Ntâu phiv liv hâur phênhz qơư uô hâux lưv trâu 600 lênhx hluôk ntơưv Điện Biên đhâu 5 shông uô siv phưv Chủ tịch xã

        Zos iz lênhx hluôk nênhs nhoz hâur bê têx lênhx hluôk muk uô hâux lưv lơưr dưv anr ntơưv tỉnh Điện Biên, hli 8/2012 Bạc Cầm Nga, cơưv tas ntơưr đại học ntơưv tsêr cơưv Đại học Tây Bắc tâu phênhz muk uô hâux lưv hâur UBND xã Na Son, huyện Điện Biên Đông, zos uô phưv Chủ tịch  UBND xã, seiz car lok sâuv kinh tế-nhiêx txiêx. Đhâu iz ntuk uô hâux lưv hâur thax tsav, Nga tưz khav tinhv tâu zuk txux chi, pênhr xưv lês car uô hâux lưv, paz UBND xã tso tơưv ntâu chei, cui tinhv uô nuv, uô jông luôs hâux lưv hlôngr yiêz têx ntâuz ntơưr thiêz cxiv kho UBND xã têx luôs hâux lưv uô trơưk cui tinhv. Txix ntơư paz uô hlôngr yiêz canr bôv xã li txux chi, siêz xar hâur lês car uô cxuô luôs hâux lưv, jux juk uô hlôngr yiêz canr bôv cấp xã nhoz no tsưr ziv uô nuv. Tix lâus Bạc Cầm Nga heik:

"Xav txos trâu nhiv no, cur tưz uô tâu hâux lưv 5 shông thiêz dưv anr cux tưz zuôr suôx câuv mak six hơưv uô hâux lưv, cur thâuv tưs cux sir jos uô tiêr tâu jông cxuô luôs hâux lưv cấp ủy hâu nov zok muôz, iz chas ntơư zos nhênhz chơưv trâu cấp ủy hâu nov hâur huôv tsar  kinh tế xã hội thiêz cxuz cêr yeiz pluôs. Nhiv no cur cux seiz co zos zuk iz qơư nhoz, thiêz iz chas ntơư cur cux tưz muôx chuôz muôx zis tas ntơưv no viv li đhâu thâuv dưv anr suôx câuv mak cux xar tiêk zuôr tror nhoz ntơưv no uô hâux lưv phưx vưv tsôngv box sơưr đơưk".

        Fuô uô siv dưv anr no, huyện Điện Biên Đông tâu phênhz 6 lênhx hluôk cơưv tas ntơưr siêz lok uô hâux lưv hâur têx xã li: Noong U, Mường Luân, Na Son, Pú Hồng, Har Liêx, Tiêx Njênhx hâur hur si 13 xã hâur huyện. No puôr lênhx zos têx xã thax tsav tox siêz đêz đrôngs, txov nhêv nhoz hâur Chính phủ tsaz yênhx 135 ntu II. Đhâu iz ntuk uô hâux lưv, trơưk li ntâuk grê txix ntơưv qơư têx xã, hâu nov cxuô cấp mak phênhv ntâu chor hluôk heik sâuv puôr lênhx uô tâu hâux lưv trơưk tsưr ziv, siêz xar, sir jos uô tiêr tâu jông cxuô luôs hâux lưv zok muôz, tâu tsôngv pêx xênhv kruôs thiêz nhiêv txos....

       Bax suôx câuv dưv anr, phênhz lênhx nênhs uô hâux lưv trơưk cui tinhv, huyện Điện Biên Đông tưz muôx tsưr ziv sir zôngv 6 lênhx hluôk tuôx uô hâux lưv heik sâuv nhoz uô hâux lưv hâur xã, lok sik uô têx nuv txơưr đuô. Li ntơư, lơưr zuôr tsi tâu tâu uô ciês phưv chủ tịch. Viv trơưk li cui tinhv ntơưv grê 34, Luật tsưr tsix hâu nov ntơưv qơư, mak UBND têx xã hov II thiêz hov III tsuôk tâu I lênhx phưv Chủ tịch UBND xưz. Taz sik, ntâu thax tsav lơưr ho heik tiêk, cấp xã tsuv tâu 2 lênhx phưv chủ tịch UBND thiêx lês uô tas têx hâux lưv. Zơưv Lò Văn Điện, Bí thư Đảng ủy xã Na Son, huyện Điện Biên Đông heik:

