Têx lênhx phưv Bí thư tuz lênhv pênhz phax

Phưv Bí thư Đảng ủy xã Đỗ Văn Lời zos Trung tá bôv đôiv pênhz phax, nhiv kruôr tâu tso tuôx uô phưv Bí thư Đảng ủy xã trơưk Đêx anr Bộ chỉ huy Bôv đôiv pênhz phax thiêz Tỉnh ủy Sơn La sik paz. Uô ntêx thâuv zos Phưv Bí thư Đảng ủy xã Tân Xuân, trung tá Lời tưz seiz car thax tsav no tâu muôx 10 ntâu shông lok; yênhx châuv shông nhoz hâur xã, hâur jok, đros tsôngv box nox, tsôngv box nhoz, đros tsôngv box uô hâux lưv thiêz đros heik tsôngv box luk, tix lâus tưz tâu tsôngv cưr tix nênhx tsa sđ ntơưv qơư seiz jông xưk li iz lênhx tuz nhuôs hâur jok.

Zos xã txov nhêv, nhoz buôk 2 tỉnh Hòa Bình, Thanh Hóa thiêz muôx zuôr xar 3 cêik cêr đriv têz buôk têz qơưk Lol Tsuôk, viv li nhoz Tân Xuân khênhr tsi yuô truôx tuk. Zos lênhx Phưv Bí thư Đảng ủy xã, Trung tá Lời tưz đros cấp ủy, hâu nov thiêz tsôngv px ntơưv qơư buôk ti muk yax mông, kriê tsôngv box tsưr ziv huôv tsar uô nox, hlôngr yiêz tsoz chos, tsiêx tu zus; đros têx đoanx thêv sir jos yax kriê, heik tsôngv box heir nênhs Hmôngz uô lơưr luz nênhx vênhx huôv, tso tsês jux juk têx cêr nênhx pôngz kaz li: Thâuv muôx iz lênhx nênhs tâu tas siv nênhx tsiz cxoz tsês ntêr thiêz tsuv muôz tso trâu hâur xaz......

“Cur tsưr ziv zos, uô ntêx tsuv sưv jê đros tsôngv px, mnôngs px heik; đhâu ntơư lok đros cấp ủy hâu nov ntơưv qơư seiz lax, tso tơưv têx tsưr ziv uô huv đros chiê yax kriê, heik trâu tsôngv box to tâuz, pâuz thôngz. Txix ntơư, sđ thiêx njênhs, jông siêz thôngx ziv đros zuk, zos uô trơưl zuk tsưr ziv, tsi mnôngs px heik, tsi nriêr pâuz px luz nênhx vênhx huôv, cêr chei đaz kruôs mak px zuôr tsi jông siêz, thôngx ziv uô trơưk”.

Sir jos “4 đros” tsôngv px, sỹ quan pênhz phax Trần Đức Thể, zos phưv Bí thư Đảng ủy xã Lóng Sập, huyện Mộc Châu thâuv tưs cux tâu tsôngv box nhoz ntus đriv seiz xưk li iz lênhx nênhs hâur tsêr. Zos xã tsênhv yuôr ntâu txov nhêv, suôv qơư tsôngv box Hmôngz tsav xar muôx 50% jênh sôr, chor shông thâuv ntêx, têx luôs hâux lưv, lar heik zos hâux lưv cxiv tsa Đảng, cxiv tsa hâu nov nhoz Lóng Sập tsênhv yuôr trâus ntâu, uô tsi tâu tâu. Chi bộ jok zos chính trị chênhr ntơưv qơư, taz sik hâur thax tsav Lóng Sập têx shông đrav ntêx phênhv ntâu zos 2, 3 chi bộ lok uô cê, đảng viên tsơưs, cơưv chi bộ tsi yuô tâu trơưk tsưr ziv, siêz xar.

