Jax sâu thưr 6 hnuz 19/8/2016

Qơư chax chês cách mạng Mường Chanh

         Qơư chax chês cách mạng Mường Chanh nhiv no jông jav txix têx trôngz cà phê njuôz xiêz; plox pliês chor tsêr lơưx vor vuôk liêz; chor cêr muk lok hâur jêx jok tâu uô txix bê tông jux juk…

Hâur luz tsêr lơưx jông jav, zơưv Lò Văn Chim, shông no muôx 93 shông, zos hêir nênhs Thái iz lênhx tuz nhuôs nhoz têz qơưk Mường Chanh tror ndo txos: Chor shông 1940, Pêx xênhv Mường Chanh li luz nênhx lok six txov nhêv. Tâu chi bộ tsêr tux Sơn la kruôz kriê, lưx lươngv hluôk nênhs chơưv paz têz qơưk tưz tâu yênhx lix. Zơưv hmôngr jông tâu zos iz hâur 12 lênhx hâur chor đội thâuv co. Txơưv tiêk huôx tôngv hâur qênhx shênhx njiz ntâu phiv liv, taz sik đros chênhz yênhx nhiêv têz qơưk, đôiv hluôk nênhs chơưv paz têz qơưk Mường Chanh  tưz gôngr phênhv đros Đội Vũ trang sơưr tơưv txênhz ntâuk zênhx tros châuz hnuz 26/8/1945. Sêiz pov têx hlôngr yiêz yênhx hnuz sâuv têz qơưk, zơưv Lò Văn Chim shir phaz puz pâuz:

      “Cur cux hêik chor tuz nhuôs hâur zuk jok tiêk tsuv sir jos cơưv, tsv cxaz chuôz trâu tas nro Đảng, chính phủ li têx tsưr ziv, cêr chêi, tiv zix zos uô lox tôngv, uô liêx uô têz, uô chak cov chiê phưx vưv zuk jêx jok tâu truôx tuk”.

        Xã Mường Chanh muôx zuôr xar 1.000 ziv chuôz zis đros 4.000 lênhx nênhs, phênhv ntâu zos mênhx cxưx Thái uô nênhx nhoz. Phuôx huiz chax chês cách mạng, chor shông đhâu, hâu nov thiêz px nhoz thax tsav no tưz sik đros sik côngv, khưx phưx têx phiv liv, sir jos cxiv tsa luz nênhx yiêz. Txos nhiv no, xã li phênhv sâu tax tâu 19 triệu đêiv iz lênhx nênhs iz shông; iz huôv xã tsuôk yuôr 13% ntâu chuôz zis pluôs lơưr ploz tsênhr yiêz. Đros sir jos, ntâu ziv chuôz zis tưz sir jos cơưv shâuv, sir zôngv tsưr ziv uô nox yiêz xưk li: Huôv tsar dịch vụ, tu zus tsiêx cxu, kêiz ol thax tsav lox đar, chos cà phê…Iz zav li zơưv Cầm Văn Tiển, nhoz jok Nong Ten, zơưv Hà Văn Tim nhoz jok Lọng Nghịu li ziv chuôz zis iz shông sâu tâu yênhx puô triệu đêiv. Zơưv Hà Văn Tim-iz ziv chuôz zis uô xênhz yar, tu zus txơưx hâur xã puz pâuz:

      “Cur 10 shông lok no  mak cux phiv liv, zus tâu 5 txos 6 tuk buô xưz. Txos nhiv no cux huôv tsar nzir mak zus tâu 200 tuk, đrâuv zus buô mak tsênhv zus njêl thiêz chos cà phê muôx 2 txos 3 hec ta. Iz shông cux sâu tâu 4-500 triệu đêiv”.

      Hâur kriz uô tsưr ziv têz qơưk cxiv tsa jêx jok yiêz, txix iz xã muôx qir tiv kik, taz sik đros hâu nov thiêz pêx xênhv li thôngx ziv, txos nhiv no, Mường Chanh tưz uô tax tâu 12/19 luôs hâux lưv cxiv tsa jêx jok yiêz. Đros tsưr ziv tso tơưv cxiv tsa jêx jok yiêz thiêz uô trâu xã zos qơư huôv tsar kinh tế-xã hội nhoz chor xã tox siêz Sơn La, Mường Chanh tsênhv sir jos hêik pêx xênhv hlôngr yiêz tsoz chos, tsiêx tu zus lơưr tsưr ziv huv đros đros tsả rtov tsênhv tsênhz nhoz tiv phaz; sir jos hlôngr yiêz uô xênhz yar; yưv pênhr uô cxaz chiv; sir zôngv chor zuz nôngz tsoz chos tsiêx zus thiêz tsưr ziv uô xênhz yar yiêz muôx tsơưr lươngv siêz… Zơưv hà Văn Hè, phưv chủ tịch Ủy ban xã Mường Chanh hêik:

         “Tsưr ziv zuôr txos mak kriz uô đêz đar chor xax, jêx jok li tsưr ziv, xưk li pêx xênhv, chor khối ban, nganhx đoanx thể muk cơưv shâuv chênhz zênhv txix chor xã iz ndis xưk li tsưr ziv tu zus nhux đas cơư guôx thiêz têx tsưr ziv txơưr đuô chiê hlôngr đuô chos tsoz chos sâuv ar tox nxaz chiê truôx tuk uô kinh tế”.

