Têx lênhx sâu xor xưv nhoz Đeix huyện li jax pêv

          Têx sâu xor xưv nhoz Đeix huyện, txơưv luôs hâux lưv tưs cux tsuv uô thiêz uô tâu. Thâuv mul uô hâux lưv ntơưv tiv phaz tsuôk muôx iz lênhx, cê gra meir, cê tuôr micro chiê cơư cxêik đuô, cê nus, cê chêx chôngk sâu jênhv cxuô mông sâu xor xưv. Co zos tsi tâu heik txos têx hnuz mul uô côngz xưv trâu thax tsav jêx jos tox siêz, txos têx jêx jos tsôngv box tox siêz, tsuv gra meir mul tơư đhâu trôngz đhâu har yênhx châuv cei cêr. Tix lâuk Bùi Đình Hải- zos iz lênhx sâu xor xưv nhoz Đeix nta suôz-xa đuôz huyện Quỳnh Nhai puz pâuz:

          “ Zos iz lênhx sâu xor xưv ntơưv iz Đeix huyện tox siêz tsênhv yuôr ntâu txov nhêv li Quỳnh Nhai, pêz tsuv uô ntâu zav hâux lưv txơưr. Iz chas  mul sâu xor xưv, pêz cux tsênhv mul cơư cxêik đuôz thiêz chiv chir cxiv sâu thâuv lol chiz coaz uô hâux lưv chiê thôngz xor mông têx vênhv thix chính trị, xã hội ntơưv tiv phaz txos tsôngv box seiz thiêz tsênhz mênhx tiv zix”.

          Quỳnh Nhai zos huyện muôx chôngz tsôngv box mênhx cxưx tsơưs nênhs nhoz uô nênhx, viv li, hâux lưv têx lênhx sâu xor xưv zos nênhs choz tsiz, tiv zix zos nênhs nhoz tiêx đras tuôx uô côngz xưv mak njiz lok six ntâu têx phêv liv. Nguyễn Văn Thiệu, zos iz lênhx sâu xor xưv- nhoz Đeix nta suôz- xa đuôz huyện Quỳnh Nhai heik txos jiês xuz thơưx mul uô côngz xưv trâu thax tsav jêx jos tox siêz:

          “ Thâuv nhiv kruôr tuôx uô hâux lưv trâu  huyện Quỳnh Nhai, viv tsi pâuz px cxuô hêir nênhs tsơưs têx luk hêik. Viv nhoz no phênhv ntâu zos tsôngv box mênhx cxưx, zuk tsi pâuz lul, thâuv mul uô côngz xưv mak njiz lok six ntâu phêv liv. Muôx têx thâuv mul trâu têx jêx jos tox siêz. Muôx têx lênhx tsôngv box txax muôk tsi car têz lul nus, ntâu jiês nus zos tsi muôx têx lênhx nênhs lênhs tov xã đros mul mak lok six phêv liv. Muôx têx lênhx têz mak cê heik lul choz tsiz, cê heik lul mênhx cxưx Thái, cux nus mul nus lol chiê thâuv tror lol thiêx zôngx ziv kho đuô”.

          Nhiv no, iz chas tso têx tsaz yênhx Đeix trung ương thiêz Đeix tỉnh, Đeix nta suôz- xa đuôz huyện Quỳnh Nhai iz ciêz uô 6 tsaz yênhx nta suôz (lul choz tsiz thiêz lul mênhx cxưx), 2 tsaz yênhx xa đuôz. Chiê muôx  txâuk xor xưv, têx jax sâu chiê uô tsaz yênhx, iz lênhx sâu xor xưv tsuv sâu cov tâu tiêr cxuô xor xưv chiê tso sâuv đêix nta suôz thiêz xa đuôz.

