TU ZUS NHUX TSO CUÔ MIS MỘC CHÂU: Nôngx mênhx sâu lol yênhx tỷ nhiêx

          Tix lâuk Nguyễn Xuân Thọ, tsưr iz qơư tu zus nhux đas tso cuô mis nhoz thax tsav qơư uô thax caz tsiz, nông trường Mộc Châu, huyện Mộc Châu, tỉnh Sơn La puz pâuz: Tix lâuk chuôz zis tuôx nhoz ntơưv no cxôngx shông 1980, qir thơưx tsuôk chos txir khơưz thiêz yuôx zêx, đros thiêz muôx nhos 2 hecta txir khơưz thiêz 4.000 yiv ndis yuôx zêx Ô Long. Tov kaz no chiê muôx cxaz qir zuôv trâu txir khơưz thiêz yuôx zêx, tix lâuk chuôz zis qir tu zus cxaz nhux tso cuô mik. Qir thơưx tsuôk zus 4 tul, pov muôx chêx cuk, viv li chuôz zis huôv tsar tu zus cxaz. Txos nhiv no tix lâuk chuôz zis tưz muôx 28 tul nhux tso cuô mis. Niêx shông, cxôngx cuô mik nhux thiêz txir khơưz, yuôx zêx, tix lâuk chuôz zis muôx phênhv sâu fênhx pheiz 500 tsov đeiv iz shôngk. Lok chuôz zis li tsưr ziv huôv tsar kinh tế six hơưv zuôr txos, tix lâuk Thọ puz pâuz:

          “ Cur xav tênhv tu zus nhux cê chox lol phênhv sâu trâu chuôz zis, cê car chêx vênhv thix qir zuôv trâu pox nhuôs. Viv li cur hlôngr yưv pênhr tu zus nhux. Niêv ciêz thiêz grê muôv muôs xiv huv cuô mis nhux cux ngaz tul. Cur zos chuôz ziv tsiv uô xiv huv cuô mis nhux thiêz công ty sâu zuôr tas xiv huv. Phênhv sâu pov ngaz tul”.

          20 shông ntâu nhoz uô nênhx thiêz uô nox uô hâuk sâuv tox siêz Mộc Châu, tix lâuk Trần Văn Khương nhoz tiểu khu 70, thị trấn nông trường Mộc Châu tưz cxiv tsâ iz qơư tu zus đros thiêz muôx 65 tul nhux tsiv grê zuôr xar 2,3 tỷ đeiv, hâur co muôx 26 tul nhux yax six tso cuô mis. Yar lengx cuô mis muôx nhos 5 tạ 2 iz tul iz shôngk, grê muôs fênhx pheiz 13 cxênhz iz lir, tas nro phênhv sâu fênhx pheiz 2,3 châuv tsov đeiv iz luz hlik. Pâuz tâu têx muôx liv lok huôv tsar ju lix hâur vênhv thix kôngz nuv sâuv tox siêz, hli 8 tsêz no, tix lâuk Khương cuiz tênhv đros công ty cổ phần nôngz nhux tso cuô mis Mộc Châu yưv pênhr cxiv tsa qơư tu zus nhux tso cuô mis uô ju lix. Hâur co ar zos công ty li, công ty yưv 50% pênhr, tix lâuk chuôz zis yưv 50% pênhr. Thâuv krêz qơư ju lix, chungz fênhx iz ciêz tix lâuk li qơư tu zus tos cxôngx 400-500 lênhx kruô tuôx ndis shuôk, seiz qơư tu zus nhux tso cuô mis. Li ntơưv, nôngx mênhx tu zus nhux tso cuô mis ho muôx cxaz iz phênhv sâu thiêz. Tix lâuk Trần Văn Khương pheiz kênh:

          “ Pêz uô jông têx tsưr ziv hâur tu zus nhux tso cuô mis, phax tar moz, yưr lir tênhx qơư. Yuôr uô ju lix mak kruô tâu seiz shuôk hâux lưv mul muôz cuô mis nhux, tu zus nhux, seiz nhux tso cuô mis thiêz chêx cuk heik kriê cuô mis nhux Mộc Châu”.

          Hla đhâu zuôr xar 60 shông cxiv tsa thiêz huôv tsar, hla đhâu ntâu phêv liv hâur tơưv txênhz cuô mis Việt Nam đros cuô mis ntiêx têz, taz sik hâux lưv tu zus nhux tso cuô mis Mộc Châu huôv tsar tsi so. Nhiv no tas nro paz nhux tso cuô mis zos công ty cổ phần nôngz nhux tso cuô mis Mộc Châu coar lik tưz tax 20 cxênhz tul cxôngx zuôr xar 600 ziv chuôz zis tu zus, chuôz ndê lơưr niêx shông. Hâur co, muôx nhos 200 ziv chuôz zis tu zus nhux tso cuô mis muôx phênhv sâu cxôngx 1 tỷ đeiv iz shông ndê mul. Đros thiêz tsưr ziv sik côngv jông hâur doanh nghiệp thiêz nôngx mênhx tu zus cxôngx nôngz nhux, tsưr ziv tu zus, tsưr ziv tsiv uô xiv huv txos muôv muôs xiv huv, công ty cổ phần nôngz nhux tso cuô mis Mộc Châu tưz taz por hâux lưv uô trâu nênhs lox tôngv, sâu tas têx cuô mis nhux ngaz tul trâu nênhs tu zus nhux. Dưv anr huôv tsar tu zus nhux tso cuô mis tỉnh Sơn La li qơư tsov txos tưz choz trâu công ty zos txos shông 2020 tax 35.000 tul, taz por tsiv uô 120 txos 150 cxênhz tênhr cuô mis nhux iz shôngk.

