Têx lênhx pox niêv jông hâur hnuz 20/10

          Iz hâur 10 lênhx pox niêv uô tâu hâux lưv jông tâu jênhv “Giải Pox niêv Việt Nam” shông no zos Đại tá, thạc sĩ Nghiêm Thanh Thủy, tsar phongx coar lik hâux lưv mul lol đhâu trôngx đriv (PA72), Công an tỉnh Đắc Lắc. Đros pênhr xưv truôx tul, chuv tôngv hâur uô jênhv vưv, niêv lâuk Thủy đros têx lênhx nênhs txơưr hâur taz viv tưz por vêv jông, tir tar ntâu txuz nhiês muôz cxeix laov tsi huv đros lol tir tar Đảng, chinhr quyênx. Tiv zix zos 2 txuz nxor loanv lok shông 2001, 2004 ntơưv tỉnh Đắc Lắc. Tsi taz li ntơưv, sâuv vênhv thix vênhx huôv nghệ thuật, niêv lâuk cux đros têx lênhx nênhs txơưr hâur taz viv pov, ntês cxov thiêz xa trâu chiz coaz qênhz yuôx tik cêr cxâuv 7 txuz, 7 lênhx nênhs muôv muôs, piêr kriê vênhx huôv tsi huv đros cêr chei, sâu tâu 11 cxênhz zav băng đĩa, 7 zav meir cxuô zav....Đrâuv co, têx chuyên án sâuv têx vênhv thix li: uô hồ sơ ntâuz ntơưr sơưv tsênhv chei chuôr; por vêv têz qơưk li ntâuz ntơưr coaz tsôngv; hâux lưv mul lol đhâu trôngx đriv puôr lênhx muôx niêv lâuk heik kriê, gôngr phênhv jav têx trâus ruôr hiêv txos yênhx tỷ đeiv. Tiv zix đuô thiêz, niêv lâuk tsênhv chuv tôngv heik njuôs xav cấp tsar/phưv phongx; muôz theox chênhv trâu pox niêv cxiv tsa, tuôr truôx cuiv cxênhx txuôk chiê sik paz max uô kinh têr chuôz zis. Vênhv tôngv iz cxiê taz viv paz txưv nôngz blêx, qir zuôv tsiv grê 50 tsov đeiv chiê Hội pox niêv tỉnh yênhx lix 1 trâur nuv HTX tsiv uô gôngr phênhv cxuôv yeiz thiv pluôs trâu pox niêv sâuv thax tsav. Niêv lâuk Nghiêm Thanh Thủy pheiz kênh:

          “ Pox niêv muôx ntâu kror tsuv tsov cưv, ntâu phêv liv li nox nhoz, mê nhuôs cơưv ntơưr... viv li hâux lưv sik pheiz kênh paz max uô kinh têr, zuôr car chêx phêv liv lok six ntâu. Tsi taz pox niêv xưz mak txir nênhx cux cxaz chuôz, cê paz pox niêv, cê tâu sơưv liv xưk li pox niêv. Pã pox niêv muôx theox chênhv jông chiê tso siêz uô côngz xưv đuô”.

          Đrâuv têx lênhx nênhs jông co, Trung ương Hội liên hiệp pox niêv Việt Nam xeir tâu 8 tập thể jông hâur têx vênhv thix luz nênhx xã hôiv chiê khơưk kruôk. Tập thể canr bôv, hội viên pox niêv Khoa chơưv kho Tsêr kho moz Trung ương Quân đội 108, Bộ côx phax zos iz hâur têx tập thể tâu khơưk kruôk. Khoa tâu yênhx lix shông 1956 đros jênhv vưv tâu pheiz côngz, cxaz chuôz côngz xưv thox cxov đhâu Đại học, nhênhz chơưv khoa học, sik hux jos đros ntiêx têz thiêz côngz xưv chox kriê têx tuyến. Taz viv phênhv ntâu zos pox niêv. Chungz fênhx iz hnuz muôx 100-120 ca fuô moz, hâur co 70% zos fuô zav 1 thiêz zav tsov cưv. Chiê paz têx ca fuô moz yênhx côngz, têx pox niêv tưz uô tsưr ntâu chuôz zênhx yiêz, tsưr ziv uô yiêz....Côngz xưv li ntơưv, taz sik ntâu lênhx pox niêv tưz sir jos hla đhâu têx phêv liv cơưv shâuv, nhênhz chơưv muôz siêz yênhx tưv chuyên môn; sir jos tsưr tsix têx huôx tôngv jông siêz li cxaz chuôz fuô moz jông siêz, cxaz chuôz fuô trâu têx mê nhuôs trâus nkhik ndâux, cxaz chuôz kho moz tsi zuôr nhiêx txiêx trâu tsôngv box tox siêz....Pheiz kênh lok phênhv ntâu pox niêv ntơưv tsêr kho moz li siêz xar lok zuk hâux lưv uô, Đại tá, PGS TS Nguyễn Minh Lý, Chủ nhiệm khoa puz pâuz:

          “ Nênhs moz li têx moz gênhs mak jông li zuk têx moz, zuk chox tas zuk siêz chiê phưx vưv xưz. Nênhs moz thâuv tuôx fuô moz khênhr lok six nyei, zuk tsuv tôngv vênhx chiê lơưr tso siêz đuô. Txos thâuv xênhr tưz fuô tas lơưv. No zos kror mak pêz lok six sir jos uô trâu nênhs moz jông siêz”.

