Chos têx yuôx đrox njuôz paz tsôngv box Cơ Tu nhoz Quảng Nam hla đhâu cêr pluôs

Huyện tox siêz Đông Giang, tỉnh Quảng Nam lok six jông chos têx yuôx đrox njuôz hâur têx xuz jôngr ntông. Tsoz Ba kích zos iz hâur têx tsoz yuôx đrox njuôz jông tâu hâu nov ntơưv qơư gra lok chos siv hâur 4 ha. Thax tsav chos têx yuôx đrox njuôz zos nhoz jok Aduông, kuôk thị trấn P’rao tsi yuô đêz, muk yêz meir tas xar muôx iz six hơưv thiêz muk hâur têx xuz jôngr. Tsưr ziv chos zav yuôx đrox njuôz heik sâuv tâu Ủy ban huyện Đông Giang choz trâu Tsênhv qơư Kỹ thuật Kôngz nuv huyện fuô uô txix kaz shông 2018. Txos nhiv no, tưz muôx 26 cxênhz ntâu tsoz yuôx Ba kích tâu chos hâur têx xuz jôngr, chiêx muôx 85-90% tsoz. Uô lơưr tsưr ziv no, têz qơưk paz 100% zuz, qir mfông, paz hnuz côngz tu, tsưr ziv chos; paz yênhx lix Tổ hợp tác uô chiê têx chuôz zis đros por hưv, huôv tsar têx yuôx đrox njuôz heik no cov vav ntâu. Tix lâus Arấl Tài nhoz jok Aduông, thị trấn P’rao, huyện Đông Giang, Quảng Nam heik pâuz, tix lâus chuôz zis zos chuôz zis txov nhêv, tâu hâu nov ntơưv qơư paz têx zuz yuôx đrox njuôz heik sâuv chos chiê hla đhâu cêr pluôs:

“Têz qơưk muôz zuz trâu tsôngv box, tâu tu lok six jông. Vav thiêz chiê siêz tiêk, têx yuôx no zuôr hloz lox chiê tov kaz no tsôngv box tâu sâu đê thiêz muôx phênhv sâu”.

Thâuv đros chos têx yuôx đrox njuôz heik sâuv nhoz huyện Đông Giang, tỉnh Quảng Nam, têx chuôz zis tsôngv box Cơ Tu tâu kriê cxaz nzir têx tsưr ziv cik txos chos têx yuôx đrox njuôz hâur têx xuz jôngr li: Tsưr ziv uô qơư uô zuz, tu têx zuz yuôx, chos, sâu đê, jiêz kra..... Niêv lâuk Pơ Loong Vờn, canr bôv cxiz kôngz thị trấn P’rao, huyện Đông Giang heik pâuz, muôz têx yuôx njuôz sâuv lok chos zos tsưr ziv uô huv đros:

“No zos huyện tsaz yênhx zov chênhr, muôz têx yuôx njuôz lok trâu tsôngv box chos. Đhâu thâuv lênhk txeil tâu têx pênhr nhiêx, Tsênhv qơư kỹ thuật Kông nuv huyện fuô uô txix shông 2018. Seiz cxuô mak tsôngv box uô tâu lok six jông. Tsôngv box sđ jông siêz thiêz thôngx ziv đros tsưr ziv uô no. Cur zos iz lênhx uô hâux lưv cxiz kôngz cux lok six xar cov uô tâu trơưk tsưr ziv, siêz xar chiê tsôngv box tov kaz no muôx phênhv sâu tâu”.

Chiê paz tsôngv box thax tsav heir nênhs tsơưs jux juk hla đhâu cêr pluôs, tỉnh Quảng Nam cux tưz tso tơưv ntâu tsênhv chei, cui tinhv lol njuôk hov, por hưv, huôv tsar têx yuôx đrox njuôz. Ủy ban tỉnh Quảng Nam tưz cir ntơưr njuôk hov por hưv thiêz huôv tsar têx yuôx đrox njuôz hâur thax tsav ntu 2018-2025 txos trâu shông 2030, chos cov tâu muôx 64.200 ha. Ntơưv xã Lăng, huyện Tây Giang tưz muôx qơư por hưv têx yuôx Ba kích xiêr đar 6 ha hâur têx xuz jôngr zos hạt kiểm Lâm Bắc Sông Bung seiz car. Nhiv no, iz chas HTX Thiên Bình, ntơưv huyện tox siêz no tsênhv muôx 2 tổ hợp tác paz tsôngv box chos têx yuôx heik co cux li cxiv uô qơư muôx bê sâu zuôr têx yuôx no. Zơưv Phan Việt Cường, Bí thư Tỉnh ủy Quảng Nam heik, ntơưv huyện Tây Giang lok six jông chos têx yuôx đrox njuôz heik sâuv. Chiê tsôngv box Cơ Tu nhoz no zav yuôx co cux li têx yuôx njuôz txơưr đuô nzor yênhx hax huv, tsuv muôx têx tsưr ziv uô tsênhv tsênhz đuô:

“Iz cir yuôx ba kích nhiv no txix 200-300 cxênhz. Nhoz no zos chos mak chos tâu lok six ntâu. Nhiv nor pêz tsuv huôv tsar chos têx yuôx njuôz. Tây Giang tưz muôx têx yuôx jông li: Ba kích, têx zav yuôx txơưr đuô.... Chênhr viv li, tsuv muôx tsưr ziv uô tsênhv tsênhz, tỉnh paz max chiê pêz uô bluô nux sâuv suôv qơư Tây Giang no. Têx phongx ban sik đros paz kriê tsôngv box. Qơư nhiv no jê Đà Nẵng, tsôngv box uô jiêz kra tâu, têx tuz luôv tuôx sâu zuôr, muôx phênhv sâu”./.

(VOVMT-Riê Lâux cxeik, nhênhv)