Yên Bái: Tsôngv box tsi pov kaz uô chas thâuv têx txir lưk pax trâus đêx nas cuôr yôngz tas

  Hli 12/2016, Cục sở hữu trí tuệ-Bộ Khoa học thiêz  Công nghệ tưz muôz ntơưr côngk nhav đas cir “txir lưk pax Đại Minh” trâu huyện Yên Bình. Têx txir lưk pax Đại Minh iz ha sâu đê tâu 18-20 tênhr, xav kror đruôz đraz iz ha iz shông sâu tâu muôx 500 tsov đeiv. Xav hâur 3 shông đhâu lok no, txir lưk pax Đại Minh tâu cheix, muôs tâu grê, yênhx tsoz chos zov chênhr hâur huôv tsar kinh tế thiêz uô bluô nux ntơưv qơư. Tiêv sik li, taz  jê lok no tsôngv box nhoz co lok six ntâu têx têz txir lưk pax tưz trâus đêx nas cuôr yôngz, ruôr hiêv tas. Zơưv Trần Quang Khải, tsar jok Khả Lĩnh, xã Đại Minh heik pâuz: Công ty Trường Phát (muôx qơư uô hâux lưv ntơưv xã Hán Đà, huyện Yên Bình, tỉnh Yên Bái” qir lok khơưz yâu têx xuôz jêz  txix shông 2000, txos shông 2013 mak tsôngv box nhoz jê ntus đêx têx liêx têz qir trâus xưz poz thiêz đêx cuôr yôngz tas. Txix thâuv têx six hơưv, hnuz nhôngs tsôngv box têx liêx têz trâus uô ruôr hiêv li heik sâuv, txos nhiv no tưz pôngz tas lok six ntâu, muôx têx qơư mak xưz poz tas 200 thiêr, toz xar muôx 50 thiêr.

“Pêz jok muôx nhos 60 chuôz zis mak hâur co muôx 30 chuôz zis trâus uô ruôr hiêv. Đhâu thâuv pêz heik uô ntơưr heik trâu lơưr mak txeik tâu Sở đêx ar thiêz tênhx qơư têx luk têz. Pêz tiêk cov muôz  ntơưr trâu pêz seiz taz sik lơưr tsuôk nhênhv trâu pêz mnôngs. Lơưr têz tiêk tsi zos tiv khơưz yâu têx xuôz jêz mak zos viv pêz uô liêx têz sâuv têx ar têz zôngx ziv trâus xưz poz thiêz đêx nas cuôr yôngz xưz. Pêz pôngz siêz trâu lơưr têx luk têz co. Pêz nhoz no txix thâuv nzor lok, muôx yênhx puô shông, tsi tâu pov têx ar trâus xưz poz li co hlo, taz sik tsuôk 2, 3 shông khơưz yâu têx xuôz jêz xưz, chas têx ar ho xưz poz li ntơư. Nhiv no pêz cux xar tâu iz kro thiêz, zos lơưr tưz ntâuk grê têx trâus uô ruôr hiêv txos tênhx qơư lok tsi tâu thiêz nưk uô hiêv li chas? Muôx tsưr ziv li chas trâu tsôngv box lok tsi tâu?”

Tsôngv px jok Khả Lĩnh cux heik pâuz nzir, têx fuôx gox no niêx hnuz mul lok ntâu txix 3 six sơưr nzor txos 10 six tsâuk  ntux, uô hiêv tsi tsơưs txos têx chuôz zis nhoz jê ntus đêx luz nênhx nox nhoz, lar heik zos têx fuôx gox co đror hâur yênhx hnuz, tưz tsi thor jông nhoz hlo. Yưx ciês têx hnuz muôx đoanx qênhz yuôx lok sik tỉnh, huyện đoanx côngz xưv tuôx mak têx nuv uz no mul lok sâuv đêx ho tsi pov uô.  Muk trơưk 2 saz ntux đêx Chảy hâur 2 jok Khả Lĩnh thiêz Quyết Tiến 12 muôx têx pov tsênhz tâu têx ar nhoz 2 saz ntus đêx puôr lênhx trâus xưz poz đaz pêk tuôs, muôx ntâu qơư tưz trâus xưz lox, txos cheix ntux nas shông no, têx ar co muôx têx zuôr tuôr tsi tâu.