          Pos Nguyễn Thị Tuyết, Phưv Chủ tịch Hội liên hiệp Pox niêv Việt Nam puz pâuz: Tâu yênhx lix cxôngx shông 2002, giải Pox niêv Việt Nam tsênhz tsênhz zos pox niêv Việt Nam li iz txưv haox. Giải zos chiê sâu jênhv pox niêv Việt nam li têx gôngr côngv, xar tơưv jông hâur hâux lưv cxiv tsa thiêz por vêv têz qơưk. Cxôngx shông 2003 txos shông 2017, Giải pox niêv Việt Nam tưz khơưk kruôk 69 tập thể thiêz 124 lênhx pox niêv jông hâur cxuô vênhv thix, luz nênhx:

          “ Shông no zos shông tiv 15, giải khơưk kruô pox niêv Việt nam khơưk kruô. No zos Hội pox niêv Việt nam li giải lox tiv zix. Lơưr cui chêr, pêz khơưk kruôk trâu 10 lênhx nênhs, 10 tập thể jông, taz sik shông no pêz xeir 8 tập thể thiêz 10 lênhx nênhs jông sâuv têx vênhv thix chiê khơưk kruôk. Cxôngx vênhv thix y tế, zaoz zux, lênhx nênhs khoa học thiêz têx vênhv thix lưx lươngv vũ trang....co zos đeiv iêr chiê cax lul tsuv tâu khơưk kruôk”

          Giải khơưk kruôk pox niêv Việt Nam tsênhz tsênhz zos hâux lưv cxơưz cxiz, tôngv vênhx lênhx pox niêv nhiv no li têx gôngr côngv, xar tơưv jông. Têx lênhx pox niêv jông co tưz thiêz tsênhv zos têx luz pax jông trâu luz nênhx, thôngx cxix zos đeiv iêr chi cax lul chiê pox niêv tas nro têz qơưk uô lơưr, chiê hnuz 20/10 thâuv tưs cux zos Pox niêv Việt nam li hnuz ntênhs phêv jông./.

( TTT-Txâur Vax cxeik nhênhv)

Paz ti vi-Đeix trâu chor chuôz zis pluôs

          Lơưr co, iz hâur dự án yax mông thiêz txo grêk tsik pâuz têx xor mông li chor tsênhv njiêz zov chênhr zos paz ti vi sêiz đuôz-Đêix mnôngs xor xưv trâu chor chuôz zis pluôs. Chor nênhs tâu paz zos chuôz zis pluôs (Lơưr Thủ tướng chính phủ li cui tênhv ntơưv cuêz tênhv số 59/2015/QĐ-TTg lok hâux lưv tso tơưv xêir tsov chor chuôz zis pluôs, hâur ntu 2016-2020) nhoz ntơưv chor poz hiêr; chuôz zis pluôs zos chor mêhx cxưx tsơưs nênhs; chuôz zis pluôs ntơưv chor xã, jêx jok txov nhêv tiv zix.

          Hâur co tsov cưv txos paz trâu: Ziv chuôz zis pluôs muôx nênhs tsênhv tâu sơưv phênhv paz yênhx hli lơưr têz qơưs têx chêi cui tênhv, tsov cưv txos nênhs muôx côngz trâu têz qơưk; chor ziv chuôz zis pluôs nhoz sâuv têx poz hiêr; chor ziv chuôz zis pluôs muôx tsơưs tiv zix oz lênhx nênhs hâur chuôz zis zos mênhx cxưx tsơưs nênhs li: Lô Lô, pà Thẻn, Pu Péo, Cờ Lao, Bố Y, La Hủ, Lự, Mảng, Si La, Cống, La Ha, Ơ Đu, Chứt, Rơ Măm, Brâu, Ngái lok sik mênhx cxưx Phù Lá.

          Muôz ti vi sêiz đuôz-Đêix mnôngs xor xưv paz trâu chor ziv chuôz zis hêik sâu, thông tư cui tênhv: Đros chor chuôz zis pluôs nhoz xã poz hiêr, chuôz zis pluôs zos mênhx cxưx tsơưs nênhs lok sik zos mênhx cxưx Phù Lá tâu paz iz luz ti vi lok sik iz luz Đêix radio iz ziv chuôz zis  lok sik tas nro oz zav chuôz zênhx co.

            Đros chor ziv chuôz zis pluôs txơưr đuô paz iz luz ti vi lok sik iz luz radio iz ziv chuôz zis.

          Thông tư cux cui tênhv tsênhz mênhx lok têx  ti vi-Đêix mnôngs xor xưv paz trâu chuôz zis pluôs. Lơưr co, paz ti vi lox muôx 32 inch, zos: ăng-ten thiêz hluôk txuôk txix ăng-ten trâu ti vi. Đros chor thax tsav tsik tâu muôx sóng txêik tso đuôz, têx paz đros trâu ti vi zos ti vi, chuôz zênhx tik tso đuôz vệ tinh thiêz hluôk txuôk txix chuôz zênhx txêik sóng txos trâu ti vi (Zos tâu paz mak zuôr paz tas nro lôngx đhok, kruôz kriê sir zôngv ntơưv qơư pêx xênhv nhoz).

            Radio tsuv gruk, mnôngs tâu têx tsaz yênhx nta suôz huv đros tsưr ziv.

          Đros co, Dự án cux tsêx trung uô chor tsênhv njiêz: Yax kriê, uô hâux lưv trâu cán bộ thôngz mông thiêz yax mông tiv phaz; paz chuôz zênhx uo hâux lưv phưx vưv thôngz mông ntơưv têx huyện, xã; cxiv tsa chor qơư yax kriê muôx qơư nhoz truôx; tsês chiê, hêik pâuz cxuô zav pov chir, chor tsaz yênhx nta suôz thiêz tso đuôz đros trâu têx zav thôngz mông txơưr đuô cov tsôngv px sđ tâu mnôngs cxix cxuô xor xưv txix Đêix nta suôz thiêz đuôz tivi/.

                                        (KT-Lik Thox cxêik nhênhv)