Phuôx huiz chax chês qơư cách mạng, Mường Chanh hnuz no tsênhv sir jos huôv xênhz yênhx hnuz, ndar txos tsưr ziv huôv tsar truôx đrênhk./.

(Hoàng Long-Lục Quân-Lik Thox cxêik nhênhv)

Phênhv thưr 6.19.8.2016:

LƯX LƯƠNGV CÔNG AN ĐROS MÊNHX CXƯX LI LIX XƯV

          Thâuv têz qơưk tâu tiêx tul, chính quyênx cơưx mênhv nhiv kruôr yênhx lix cux njiz ntâu phêv liv. Pêz Đảng tưz xav tênhv jênhv vưv tsênhv six hơưv no zos: hlôngr yiêz chính quyênx cơưx mênhv, tir ntâus tros châuz Pháp, tir thêir têx nênhs fêv hâur têz qơưk... Lưx lươngv công an tưz sir jos gôngr phênhv uô hâux lưv no. Thiếu tướng Quang Phòng, kuz Phưv tổng cục tsar Tổng cục txiv ngaz, Bộ công an heik:

          “ Lưx lươngv công an puôr lênhx zos lênhx nênhs siêz đơưz, zos shux xênhz lok sik têx đồng chí cộng sản trâus tros châuz ntês cơư tux thâuv co tâu choz jênhv vưv zos công an. Thâuv co tsuôk zos chiv chir uô, tsi muôx lênhx tưs kriê uô côngz xưv tsinh sát, thâuv tâu choz jênhv vưv mak chiv chir xar tsưr ziv chiê uô tiêr jông jênhv vưv xưz”.

          Hâur cxiv tsav txênhz li yênhx ntu, lưx lươngv công an cê sir jos phuôv tsar, cxiv tsa lưx lươngv, tuôv zênhv zoz qơưx, jênhv vưv tơưv txênhz por vêv Đảng, cơưx mênhv lơưr cê tuôr truôx cxiv ngaz, por vêv côngz xưv cxiv tsa chủ nghĩa xã hội nhoz faz Bắc, cê phuôx huiz pưs txux paz txưv cxuô zav, muôx chêx cuk trâu cxiv ngaz faz Nam, ntâus tros châuz Mỹ, gôngr phênhv coaz tsôngv lok hâux lưv cxiv kho têz qơưs faz Nam truôx tuk. Thiếu tướng Phạm Văn Thạch, kuz Cục tsar Cục côngz xưv chính trị, Tổng cục cxiv tsa lưx lươngv, Bộ công an puz pâuz:

          “ Cur pov 2 vênhv thix tsuv ndo njôngr, co zos lưx lươngv công an, phênhv ntâu zos lưx lươngv txiv ngaz tưz uô tros châuz Mỹ li tsưr ziv ntâus lol faz Bắc tsi yênhx côngz. Tiv 2 zos pêz tuôr truôx tâu zaoz thôngz mul lol 2 faz”.

          70 shông ntâu yênhx lix, lưx lươngv công an thâuv tưs cux truôx siêz, muôz siêz chinhz yênhx cơưx mênhv truôx siêz viv têz qơưk, por vêv luz nênhx shir phaz, ngaz tul trâu tsôngv box. Hâur iz lênhx cán bộ Công an li siêz xar, txơưv zos uo tul tsi puôr lênhx ndo njôngr Hloz Hôx li lo luk heik kriê: Công an, cơưv shâuv uô lơưr Hloz Hôx li cêr uô nênhx jông, sir jos chiê yênhx iz lênhx nênhs jông. Tsênhz mênhx 40 shông ntâu uô côngz xưv qênhz yuôx, Thiếu tướng Đỗ Hùng, kuz Phưv tổng cục tsar Tổng cục Cảnh sát, Bộ công an khav tênhv:

          “ Hâur qênhz yuôx yưr lir nênhs phamv cxâuv, kror coaz tsôngv zos truôx siêz, uô jông uô. Uô li chas tsi chiê nênhs phamv cxâuv tsi trâus tik cêr cxâuv, yuôr nênhs jông mak trâus tik cêr cxâuv...Tiv oz zos uô hâux lưv tul tsi cux tsuv muôx siêz uô. Têx lênhx nênhs qênhz yuôx thâuv tưs cux uô lơưr Đảng li cêr chei, tsi uô cxâuv cêr chei taz sik tsuv muôz siêz siêz jông thiêz”.

          Hla đhâu têz qơưk li six cxiv cơưx mênhv, txơưv njiz cêr txov nhêv bâuv tưs, lưx lươngv Công an thâuv tưs cux sik côngv tês đros tsôngv box, khov txos tsôngv box chiê ziv hnuz ziv uô cov tâu truôx cxuô hâux lưv côngz xưv zok muôz. Têx cxênhx Công an tưz muôx ntâu yênhx tix jông, tâu sâu cxaz trâu mênhx cxưx li fâu ntơưr lix xưv jông./.

( TTT- Txâur Vax cxeik nhênhv)