Nta suôz tiv phaz-đros đrêiv tsôngv box ntus đriv phax tar caz moz

Tsik so mnôngs Tsênhv qơư yax mông vênhx huôv huyện li tsaz yênhx nta suôz, txix hnuz muôx yưv caz moz Covid 19, pos Vi Thị An đros chôngz lênhx nênhs xar Hoành Mô, huyện Bình Liêu hax zav tsik so mnôngs đuô. Txix chor loa nta suôz FM nhoz hâur jok, pos An thiêz chuôz zis pâuz tâu ntâu xor mông lok caz moz li txơưr txar. Đhâu thâuv chor nênhs y têr muôz têx ntâuz bos kror ndâux, xaz phongx chiê tir tar caz moz, pox nhuôs ho mnôngs têx xor mông kruôz kriê, nzuôr têk li chak cov zos, chiv chir phax tar caz moz cov ntov jông. Pos vi Thị An Puz pâuz:

“Thâuv ntêx no cur cux nzuôr têk ntâu, taz sik đhâu thâuv mnôngs tâu têx xor mông yax kriê mak pâuz nzuôr têk huv đros txix xaz phongx, thâuv muk uô hâux lưv lok, uô ntêx thâuv zuôr nox mor. Cur cux hêik têx tuz nhuôs sơưr đơưk uô trơưk li co chiê chuôz zis muôx tâu đas jos jông”.

Zos huyện tox siêz đros muôx 43 cêik cêr ntâu ntus đriv, Bình Liêu muôx txos 96% dân số zos tsôngv box Tày, Cho, Sán Chỉ uô nênhx nhoz, pêx xênhv oz saz ntus đriv cux siz pâuz viv li thâuv tsik tâu muôx caz moz mak tsik so muk lok, sik njiz đhâu têx cêr zâu. Tix lâus Nông Thanh Sơn, pêx xênhv xar Đồng Tâm Puz pâuz, thâuv mnôngs tâu chor mông lok têx caz moz Covid-19 đhâu bôv đôiv Pênhz phax li cxiv luôs loa nta suôz hêik pâuz, pox nhuôs tưz sir jos uô jông đuô hâur phax tar caz moz:

“Thâuv ntêx no pêz cux tsik so muk lok chiê sik njiz sik thav hâur têx hnuz ntênhk, tsiêz. Taz sik txix thâuv muôx yưv caz moz Covid 19, pâuz tâu caz moz phiv liv viv li tsik muk lok đhâu ntus đriv lơưv, cxuô lênhx nênhs sơưr đơưk cux uô truôx jông trơưk hêik kriê”.

Phóng viên nta suôz tiv phaz tưz tsik zos sir jos nriêr pâuz têx xor mông, ntâuz ntơưr, têx hâux lưv cik txos côngz xưv phax tar caz moz; đros đrêiv lưx lươngv pênhz phax ntơưv qơư qênhz yuôx sâuv thax tsav ntus đriv txơưv tiêk muôx ntux nas chuôz thiêz ntux no njiv lok cux tsuv njiz chor nênhs trâus cêv kuôk, sêiz shuôk đas jos chiê nriêr pâuz xor mông, yax kriê trâu pêx xênhv pâuz lok caz moz. Niêv tix Hoàng Thị Thu Hằng, uô côngz xưv ntơưv tsênhv qơư yax mông vênhx huôv TP Móng Cái hêik:

“Cux cxơux taz sik cux sir jos uô têx hâux lưv tâu choz zok, zuk xar mak tsuv lok six nhiêv hâux lưv uô thiêx uô tâu. Zuk hmôngr jông tâu chuôz ziss, sơưr đơưk hâur qơư uô côngz xưv li thôngx ziv đros, txơưv tiêk hâux lưv muôx ntâu taz sik zuk sêiz co zos têx hâux lưv tsuv uô chiê muôx tâu têx xor mông tsênhz mênhx, sêiz tiv zix xa trâu pox nhuôs pâuz”.

