Sơn La chuôz cxaz têx tsưr ziv chiê sêiz car yuôx por vêv đrox tsuôs

Txos nhiv no, tas nro tỉnh Sơn La muôx zuôr xar 800 zav yuôx por vêv đrox tsuôs tâu muôs sâuv ciêz đrôngs đros muôx 350 doanh nghiệp, hợp tác xã, qơư muôl muôs yuôx por vêv đrox tsuôs tâu cấp muôx qênhx tso chêi huôx tôngv. Tas nro chor yuôx por vêv đrox tsuôs tâu muôs shông 2017 zuôr xatt 760 tấn, chor hli hâur shôngk shông 2018 zos 240 ntâu tấn. Txơưv tiêk chor cơ quan txơưx jênhv hâur tỉnh tưz tsik so tsưr tsix qênhz yuôx thiêz xưv lik chor nênhs uô cxâuv muôl muôs yuôx por vêv đrox tsuôs, thôngx cxix, sir jos yax kriê, kruôz kriê tsưr ziv sir zôngv, sâu tsês têx zav trâu chor yuôx por vêv đrox tsuôs trâu pêx xênhv. Taz sik txix shông 2017 txos nhiv no, sâu thax tsav tỉnh cux tsênhv muôx 461 txuz trâus tsơưr tưx cik txos yuôx por vêv đrox tsuôs, tiv pêx xênhv sir zôngv tsik huv li tsưr ziv. Iz zav li jiês jê lok no ntơưv jok Suối Khoang, xã Tân Hợp (Mộc Châu) muôx 78 lênhx nênhs trâus tsơưr tưx tiv sir zôngv tâu phênhv sêx xênhz huôx muôx yuôx por vêv đrox tsuôs.

Qir tiv lox tâu hêik tơưv nhoz no zos hâux lưv sêiz car, sâu tsês têx hux, hnaz trâu chor yuôx por vêv đrox tsuôs đhâu thâuv sir zôngv tas tsênhv yuôr ntâu phiv liv; đros co zos pêx xênhv li jênhv pâuz kik hâur uô lơưr tsưr ziv 4 zos lok sir zôngv yuôx por vêv đrox tsuôs, uô muôx yưv qênhx shênhx sir zôngv chuôs tsi, por tsês cxiê qơư. Chiê pz sêiz car muôx chêx cur, pos Đinh Thị Bích Thảo, Bí thư huyện Ủy Mai Sơn, tỉnh Sơn La hêik: chor qơư muôl muôs zuôr sâu tsês têx hưx, hnaz trâu yuôx por vêv đrox tsuôs txix muôz têx hưx, hnaz co pâur têx chuôz zênhx sir zôngv xênhz huôx lok sik muôs zuôr nhiêx, li co zuôr paz cxơưz cxiz pêx xênhv sâu thiêz khơưk tsês:

“Lok sz huyện mak cux thor hêik, zos muôx chox kriê thôngx ziv txix huyện mak cur xar chêx cur zuôr tsênhz mênhx đuô. Zos tiêk tsuôk uô qơư chiê khơưk tsês thiêz yax kriê xưz mak sơưr đơưk khơưk thiêz sâu lok cux tsik muôx liv đaz tsi taz sik zos muôx iz kror liv zâu xưz, têx jâuv zos kror liv zâu lok kinh tế xưz lok cux zos kror liv, thôngx cxix đros kror no mak lok saz huyện njuôk xav thâuv muôx tỉnh li chỉ thị mak zuôr chox kriê kriz uô sâuv tas nro huyện”.

Hêik ntơưv jiês cơưv, zơưv Nguyễn Hữu Đông, ủy viên dự khuyết trung ương Đảng, Phưv Bí thư tỉnh Ủy Sơn La hêik chor cơ quan txơưx jênhv hêik pâuz trâu Ban thường vụ tỉnh ủy tso tơưv chỉ thị lok côngz xưv sêiz car muôl muôs thiêz sir zôngv yuôx por vêv đrox tsuôs sâuv thax tsav tỉnh; tror sir jos sêiz kaz truôx jông uô lơưr têz qơưk li têx cuiz tênhv tưz tso tơưv đros chor qơư muôl muôs yuôx por vêv đrox tsuôs. Sir jos sik côngv đros chor tiv phaz sêiz car chor qơư muôl muôs yuôx por vêv đros tsuôs; hêik chor qơư muôl muôs yuôx por vêv đrox tsuôs tsuv kruôz kriê trâu pêx xênhv sir zôngv yuôx por vêv đrox tsuôs  uô lơưr têx xor mông sâu sâuv hnaz trâu yuôx; Sở kôngz nuv thiêz huôv tsar jêx jok sik côngv đros Sở tài nguyên thiêz tênhv qơư tỉnh tsuv sêi đrơưv thôngx ziv tsưr ziv sâu tsês thiêz hlơưr por tsês têx hưx thiêz hnaz, hưx trâu yuôx por vêv đrox tsuôs đhâu thâuv sir zôngv tas; sir jos uô côngz xưv yax kriê chiê pêx xênhv pâuz, tsêx trung trâu chor qơư nhoz đêz, tox siêz. Huiz tôngv cấp ủy, chính quyền thiêz chor đoanx thêv li sir jos, cxaz nzir têx chêi hâur jêx jok lok tsưr ziv sir zôngv thiêz sâu tsês chor hưx, hnaz trâu yuôx por vêv đros tsuôs. Zơưv Nguyễn Hữu Đông hêik:

“Iz zos tsuv chox kriê chor sở nganhx sik côngv truôx đros ủy ban chor huyện, thành phố sêiz car truôx chor qơư muôl muôs yuôx por vêv đrox tsuôs. Đrâuv vễnh tôngv yax kriê mak tsuv tuôr têk kriê hâux lưv uô, đảng viên sêiz car chor ziv chuôz zis mak tsuv yax kriê uô ntêx chiê paz trâu pox nhuôs hâur zuk li ntu uô xênhz yar, Đảng viên uô uô ntêx lơưv mak pox nhuôs zuôr cơưv shâuv uô trơưk”./.

