Sơn La: Phiv liv hâur tir thêir ntâuk muôz têx shuôz njêl

Thax tsav xã Chiềng San, huyện Mường La, tỉnh Sơn La hâur niêx hnuz thâuv txix 3-5 six sơưr nzor thiêz 4-5 six zar tsâuk ntux tsôngv box khênhr ntâuk muôz shuôz njêl txix muôz tênhv tênhz hlơưr. Cheix ntux no, khênhr tsâuk ntux sei, têx  lưv lươngv muôx vax huôv cux tsi so muk qênhz yuôx shuôs pak đêx chiê tir thêir qênhx shênhx ntâuk muôz shuôs njêl li heik sâuv. Taz sik thâuv nhiv kruôr hnor têx lưv lươngv muôx vax huôv gox đror muk zuôr txos, lơưr tưz zênhx max gra thiêz suô hur si têx chuôz zênhx ntâuk muôz shuôz njêl khiêr.

Trơưk li zơưv Hoàng Văn Tởn, Phưv chi cục tsar chi cục shuôz njêl Sơn La: Tsuôk muôx iz luz thôngz ắc quy 12V, taz sik đhâu meir cxiz tênhv chis cuz mak tưz cuz lox 30 cxênhz VA, tưz tsi zos li heik co, têx tênhv ntơư tsênhv lok six riêz nênhs thiêz.  Tsênhz tiês tưz muôx kênh lênhx trâus tuôs tiv zôngv tênhv li heik sâuv chiê ntâuk muôz shuôz njêl. Pos Lường Thị Hương, nhoz jok Pá Chiến, xã Chiềng San, huyện Mường La, tỉnh Sơn La heik:

“Cux pâuz tiêk uô li ntơư tsi jông, taz sik cur tsuôk muk cxov têx mê nhuôv njêl, nhuôv chưk xưz. Hok luz thôngz ntơư zos chiê gra đros uô tênhz tơưk pov cêr thâuv tsâuk ntux. Nhoz trơưk 2 saz ntus đêx no, muôx lok six ntâu lênhx uô li ntơư hur si, tsi pâuz pêk tsơưs lênhx lơưr cux muôx hur tiz si”.

Ndê tuôx trâu pêv kaz đês njưs tar đêx pak đêx tênhv tênhz Sơn La, txos xã Liệp Tè, huyện Thuận Châu, qênhx shênhx tsôngv box ntâuk muôz shuôz njêl txix zôngv lax vak suô, muôx tênhz tơưk pov cêr lok six ntâu. Têx lax vak muôx tênhz tơưk pov cêr no lok six lox thiêz đar, xav kror đruôz đraz iz luz đar nhos 400 xưv phaz. Thâuv hmo ntux, tsôngv box zuôr tso lax vak trâu hâur đêx thiêz saz sâuv zos đei iz luz kê tênhz trâu, cxuô zav njêl mê nưk zuôr lok njâur thiêz nhoz trâu kror qơư pov cêr muôx kê tênhz chis co. Li ntơư iz jiês ntâuk suô lax vak li heik no muôx têx tâu nhos iz puôk ntâu njêl. Taz sik kror lar heik zos tsôngv box zôngv têx lax vak kror muôs mê, chênhr viv li txơưv têx mê nhuôv hmoz njêl lok six mê lok cux tâu hur si. Trung tá Tòng Văn Ơn, Đội seiz car hành chính thiêz txiv ngaz XH, Công an huyện Mường La, Sơn La heik:

“Pêz cux yax kriê txos trâu yênhx jêx jok, xã, choz trâu công an xã thiêz công an jok lok sâuv fuô kriê txos yênhx ziv chuôz zis, taz sik qênhx shênhx ntâuk muôz shuôz njêl li heik sâuv cux six muôx yưv, tiv 2 mak têx lênhx nênhs lês uô luôs hâux lưv no tsơưs, cux lax ntêk cxov tâu lơưr, lơưr pov lưv lươngv muôx vax huôv lơưr tso têk khiêr, muôx kênh lênhx tsênhv tso por tsês hur si têx fuôx gox tsi tsar, hu tuôx uô hâux lưv mak lơưr tsi tuôx, lok six phiv liv”.