"Xã Na Son cux xưk li têx xã txơưr đuô, xar njôngr cov muôx 2 lênhx phưv chủ tịch chiê lês uô têx hâux lưv huôv tsar kinh tế xã hội, viv no zos iz hâux lưv zov chênhr. Chor hluôk heik sâuv tưz sir jos gra tas zuk txux chi tsưr ziv uô nuv viv tsôngv px. Hâur six hơưv zuôr txos, pêz cux vav thiêz heik Chính phủ, Đảng, têz qơưk đros paz moz siêz txos têx li heik no thiêz".

        Hâu nov tỉnh Điện Biên cux jông siêz, thôngx ziv uô trơưk li dưv anr tsênhv njiêz, taz sik cxuô luôs hâux lưv ntơư tsuv uô cov tâu truôx đuô. Tỉnh Điện Biên tưz muôx tsưr ziv phênhz 30 lênhx hluôk hâur dưv anr buôk ti uô hâux lưv ntơưv qơư, lês car uô têx hâux lưv hâur xã. Đhâu ntơư chiê têx hluôk no muôx nzir six hơưv, txux chi tsưr ziv lês uô cxuô luôs hâux lưv, thâuv co thiêx muôx têx lok uô tâu phưv chủ tịch xã thiêz uô tâu têx hâux lưv zok muôz. Iz chas ntơư, cux zuôr fiv đuô đros tsưr ziv xeir zuôr canr bôv, chiê bo xeir uô phưv chủ tịch xã trơưk li chei cui tinhv. Zơưv Lê Hữu Khang, Giám đốc Sở Nội vụ tỉnh Điện Biên heik pâuz:

"Hâur tỉnh tsưr ziv phênhz, pêz phênhz 30 lênhx hluôk heik ntơư uô hâux lưv hâur xã. Thiêz trơưk li tỉnh njuôk xav, pêz fuô kriê trâu têx huyện lok kaz hli no, zos 30/6/2017 mak hur tiz si chor huyện nhoz hâur dưv anr puôr lênhx muôx tsưr ziv phênhz qơư uô hâux lưv trâu chor hluôk heik sâuv xa lok Sở nội vụ thiêz qir txix hnuz xiêz 1/7/2017 mak zuôr lênhk txeik lơưr lok uô hâux lưv ntơưv qơư".

         Txơưv yuôr ntâu kror tsi thôngx ziv lok luôs hâux lưv xeir zuôr lênhx  nênhs uô hâux lưv hâur xã trâu chor hluôk nênhs muk uô hâux lưv trơưk dưv anr ntơưv Điện Biên, taz sik zov chênhr zos têx hluôk heik no cux tsênhv xar tror nhoz ntơưv qơư, chiê sir cov tas zuk đas jos, txux chi tsưr ziv paz tsôngv pêx xênhv hâur thax tsav cxuz cêr yeiz pluôs./.

(Vũ  Lợi-Riê Lâux cxeik, nhênhv)

Tsuv muôx ntâu tsênhv chei yưv pênhr trâu kôngz nuv

          Nus lok têx hâux lưv paz max nôngx mênhx cxôngx hâur shôngk shông txos nhiv no li: paz max muôs tsơưz nhoz tỉnh Đồng Nai, điz cuô nhoz Quảng Ngãi thiêz nhiv kruôr đhâu tsik ntêr lok no zos paz zuôr buô greix, cử tri xar tiêk, tsuv tsưr tsix nhênhz chơưv thôngz xor mông lok tus grê zuôr muôs hâur ciêz đrôngl thiêz doanh nghiệp tsuv đros têz qơưk muôx tsưr ziv njuôs xav xiv huv, niêv ciêz...muôx nôngx mênhx cxaz chuôz. Zơưv Dương Văn Thái, Phưv chủ tịch UB tỉnh Bắc Giang muôx ziv chênhv:

          “ Chiê muôz siêz tsiv grê kôngz nuv tsuv uô jông côngz xưv niêv ciêz, ziv tsiv uô lox zos tsi taz muôx niêv ciêz sâu zuôr ngaz tul mak grê muôs zuôr trâus txu grês, chêx cuk sâu tâu kis”.