Chiê uô tâu jông hâur yax kriê phax tar caz moz, Tsênhv qơư yax mông vênhx huôv TP Móng Cái tưz tso nzir six hơưv hêik pâuz xor mông nta suôz, hêik pâuz cxix cxuô lk caz moz li txơưr txar thiêz hêik cxuô lênhx sơưr đơưk tir tar caz moz, tiv zix zos ntơưv têx jêx jok nhoz chor xar ntus đriv li Hải Hòa, Hải Sơn, Bắc Sơn…zơưv Đỗ Viết Hà, Giám đốc tsênhv qơư yax mông thiêz vênhx huôv TP Móng Cái puz pâuz:

“Pêz xav jênhv phax tar caz moz zos jênhv vưv sêiz đrơưv xuz thơưx. Txơưv tiêk chor phóng viên muôx tsơưs, tsuôk muôx 4 lênhx nênhs xưz, taz sik sơưr đơưk puôr lênhx sir jos uô hâux lưv chiê paz trâu phax tar caz moz ntu nhiv no”./.

(TTĐB-Thào Ly BT)

Têx tsưr ziv chiê phax tar caz moz Covid-19

Tsik cxoz nhoz jê đros chor nênhs trâul moz lok cêr uô pa (iz chêr uô cuz uô no, hnôngs, uô tsi yuô tâuk pa); thâuv zuôr nhoz jê  đros chor nênhs co tsuv chox ntâuz bos kror ndâux trơưk li cui tinhv thiêz nhoz txar đêz lênhx nênhs moz 2 thiêr ntâu.

Lênhx nênhs pov muôx têx moz yưv li: Uô cuz uô no, hnôngs, uô tsi yuô tâuk pa tsi cxoz muk uô si ndis shuôs têz qơưs cxuô thax tsav qơư lok sik tsik mul trâu têx qơư muôx chôngz nênhs; tsuv chox ntâuz bos kror ndâux por hưv thiêz heik ciês trâu qơư seiz njuôk shuôs moz nhoz jê co chiê tâu heik pâuz têx tsưr ziv, seiz njuôk shuôs, kho moz tâu zênhx max. Hu xor tôngx trâu qơư y tế pâuz uô ntêx thâuv zuôr muk seiz njuôk shuôs moz lok trâul moz li chas thiêz muk trâu thax tsav qơư tưs lok hâur six hơưv jê lok no, chiê muôx tsưr ziv paz, chơưv kho tâu moz.

Tsi so muôz xaz phôngx nzuôr têk thiêz nzuôr đêx hur tsơưs tsơưs zuôr xar iz phênhz. Zos tsi muôx xaz phôngx thiêz đêx hur mak zôngv têx đêx cuô yuôx muôx cồn nzuôr têk (tsơưs tsơưs 60% cồn); muôz đêx cuô njêr zâuk ndâux, zâuk ka, tsi cxoz muôz têk so, cor kror muôs, kror njưk, kror ndâux thiêx tsik trâus cik moz.

Thâuv hnôngs lok sik cxav tsuv bos kror ndâux, kror njưs, jông đuô zos muôz fuôv ntâuz lok bos thêir kror ndâux chiê txo grêk tsơưs caz moz siz cik. Tsi tâu hnôngs nti têx kâuz ndâus ntơưv têx qơư côngz côngv.

Tsuôk tâu zôngv, tâu nox têx zav nox tưz tâu uô siêr.

Tsi muk ndis shuôs têz qơưs uô si trâu têx qơư muôx moz. Tsik muk trâu thax tsav qơư muôx chôngz lênhx nênhs. Zos muk trâu têx qơư muôx chôngz nênhs, tsuv uô lơưr têx tsưr ziv por hưv trâu zuk: Tsênhz mênhx zos sir zôngv têx ntâuz bos kror ndâux, muôz xaz phôngz nzuôr têk....

Tsik zuôr muôs cxuô zav hax huv nhoz jê đros têx tsiêx tu zus lok sik tsiêx kuk.

Hnar tsôngk tril yo sor trâu luz chêr, nox hâuk, nhoz so, xênhz huôx, uô têx hâux lưv uz no huv đros.

Tsi so kriz têx kror trôngx, kror trêi hâur tsêr cov pov cêr, muôx chuô lax nziês, tsơưs zôngv têx meir tso lax chuô.

Têx lênhx trâul moz caz moz corona yiêz, puôr lênhx tâu chơưv kho moz tsi tas nhiêx txiêx!

(Riê Lâux cxeik, nhênhv)