Niêx shông, tỉnh Sơn La puôr lênhx tso njêl trâu hâur pak đêx tênhv tênhz chiê têx shuôz njêl vav thiêz muôx ntâu. Taz sik, têx shuôz njêl no muôx têx zuôr vav thiêz nzir tsi tâu trâu têx njêl mak tsôngv box sđ six zôngv tênhv tuô hlơưr, muôz lax vak suô....li heik sâuv. Shông 2017, Đoanx qênhz yuôx lênhx ngênhx tỉnh tưz đros têx huyện tsưr tsix qênhz yuôx shuôs thax tsav pak đêx tênhv tênhz Sơn La thiêz Hòa Bình. Đhâu qênhz yuôx txos 27 luz lax vak muôx kê tênhz ntâuk muôz shuôz njêl li heik ntơư, mak hur si 27 luz lax vak puôr lênhx uô tsi trơưk chei, cui tinhv; sâu tsês tâu xar muôx 40 gơưv, têx chuôz zênhx hlơưr tuô njêl txix tênhv tênhz, xưv bluô yênhx châuv tsov đeiv. Taz sik, hâux lưv xưv bluô uô cxâuv li no cux tsi tâu txâuk chiê lơưr nyei, phênhv ntâu têx lênhx tiz nênhs uô cxâuv ntơư tsuôk zos trâus sâu tsês têx chuôz zênhx ntâuk muôz shuôz njêl, heik lol sik uô ntơưr cov lơưr nhav tsi cxoz tror ntâuk muôz têx shuôz njêl li heik sâuv xưz. Iz chas ntơư, tsôngv box sđ tsi yuô tâu muôx txux chi tsưr ziv jênhv pâuz, phênhv ntâu têx lênhx nênhs uô cxâuv zos têx chuôz zis pluôs, luôs hâux lưv yax kriê, por hưv têx shuôz njêl tsi tâu uô jông; cxuô cấp, cxuô ngênhx, têx tsưr tsix chính trị-XH, cxuô thax tsav qơư tsi hux jos truôx. Zơưv Hoàng Văn Tởn, Phưv Chi cục tsar chi cục shuôz njêl Sơn La heik:

“Chiê khưx phưx thiêz txo grêk tsơưs qênhx shênhx tsôngv box ntâuk muôz shuôz njêl hâur pak đêx tênhv tênhz Sơn La tsi trơưk cui tinhv mak Ban chox kriê tỉnh zuôr buôk ti tso tơưv têx ntâuz ntơưr trâu têx huyện, lar heik zos chor huyện nhoz jê thax tsav pak đêx tênhv tênhz, chuôz tsar uô jông hâux lưv yax kriê trâu tsôngv box, tsưr tsix têx jiês tso chor njêl nôngz, cxaz nzir têx shuôz njêl”.

Zos tsi phax tir thêir zênhx max têx li heik sâuv mak zuôr uô hiêv lox txos tênhx qơư, uô tsi jông txos têx zav nox, uô têx shuôz njêl ziv hnuz ziv trâus tu nôngz, tsi muôx tas. Lar heik đuô iz jiês no, zos hâu nov cxuô thax tsav qơư nhoz tỉnh Sơn La thiêz tsôngv box sđ tsuv gra siêz txơưx jênhv, txux chi tsưr ziv jênhv pâuz hâur por hưv thiêz yơưz phơưz, sơưr tơưv txênhz, tir thêir têx lênhx nênhs khênhr ntâuk muôz shuôz njêl li heik sâuv./.

(Hồng Việt-Riê Lâux cxeik, nhênhv)

