Điện Biên sir jos cxiv kho đuô njưs pak đêx ntiv tsêr máy jov vơưs kok ntông têx đêx vuôz njuôz kiêk nênhs tơưs

  Trơưk li Sở tênhx qơư tỉnh Điện Biên số 33 hêik pâuz, uô tsêr máy jov vơưs kok ntông luz pak đêx ntiv têx đêx vuôz njuôz kiêk nênhs trâus tơưs njưs, tưz uô 1.800 khối đêx kiêk nênhs ntưk muk trâu tus đêx Nậm núa, uô trâu tus đêx ntơư trâus vuôz njuôz kiêk nênhs, tsư nxiêz, shuôz njêk hâur đêx cux trâus tuôs ntâu.

  Đhâu ciês thâuv luz pak đêx ntơư trâus tơưs njưs, cơ quan muôx vax huôv tỉnh Điện Biên tưz hêik tsuv tso tsês tsik jov hmôngr vơưs kok ntông, chiê cxiv kho tus njưs pak đêx trâus tơưs ntơư; viv đêx trâus vuôz njuôz kiêk nênhs. Zơưv Trần Phan Hiền, phưv Giám đốc Sở tênhx qơư tỉnh Điện Biên hêik pâuz:

  “Nhiv no pêz cux xav tâu tiêk: pov muôx ntâu tus shuôz njêk nhoz hâur tus đêx ntơư trâus tuôs hnuz 15/1, cux chênhr zos tsêr máy jov vơưs kok ntông têx đêx vuôz njuôk kiêk nênhs uô ruôr hiêv txos. Uô ntêx, pêz cux đros cxuô ngênhx cik txos, hêik tsêr máy tso tsês tsik jov hmôngr vơưs kok ntông, chiê chêx chôngk cxiv kho tus njưs pak đêx trâus tơưs ntơư cov truôx, tsik chiê têx đêx vuôz njuôz kiêk nênhs trâu cxuô tênhx qơư”.

  Lok saz tsêr máy cux uô jông trơưk li uỷ ban tỉnh hêik, tso tsês tsik jov hmôngr vơưs kok ntông, tsik zuôr vơưs kok ntông, tsuv cir ntơưr gruk hur tiz si têx đêx vuôz tsuôz kiêk nênhs ntơư chox muk por tsês trơưk li quy tênhv: tsuv zênhx max uô sêi đrơưv têx ntâuz ntơưr jov vơưs kok ntông hâur tsêr máy cov zos đrêiv chêi têz qơưs tso tơưv. Zơưv Đỗ Dũng, chủ tịch Hội đôngx quản trị tsêr máy jov vơưs kok ntông  Hồng Diệp hêik pâuz:

  “Luôs hâux lưv uô tus njưs pak đêx ntơư trâus tơưs, pêz cux txax muôs cơưs thiêz pêz cux nhav hur tiz si têx uô zuôv cêr. Xav mak pêz tsênhv yuôr ntâu luôs hâux lưv uô tsik tâu tiêr, pêz tsuv sir jos uô cov tâu truôx tsik chiê muôx yưv têx tsik jông ntơư.  Pêz cir ntơưr trâu uỷ ban tỉnh Điện Biên thiêz hur si tsôngv px sđ, pêz zuôr sir jos cxiv kho đuô têx trâus vuôz tsuôz kiêk nênhs ntơư thiêz pêz gruk hur si têx đêx kiêk nênhs co chox lok ntiv trâu  kror bioga, tsik uô vuôz tsuôz kiêk nênhs tênhx qơư”.