Đhâu thâuv tâu tso lok hâur xã uô hâux lưv, Trung tá Trần Đức Thể tưz buôk ti muk dưv xênhz huôx chi bộ nhoz têx jok, kriê têx chi bộ cui tinhv, tsưr ziv xênhz huôx, cơưv, đại hội, tso tơưv Nghị quyết thiêz fuô kriê Nghị quyết, huôv tsar đảng viên.....paz truôx tuk tsưr tsix cơ sở đảng. Txos nhiv no, têx chi bộ hâur thax tsav xã Lóng Sập tưz tsi yuôr têx chi bộ li heik sâuv, ntâu chi bộ tưz bax cxiv uô tâu Nghị quyết thiêz uô trơưk tsưr ziv, cui tinhv:

“Thâuv tâu chor hloz xeir tsov, xuz thơưx cur cux cxơưx. Taz sik đhâu ntơư tâu têx tix, têx hloz hâur zênhx pênhz phax heik kriê, cur cux tso siêz đuô. Uô ntêx thâuv tâu xeir lok no uô hâux lưv, pêz cux tâu cơưv shâuv têx txux chi tsưr ziv chính trị iz ntuk, cux li lok sâuv huôv tsar kinh tế xã. Hâur hâux lưv uô tsênhv tsênhz, muôx đaz tsi phiv liv, tsi thôngz tsi pâuz, ho tror muk nus têx hloz hâur Ban tsưr tsix Tỉnh ủy. Xuz thơưx zos li ntơư; đhâu iz ntuk 3-6 luz hlik, cur cux sưv jux juk têx hâux lưv ntơưv no thiêz tso siêz lês uô têx hâux lưv zok muôz”.

Tsênhz tiês tso pov, đros thiêz têx tsưr ziv, cêr moz siêz lês uô jông têx hâux lưv zok muôz, canr bôv pênhz phax tưz nhênhz chơưv trâu cấp ủy, hâu nov ntơưv qơư jux juk cxiv tsa thiêz kho têx hâux lưv chính trị ntơưv qơư cov ziv hnuz ziv truôx. Zơưv Dương Anh Tuấn, Phưv Bí thư Đảng ủy xã Chiềng Sơn, huyện Vân Hồ, tỉnh Sơn La heik:

“Tsưr ziv no lok six jông thiêz uô tâu zênhx max. Têx đôngx chir tuôx, lơưr tưz paz lok six ntâu trâu xã, paz xã cxiv kho, uô têx hâux lưv seiz car, hâux lưv nriêr pâuz lok qênhx shênhx ntơưv qơư seiz tsôngv px nox nhoz li chas thiêz paz uô jông têx hâux lưv cxuô thax tsav qơư hâur têx xã ntus đriv sik thôngx siêz đros Zênhx pênhz phax hâur thax tsav tsưx phưv jông đriv têz, paz tsôngv px huôv tsar uô nox uô hnar, truôx tuk luz nênhx. Cur seiz, no zos uô tâu trơưk Đảng tsưr ziv, huv px siêz”./.

                         (Thủy Thùy-Riê Lâux cxeik, nhênhv)

Zơưv Lý Văn Phủ: Tsar jos nênhs Cho uô ntêx nyuôk trâu cxuô luôs hâux lưv

          Zơưv Lý Văn Phủ pheiz kênh: ntu 2015-2017 zơưv tâu tsôngv box njênhs njôngr bo xeir uô Tsar jos Yên Sơn, tox siêz nhoz đêz tiv zix Hà Nội đros thax tsav zos tox trôngz, ar têz nxaz, zaoz thôngz lax mul lol zôngx ziv, muôx 98% zos tsôngv box mênhx cxưx Cho nhoz uô nênhx. Krêz uô phongz yaox cxiv tsa nôngx cxênhz yiêz, jênhv pov ar têz nhoz no njuôs xav chos tâu yuôx njuôz, ntâu ziv chuôz zis tsôngv box mênhx cxưx Cho ho muôx cêr chax chês uô yuôx, tsar jos Lý Văn Phủ xar txos hâux lưv huôv tsar chos yuôx njuôz reik đros huôv tsar jôngr ntông. Taz sik xar vênhv tôngv tâu pox nhuôs uô lơưr, zuk tsuv zos lênhx nênhs uô uô ntêx. Zơưv Lý Văn Phủ pheiz kênh:

          “Xar txos chos yuôx njuôz, xar chos mak tsuv muôx nôngz zuz, tsuv muôx côngv thôngx, muôx pênhr uô, pênhr mak pox nhuôs muôx taz sik chos mak pox nhuôs tsi tâu muôx chênhz zênhv, viv li yuôx chiêx tsi ntâu. Zos tsi tuôr tsês tâu yuôx njuôz mak njuôs xav hâux lưv uô yuôx njuôz zuôr pôngz plox. Lok six xar njôngr muôx tâu phênhv paz txưv chiê huôv tsar trâur nuv chos yuôx njuôz no”.

