Nênhs Cho Yên Bái chei zus niêv têik zơưv txir

Shông no zos shông tiv 5 tix lâus Đặng Văn Thêm nhoz jok Sâm Trên, xã Trung Tâm tuôx zus niêv têik zơưv txir, zos lênhx nênhs chênhr hâur pos Lý Thị Chiến, nhoz jok Khe Giang, xã Trúc Lâm, huyện Lục Yên, tỉnh Yên Bái chuôz zis. Tix lâus Thêm heik pâuz, viv niêv têik zơưv txir tsi muôx nênhs thiêz tsi muôx tuz viv li xar cov tix lâus tuôx đros nhoz ciês li iz siv nênhx (tsi tror mul zuk tsêr lơưv), nhiv no tix lâus Thêm tưz ciêr xênhv trơưk niêv têik zơưv txir lơưr xênhv:

“Cur nhoz zus niêv têik zơưv txir, tsênhz đuô zos tsi tror kaz mul zuk tsêr lơưv.Shông no zos shông tiv 5, cur tuôx nhoz zus niêv têik zơưv txir, niêv têik thiêz zơưv txir lơưr chuôz zis lok six jông. Ưz tưz muôx 2 tuk nhuôs, hâur co iz lênhx muk tov pos zơưs, uô pos zơưs xênhv, iz lênhx mak zuôr niêv têik zơưv lơưr xênhv”.

Nênhs Cho nhoz Yên Bái lơưr xar tiêk, nhoz zus niêv têik zơưv txir zos iz kro jông, zos chuôz zis iz hmôngr jông thâuv tok lênhx vâur lok nhoz zus niêv têik zơưv txir, zos nênhs chênhr hâur chuôz zis. Chênhr viv li, đhâu thâuv 2 tul hluôk tưz uô gâux uô đrâul siz sưv jông, hluz trâus thiêz heik trâu 2 tos niêv txir pâuz, mak tos nxeik bax têx chơưr, keiz buô muk krêiz zuôr. Uô ntêx thâuv zuôr muk kêiz zuôr ntơư, tos nxeik chuôz zis xa luk trâu tos tuz tiêk, lơưr xar tuôx muk uô si, zos tos tuz chuôz zis jông siêz, tso chei mak tos nxeik niêv txir zuôr bax iz gơưv keiz gra tuôx muk. Đhâu thâuv tos tuz jông siêz, gơưv mêx jênhs zuôr heik trâu tos nxeik chuôz zis pâuz. Hâur six hơưv 2, 3 hlik lok sik iz shông ntơư, thâuv tos nxeik chuôz zis tưz xeir tâu hnuz nhôngs jông, cux bax tâu cxix cxuô zav zuôr trâul txos mak heil trâu tos tuz pâuz lok sâuv six hơưv, hnuz nhôngs nox yôngz.

Nênhs Cho tsi muôx chei mul tok vâur, mak tos tuz chiv chir xeir zuôr lênhx nênhs chox tuk tuz tuôx trâu tov tul nxeik tsêr. Đhâu thâuv tuk tuz thiêz mêx côngz, têx fix lax..... tuôx txos tov hâur jok, mak tos nxeik mav tso iz paz muôx nhos 10 lênhx li mul tok mêx côngz, đrâul vâur lok tsêr. Thâuv tuôx txos, zuôr muk hâur tsêr, chuôz zis tso iz lênhx tuz hluôk tsi tâu muôx pox niêv, tuk vâur têk hla tơư trôngx muk hâur tsêr đros gâux nhaz muk trâu pêv thax đaz chiê heik trâu pos zơưs, têx lâuk tâu tas siv nênhx pâuz thiêz tso chei hâur chuôz zis muôx nzir iz lênhx nênhs. Lênhx txir nênhz đhâu thâuv heik trâu têx lâuk, pos zơưs pâuz tas, têk tuôr 2 khoz chơưr siz krêiz ntơưv xuz ntiês, yêik 3 truôv, iz truôv tov iz truôv tov lok jê gơưv gâux nhaz đrâul vâur . Gâux nhaz hâuk khoz chơưr saz têk lâux, đrâul vâur hâuk khoz chơưr saz têk xil. 2 khoz chơưr đhâu thâuv hâuk tas, tâu lênhx txir nênhzz muôz tso trâu sâuv thax đaz txi pos zơưs ntơư 3 hnuz. Đhâu uô tas li heik co, 2 tul hluôk qir yênhx txix gơưv. Txir nênhzz Thiều Tiến Thọ, nhoz jok Sâm Trên, xã Trung Tâm, huyện Lục Yên, tỉnh Yên Bái heik pâuz lok tsênhv njiêz txi hu têx lâuk li no:

“Heik trâu pox côngz zơưv côngz, pos zơưs, têx lâuk pâuz, hnuz no chuôz zis muôx nzir iz lênhx nênhs lok đros nhoz, đros nox. No zos 2 tuk nhuôv 2 khoz chơưr siz sưv jông, siz hluz trâus, thor muôz trâu chor lâuk đros pov, đros por hưv 2 lênhx nhuôs yênhx txix gơưv, chor nhuôs tưz siz hluz trâus jông, zuôr siz sâu lok nhoz uô nênhx tas tiêv, txơưv zuôr txov zuôr phiv liv li chas cux zuôr sir jos hla đhâu, nhoz uô nênhx siz hluz xưk li 2 khoz chơưr no...”.

Trơưk li nênhs Cho: Nhoz zus niêv têik zơưv txir khênhr muôx thâuv tos nxeik tsi muôx lênhx nênhs zus niêv thiêz txir, lok sik lơưr tos nxeik nox hâuk ntâu mak tos tuz bax muôx tsi txâuk têx keiz buô, chơưr trơưk li tos nxeik heik thiêx muk nhoz zus niêv têik zơưv txir. Muôx 3 tsưr ziv nhoz zus niêv têik zơưv txir, tiz zos zâuk 2 tos chuôz zis thiêz tâu tu tuz jông siêz, thôngx ziv mak nhoz zus niêv têik zơưv txir 3 shông, 5 shông lok sik ntêr đuô; tiv 2 zos nhoz zus niêv têik zơưv txir thâuv gơưv tuz nhaz, nxeik vâur co muôx mê tuz mê nhuôv mak 2 tos niêv têik zơưv txir thiêz pox zơưv iz lênhs iz tuk mê nhuôv; tiv 3 zos zus tas iz siv nênhx thiêz uô ntênhs ciêr xênhv trơưk li niêv têik zơưv txir lơưr xênhv hmôngz. Trơưk li pos Triệu Thị Phin, nhoz jok Iz Vàn, xã Phúc Lợi, huyện Lục Yên, lênhx nênhs pâuz thôngz lok nênhs Cho têx chei co heik pâuz:

“Nhoz zus niêv têik zơưv txir 3 shông lok sik 5 shông, thâuv tưs thêv tas têx hâur nox yôngz cok mal hur si 2 niêv txir mav lok trâu tov tos pox zơưv; nhoz zus niêv têik zơưv txir tas iz siv nênhx mak tul tuz zuôr tsi tror kaz lok, seiz xưk li yênhx lênhx tsưr tsêr hâur niêv têik zơưv txir chuôz zis thiêz nhoz lês tos niêv têik zơưv txir têx cêr đaz cêr kruô muk li; hok chei nhoz zus niêv têik zơưv txir siz pheiz mê nhuôv iz tuk niêv têik zơưv xênhv, iz tuk uô pos zơưs xênhv mak co cux seiz tuk tuz li chas, đhâu six hơưv hnuz nhôngs nhoz zus niêv têik zơưv txir, muôx têx tror lok pox zơưv tsêr lok tsi lok, kror li heik no tsi zuôv mak zos tuk tuz xeir sưz”.

Nhiv no nênhs Cho Yên Bái chei nhoz zus niêv têik zơưv txir txơưv tiêk tsi muôx ntâu, taz sik cux tsênhv tâu tsôngv box tuôr tsês, chiê choz kriê trâu têx tuz nhuôs pâuz seiz hloz  txos têx lâuk, pos zơưs, niêv thiêz txir, tsi shênhx tos pox zơưv lok sik niêv têik zơưv txir./.

(Thiều Nghiệp-Riê Lâux cxeik, nhênhv)

Sir jos khơưk tsês chiê hêir nênhs poz ziz bê ntơưr ntơưv Điên Biên

1.Pêz zos hêir nênhs poz ziz, taz sik cux tsik pâuz tas zuk hêir nênhs têx luk hêik, têx txux chi. Chênhr zos li ntơư, cur thiêx uô ntơưr chiê tuôx cơưv .