(Lan Long-Lik Thox cxêik nhênhv)

Phax tar moz đôngk nyar trâu nhux tưv

Nhux tưv zôngx ziv trâus moz đôngk nyar đuô hur si. Txix têx nhux tưv trâus moz muôx têx cik trâu nênhk, trâu đêr thiêz buô. Chênhr viv li, hâur fâuv moz đôngk nyar nhux tưv, tsuv tsưv ziv phax tar moz trâu têx tsiêx heik co. Chor nhuôv nhux, nhuôv tưv tsênhv nox mik mal tsi yuô trâus moz, têx nhux tưv tưz muôx  txix 2-3 shông khênhr trâus moz đuô hur si pir li têx nhux tưv lâuk. Nhoz pêz têz qơưk, tưv khênhr trâus moz ntâu đuô thiêz hnhar đuô têx nhux.

Moz đôngk nyar khênhr huôv xênhz nhoz têx thax tsav, suôv qơư cuz sor thiêz nông. Thâuv cheix ntux nas, caz moz muôx nhoz hâur têx ar, đêx uô caz moz tơưv, ntaz tuôx trâu sâuv bông ar, lo nhux tưv têx jâuz thiêz đêx hâuk. Nhux tưv nox thiêz hâuk tâu chor caz moz ntơư zuôr uô moz huôv xênhz. Moz buôk ti siz cik txix têx tsiêx muôx moz trâu chor tsi tâu tâu moz thôngz đhâu nhoz siz jê thiêz nox, hâuk uô cê têx jâuz, đêx, cơư uô cê thiêz tu zus uô cê iz yar jâuz lok sik zôngv uô cê têx chuôz zênhx tu zus. Moz huôv xênhz nhoz cxuô qơư hâur niêx shông ntơưv têx thax tsav cuz sor, nông ntâu taz sik khênhr chêx tsôngk hâur cheix ntux nas (txix hli 6-hli 9).

Nhux, tưv khênhr trâus moz hâur 3 ntuk. Thâuv trâus moz, chor tsiêx têx kror muôs, kror ndâux, kror njưs, têx tơưr grêix liêz thiêz đôngk nyar. Grêix đôngk têx thax, plơưr o lox, siêz njưk uz no....muôx ntâu đêx đax lik. Tuk tsiêx cuz lox, têx kror muôs, kror njưs mê njik liêz đuz txis. Cuô muôs, cuô njưs lok tsi tu. Chax đaz, têx kos kaz poz tsêik.... o lox, uô trâu tuk tsiêx uô tsi yuô tâuk pa. Thiêz têx kos ntơưv pưs pu, ndêx puôz....o, uô trâu tuk tsiêx mul tsi yuô tâuk cêr.

Chiê phax tar moz, tsôngv box sđ tsuv tsi so vêv xênhz hur si têx qơư tu zus, nzuôr thiêz qêz suô têx qơư cơư tsiêx, tsuôs yuôx tuô, lov caz moz. Nhoz têx qơư tu zus, tso nox jâuz thiêz iz ndis thax tsav qơư cơư, zus tsiêx tsuv luôx, đoz hur si têx đrox, thoz huk têx cưx, qơư tênhr đêx cov đêx ntưk tâul chiê txo grêk tsơưs caz moz huôv xênhz.

Chuôz tsar đas jos trâu têx tsiêx txix vêv xênhz hur si têx jâuz, krâur nox, đêx hâuk , muôz trâu tsiêx nox txâuk têx jâuz uz no, tu thiêz sir zôngv têx tsiêx huv đros.

Thâuv muôx  moz huôv xênhz tsuv qênhz pov zênhx max têx tuk tsiêx trâus moz chiê kuôk cêv tso nưk nhoz nưk iz kro kho moz, tsi chiê moz cik tâu trâu têx tuk tsi muôx moz, heik trâu sđ pâuz, txưr tsi khênhr fax thâux thiêz tuô tsênhr têx grêix nhux tưv. Nhux, tưv trâul tuôs tsuv muôz phâuk toz, nquôr hmôngr jêz siz trâu luz kror phâuk tul tsiêx tuôs co. Tas nro têx qơư cơư thiêz tu zus tsiêx tsuv vêv xênhz, tsuôs yuôx tuô, lov caz moz. Muôz têx kiêk nênhs, vuôz tsuôz li: Nhux tưv têx jâuz nox tsi tas ntơư thiêz têx qir vâuv shơư hmôngr jêz siz chiê tuô lov caz moz. Tsôngv box cxax yuôx vắc xin moz đôngk nyar, cxax thiêz zôngv trơưk li têx lênhx nênhs tsiv uô yuôx heik kriê. Fênhx yax, 6 luz hlik cxax iz jâuk. Tsưv ziv, đros thiêz têx nhux tưv bax zuôr fax thâux, chaz muk tso trâu iz qơư tưs txơưr lok sik hlôngr qơư tu zus mak tsuv cxax yuôx vắc xin phax tar moz uô ntêx thâuv zuôr thâux, chaz têx nhux tưv ntơư 21 hnuz.

Thâuv tuk tsiêx trâus moz, tsôngv box sđ ndo njôngr tuôx chuôs njiz têx canr bôv kho moz tsiêx cxu chiê tâu heik kriê tsưr ziv zôngv yuôx thiêz tsoz phưz tu li chas chiê tuk tsiêx ntơư moz jông sei./.

(VOV4-Riê Lâux cxeik, nhênhv)