          Zơưv Nguyễn Trí Ngọc- Phưv chủ tịch Tổng hội kôngz nuv Việt Nam xar tiêk kôngz nuv zos nganhx kinh tế tsênhv chiê yưv pênhr viv hâur ntâu vênhv thix kinh tế mak kôngz nuv tsênhv chuôz tsar jông đhâu têx shông, yênhx nền kinh tế gôngr phênhv coaz tsôngv lok chuôz tsar GDP. Tsênhz mênhx tso pov, yưv pênhr trâu vênhv thix kôngz nuv nhiv no tsuôk tsav 18% GDP. Chiê hlôngr yiêz kôngz nuv cux xưk li muôz siêz tsiv grê xiv huv kôngz nuv thiêz chuôz tsar nganhx kôngz nuv tsuv tsov cưv đuô txos doanh nghiệp li pưs txux hâur cxiv tsa, krêz thôngz niêv ciêz sâu zuôr xiv huv kôngz nuv hâur thiêz đrâuv luôk oz chas têz qơưk, tiv zix zos muôx cơ chế huv đros chiê doanh nghiệp yưv pênhr kôngz nuv công nghệ siêz. Zơưv Nguyễn Trí Ngọc heik:

          “ Vênhv thix sir zôngv kôngz nuv công nghệ siêz tâu Chính phủ tsov cưv ciês cxôngx hâur shôngk shông, taz sik txos nhiv no chor doanh nghiệp yưv pênhr lol vênhv thix kôngz nuv nôngx cxênhz tâu pâuz txos têx cơ chế tsov cưv, paz txưv hâur vênhv thix no tsênhv tsơưs. Chiê hlôngr yiêz qênhx shênhx no, tsuv hlôngr yiêz têx ntâuz ntơưr paz txưv doanh nghiệp yưv pênhr, tsuv uô tsênhz mênhx đuô chiê zaz zâuv doanh nghiệp yưv pênhr”.

          Ntâu cử tri cux muôx ziv chênhv, hâux lưv sir zôngv têx yuôx hóa chất muôx tsơưr tưx hâur tu zus, tsêz chos, tsiv uô xiv huv tsi taz por tsi taz uô zênhr shar txos tsôngv box li đas jos mak tsênhv txu grês xiv huv kôngz nuv muôs tơưv đrâuv luôs oz chas têz qơưk li đas jos tơưv txênhz. Têx nganhx, têx cấp coar lik lok vêv xênhz taz por zav nox taz sik tsi tâu uô cxix cxuô txơưx jênhv, tiv zix zos lênhx nênhs sơưr thơưx. UÔ muôx yưv têx hâux lưv tsi jông taz sik chiz coaz tưs cux khav tênhv zuk uô trơưk tsưr ziv thiêz tsi muôx chiz coaz, taz viv tưs car jênhv txơưx jênhv. Muôx lênhx coaz txos hâux lưv hlôngr yiêz kôngz nuv, têx cử tri xar tiêk, ntâu nganhx li: tsêz chos, tu zus, jôngr nuv, jâuz tâuv, shuôz njês txơưv gôngr phênhv lox lol hâur nganhx li chuôz tsar, taz sik tsi tâu tâu yưv pênhr huv đros. Kror co uô zênhr shar txos têx luôs haux lưv tso tơưv hâur hlôngr yiêz nganhx./.

                                                          (TTT-Txâur Vax cxeik nhênhv)