Jax sâu hnuz 23.8.2016:

YÊN BÁI: CHÊX CHÔNGK CHOX KRIÊ TSÔNGV BOX TSIV UÔ XÊNHZ YAR ĐHÂU JIÊS NTUX NAS

          Nhiv no hâur têx thax tsav trâus đêx nas ngaz nhoz thành phố Yên Bái thiêz huyện Trấn Yên, đêx gris txos tưs pox nhuôs muôz đêx zâus nzuôr têx blêx lo ar txos co. Viv đêx gris sei, ntâu mênhv chêx blêx njuôs xav zuôr tror chiêx tâu tror tuôx. Nhoz têx thax tsav blêx tsênhv trâus ngaz, pox nhuôs nôngx mênhx truôx siêz tos đêx gris mav khưx phưx. Zơưv Nguyễn Văn Hậu, nhoz xã Nga Quán, huyện Trấn Yên puz pâuz:

          “ Đêx li no mak nyei blêx zuôr tuôs tas tiv đêx đru, lo tas sâuv têx blôngx, nhiv no zos đraz hli 7 hli 8 lơưv chos tsi tâu thiêz, tov kaz  nyei hlôngr chiê chos poz cưk xưz”.

          Hâur jiês lol nas no, tas nro tỉnh Yên Bái muôx 1 cxênhz 250 hecta blêx trâus ngaz, trâus ar poz jêz cuôr cxuz; 75hecta poz cưk, 180 hecta tsoz chos cxuô zav trâus ruôr hiêv. Têx tiv phaz muôx mênhv chêx blêx, kôngz lôngk trâus zênhr shar ntâu tiv zix zos: Văn Yên 286 hecta, Trấn Yên 425 hecta. Ntux nas cux uô ruôr hiêv zuôr xar 50 hecta pas đêx zus njês...Yênhx puôk tul tsiêx cxu, keiz, ok trâus tuôs tiv đêx ngaz. Nhiv no nganhx kôngz nuv thiêz têx tiv phaz tsênhv sir jos heik kriê tsôngv box hôx phưx. Zơưv Nguyễn Minh Hải, chủ tịch UB xã Âu Lâu, Thành phố Yên Bái puz pâuz:

          “ Tas nro xã muôx nhos 18 hecta trâus đêx ngaz, hâur co muox 12 hecta blex, chor tsênhv yuôr zos tsoz chos cxuô zav, pêz tsênhv chox kriê têx jêx jos chox kriê pox nhuôs thiêz cán bộ kỹ thuật yưr lir taz por tsi chiê tsoz chos tuôs. Nhiv no pêz tưz thôngz sâu tas têx trâus ruôr hiêv đhâu co pov cov trâu thành phố seiz shuôk paz txưv”.

          Iz chas đêx nas ruôr hiêv kôngz lôngk, Đêx nas cux tsênhv uô puôk tsuôx ntâu côngz tsinhx coaz tsôngv li: poz tsas their đêx ntơưv thị xã Nghĩa Lộ ntêr 1,4 cei cêr bê tông, 500 yiv tsav jêz; njuôs xav ruôr hiêv 63 tỷ đeiv. Muôx nhos 1 cxênhz yiv ndis ar nhoz thiêz ar uô xênhz yar ntơưv xã Phù Nham, huyện Văn Chấn trâus đêx cuôr yôngz. Puôk tsuôx, poz 7 côngz tsinhx đêx liv nhoz huyện Trấn Yên. 4 côngz tsinhx đêx liv ntơưv huyện Mù Cang Chải trâus poz ntêr 41 yiv... Nhiv no Yên Bái tsênhv sir jos khưx phưx. Zơưv Nguyễn Văn Khánh, phưv chủ tịch UB tỉnh Yên Bái puz pâuz:

          “ Pêz chêx chôngk chox kriê uô têx tsưr ziv chiê khhôx phưx tsiv uo õeenhz yar. Đros thiêz mênhv chêx blêx thiêz tsoz chos hôx phưx tsi tâu mak seiz shuôk chiê hlôngr tsoz chos txơưr. Đros têx côngz tsinhx đêx liv thiêz njưs đêx trâus puôk tsuôx mak krêz uô têx tsưr ziv kho đuô uô ntêx thiêz tov kaz no muôx tsưr ziv kho đuô cov truôx tul. Đros têx tiv phaz trâus đêx ngaz mak chox kriê chiê paz tsôngv box ngaz tul tror uô xênhz yar”.

          Cxôngx têx trâus ruôr hiêv lox tiv ntux nas, nhiv no Chủ tịch UB tỉnh Yên Bái thiêz phưv chủ tịch, cxuô ban, nganhx nhoz Yên Bái puôr lênhx mul txos têx tiv phaz chiê chox kriê, tôngv vênhx tsôngv box tror hôx phưx tsiv uô xênhz yar thiêz nzor ngaz tul luz nênhx./.