          Muôx lok six ntâu phêv liv, cxuô cêr khưr, taz sik đros qơư tsov txos zos tul qox txuôk đros tsôngv box đros Đangv, Đảng đros tsôngv box thôngz đhâu têx tsaz yênhx nta suôz thiêz xa đuôz, têx lênhx sâu xor xưv Đeix nta suôz-xa đuôz huyện Quỳnh Nhai xav tênhv truôx siêz sir jos uô côngz xưv. Đros cêr moz siêz txos hâux lưv tưz xeir tsov, lơưr cux tsênhv sir jos khưx phưx têx phêv liv chiê thôngz xor xưv txos tsôngv box sei tiv zix. Zơưv Điêu Chính Dụng- cán bộ so lâuk nhoz jos 6, xã Mường Giàng, huyện Quỳnh Nhai, tỉnh Sơn La heik:

          “ Đros têx lênhx nênhs uô pov tsir, chor sâu xor xưv nhiv no mak tâu thox cxov thiêz muôx yênhx tưv pênhr xưv, têx zav meir cux jông, thâuv mul uô côngz xưv cux jông đuô, xar njôngr têx hluôk nênhs tror sir jos đuô thiêz chiê Đeix ziv hnuz ziv huôv tsar jông phưx vưv tsôngv box hâur tỉnh”.

          Thôngz đhâu huôx tôngv pov tsir, têx lênhx sâu xor xưv nhoz Đeix nta suôz-xa đuôz huyện Quỳnh Nhai, tỉnh Sơn La tưz paz phênhv tsênhz mênhx lol hâur luz nênhx hnuz no li đeiv đuôz jông jav./.

(Nguyễn Trang- Txâur Vax cxeik nhênhv)

Moz txiê pok riêz nênhs ?

         Moz txiê zos uô trâu chax đaz su o thiêz zos iz hâur têx moz mak chor nênhs nox tsi txâuk iốt khênhr njiz trâus. Thâuv qênhz pov trâus muôx moz txiê, lênhx nênhs moz khênhr cxơưx thiêz tsi pâuz shor zav  moz no pok riêz nênhs. Li ntơư chiê pâuz tsênhz đuô zav moz heik co riêz nênhs lok tsi riêz nênhs, zâuv sơưr đơưk đros mnôngs.

          Moz txiê muôx yưv zos li chas?

          Moz txiê zos luz chax đaz su o lox đuô fênhx yax thiêz thâuv seiz njuôk shuôs moz mak pov chax đaz su uô iz luz poz ntơưv đruôz đraz poz ka, chax đaz, tsi lo tơưr grêix, tsi moz..... Iz luz poz tsi su lox mak zênhx xuôk tsi tâu, txơưv lênhx nênhs ntơư zuôs lok sik trok.

Thâuv moz iz luz txiê mê li heik sâuv zos tsi ndo seiz, cux tsi pâuz, viv thâuv tsênhv moz mê li heik co, lênhx nênhs moz zuôr tsi hnor moz lok sik o li chas hlo.

          Moz txiê pok riêz nênhs?

         Moz iz luz txiê tsênhv zâu, lơưr chor lâuk heik zos moz tsi riêz nênhs, viv li tsi uô ruôr hiêv li chas, zos tiêk lênhx nênhs moz qênhz pov thiêz pâuz tâu moz nzor.

Moz iz luz txiê txơưx lox jux juk, lênhx nênhs moz tsuôk nox yuôx, têx jiês cux jông jux juk. Moz txiê li heik sâuv zos nox thiêz hâuk yuôx kho moz 6 luz hlik tsi jông, tsuv tâu fêis.

Taz sik thâuv qênhz pov moz nzor, zos kho ciês thâuv ntơư mak zôngx ziv đuô, ziv tsês ntêr ziv kho tsi txơưx jông thiêz zuôr tsuv tâu fêis. Iz chas ntơư, zos têx lênhx trâus moz 2, 3 luz txiê uô cê lox jux juk, zuôr tsuv tâu fêis kho nzor, thiêz moz iz luz txiê tsi riêz nênhs, taz sik nưk zuôr niêk chax đaz, uô trâu lênhx nênhs co tsik jông nhoz, uô tsi yuô tâuk pa, uô chax đaz su o lox sei.

         Thâuv luz txiê ntơư tsênhv mê, tsi pov moz li chas mak tsuôk sox seiz thiêz qênhz njuôk shuôs njôngr  chiê pâuz tâu tsênhz tuk moz. Moz txiê nưk moz tsi siz thôngx, iz cxiê lênhx mak trâus moz hâur ntâu shông cux tsi pov huôv uô moz lox li chas.  Chênhr viv li, têx lênhx nênhs moz tsi cxoz cxơưx, viv moz iz luz txiê tsi riêz nênhs./.

(Thu Thùy-Riê Lâux cxeik, nhênhv)