Txir mik nhux-Tsôngv box Thái Sơn La li zav nox kaz

Txir mik nhux zuôr nox tâu txix thâuv tsênhv njuôz, lox luôx ntir têk txos thâuv txir siêz liêz plôngs. Txir mik nhux muôx oz zav chênhr zos iz zav kâuz, iz zav kaz jiz. Txir mik nhux piz txi txir txix hli 12, hli 1 thiêz siêr trâu thâuv hli 2, hli 3. Chiê muôx txir mik nhux kâuz nox, pox nhuôs tsuv đê txir, jâuz krưr, jâuz cxưz, kix, kriêr thiêz bax cuô txoz njư. Niêv tix Quàng Thị Liên, xã Chiềng Cọ, thành phố Sơn La puz pâuz:

“Uô ntêx thâuv zuôr nox mak muôz chor txir mik nhux nzuôr cov hur si, zos tsik nzuôr hur mak zuôr khu ka. Zav nox đros txir mik nhux zos jâuz krưr, blôngx kix, jâuz cxưz lok sik blôngx txir tâuz ntông njuôz, kriêr nhôngk cxôngr têx đêiv nhiêk thiêz tsuv muôx ntiv cuôz njư. Nti cuô njư mak tsv muôx: Cuô txoz, kix, xaz txoz, tas nro puôr lênhx tâu muôz chi cov tsư kaz, đhâu co muôx tor đros njêr, mì chênhr muôz tuôr cov lưx mok…mak thiêx muôx tâu iz pluôs nox kaz”.

Zav cuô njư tsuv muôx cuôz txoz, njêr, nênhs Thái Sơn La tsênhv uô tâu ntâu zav cuô njư sik txơưr khov lơưr yênhx lênhx nênhs li siêz nhiêv. Li cuô njư tâu uô txix cuô txoz, kix, jâuz cxưz, mỳ chính…chiê muôx tâu iz ntiv cuô njư kaz. Taz sik zav nox no tsik zos chiê nox đros pluôs mor chênhr, mak tâu nox thâuv tưz nox mor tas, yar ntux cuz sor, muôx chôngz nênhs nox. Thâuv chuôz zis tưs muôz chor txir mik nhux co lok nox, sơưr đơưk siz zâuv tuôx đros nox lov jêv ntưk. Niêv tix Vì Thị Thanh, nhoz jok Mòng, xã Hua La, TP Sơn La puz pâuz:

“Txix thâuv ntêx txos nhiv no, cur cux xưk li ntâu lênhx nênhs Thái nhoz Sơn La, lênhx tưs cux lok six nhiêv no txir mik nhux xưk li zos iz kror cor cav. Thâuv sơưr đơưk nox mak siz zâuv tuôx no, ziv chôngz nênhs nox mak ziv kaz, lênhx tưs cux đros nox tâu”.

Thâuv ntêx, tsuôk zos tsôngv box Thái thiêx nox xưz. Taz sik tiv nox kaz mak nhiv no tưz tâu chôngz lênhx nênhs nhoz Sơn La nhiêv nox. Piz txix cor cav thiêz nênhs nhoz Sơn La li zoz qơưx nhiêv nox txir mik nhux ziv hnuz ziv chôngz, viv li txos chêix txir mik nhux siêr, chor nênhs uô lax luôv tsik so muk zok zuôr chor txir co lok muôs. Thiêz tas nro chor ciêz nhoz thành phố Sơn La puôr lênhx muôs txir mik nhux.

Đros gri muôs thâuv hâur chiv txix 200 txos 300 cxênhz đêiv iz cir txir mik nhux njuôz, nênhs chos thiêz nênhs muôs txir mik nhux nhoz Sơn La cux muôx tâu phênhv sâu tâu nhiêx txiêx trâu chuôz zis. Niêv tix Cà Thị Đào, nhoz jok Sàng, xã Hua La, TP Sơn La zos iz hâur chor nênhs muôs txir mik nhux trâu têx ciêz nhoz thành phố Sơn La puz pâuz:

“Txix ntâu shông lok no, txix chêix txir mik nhux txi, pov sơưr đơưk lok six nhiêv nox, viv li cur muk zok zuôr txir txix cxuô tiv phaz chox lok muôs trâu ciêz. Zuôr bâuv li chak txir lok txos cux muôs tas hur si. Đhâu co cux muôx phênhv sâu truôx txix muôl muôs txir mik nhux”.

Zos tsôngv kruô sđ tâu tuôx đhâu Sơn La, tsuv nox siv iz jiês zav nox no, zos tsôngv box Thái faz Bắc iz zav nox kaz, muôx chôngz lênhx ntaus tus nhiêv nox./.

(Tòng Đức Anh-Lik Thox cxêik nhênhv)