Jax sâu thưr 2, hnuz 22/8/2016:

Thax tsav trâus đêx nas uô ruôr hiêv Lào Cai tưz bax tâu cxuô luôs hâux lưv trâu shông cơưv yiêz

        Tsêr cơưv cấp iz số 1, xã quang kim, huyện Bát Xát zos iz hâur têx tsêr cơưv trâus ntux nas chuô uô ruôr hiêv hnhar hâur têx hnuz đhâu. Đhâu đêx nas grik tas, hur si têx yar tiêx hâur tsêr cơưv trâu têx nhuôs shux xênhz uô si, têx qar tsêr lớp cơưv ntơưr hâur yôngx iz kror tưs cux pov ar lo, kiêk vuôz tsuôz njuôr; yênhx cxênhz fâu ntơưr cơưv hâur qơư trâu têx ntơưr thiêz chuôz zênhx chuôz tas phưx vưv kriê cơưv ntơưr cux trâus puôk tsuôx, tsi jông tas. Luôs hâux lưv  khưx phưx tâu fuô uô ciês đhâu thâuv têx đêx nas grik tas. Đros têx tsưr tsix, đoanx thêv ntơưv qơư têx sir jos sik đros paz, hâux lưv khưx phưx tưz tâu tsêr cơưv fuô uô tiêr. Zơưv Nguyễn Văn Đảo, Phưv Chủ tịch hội Bộ đội lâuk xã Quang Kim, huyện Bát Xát heik pâuz:

    “ Zuôr txos têx shux xênhz zuôr qir tuôx cơưv hâur shông cơưv yiêz, Hội bộ đội lâuk xã tưz heik trâu Đảng ủy tsưr tsix sđ sik đros muk qênhz suô hur si  chiê taz por trâu têx shux xênhz tuôx nhoz, cơưv ntơưr hâur shông cơưv yiêz”.

      Iz chas tsêr cơưv cấp iz Quang kim, hâur thax tsav huyện Bát Xát tsênhv yuôr 6 kror qơư cơưv txơưr đuô cux trâus uô ruôr hiêv hnhar tiv nas chuô. Chiê hur si têx shux xênhz muôx têx qir tâu cơưv hâur shông cơưv yiêz trơưk six hơưv, tsưr ziv, iz chas huiz tôngv sđ ntơưv qơư, ngênhx zoz zux Bát Xát tsênhv tâu yênhx puô lênhx hluôk nênhs txưv zênhv uô têx nuv jông siêz thiêz chor canr bôv, cưk kriê nhoz têx qơư txơưr đuô cux tuôx đros paz cxiv kho têx tsêr cơưv ntơưr trâus puôk tsuôx li hêik sâu. Chênhr viv li, txơưv têx cêr pôngz siêz, trâus uô hiêv tiv ntux nas uô cux tsi tâu plox taz sik txos nhiv no, hur si têx tsêr cơưv hâur huyện tưz uô tiêr tâu têx hâux lưv bax trâu shông cơưv yiêz. Pos Đỗ Mai Thông, phưv tsar phòng Zoz zux thiêz thox cxov huyện Bát Xát heik:

        “ Coz nas chuô số 2 tưz uô ruôr hiêv tas ntâu trâu li ntơư, taz sik đros thiêz côngv thôngx sđ têx cêr paz, pêz khav tinhv zuôr krêz tâu shông cơưv yiêz trơưk luôs têx tsêr cơưv lơưr tsưr ziv hâur shông cơưv”.

        Lơưr thôngz sâu, coz nas chuô số 2 tưz uô ruôr hiêv tas muôx 8 kror qơư cơưv ntơưr hâur tỉnh, hâur ntơư huyện Bát Xát trâus uô hiêv hnhar đuô hur si, muôx 7 tsêr cơưv trâus hiêv. Đhâu thâuv muôx ntux nas lox li heik ntơư uô hiêv, Sở zoz zux thiêz thox cxov tỉnh Lào Cai tưz tsi so heik cov uô jông hâux lưv khưx phưx têx tsi jông ntơưv  hur si têx tsêr cơưv trâus uô ruôr hiêv chiê shông cơưv yiêz tsưr tsix tâu trơưk tsưr ziv tso tơưv. Iz chas ntơư, Sở zoz zux cux heik têx thax tsav hâur tỉnh nzor cxiv kho, uô đuô têx cêr muk lok, lar heik zos têx cêr muôx qox đei trâus puôk tsuôx tsi jông, cov taz por trâu shux xênhz tâu tâus muk lok cơưv ntơưr./.