( Tuấn Xuân- Txâur Vax cxeik nhênhv)   

Phênhv thưr 3, hnuz 23/8/2016

PHÊNHV NÔNGX MÊNHX ZUÔR TSUV PÂUZ

          Tsôngv box….! Tsuv uô li chas chiê sir zôngv yuôx por vêv đrox tsuôs tâu trơưk cui tinhv, por hưv tâu têx kôngz thiêz tsưx phưv tâu lênhx nênhs li đas jos ? Tsôngv box sđ tsuv ndo njôngr  uô trơưk 4 cui tinhv li đrav kaz:

Uô trơưk 4 cui tinhv: Tsưx phưv tâu đas jos, por hưv tâu têx kôngz lôngk

         Xuz thơưx, tsôngv box tsuv zôngv zos têx yuôx. Viv iz zav yuôx por vêv đrox tsuôs nưk muôx nưk iz kro jông chiê tsuôs tuô iz cxiê zav đrox thiêz caz hmoz tho nox uô ruôr hiêv kôngz lôngk tưz tâu sâu tsênhz mênhx saz sâuv luz hnaz yuôx. Sir zôngv tsi zos yuôx zuôr uô hiêv lok kinh tế, tsuôs têx đrox thiêz caz hmoz cux tsi tâu trơưk li tsưr ziv. Chênhr viv li, tsôngv box sđ tsuv ndo  njôngr zôngv zos têx yuôx tsuôs tuô đrox thiêz tuô caz hmoz.

        Tiv 2 zos tor yuôx trơưk li heik kriê. Chor yuôx muôz tor đêx tsuôs trâu têx kôngz tsuv uô trơưk đreiv li têx tưz heik sâu sâuv luz hnaz yuôx thiêz taz por muôx txâuk đêx chiê tor yuôx tsuôs tuô đrox thiêz tuô caz hmoz. Zos tor yuôx ntâu hênhr, tsi uô trơưk li heik kriê cux zuôr uô tuôr xuôv têx yuôx lok sik tsuôs yuôx ntâu đhâu, cux zuôr uô tsi jông txos têx kôngz lôngk. Chiê txar jav têx li heik no, tsôngv box sđ ndo njôngr uô trơưk têx luk kriê, sâu sâuv luz hnaz yuôx.

        Tiv 3 zos tsuôs yuôx cov tâu trơưk cheix: Pir li, têx caz câur blôngx blêx, chiê tsuôs tâu yuôx tuô lov, tsuv tsuôs trâu thâuv têx caz hmoz tsênhv mok, zos chiê tưz lox thiêz lâuk mak tsuôs yuôx, têx caz hmoz cux tsik yuô tuôs. Thiêz lơưr tsưr ziv no cux heik mênhx, tsi tâu tsuôs yuôx trâu thâuv têx kôngz tsênhv taz tov tơưs pax thiêz cxơưr jov jơưk; viv zôngv yuôx tsuôs trâu ntu no zuôr uô tsi jông txos chor kôngz li: Tơưs pax uô tsi tâuk txir…..

         Tiv 4, tsôngv box sđ tsuv zôngv chor yuôx por vêv đrox tsuôs trơưk li cui tinhv: Sđ tsuv uô jông seiz têx heik kriê sâu sâuv luz hnaz yuôx chiê zôngv yuôx tâu trơưk cui tinhv. Thâuv zuôr cor thiêz tsuôs têx yuôx heik sâuv, tsuv bax tsov kror muôs, ntâuz bos kror ndâux, thov khưv lôngx têk, yo hnar, câuk mov por hưv zuk luz chêr thiêx txo grêk tsơưs têx yuôx lo zuk thâuv tsuôs yuôx.

        Chiê taz por tsuôs yuôx tir thêir tuô tâu têx caz hmoz thiêz đrox tsuôs trâu kôngz lôngk thiêz tsi uô ruôr hiêv txos zuk đas jos, tsôngv box sđ tsuv uô trơưk đreiv li têx lênhx nênhs tsiv uô luk heik kriê sâuv luz hnaz yuôx. Tsi so đros cơưv nzir cxuô faz tsưr ziv sir zôngv tsuôk yuôr zos đrêiv cơ quan car uô đreiv luôs hâux lưv tsêz chos kôngz li: Qơư por vêv đrox tsuôs huyện, cxiz kôngz, phòng kôngz nuv tsưr tsix…..

         Tsôngv box…..! Phênhv nôngx mênhx zuôr tsuv pâuz hnuz no, zos Đeix TNVN đros tsênhv qơư cxiz kôngz têz qơưs uô./.

( VOV4-Riê Lâux cxeik, nhênhv)