  Tsêr máy jov vơưs kok ntông tâu cxiv uô trâu sâuv thax tsav chos ntâu vơưs kok ntông, grê  tsêr máy zuôr 800-1600 cxênhz đêiv iz cir. Luôs hâux lưv tso tsês tsik jov vơưs kok ntông cux uô ruôr hiêv tsik zos tsơưs txos tsôngv px sâuv thax tsav li luz nênhx. Chênhr zos li hêik ntơư, hâu nov huyện Điện Biên tsênhv taz tov sir jos đros cxuô cấp cxuô ngênhx cxiv kho đuô tsêr máy jov vơưs kok ntông tus njưs pak đêx, ntiv têx đêx vuôz tsuôz kiêk nênhs, tsik chiê uô têx đêx ntơư ruôr hiêv txos tênhx qơư sâuv thax tsav. Zơưv Bùi Hải Bình, phó chủ tịch uỷ Ban huyện Điện Biên hêik pâuz:

  “Pêz tsênhv taz tov sir jos đros sở tênhx qơư, phôngx cảnh sát sêiz car tênhx qơư, công an tỉnh Điện Biên chiê uô cov tiêr têx ntâuz ntơưr cik txos, chiê hêik trâu uỷ ban tỉnh, muôx ntơưr hêik tsêr máy Hồng Diệp tso tsês tsik jov vơưs kok ntông, thâuv tưs uô tiêr têx ntâuz ntơưr thiêz cxiv kho tâu tiêr njưs pak đêx ntơư, tsêr máy li tror jov vơưs kok ntông”.

  Uô truôx luôs hâux lưv tir thêir têx tsik jông, taz sik cux cxươz cxiz cxuô doanh ngiệp muôz pênhr nhiêx tuôx cxiv uô-huôv tsar kinh tế trâu thax tsav tỉnh Điện Biên, cov tsôngv px sâuv thax tsav ziv hnuz ziv muôx luz nênhx truôx tuk, tsâu so./.

                                                        (Tsu cxêik nhênhv-Vũ Lợi)

Jiz mur đros đas jos thiêz luz nênhx

          Jiz mur tsênhv tâu seiz zos iz zav yuôx jông. Cxôngx thâuv nzor txos nhiv no, tsôngv box tưz txơưx zôngv jiz mur uô yuôx pưr trâu luz chêr, chuôz cxaz đas jos. Hâur jiz mur muôx têx tsơưr paz chuôz cxaz đas jos, uô luz chêr tsi gênhs. Muôz cxaz jiz mur tso hâur têx zav nox hâuk niêx hnuz zuôr paz luz chêr muôx jos đuô ( sơưr nzor hâuk iz coz đêx đo jiz mur thiêz txir lưk kâuz zuôr paz uô luz chêr jông đuô, muôx jos đuô), lok sik hâuk uô ntêx thâuv shâuv thiv thao, zôngv iz điêr jiz mur paz chuôz cxaz đas jos....Jiz mur tsênhv zôngv tâu trâu cxuô cxênhx nênhs, tiv zix zos mê nhuôs trâus ruôr trâus tsơưr pưr thiêz nênhs lâus xar chuôz cxaz hnuz nhôngs.

          Jiz mur tâu zôngv ntâu viv têx txux zôngv jông. Zôngv jiz mur chiê taz por zav nox tâu tuôr tsês têx tsơưr pưr hâur six hơưv ntêr. Hâur y học, jiz mur tâu zôngv chiê nzuôr têx kror cxaz sâuv tơưr greix, paz kho moz chax pak...Jiz mur tsênhv tâu zôngv đros têx tsưr ziv kho moz cxôngx yuôx njuôz.

          Y dược ziv hnuz ziv khav tênhv tâu jiz mur li pưs txux hâur paz uô kror cxaz jông sei đuô. Hâur jiz mur muôx Albumin thiêz acid Panthotenic paz uô tơưr greix hlar sei thiêz jông sei, viv li moz chax pak thiêz gru ntêr, trâus moz plaz cêv puôr lênhx zôngv jiz mur mak lok six jông....

          Jiz mur tưz tâu zôngv chiê kho moz plaz cêv. Tiv zix, jiz mur tsênhv tâu zôngv chiê kho moz thâuv gru (pir li Công ty TNHH Yuôx njuôz Nata-Hoa Linh li yuôx gru Bảo Thanh). Đros thiêz têx zav yuôx txơưr đros jiz mur zuôr paz kho moz hâur chax pak....Đros têx txux zôngv jông trâu luz chêr chuôz cxaz đas jos thiêz  jiz mur cux tsênhv paz lênhx nênhs moz muôx đas jos sêi./.                          

                                                   ( KT-Txâur Vax cxeik nhênhv)