( An Kiên-Riê Lâux cxeik, nhênhv)

Phênhv thưr 2 hnuz 22/8/2016

Niêv côngv siêz mênhx cxưx hâur cách mạng hli 8-jax cơưv trâu hnuz no

            Muôx Đảng thiêz zơưv hloz Hôx chox car, thôngx đhâu mặt trận Việt Minh, 20 triệu ntâu tsôngv box cxuô cấp, cxuô cxênhx nênhs li cêr sik côngv siêz. Tas nro têz qơưk sơưr tơưv txênhz, ntâuk zênhx tros châuz, txênhz tâu chính quyền lok trâu pêx xênhv. Cách mạng hli 8 muôx hâur 15 hnuz, taz sik tưz yênhx côngz sêi, cxix cxuô. Đhâu 71 shông cách mạng hli shông 1945 li zênhx liv lox, pêz têz qơưk tưz hla trâu ntu cxiv tsa, huôv tsar thiêz hlôngr yiêz. Txix iz mênhx cxưx uô krêr, pluôs, pôngz kaz, oz lo luk “Việt Nam” tsik muôx sâuv bản đồ ntiêx têz mak nhiv no, pêz têz qơưk tưz muôx tâu têx chêx cur lox, hênhr lok cxuô kror, muôx coangz siv ngoại giao đros cxuô têz qơưk, chor tsưr tsix ntiêx têz. Đrros co, pêz cux tsuv njiz trâus têx phiv liv tsik tsơưs. Tsênhv tsênhz co, pêz Đảng thiêz pêx xênhv tror phuôx huiz siêz cách mạng hli 8 li chor jax cơưv tsiv gri, tiv zix zos jax cơưv lok uô truôx, phuôx huiz đas jos sik côngv tas nro mênhx cxưx. Zơưv phạm Thế Duyệt, kuz chủ tịch Ủy ban Trung ương MTTQVN khav tênhv:

         “Đuô thâuv tưs hur si, thâuv no xar phuôx huiz tâu das jos niêv côngv siêz tas nro mênhx cxưx mak Đảng tsuv sik côngv, tsuv zos qơư chiê sơưr đơưk cơưv shâuv. Pêx xênhv xar cov Đảng pêz uô tâu têx cêr chêi, nghị quyết tso tơưv, uô jông kror co pêz tror phuôx huiz đas jos niêv côngv siêz chiê uô lơưr côngz xưv hlôngr yiêz têz qơưk”.

        Tsênhv tsênhz lịch sử mênhx cxưx tưz muôx yưv, txơưv nhoz trâu qênhx shênhx tưs, njiz têx phiv liv lox txos tưs, tsênhv tas nro pêx xênhv li sik côngv siêz, thôngx ziv đros muôx Đảng li lênhx tov zos kror đas jos lox chiê têz qơưk hla đhâu cxuô cêr txov nhêv, phiv liv. Phưv giáo sư, Tiến sỹ Phạm Xuân Hằng, tsêr cơưv Đại học Xã hội thav tiêk: Côngz xưv cách mạng Việt Nam zos Đảng chox car, zos côngz xưv thâuv tưs cux tsuv muôx pêx xênhv li thôngx ziv, gôngr côngv. Tsuôk zos đros đrêiv pêx xênhv txix têx huôx tôngv tsênhz tsênhz mak Đảng thiêx uô tiêr hâux lưv tuôr qênhx nhiv no. Viv li, hâur qênhx shênhx nhiv no, chiê uô tâu pêx xênhv muôx cêr sik côngv siêz, paz, Đảng tsuv zos kror chênhr trâu thỗng niêv côngv siêz tas nro mênhx cxưx, khov trâu pêx xênhv, tsoz phưz, kruôz kriê pêx xênhv:

        “Uô muôx tâu đas jos tas nro mênhx cxưx hâur ntu nhiv no mak Đảng tsuv uô xưk li chor ntu ntâuk tros châuz co chiê zos qơư chênhr trâu thôngx niêv côngv siêz tas nro mênhx cxưx. Thâuv no Đảng tsuv uô zuk li pưk txux, tsuv sik côngv siêz, uô ntêx zos thôngx niêv côngv siêz li tsênhv njiêz, hâur co Đảng zos tsưr tsix thành viên zov chênhr”.

        Ciês đhâu cách mạng hli 8 yênhx côngz, zơưv hloz Hôx tưz sâu tâu iz kror chêi: “Lưx lươngv tas nro pêx xênhv zos lưx lươngv lox tiv zix. Tsik muôx lêhx tưs zênhx tâu lưx lươngv co”. Tror tis njiê jiês cách mạng hli 8 shông 1945 nhoz 71 shông uô ntêx đros kror bê “Mênhx cxưx uô ntêx hur si”, “Têz qơưk uô ntêx hur si”, huiz tôngv cxuô cxênhx nênhs pêx xênhv, khov six hơưv chiê txênhz chính quyền, hax zav pov tâu jax cơưv lok niêv côngv siêz tas nro mênhx cxưx muôx tsiv gri jông hâur cxiv tsa têz qơưk thiêz đros cxuô têz qơưs sâuv ntiêx têz nhiv no. Đros Đảng li chox car, 90 triệu lênhx nênhs Việt Nam nhoz hâur thiêz đrâuv têz qơưk li thôngx niêv côngv siêz, thôngx ziv zuôr zos kror đas jos lox tiv zix chiê pêz uô têx thênhv truôx khor sâuv côngz xưv cxiv tsa thiêz huôv tsar têz qơưk./.                                                                     

(TTT-Lik Thox cxêik nhênhv)