Lai Châu: tưz qênhz shuôs, tir tar tâu chor nênhs trâul kâus tưx thiêz têx chơưr muôx tsơưr tưx hâur thax tsav

          Tsêr kho moz Đa khoa tỉnh Lai Châu, suôv qơư chơưv kho moz zênhx max trâu chor nênhs trâul tưx hnhar hâur txuz uô muôx yưv kâus tsơưr tưx, thâuv têx lênhx nênhs trâul kâus đak jos tưz jông jux juk, tsi uô ruôr hiêv txos txox siê. Chor nênhs trâul kâus tuôx nhoz chơưv kho moz hâur têx hnuz xuz thơưx tưz tâu tso muk nhoz trâu khoa kho moz kror muôs thiêz iz cxiê khoa txơưr đuô chiê tror tâu chơưv kho têx moz txơưr đuô tiv kâus tưx uô ruôr hiêv. Têx lênhx nênhs trâul kâus tưx hnhar li: Phu A Sử, Chang A Hờ, Chẻo Sìn Hào txos nhiv no đas jos tưz nhoz khênhr jux juk.

Viv tâu hâu nov ntơưv qơư thiêz têx cơ quan muôx vax huôv yax kriê, vênhv tôngv, đros trâu chor cơ quan yax xa mông li têx cêr paz, hnuz 18/2 tưz muôx 60 ntâu lênhx sir zôngv iz zav chơưr puôr lênhx zos zuôr ntơưv xã Sì Lở Lầu lok đhâu thâuv seiz njuôk shuôs ntơưv qơư y tế tưz tuôx trâu tsêr kho moz Đa khoa tỉnh chiê qênhz yuôx. Txos nhiv no, chor nênhs trâus tưx tiv hâuk chơưv ntơưv ntênhs tuôs thiêz iz cxiê lênhx nênhs hâuk têx chơưr tsi zos hâur ntênhs tuôs heik sâuv tsênhv nhoz kho moz ntơưv tsêr kho moz Đa khoa tỉnh Lai Châu li đas jos tưz nhoz khênhr, tsi pov muôx li chas yưv siv. Ntơưv Tsênhv qơư y tế huyện Phong Thổ muôx 46 lênhx trâul kâus siz hâur têx hnuz đhâu, cux tsi pov uô li chas. Bác sĩ Tạ văn Quyền, Khoa seiz njuôk shuôs moz, chơưv kho moz zênhx max xuz thơưx, tsêr kho moz Đa khoa tỉnh Lai Châu heik pâuz:

“Hâur six hơưv chơưv kho moz trâu têx lênhx nênhs moz, pir li niêx hnuz mak cux muôx ntâu lênhx. Pêz cux tưz zênhx max heik trâu têx hloz thiêz chor khoa, phongx chiê phênhz lênhx nênhs paz đros uô hâux lưv chơưv kho moz trâu chor nênhs moz. Têx lênhx nênhs moz tuôx txos tsêr kho moz cux zos sir zôngv chơưr hâur têx hnuz nhiv kruôr đhâu ntơư, mak cux pov muôx têx jông xưk li kâus tưx. Chor nênhs moz tuôx nhoz chôngz li no cux zos khov tâu têx cơ quan yax kriê”.

Qênhx shênhx kâus tưx đhâu thâuv nox hâuk tas ntơưv iz ntênhs tuôs hâur zơưv Phu Vần Lẻng chuôz zis thiêz iz ntênhk tuôs txơưr đuô hâur têx hnuz đhâu muôx yưv phiv liv, thâuv têx lênhx nênhs trâul kâus muôx nhoz thax tsav 5 xã ntus đriv zos Ma Ly Chải, Vàng Ma Chải, Sì Lở Lầu, Mồ Sì San thiêz Dào San, huyện Phong Thổ ziv hnuz ziv muôx ntâu lênhx. Taz  sik, khov muôx hâu nov cxuô cấ ntơưv qơư thiêz têx cơ quan muôx vax huôv li têx sir jos paz, lar heik zos ngênhx y tế hâur paz chơưv kho moz zênhx max xuz thơưx, cux li sik hux jos truôx đros têx lênhx bác sĩ tsêr kho moz Bạch Mai thiêz chor nênhs nhênhz chơưv hâur ngênhx Y tế, viv li chor nênhs trâul tưx tâu chox muk chơưv kho hâur têx tsêr kho moz tưz tsi muôx nzir lênhx nênhs tưs trâul tuôs.

