tưz tsik zos paz gra siêz luz nênhx trâu pox nhuôs mak tsênhv paz trâu pox nhuôs jênhv pâuz đuô, pox nhuôs chiv chir sir jos uô nox gra siêz phênhv sâu, têx tuz nhuôs tuôx cơưv ntơưr cxix cxuô”.

          Txix cấp ủy, hâu nov ntơưv qơư têx sir jos, Nậm Củm txix iz luz jok pluôs tiv zix, txos nhiv no tưz muôx ntâu ziv chuôz zis muôx txâuk nox txâuk hnar. Qênhx shênhx muôx zênhk zax zênhz tâu tir tar, muôx zênhk chơưr tâu txo grêk, pêx xênhv tưz pâuz huôv tsar cêr uô nox chiê iz thênhv jux juk hla đhâu cêr pluôs./.

(Khắc Kiên-Lik Thox cxêik nhênhv)

Quảng Ninh: Zơưv lênhx nênhs Cho 40 shông ntâu chos jôngr por vêv ar têz têz qơưk

          “ Hloz Hôx phuôx tôngv “ zis zis chos ntông”, cur nhoz no chos ntông lim, têx zav ntông tsiv grê, têx zav yuôx njuôz. Niêx shông cur mul muôz njuôs, shôngz, yuôr lim mak tsês chiê”.

          Zơưv Triệu Tài Cao cê heik cê chox pêz mul har jôngr seiz. Shông no zơưv tưz muôx 77 shông hnuz nhôngs, nhoz uô nênhx iz tiêv sâuv têz qơưk Bằng Cả, Tân Dân, reik đros têx har jôngr njuôz jông cxôngx pok thâuk tsênhv zâu.

          Thâuv ntêx, huyện Hoành Bồ zos iz têz qơưk muôx têx jôngr lim, têx ntông tsiv grê nto bê cxuô qơư. Taz sik pox nhuôs hlơưr têz chos poz cưk , chos kok ntông, muôx têx chuôz zis ho mul nhiês txiêr ntông....Pov jôngr ziv hnuz ziv tsơưs, lok six moz zơưv li siêz, cê truôx siêz tsi chiê tsôngv box txiêr har jôngr nhoz saz đrâuv tos tsêr, cê mul khơưk đoz têx tsêz ntông lim cxuô zav chox lol chos iz buôk ndis tsêr nhoz.

          Jâuv hâur hâur pâus tsoz ntông lim chos tâu zuôr xar 50 shông, zơưv thav, cxôngx têx shông 1968, zơưv tsoz phưz têx tsoz ntông no li zuk mê nhuôs. Muôx jiês tâu bo xeir uô Chủ nhiệm HTX jôngr nuv ntâu shông tsi so, yênhx tưv lok jôngr nuv tsi ntâu taz sik zơưv lok six gruôs cơưv shâuv, nriêr pâuz. Uô ntêx, ntông tuôx tsơưs, tov kaz no nôngz pôngz lol hâur ar, tror hlar tuôx viv li jôngr ziv hnuz ziv njuôz jông.

          Txos têx shông 80, têz qơưk muôx chuv trương choz ar trâu tsôngv box por vêv, chos jôngr. Lênhx tưs cux sik zâuv chos ntông keo chiê sâu liv, zơưv truôx siêz tuôr truôx mênhv chêx jôngr zuôr xar 30 hecta, pheiz trâu tuz nhuôs chos cxaz têx zav ntông txơưr:

          “ Choz jôngr mak pox nhuôs lênhx tưs cux tsi xar jênhv, viv tsi pâuz chos tul tsi. Taz sik cur tsi xar li ntơưv, muôx ar muôx ntux txơưv jông lơưv, cur jênhv, ziv ntâu ziv jông. Luôk têx tuôx nhiês txiêr ntông, khơưk kok...muôx têx tsoz mak tiv ntux nas, xoz tuô uô kâus thiêz”.

          Zơưv Cao xar tiêk, chos ntông tsi zos iz, oz hnuz, tsuv viv liv zix lêx ntêr tov kaz no mak uô. Nênhs nus zuôr, zơưv tsi muôs, muôx têx lênhx heik li uz li no taz sik zơưv tsi coangz xênhz txos. Muôx têx lênhx tsênhv hêv tiêk zuôr txiêr, ntor luôx...zơưv ho đros tuz nhuôs mul xor, mul seiz car por vêv. Zơưv ndo yênhx tsoz ntông muôx pêv har jôngr.

          Txos nhiv no, luz trôngz thâuv ntêx tưz njuôz jông đros têx tsoz ntông lim lox muôx nhos 2-4 đok, yênhx cxênhz tsoz dó bầu...zơưv cux tsês chiê tsi txiêr muôs chiê sâu liv. Zos lơưr grê niêv ciêz, zơưv muôs jôngr lim nhiv no cux tâu muôx nhos 6 tỷ đeiv:

          “ Tsôngv box heik zơưv chas zuôr tsês ntêr shông li ntơưv uô tul tsi. Cur heik, iz lênhx nênhs tiêv nênhx tsi ntêr, nox tâu hor ntâu. Cur nox hor ntâu mak cur uô hiêv jôngr bâuv co. Cxiv tâu tsêr, zuôr tâu yêz ô tô tsês ntêr cux zuôr liêv, ntông lim, ntông trầm hương tsês mak ziv hnuz ziv huôv jông. Txos yênhx puôk shông....Cur uô lơưr Hloz Hôx li lul heik kriê, cur xav tênhv chos trâu tov kaz no, trâu tuz nhuôs xưz”.

          Chox kruô mul luz tsêr nhoz buôk pêv har jôngr, zơưv Cao heik luz tsêr no muôx 5 qar tâu cxiv uô tưz tâu zuôr xar 50 shông. Zơưv heik, nhoz ntơưv no mul 2,3 truôv txơưv mul seiz jôngr tâu, zuk tuz nhuôs cux zuôr tuôx nhoz no, por vêv jôngr thiêz têx mak zơưv uô tâu. Heik lok zơưv Triệu Tài Cao, chủ tịch UB xã Tân Dân, huyện Hoành Bồ, zơưv Linh Du Hồng puz pâuz:

          “ Zơưv Cao zos đeiv iêr chi cax lul, zơưv tsi taz por vêv jôngr lâus mak tsênhv kriê tuz nhuôs têx cêr chax chês, phongz cxưx jông hâur tiv phaz. Ndar txos tov kaz no Đảng ủy, Ub xã cux zuôr muôx tsưr ziv muôz zơưv Triệu Tài Cao li jôngr uô qơư ju lix jôngr ntông, nriêr pâuz thiêz huôv tsar kinh têr jông đuô”.

          Huyện Hoành Bồ zơưv têz qơưk nhiv no tâu tỉnh Quảng Ninh thôngx ziv puz cxiv têx qơư ju lix vênhx huôv, jôngr ntông jông. Pâuz li ntơưv zơưv Cao tsuôk pâuz luôs xưz, tov kaz no zơưv li têx har jôngr zuôr tos ntâu kruô tuôx seiz shuôk, zuôr nhiêv thiêz tror gôngr đas jos por vêv jôngr. “ Muôx iz tsoz zos muôx jôngr, jôngr zuôr njuôz, jôngr zuôr por vêv têz qơưk”./.

(TTĐB- Txâur Vax cxeik nhênhv)