“Hnuz thưr 7 đros pêx xênhv” nhoz Yên Bái, khưx phưx têx phiv liv, đrus đêz pêx xênhv

Hnuz thưr 7 nhiv kruôr đhâu, txơưr đuô cxuô hnuz đros thiêz pêx xênhv nhoz xar La Pán Tẩn, huyện Mù Cang Chải, tỉnh Yên Bái, viv muôx hâu nov huyện, xar tuôx jêx jok chiê yax kriê Đảng, têz qơưk têx cêr chêi; tso tsês têx phongx cxưx pôngz kaz, thiêz đros pox nhuôs sơưr đơưk kriz uô blêx liêx ntêir, uô vêv xênhz têx cêr muk lok hâur jêx jok, chos pax, chos ntông; kruôz kriê trâu pox nhuôs tsưr ziv tsoz phưz, tu zus tsiêx cxu chiê muôx đas jos jông tir tar tâu ntux no…

 Zos tiv phaz xuz thơưx ciês nhoz tỉnh Yên Bái kriz uô “Hnuz thưr 7 đros pêx xênhv” trâu thâuv kaz hli 6/2019, đhâu 3 hli ntâu kriz uô, huyện Mù Cang Chải tưz muôx zuôr xar 40 cxênhz ntâu lênhx cán bộ, đảng viên thiêz pêx xênhv cxaz chuôz; 100 ntâu jêx jok đros xar muôx 3 cxênhz ziv chuôz zis tâu yax kriê lok têx cêr chêi; 100 ntâu cêik cêr hâur jêx jok tâu kho đuô, uô vêv xênhz, thoz huk têx cưx thiêz kror tso đêx ntưk; xar muôx 10 héc ta liêx ntêir tâu kriz uô yiêz…. Pos Lương Thị Xuyến, phưv chủ tịch UBND huyện Mù Cang Chải, tỉnh Yên Bái puz pâuz:

“Pêz cê muk paz trâu pêx xênhv thiêz chox kriê cấp ủy, chính quyền xar tror sir jos paz uô, têx hnuz tsik muôx cán bộ huyện muk mak cán bộ xar cux muk paz pox nhuôs hâur têx hnuz so. Txix co, paz uô zuk zos nênhs txuôk đros txix đảng trâu pox nhuôs thiêz cán bộ nhoz tox siêz zos chor nênhs chiê yax kriê Đảng, têz qơưk têx cêr chêi txos trâu pêx xênhv pâuz”.

Ntơưv huyện Văn Yên, “Hnuz thur sha đros pêx xênhv” tâu kriz uô cxuô nro ntơưv 27 xar, thị trấn hâur hli uô ntêx. Huyện li tsaz yênhx zos tsêx trung trâu yax kriê chêi zoz thôngz; kho đuô têx cêr muk lok hâur jêx jok; uô vêv xênhz tsêr vênhx huôv, qơư uô hâux lưv xar, tiêx uô si; kruôz kriê pox nhuôs chos thiêz tsoz phưz têx tsoz chos chênhr ntơưv huyện zos cuêv fix chiê muôx tsơưr lươngv jông đuô…Txix tsênhv tsênhz cán bộ thiêz pêx xênhv sik đros uô xênhz yar, ntâu kror hâux lưv ntơưv tiv phaz tưz tâu cêir chêx. Ciês hâux lưv paz cxiv tsa jêx jok yiêz, xêir tsov chuôz zis pluôs, tơưk tênhz chis pov cêr jêx jok…tâu pêx xênhv chiv chir đros uô. Zơưv Vũ Quang Hải, Chủ tịch UBND huyện Văn Yên, tỉnh Yên Bái puz pâuz:

“Pêz phuôx tôngv tsik so thiêz sir jos uô oz jiês hâur iz hli tsês hnuz thưr 7 muk paz trâu pêx xênhv. Thâuv cán bộ đros pêx xênhv uô têx hâux lưv ntơưv jêx jok, mak cán bộ thiêz pêx xênhv pov siz sưv jê đuô. Thiêz uô tas hâux lưv mak cux tsik nhoz nox hâuk uô phiv liv tsik jông thiêz uô trâu pêx xênhv tsik jông siêz”.

Tsaz yênhx “hnuz thưr 7 đros pêx xênhv” tâu tỉnh Yên Bái kriz uô cxuô nro ntơưv têx tiv phaz zuôr xar 2 hli lok no. Têx nov hâu, nênhs sêiz car, cán bộ công chức txix tỉnh txos tiv phaz iz hli tsês tsơưs tiv zix oz hnuz kaz ciêz muk tiv phaz zuk tâu phêiz côngz chiê njiz, sik thav đros pêx xênhv lok têx phiv liv muôx yưv ntơưv tiv phaz chiê cêir chêx tâu siêz lok sik hêik trâu thênhv siêz pâuz chiê cêir chêx; paz pêx xênhv huôv tsar uô xênhz yar, cxuôv tsêr đaz tuôs lav nhoz, cxiv tsa têx tổ chiv chir sêiz car hâur pêx xênhv qơư nhoz cov muôx chêx cur…Tỉnh ủy Yên Bái hêik kriz uô tsuv uô txix ntâu tsưr ziv jông, taz por muôx tâu chêx cur. Ntâu kror tsuv piz txix chiv chir đros uô, tsik uô phiv liv txos tiv phaz; taz por tsik zos uô cov muôx xưz. Lơưr co, tưz muôx zuôr xar 100 cxênhz lênhx cán bộ, đảng viên thiêz pêx xênhv cxaz chuôz tsaz yênhx; yênhx puô côngz trinhx, hâux lưv ntơưv tiv phaz tâu cêir chêx. Zơưv Nguyễn Minh Tuấn, trưởng Ban Tuyên giáo tỉnh Ủy Yên Bái puz pâuz:

“Chor cán bộ muk đros pêx xênhv hnuz thưr 7 tsuv paz trâu pêx xênhv cxiv tsa têx tsưr ziv uô kinh têr, têx tổ sik côngv, têx hax huv jông muôx nhoz tiv phaz, têx hax huv du lịch chiê paz muôx nzir phênhv sâu trâu pêx xênhv. Đros tox siêz, cán bộ muk paz pêx xênhv mak tsênhv uô nzir hâux lưv yax kriê tso tsês têx phongx cxưx pôngz kaz, đros pêx xênhv uô têx hâux lưv hâur yênhx hnuz, paz muôx sik côngv siêz, shir phaz ntơưv tiv phaz. Đhâu kriz uô tưz paz uô truôx đuô cêr coangz siv nhoz Đảng, têz qơưk thiêz pêx xênhv; phuôx huiz tâu sik côngv siêz tas nro mênhx cxưx. Têx hâux lưv uô no pêz xav jênhv zuôr kriz uô jông hâur cxiê shông”./.

(Thừa Xuân-Lik Thox cxêik nhênhv)

Phax tuô têx caz tho nox uô hiêv caz tsiz

Uô hiêv: caz pưx, caz las (têx tuk caz tưz lox muôx tik) thiêz têx caz mok uô ruôr hiêv nox têx chas caz tsiz, uô trâu caz tsiz hloz lox kênhz, jux juk tsưl tas, tsi nrâu câuk, txiêr sâu tsi tâu.

Six hơưv têx caz heik sâuv tho nox uô ruôr hiêv khênhr zos thâuv ntux kruôr gis. Sâuv têx caz tsiz, chor caz lâuk ntêl kê iz ndis hâur luz hâur pâuk, muôx 15 hnuz têx kê txơưv đâuk uô caz mok, nhoz thiêz chiêx 5-6 luz hlik hâur ar, đhâu ntơư flis uô caz lâuk. Têx caz mok thiêz caz lâuk nox chas thiêz hâur pâuk caz tsiz, đruôz hnuz nhoz hâur hâur pâuk. Chor caz no nox uô hiêv ntâu trâu thâuv caz tsiz tsênhv nrâu câuk, huôv (luz 3, 4 hlik ntơư), uô têx caz tsiz tuôs, tsi nrâu câuk, thâuv lox (hli 6), têx caz lâuk mak tsi yuô nox uô hiêv ntâu li têx caz mok.

Seiz cxuô, têx caz heik sâuv tsik zôngx ziv tsuôs yuôx tuô, chênhr viv li tsôngv box sđ tsuv uô trơưk têx faz tsưr ziv li đrav kaz:

Tsi so hlôngr chos lưv tsoz chos li tâuv pâur, jâuz, blêx....

-Lêix cov toz, huk uô têx hax, khơưk suô hur si têx nhov, đrox uz no.

-Nthuô đoz têx đrox đros trâu ntêk tuô têx caz mok uô ntêx thâuv zuôr khơưz kror chos.

-Chos trơưk cheix, chos uô cê.

-Zưs đêx cov ntâu (zos têx liêx têz muôx đêx).

-Muôz têk cxov (têx caz lâuk thiêz caz mok) zos ntâu hênhr, muôx têx zôngv tênhz chuôz, tsưr ziv no tsuv uô tsi so txix 2-3 ciêz, ntêk tuô hur si têx caz lâuk thiêz caz mok, six hơưv tso tênhz chis chuôz ntêk chor caz no tsuv uô txix thâuv tsâuk ntux txos iz tas hmo.

-Zôngv têx yuôx tuô li: Yuôx Sago Super 3G, Gà nòi 4G...., chor yuôx muôx têx muôz fmông trơưk hax, thâuv huk uô hax lok sik fmông hâur pâuk. Zôngv cux seiz têx caz ntâu lok sik tsơưs, muôz yuôx fmông txix 20-40 cir iz ha, uô ntêx thâuv zuôr muôz yuôx fmông, têx liêx têz tsuv muôz ndơưk khơưz cov nxênhr, mav fmông yuôx trâu, đhâu ntơư li tso đêx lok zưs cov têx yuôx nzâuv ar./.

(Thanh Thủy-Riê Lâux cxeik, nhênhv)