Zơưv Dương Đình Đức, Phưv Chủ tịch UBND huyện Phong Thổ heik pâuz: Chor nênhs trâus moz cik txos txuz kâus tưx hâur thiêz đrâuv thôngz sâu ntơưv 5 xã ntus đriv txos nhiv no zos 126 lênhx, hâur ntơư muôx 105 lênhx cik txos nox hâuk têx jâuz mor thiêz chơưr ntơưv ntênhs tuôs. Cơ quan muôx vax huôv cux tưz sâu thiêz hlơưr por tsês zuôr xar 4.800 lir chơưr chuôr tsi pâuz tsênhz qơư ntơưv 8 xã ntus đriv, hâur ntơư tsôngv box sơưr đơưk chiv chir muôz hlơưr por tsês trâu hâu nov ntơưv qơư njiê njôngr zos zuôr xar iz cxênhz lir chơưr. Txos nhiv no, qênhx shênhx kâus tưx chơưr hâur thax tsav, lar heik zos têx lênhx nênhs moz cik txos txuz kâus tưx heik sâuv tưz tâu tir thêir. Đhâu têx li heik sâuv, tsôngv box khiêr muk nhoz thiêz pư pêv têx liêx têz, nhiv no cux tror lok tsêr truôx tuk luz nênhx. Zơưv Dương Đình Đức heik:

“Nhiv no, tsôngv box cxuô heir nênhs tưz tror lok hâur jok, têx tuz nhuôs cux tror muk cơưv ntơưr cxix cxuô tas. Thiêz hâur têx jiês cơưv jêx jok mak tsôngv box sơưr đơưk tưz jông siêz, thôngx ziv tiêk, tsi zôngv, tsi hâuk chơưr hâur têx ntênhs tuôs, cêr đaz cêr kruô. Lar heik zos tsôngv px sơưr đơưk zuôr sik đros qênhz yuôx, yơưz vơưz têx nênhs uô cxâuv thiêz uô têx chơưr chuôr tsi pâuz tsênhz qơư. Thiêz tsôngv box sơưr đơưk hâur thax tsav tưz hlôngr yiêz tsưr ziv jênhv pâuz hâur sir zôngv têx zav nox hur”.

Li ntơư, khov muôx hâu nov ntơưv qơư, cơ quan muôx vax huôv li têx sir jos paz, lar heik zos chor lưv lươngv nhoz hâur thax tsav li: Bôv đôiv, công an, y tế, zoz zux, tsôngv box cxuô heir nênhs ntơưv qơư luz nênhx tưz tror truôx tuk. No zos iz kro zov chênhr chiê pâuz tsênhz txos hâur luôs hâux lưv seiz car ngaz tuk zav nox, cux li tsôngv box tsưr ziv sir zôngv têx zav nox hur, lar heik zos tsôngv box cxuô heir nênhs tsơưs nhoz tox siêz đêz đrôngs, ntus đriv./.

(Khắc Kiên-Riê Lâux cxeik, nhênhv) 

PHÊNHV TSÊNHV CHEI BẢO HIỂM ĐROS LUZ NÊNHX 1

Lênhx pox niêv xênhz zus nhuôs li chas tâu sơưv BHYT 100%?

          Pos Đào Thị Kim Ngân- TP.Hà Nội nus:

          Cur muôx ntơưr BHYT ntơưv tsêr kho moz 198, TP.Hà Nội, xar xênhz mê nhuôs ntơưv tsêr kho mo Sản Nhi Hưng Yên. Zos li, cur puk tâu sơưv BHYT? Lênhx pox niêv xênhz zus fênhx yax lok sik fuô muôz mê nhuôs mak phênhv tâu sơưv zos li chas?

          BHXH Việt Nam têz vênhv thix no li no:

          Tsov lơưr ntu 5 thiêz ntu 8, grê 8 Bộ y tế, Bộ nhiêx txiêx li thông tư liên tịch số 41/2014/TTLT-BYT-BTC hnuz 24/11/2014 heik kriê uô BHYT, zos hlôngr qơư seiz njuôs thiêz kho moz, nênhs cxaz chuôz BHYT tuôx seiz njuôs thiêz kho moz tsi zos zuôr trâus chơưv kho tav siv muôx six hơưv nhoz seiz njuôs thiêz kho moz qir thơưx ntơưv qơư y tế tuyến chuyên môn kỹ thuật lok sik đros qơư đăng cir seiz njuôs, kho moz qir thơưx sâu sâuv ntơưr BHYT, tsuv muôz ntơưr BHYT thiêz ntơưr chứng minh đăng ký qơư nhoz.

          Lơưr co, chiê pos tâu sơưv 100% nhiêx phir seiz njuôs thiêz kho moz BHYT thâuv xênhz zus nhuôs ntơưv tsêr kho moz Sản Nhi Hưng Yên, thix ziv pos muôz ntơưr BHYT thiêz tsêr kho moz 198 li ntơưr hlôngr qơư seiz njuôs thiêz kho moz lok sik ntơưr côngz jênhv qơư nhoz ntơưv Hưng Yên.

          Zos chiv chir mul xênhz zus mê nhuôs (tsi zuôr trâus chơưv kho ciêr chênhr) ntơưv tsêr kho moz Sản Nhi Hưng Yên mak cuiv BHYT tsuôk thêv trâu pos 60% nhiêx phir kho moz. Hâux lưv xênhz zus fênhx yax lok sik fuô muôz mê nhuôs lol mak tsov lơưr lênhx niêv li qênhx shênhx thiêz lơưr bác sĩ li heik kriê. Viv li, đros thiêz pos Kim Ngân tâu bác sĩ heik tiêk tsuv fuô muôz mê nhuôs lol mak Cuiv BHYT zuôr thêv trơưk cui tênhv thiêz phênhv tâu sơưv sâu sâuv ntơưr BHYT./.

( Thanh Thủy- Txâur Vax cxeik nhênhv)