          Thâuv jos Yên Sơn tâu yưv pênhr chiê uô cêr zaoz thôngz, Tsar jos Lý Văn Phủ đros Chi bộ, têx đoanx thêv sik seiz lax, vênhv tôngv tsôngv box gôngr ar krêz cêr. Tsưr ziv no qir thơưx tsi tâu têx ziv chuôz zis tsôngv box thôngx ziv, zơưv Phủ truôx siêz mul txos yênhx ziv chuôz zis heik kriê tsênhz mênhx Đangv, têz qơưk, thành phố li tsưr ziv. ZƠưv cux uô ntêx nyuôk gôngr 200 yiv ndis ntâu ar chiê uô cêr. Khov co, têx txox cêr hâur jos puôr lênhx tâu krêz đar cxôngx 6 yiv ndê mul, yêz ô tô teiv cux mul lol tâu. Têx txox cêr đar, hur đu uô trâu tsôngv box lênhx tưs cux jông siêz. Pos Dương Thị Hiến, zơưv Phuv pox niêv pheiz kênh:

          “Cur tul txir lol heik tiêk gôngr ar chiê krêz cêr zaoz thôngz, cur cux thôngx ziv viv cur xar mak zuk gôngr côngv ar uô cêr chiê cêr jông mul lol đuô, xar uô tul tsi cux zôngx ziv. Cur thôngx ziv đros gôngr ar uô cêr, zuôr trâus uô tul tsi mak zuk đros uô”.

          Zos lênhx nênhs pâuz tsênhz lok vênhx huôv mênhx cxưx Cho, zơưv Lý Văn Phuv tưz yax mông, vênhv tôngv tsôngv box hâur jos tuôr jông mênhx cxưx li phongz cxưx vênhx huôv jông, cơưv ntơưr lâus, tuôr tsês tsôngs yo chax chês, phongz cxưx chax chês. Tiv zix zos yax mông cxuôv por tsês têx phongz cxưx pôngz kaz. Thâuv ntêx nênhs Cho khênhr uô ntênhs tuôs, ntênhs nox yôngz ntêr hnuz, nhiv no mak tsuôk uô hâur 1 hnuz. Zơưv Triệu Phú Quảng, nhoz jos Yên Sơn ntâus gri:

          “Cur pov zơưv Phuv zos iz lênhx nênhs jông siêz, tưz gôngr ar uô cêr mul lol, nưs tsênhv uô ntêx nyuôk cxiv tsa cêr niêv côngv siêz hâur jêx jos. Zơưv chuôz zis muôx cêr chax chês zos uô yuôx njuôz, viv li tưz paz chiê tsôngv box sđ đros cơưv shâuv uô lơưr”.

          40 shông ntâu, zơưv Lý Văn Phuv khênhr sâu lix, sâu têx jax yuôx thiêz sâu ntơưr lâuk, phưx vưv têx zuk mênhx cxưx li têx huôx tôngv phongz cxưx. Tiv zix, zơưv Phuv tsênhv kriê trâu tuz nhuôs sâu ntơưr lâus...Zơưv Lý Sinh Vượng, Phưv chủ tịch UB xã Ba Vì, đrôngs Hà Nội jênhv tênhv: Cxôngx iz luz jos pluôs nhoz xã Ba Vì, jos Yên Sơn yênhx trus hlôngr yiêz, tsôngv box luz nênhx jông đuô tuôx. Muôx tâu yênhx tix co, iz phênhv zos khov muôx zơưv Lý Văn Phuv li côngz lox:

          “Zơưv Phuv zos lênhx txir ndâux txir lul yênhx châuv shông no, zos lênhx nênhs xuz thơưx gôngr ar chiê pox nhuôs uô lơưr. Zơưv zos iz hâur têx lênhx nênhs pâuz lok phongz cxưx, cxuôv por tsês têx phongz cxưx pôngz kaz, tuôr tsês têx cêr uô nênhx vênhx huôv jông. Tiv zix zos uô pax ntâuz, kriê ntơưr lâus....pâuz tâu tsôngv pox nhuôs li siêz xar njôngr, muôx têx thâuv muôx siz txênhz lol ar têz mak zơưv cux sơưr chiê car chêx”.

          Zơưv Lý Văn Phuv tâu jênhv Thủ tướng chính phủ li ntơưr kruôk shông 2017 thiêz jênhv đrôngs Hà Nội li ntâu ntơưr kruôk. Nhiv kruôr đhâu, zơưv tâu kruôk zos iz hâur 10 tsôngv box thủ đô jông shông 2019./.

(VOV-Txâur Vax cxeik nhênhv)