Pox niêv vir ndâuk Chiềng Mung cxênhx txuôs lơưr hloz Hôx

Txix shông 2012, Cuiv cxênhx txuôs lơưr zơưv hloz Hôx tâu yênhx lix, huiz tôngv chor gâux muôv vir ndâuk nhoz 27 chi hôiv gâux muôv vir ndâuk jêx jok, tiểu khu nhoz Hôiv gâux muôv vir ndâuk xar Chiềng Mung, huyện Mai Sơn, tỉnh Sơn La tưz yax kriê tsôngv pox niêv vir ndâuk sđ sik côngv paz nhiêx quiv. Txos nhiv no, tas nro chor cuiv ndê muôx 300 triệu đêiv, phênhv ntâu zos paz trâu chor hôiv viên muôx luz nênhx txov nhêv kir txêik chiê huôv tsar kinh tế chuôz zis, đros chor nhiêx muôz kir txêik co, khov lơưr yênhx lênhx hôiv viên li luz nênhx thiêz tsik zuôr nhiêx liv, six hơưv kir txêik 1 shông trâu yênhx ziv chuôz zis hôiv viên. Hôiv viên Lò Thị Luyến, chi hôiv gâux muôv vir ndâuk Bản Mạt, xar Chiềng Mung puz pâuz:

“Thâuv ntêx no tiv luz nênhx txov nhêv, iz phênhv zos muôx tsik txâuk pênhr uô xênhz yar, cur chuôz zis zos chuôz zis pluôs hâur jêx jok. Taz sik thâuv tâu chi hôiv gâux muôv vir ndâuk paz tsar tov muôz pênhr txix cuiv cxênhx txuôs lơưr zơưv hloz Hôx trâu txêik tsik zuôr nhiêx liv, cur zôngv chor nhiêx txêik no zuôr kêiz lok zus, khov co mak kinh tế cux muôx jux juk. Nhiv no cur chuôz zis tưz hla đhâu cêr pluôs thiêz cux muôx ntâu six hơưv đuô chiê cxaz chuôz trâu côngz xưv Hôiv gâux muôv vir ndâuk hâur jok”.

Txix cuiv cxênhx txuôs lơưr hloz Hôx li luôs hâux lưv uô tâu truôx, Hôiv gâux muôv vir ndâuk xar tror hêik chor chi hôiv tsês nhiêx cuiv, phênhv ntâu zos lơưr tsưr ziv cxênhx txuôs thiêz huiz tôngv hnuz côngz lox tôngv. Txos nhiv no, chor nhiêx cuiv co tưz muôx nto zuôr xar 500 triệu đêiv, paz trâu 65 lênhx hôiv viên, pox niêv pluôs muôx luz nênhx txov nhêv txêik chiê huôv tsar kinh tế chuôz zis. Pir li Chi hôiv gâux muôv vir ndâuk jok Mạt, 150 hôiv viên tưz cxênhx txuôs, cxiv tsa cuiv tâu muôx 40 triệu đêiv ntâu muôz kir txêik tsik so trâu chor gâux muôv vir ndâuk tsik zuôr nhiêx liv. Niêv tix Cầm Thị Thảnh, Chi hôiv trưởng chi hôiv gâux muôv vir ndâuk jok Mạt, xar Chiềng Mung, huyện Mai Sơn puz pâuz:

“Thâuv ntêx no mak pêz cux zos tiv luz nênhx txov nhêv, tsơưs cxaz chuôz xênhz huôx hôiv. Nhiv no tâu yax kriê, hêik chor gâux muôv vir ndâuk cux cxaz chuôz xênhz huôx Hôiv gâux muôv vir ndâuk cxix cxuô; pâuz tâu Đảng, têz qơưk li têx cêr chêi, sik côngv siêz sik paz, iz zav li chor gâux muôv vir ndâuk muôx mak paz trâu chor nênhs luz nênhx txov nhêv, chiê sik đros huôv tsar kinh tế. Đhâu co sơưr đơưk cux pauzz sir zôngv pênhr muôx chêx cur, paz cxuôv yêiz thiv pluôs”.

Piz txix cêr siz hluz siz paz, Hôiv gâux muôv vir ndâuk xar cux tsênhv uô luôs hâux lưv cxiv tsa “Huz cxur siêz jông” chiê huiz tôngv cxuô lênhx hôiv viên thiêz pêx xênhv sik đros paz trâu chor chuôz zis pluôs muôx luz nênhx txov nhêv, tsik muôx qơư khov vav, njiz cêr phiv liv… Huz cxur siêz jông tâu tso ciês ntơưv Ủy ban xar thiêz tsêr vênhx huôv cxuô jêx jok, tiểu khu chiê cxuô lênhx hôiv viên gra cxur tuôx paz txix zuk li siêz jông. Hâur iz shông, chor cxur hôiv gâux muôv vir ndâuk cxuô cấp sâu tâu zuôr xar 400 cir, paz trâu chor hôiv viên muôx luz nênhx txov nhêv, tsik njiz trâus yêiz plaz. Niêv tix Lò Thị Thanh, Chủ tịch hôiv gâux muôv vir ndâuk xar Chiềng Mung, huyện Mai Sơn, tỉnh Sơn La puz pâuz:

“Hôiv liên hiệp gâux muôv vir ndâuk xrr li sưr ziv “Huz cxur siez jông” tâu pêz phuỗ tôngv trâu 6 luz hli hâur shôngk shông thiêz 6 luz hli kaz shông hâur yênhx shông, tâu chor BCH Hôiv liên hiệp gâux muôv vir ndâuk xar cxaz chuôz thôngx ziv uô lok six muôx chêx cur. Thiêz đros chor hôiv txơưr đuô mak cux thôngx ziv thiêz pêz cux zos chiê paz trâu chor hôiv viên muôx luz nênhx txov nhêv sâuv thax tsav xar”.