Zơưv Nguyễn Ngọc Bình, nhoz jok Quyết Tiến 12 heik, zơưv chuôz zis muôx 35 tsoz txir lưk pax chos jê ntus đêx muôx 30 shông lok, iz shông sâu đê tâu 100 tsov đeiv. Hli 7/2017 nhiv kruôr đhâu cux tâu têx tuz luôv muôz 100 tsov đeiv nhiêx, tso 30 tsov đeiv tsês cov chiê chor txir trâu lơưr tuôx zuôr, taz sik tsi tâu txos hnuz sâu đê mak hur si vax txir lưk pax ntơư tưz trâus xưz poz, cuôr yôngz trơưk đêx lơưv tas hâur iz njêik muôs. Hur si chuôz zis tsuôk pâuz jâuv kuôx, tsi pov kaz uô chas. Têx txir sâu đê tsi tâu, chuôz zis ho tsuv kêr txeik nhiêx chiê thêv tror trâu chor tuz luôv. Pos Lê Thị Hoa, zơưv Bình pox niêv heik:

“Lok six pôngz siêz hênhr, nêx seiz sêz mor tưz zuôr txos kror ndâux lok tsênhv pôngz tas, lok six pôngz siêz, hluz txos têx mê nhuôv viv li pêz kuôx, pêz nhoz thiêz pư tsi tsâul jos. Seiz pov li ntơư têx cưr tix nênhx tsa hâur jok lơưr cux đros pêz kuôx, đros pêz khur xiv. Ar liêx têz pôngz, têx tsoz chos cux pôngz tas tsi yuôr đaz tsi, nhiv no cur chuôz zis tsuv muk uô jos, liêx têz thiêz têx kôngz pôngz tas tsuôk pâuz muk uô jos lơưv xưz”.

Sik thav đros têx tuz sâu xor xưv Đeix nta suôz VN, pos Nguyễn Thanh Huyền-Chủ tịch Ủy ban xã Đại Minh, huyện Yên Bình lênhk nhav: Iz phênhv zos uô trâu tsôngv box 2 jok Khả Lĩnh thiêz Quyết Tiến 12 têx liêx têz trâus đêx cuôr yôngz tas zos tiv Công ty Trường Phát khơưz yâu têx xuôz jêz hâur thax tsav. Iz chas ntơư, cux zos viv ntux nas ntâu  thiêz tsêr meir tênhv tênhz Thác Bà tso đêx huôv lox lok cuôr.

Ar liêx têz trâus pôngz, uô ruôr hiêv lok kinh tế, tưz ntâu jiês tsôngv box xã Đại Minh heik trâu huyện, trâu tỉnh. Taz sik, txos nhiv no tsôngv box têx lul heik cux tsênhv tsi tâu đơưk tu jông. Ntâu lênhx tsôngv box heik pâuz, lơưr tưz tas cêr chiê siêz, thiêz tsuôk pâuz nhoz seiz njiê zuk têx ar liêx têz, kôngz lôngk trâus đêx cuôr yôngz xưz, tsi pâuz uô li chas.

Nhiv no, ntâu liêx têz uô kôngz nhoz no tsênhv zôngx ziv trâus đêx cuôr yôngz thâuv tưs lok pâuz tsi tâu. Lok six xar cov têx cơ quan muôx vax huôv hâur tỉnh Yên Bái muôx têx faz tsưr ziv zênhx max, chiê muôx têx tuôr tâu chiê têx ar liêx têz trâu tsôngv box thiêz tsưx phưv tâu têx vax txir lưk pax tsik chiê trâus puôk tsuôx./.

                              (Tuấn Xuân-Riê Lâux cxeik, nhênhv)

Cơưv shâuv thiêz uô lơưr Hloz Hôx tsuv yênhx iz cêr cor cav,

 chiv chir uô

          Đhâu 2 shôngk krêz uô Bộ chinhr trị li chỉ thị 05 lok “Cxơưz tiês cơưv shâuv thiêz uô lơưr Hồ Chí Minh li siêz xar, tsưr ziv” tưz gôngr phênhv uô zênhx liv nghị quyết Đại hội Đảng bộ têx cấp thiêz Đảng li Nghị quyết Đại hội 12. Tsênhz mênhx tso pov reik hâux lưv uô chỉ thị 05 đros uô Nghị quyết Trung ương 4 khóa 12 lok cxiv tsa, hlôngr yiêz Đảng tưz thiêz tsênhv tax têx chêx cuk coaz tsôngv. Thôngx cxix, gôngr phênhv lok hâux lưv cxiv tsa Đảng, cxiv tsa cxix luôs chinhr trị hur si, sưz xar, cêr uô nênhx jông, cxơưz tiês tơưv txênhz, phax tar thaz huôz, lav phêv; car chêx txos qơư, muôx chêx cuk ntâu hâux lưv tsi jông muôx yưv nhoz tiv phaz, chiz coaz, taz viv. Đồng chí Nguyễn Hoàng Hiệp, Phưv bí thư thường trực tỉnh ủy Bắc Kạn puz pâuz: uô Bộ chinhr trị li chỉ thị 05 reik đros cui tênhv lênhx nênhs sơưr thơưx tsuv zos lênhx nênhs uô ntêx nyuôk, heik tâu tsuv uô tâu tưz gôngr phênhv car chêx têx vênhv thix muôx yưv tsi jông sâuv thax tsav tỉnh:

          “ Hâux lưv kruôk têx lênhx nênhs uô tâu hâux lưv jông cxôngx têx hâux lưv zâu, hâur xênhz huôx côngz xưv li: txu grês hâux lưv zôngv nhiêx txiêx taz viv uô têx hâux lưv tsi zuôr trâus li: tsưr tsix khiêz phêv, khơưk muôz huv, pax, zôngv tênhv tênhz....Tsi zôngv taz viv li nhiêx txiêx chiê tos tiêv zuk li kruô. Đros ciês cán bộ chiz coaz mul uô lox tôngv paz max têx xã, jêx jos txov nhêv. Tỉnh uô hâux lưv tsi seiz car uô têx hôx thôngx, dự án cxiv tsa hâur muôv muôs cux xưk li hâur côngz xưv bo xeir cán bộ”.

          Hlôngr njêx muôk Bộ chinhr trị, Ban bí thư, đồng chí Trần Quốc Vượng sâu jênhv têx chêx cuk têx cấp ủy, chinhr quyênx, đoanx thể têx cấp tưz uô tâu hâur uô Chỉ thị 05 hâur 2 shôngk đhâu; kruôk têx tập thể, lênhx nênhs muôx têx yênhx tix jông hâur cơưv shâuv thiêz uô lơưr Hloz Hôx li siêz car, tsưr ziv sâuv tas nro têz qơưk. Taz sik, tsênhv muôx qênhx shênhx tsi chiv chir tsưr tsix uô chỉ thị, tsi tâu qênhz yuôx, seiz car hâur six hơưv uô. Iz pưv phênhv cán bộ, đangv viên, hâur co lênhx nênhs sơưr thơưx tsi tâu chiv chir, yax six cơưv shâuv, uô lơưr, tsi uô đeiv iêr chiê tsôngv box uô lơưr. Ntâu qơư chinhz yênhx chiv chir phê bình thiêz phê bình tsi tâu muôz siêz, tsi tâu chuv tôngv pov, tơưv txênhz đros têx siêz xar chinhr trị, cêr uô nênhx tsi jông, tsi chuv tôngv tơưv txênhz muôx chêx cuk đros têx hâux lưv muôx yưv tsi jông hâur chiz coaz, taz viv....

          Đrâuv têx jênhv vưv, tsưr ziv tưz heik đhâu 2 shông uô chỉ thị, đồng chí Trần Quốc Vượng thix ziv hâux lưv uô chỉ thị 05 tsuv reik đros hâux lưv uô nghị quyết Trung ương 4 khóa 11 thiêz khóa 12 lok cxiv tsa, hlôngr yiêz Đảng; Nghị quyết Trung ương 6 khóa 12 lok hlôngr yiêz tsưr tsix bộ meir hâur cxix luôk chinhr trị; lok hlôngr yiêz tsưr tsix thiêz coar lik têx taz viv sự nghiệp công lập thiêz Nghị quyết Trung ương 7 khóa 12 lok cxiv tsa têx cán bộ têx cấp. Thôngx cxix, hâur uô Chỉ thị 05, tsuv phuôx huiz lênhx nênhs sơưr thơưx li pưs txux, uô jông txơưx jênhv. Têx bộ, nganhx, đoanx thêv nhoz Trung ương ciêr chênhr uô tiêr nganhx, zuk li đoanx thêv li ploz tsênhr sưz xar thiêz chêx chôngk uô muôx chêx cuk. Uô jông Bộ chinhr trị li cui tênhv số 55 lok iz cxiê hâux lưv zuôr trâus uô ciês chiê chuôz tsar cán bộ, đảng viên li pưs txux uô ntêx nyuôk. Zơưv Trần Quốc Vượng heik mênhx:

          “ Chiê cơưv shâuv thiêz uô lơưr Hloz Hôx yênhx siêz chiv chir uô, yênhx cêr cor cav, iz lênhx canr bộ, đangv viên hâur siêz xar, huôx tôngv tsuv xar njôngr zuk zos lênhx nênhs paz hâux lưv trâu tsôngv box jông li Hloz Hôx tưz kriê; yax six taz por tsôngv box li qênhx liv, liv zix têz qơưk, hâux lưv muôx liv trâu tsôngv box, trâu têz qơưk, txơưv phiv liv li chas cux tsuv sir jos uô; zos hâux lưv uô ruôr hiêv txos tsôngv box, txos têz qơưk mak truôx siêz txar jav”./.

( BTS- Txâur Vax cxeik nhênhv)