Tsuv cxiv tsa thiêz uô têx tsênhv chêi huôv tsar hluôk nênhs cov huv đros

Hâur ntu đhâu, tsưr tsix, bộ mêir uô hâux lưv sêiz car têz qơưk lok côngz xưv hluôk nênhs tsik tâu truôx, ntâu huôx tôngv tsênhv uô tsik tâu jông. Têx qơư uô si tsik tâu muôx cxuô, côngz xưv hluôk nênhs tsik tâu huôv tsar truôx thiêz ndar tsik chuôs huôv tsar xã hôiv. iz cxiê tsênhv njiêz chêi hluôk nênhs tsênhv muôx yưv têx phiv liv, tsuv tâu kho đuô, cxaz nzir cov huv đros hâur ntu têz qơưs hlôngr yiêz nhiv no. Viv li, lơưr iz cxiê đại biểu cux xav tiêk: tsuv muôx tsênhv chêi huôv tsar pênhr jos tsơưr lươngv siêz trâu têz qơưk hâur ntu nhiv no. Têx tsênhv chêi trâu hluôk nênhs nhoz thax tsav tsôngv box mênhx cxưx tsơưs nênhs, txov nhêv, tsênhv chêi xêir zok nriêr hâux lưv uô đhâu thâuv cơưv tas ntơưr. Zơưv Nguyễn Văn Tuyết, phưv chủ nhiệm ủy ban vênhx huôv, zoz zux, hluôk nênhs thiêz nhuôs zâu Côx hôiv hêik tiêk:

“Xêir zuôr hluôk nênhs mênhx cxưx li chak? Xêir chor nênhs txơưx thiêz tưr ciês muk cơưv chor tsêr cơưv đại học chiê cxơưz cxiz chor nênhs co, lok zos chor nênhs tưr tsik tâu cơưv đại học chiê muk cơưv nzir iz shông, đhâu co muôx tsênhv chêi trâu lênhx nênhs co. Têx tsênhv njiêz tưs lơưr cur zuôr kho tâu ciês; viv li, hâur ntu zuôr txos no zos kho đuô tsênhv chêi cov huv đros chiê cxiv tsa chêi hluôk nênhs cov huv đros đuô”.

Phưv thủ tướng Vũ Đức Đam cux xav tiêk, tsuv tsoz phưz, paz trâu chor hluôk nênhs muôx txux chi siêz, txơưx xar tơưv ntâu zav hâux lưv uô. Tsuv uô muôx têx phongz yaox hluôk nênhs, tsik chiê muôx yưv phongz yaox huôv tsar iz ntu ho tso tsês jux juk mak tsuv xêir têx phongz yaox tâu uô đrêiv muk ntêr. Lơưr phưv Thủ tướng, hâur ntu zuôr txos no, tsuv muôx tsênhv chêi huôv tsar, paz muôx tâu chor hluôk nênhs txơưx xar tơưv ntâu zav hâux lưv jông, muôx liv trâu sđ, chor nênhs khoa học hluôk chiê muôx tâu pênhr jos tsơưr lươngv siêz trâu têz qơưk. Phưv Thủ tướng Vũ Đức Đam hêik:

“Hâur 10 shông zuôr txos no, luôs hâux lưv lox tiv iz zos tsuv tuôr truôx cxuô luôs haux lưv uô, tsuv cxiv tsa khôngz qiv hâur tas nro xã hôiv. Hluôk nênhs uô ntêx hlo thiêz tas nro tsuv nriêr pâuz cxuô luôs hâux lưv muôx jông thiêz gra siêz zuk tsưr ziv txux chi huôv tsar uô. Tsêx trung trâu chor hluôk thiêz hâur chêi hluôk nênhs pêz cux tsênhv taz tov nhênhz chơưv zok nriêr, cơưv shâuv têx txux chi yiêz”.

Hêik ntơưv jiês cơưv, Phưv chủ tịch Côx hôiv Tòng Thị Phóng thav tiêk: tsuv kriz uô têx luôs hâux lưv jông zos Đại hội đại biểu hur si têz qơưk Đoanx hluôk nênhs cộng sản Hồ Chí Minh jiês tiv 11, ntu 2017-2022 tso tơưv. Lơưr co, Tsưr tsix Đoanx tsuv đros đrêiv hluôk nênhs, tuôr truôx têx vênhv thix hluôk nênhs moz siêz txos, hêik tơưv hluôk nênhs siêz xar chiê đros têx cơ quan têz qơưk cxiv tsa cxuô tsênhv chêi huôv tsar hluôk nênhs. Chuôz cxaz luôs hâux lưv sêiz kaz, hêik pâuz hâur cxiv tsa thiêz uô têx tsênhv chêi huôv tsar hluôk nênhs. Thôngx cxix, ntâuk gri huôx tôngv hluôk nênhs đros huôv tsar kinh tế-xã hôiv thax tsav txov nhêv, txix co muôx tâu têx tsênhv chêi huv đros chiê huôv tsar uô trâu hâur ntu zuôr txos./.

(TTT-Lik Thox cxêik)