Hôiv gâux muôv vir ndâuk xar Chiềng Mung nhiv no muôx zuôr xar 2.000 lênhx hôiv viên, phênhv ntâu zos tsôngv box mênhx cxưx tsơưs nênhs. Hâux lưv sir jos uô phongz yaox sik tưr nhiêv têz nhiêv qơư thiêz cơưv shâuv uô lơưr zơưv hloz Hôx têx cêr nênhx jông txix luôs hâux lưv uô tsênhv tsênhz, huv đros cxuô cấp Hôiv gâux muôv vir ndâuk xar Chiềng Mung tưz huôv tsar uô tâu truôx. Txos nhiv no, tas nro xar muôx zuôr xar 150 ziv chuôz zis pox niêv muôx txâuk nox txâuk hnar thiêz bluô nux, chor chuôz zis gâux muôv vir ndâuk pluôs tưz txo grêk tsơưs jux juk lơưr yênhx shông. Kinh tế chuôz zis tsik yuô txov nhêv, chor gâux muôv vir ndâuk đros uô côngz xưv Hôiv ziv hnuz ziv muôx chôngz lênhx, paz phênhv trâu luôs hâux lưv cxiv tsa jêx jok ziv hnuz ziv jông jav, sđ muôx luz nênhx tsâu sor./.

(Tòng Đức Anh-Lik Thox cxêik nhênhv)

Lênhx nênhs tsênhv tuôr tsês tâu hêir nênhs poz ziz Lai Châu cxuô zav nox kaz

Hâur ntâu shông đhâu lok no, pos Đèo thị Sớp tưz cxiv uô tâu qơư Ninh Sớp chiê uô hêir nênhs poz ziz cxuô zav nox nto bê nhoz lai Châu. Ntơư zos grêix kra kruôr, grêix hnhur, grêix lak njêr đros trâu hêir nênhs poz ziz ntâu zav nox txơưr. Nguyễn thị hương, zos lênhx uô hêir nênhs poz ziz cxuô zav nox nhoz đrôngl lai Châu hêik pâuz:

“Pos Sớp zav grêix lak njêr zênhx nto bê tâu ntâu shông  nhoz thax tsav tỉnh lai Châu. Hnuz no cux muôx kruô, chiê zuôr pos Sớp cxuô zav nox kruôr, krưr trâu tsôngv kruô thiêz cur xar njôngr cov pos Sớp ziv hnuz ziv huôv tsar cov tâu truôx hêir nênhs poz ziz nhoz Lai Châu cxuô zav nox kaz tsik chiê pôngz plox”.

Đhâu 30 ntâu shông huôv tsar uô hêir nênhs poz ziz cxuô zav nox kaz. Pos Sớp cux hêik pâuz tiêk: Thâuv zuk uô cxuô zav nox ntơư, tsuv uô cov huv đros, nox thiêx kaz. Pir li grêix kra kruôr, thâuv zuk muk zuôr chor grêix chox lok uô tsuv xêir chor grêix jông. Txơưv uô grêix lak njêr, thâuv hlêik tâu yênhx đêiv co tsuv muôz cxuô zav txux lov chox lok shơư; đhâu ntơư mav chox muk jiêz gra. Lar hêik zos zav grêix kâuz; grêix uô kâuz tsuv muôz poz njês buô, grêix nyir chox lok cxôngr cov nhiêk njêik, shơư txux lov thiêz muôz ntiv trâu iz luz hưx tsês iz ciêz li muôz chox lok nox cux nziv siêz cơưs. Pos Đèo thị Sớp hêik pâuz:

“Thâuv txos luz 5 hli 6 hli, njuôs shôngz  tuôx, tsôngv px muôs ntâu trâu ciêz đrôngl, cur zuôr chox lok tsâu. Thâuv qêik chor njuôs co, tsik cxoz chiê têx triêv txuôk co lo trox; zos têx chuôz zênhx uô ntơư lo trox mak chor njuôs co zuôr trâus lưx. Shông no cur cux tsâu tâu oz pêz châuv thôngz thiêz. Iz thôngz ntơư tsâu tas 100 cir njuôs; thâuv muôx kruô tuôx ndis shuôk txos, cur cux muôz mê njik krưr trâu tsôngv kruô sđ”.

Iz chas uô cxuô zav nox hêik ntơư, pos Sớp tsênhv uô qơư ntok ntâuz, xơưk pav puô, xơưk hâur ndông…Hâur ntu huôv tsar uô, pos Sớp cux zok nriêr cxuô faz tsưr ziv uô cov huv đros. Têx hâur ndông thiêz pav puô co, muôx iz cxiê cux muôz pax câuk nhưx thiêz pax trưx chox lok uô tâu truôx.

Ntơư zos iz luôs hâux lưv uô muôx liv trâu côngv thôngx thiêz tuôr tsês chiê zuk hêir nênhs cxuô zav nox tsik chiê pôngz plox thiêz muôx hâux lưv trâu chôngz lênhx ntâu tus uô, muôx phênhv sâu tâu nhiêx txiêx chox lok cxiv kho chuôz zis muôx luz nênhx truôx tuk. Pos Nguyễn Thị Mười  nhoz Thái Bình hêik pâuz:

“Cur tuôx trâu ntơưv no cơưv shâuv uô cxuô  zav nox faz Bắc; muôx phênhv sâu tâu zos 5 triệu iz luz hli”./.

                                             (Tsu cxêik nhênhv-Thúy Ngoạn)