2.Cur zos hêir nênhs poz ziz cux xar khơưk tsês chiê zuk hêir nênhs têx txux chi, vênhx huôv jông cxôngx nzor.

Tsưr ziv siêz xar njôngr khơưk tsês chiê thiêz huôv tsar truôx hêir nênhs poz ziz têx txux chi, vênhx huôv jông; lar hêik zos hêir nênhs poz ziz bê ntơưr sâu thiêz đhâu 3 luz hli cơưv, thâuv txos trâu zar tsâuk ntux, ntơưv uỷ ban xã Noong Luống, huyện điện Biên, tỉnh Điện Biên, 30 lênhx thâuv tưs cux tuôx muôx njêx muôs chiê cơưv bê ntơưr poz ziz thiêz ntơư zos chor muôx 15-73 shông đros trâu siêz xar njôngr huôv tsar truôx hêir nênhs tsơưs têx txux chi, vênhx huôv jông cov iz têv đhâu tiêv cov muôx đros đrêiv hâur luz nênhx tsik chiê pôngz plox. Zơưv Văn Vương, 73 shông, nhoz jos Thanh Chính, ax Nông Luống hêik pâuz:

“Bê ntơưr poz ziz hlôngr yiêz mak cur cux pâuz mê njik; taz sik zav bê ntơưr poz ziz kuz no cur tsik pâuz, nhênhv tsik tâu. Tuôx cơưv txos trâu nhiv no, cur cux pâuz sâu, pâuz nhênhv zav bê ntơưr co chiê kriê trâu têx mê tuz nxêik tov kaz”

Zos iz lênhx hluôk tuôx cơưv bê ntơưr poz ziz, zos Lường Thị Phương Linh, cơưv lớp 10 tsêr cơưv cxênhx 3 huyện Điện Biên thav tiêk: Cur zos hêir nênhs poz ziz, cur xar pâuz zuk hêir nênhs têx txux chi, vênhx huôv jông, cur thiêx tuôx cơưv bê ntơưr poz ziz cov pâuz nhênhv, pâuz sâu zav bê ntơưr no tsik chiê pôngz plox.

“Xav txos trâu nhv no, cur tưz pâuz nhênhv ntơưr thiêz cur nhiêv cơưv zuk hêir nênhs têx bê ntơưr kuz đrav ntêx. Zos thav luk poz ziz mak zôngx ziv, taz sik zos sâu bê ntơưr poz ziz cux tsik zôngx ziv sâu thiêz nhênhv tâu. Chênhr zos li hêik ntơư, cur thiêx sir jos cơưv cov pâuz tâu zuk hêir nênhs bê ntơưr sâu”

Pos Chu Thuỷ Liên, phó tsar Ban mênhx cxưx tỉnh Điện biên hêik pâuz tiêk: Hâur têx shông đhâu, tỉnh tưz tso tơưv ntâu luôs hâux lưv huôv tuar uô khơưk tsês chiê cxuô hêir nênhs têx txux chi, vênhx huôv jông; hâur ntơư muôx hêir nênhs poz ziz nhoz hâur thax tsav Mường Then têx luk hêik, ntơưr sâu đrav ntêx thiêz thôngz đhâu oz lớp kriê cơưv poz ziz têx ntơưr sâu tâu kriz cơưv trâu ntơưv Điện Biên hâur 2018.

“Ntơư zos pêz huôv tsar, khơưk tsês chiê hêir nênhs poz ziz têx ntơưr sâu cov iz tiêv đhâu tiêv muôx đros đrêiv hêir nênhs poz ziz nhoz thax tsav Đông Nam Á luz nênhx hâur niêx hnuz ”

Ban mênhx cxưx ỉnh Điện Biên cux hêik pâuz tiêk: Hâur ntu zuôr txos no, iz shông zuôr kriz cov tâu iz lớp kriê cơưv ntơưr poz ziz trâu tsôngv px hâur thax tsav thiêz ntơư cux zos iz luôs hâux lưv khơưk tsês hêir nênhs poz ziz têx txux chi, vênhx huôv jông tsik chiê pôngz plox./.

                               (Tsu cxêik nhênhv-Vũ Lợi, VOVTB)