          Lơưr zơưv Trần Công Chiến, chủ tịch HĐQT- Tổng giám đốc công ty: tsuv tror uô muôx chêx cuk hâux lưv sik côngv doanh nghiệp thiêz tsôngv box hâur thax tsav; krêz đar niêv ciêz, tiv zix zos niêv ciêz muôv muôs xiv huv cuô mis Mộc Châu; cxơưz cxiz têx ziv chuôz zis tu zus đros thiêz uô ju lix chiê chuôz cxaz phênhv sâu:

          “ Tsơưr lươngv zos công ty li ploz tsênhr xuz thơưx. Viv li pêz tưz uô thiêz côngz jênhv VietGap hâur tu zus nhux tso cuô mis. Hâur tsiv uô pêz uô tởưk ploz tsênhr Iso 9001 2008. Thiêz pêz zuôr tror uô jông đuô thiêz vênhv thix vêv xênhz taz por zav nox chiê muôx xiv huv cuô mis jông tiv zix. Pêz cux tưz tu zus nhux thiêz huôv tsar uô ju lix sâuv tox siêz Mộc Châu”.

          Công ty cổ phần môngz nhux tso cuô mis Mộc Châu tưz tâu khơưk muôz Huân chương Lox tôngv hov 3 lok shông 2011; huân chương lox tôngv hov 2 shông 2016; 6 jiês tâu khơưk kruôk xiv huv; 8 đeiv qix tưr thik thiêz ntâu ntơưr kruôk cxôngx têx cấp, bộ, nganhx. Têx chêx cuk tax tâu co tưz paz tôngv vênhx tsôngv box tu zus nhux tso cuô mis nhoz tox siêz Mộc Châu tror sir jos uô lox tôngv, reik đros doanh nghiệp chiê gôngr côngv trâu niêv ciêz iz xiv huv hur, taz por tsơưr lươngv./.

( Thào Ly- Txâur Vax cxeik nhênhv)

PHÊNHV TSÊNHV CHÊI THIÊZ LUZ NÊNHX

3 zênhx hangx paz pênhr txêik muk uô lox tôngv ntơưv Nhật Bản

          Zênhx hangx tsênhv chêi:

          Chiê tâu txêik pênhr hâur zênhx hangx no, nênhs txêik chuôz zis tsuv zos chuôz zis tâu sơưv cêr chêi (Tuz nhuôs xaz pênhz, kiệt sĩ, zênhz shôngx li têx tuz nhuôs…), nênhs txêik zuôr tâu zênhx hangx muôz txêik ntâu tiv zix 80% chor nhiêx tsuv muôx hâur hux thôngx mak nênhs muk uô lox tôngv cir đros doanh nghiệp tâu cungz chêi uô dịch vụ muk uô lox tôngv saz đrâuv têz qơưk. Chor lox tôngv muk Malaysia zuôr tâu paz txêik 100% chor nhiêx hâur hux thôngx.

          Six hơưv txêik pênhr bâuv six hơưv cir hux thôngx muk uô lox tôngv saz đrauv têz qơưk.

          Nhiêx liv: 0,5% iz hli.

          Têx ntâuz ntơưr tsuv muôx: Tuôx trâu Zênhx hangx tsuv gra đros cxuô zav ntâuz ntơưr xav jênhv zuk chuôz zis zos chuôz zis tâu sơưv cêr chêi thiêz hux thôngx lox tôngv cir đros doanh nghiệp chiê xav jênhv txêik pênhr huv tsưr ziv muk uô lox tôngv saz đrâuv têz qơưk.

          Zênhx hangx kôngz nuv thiêz huôv tsar jêx jok AgriBank:

          Txơưv lênhx tưs xar muk uô lox tôngv saz đrâuv têz qơưk zuôr tâu paz txêik pênhr. Đros thiêz ziv chuôz zis, tsưr tsêr zuôr zos nênhs sơưr bê txêik pênhr. Chor nenhs tsik tâu muôx pox niêv, muôx txir, nhoz iz lênhs zuk txêik zuk thiêz tsuv muôx xav gri lơưr zênhx hangx li cuiz tênhv.

Nhiêx txiêx tâu txêik: 80% chor nhiêx tsuv muôx tâu sâu hâur hux thôngx.

          Six hơưv txêik: Ntêr tiv zix bâuv six hơưv sâu hâur hux thôngx muk uô lox tôngv saz đrâuv têz qơưk.

          Jênhv kror xav grê txêik: Zênhx hangx zuôr muôx zoz qơưx cov muôx xav gri lok sik cxuô zav ntâuk gri, têx chuôz zis nhoz jêx jok txêik tsơưs đuô 20 triệu đêiv, fênhx six mak sơưr đơưk zuôr txêik tâu ntâu tiv zix 70% gri têx kror zuk muôz lok ntâu gri txêik.

Nhiêx liv: Tâu xav lơưr nhiêx liv ntơưv six hơưv txêik. Ntâuz ntơưr uô txêik pênhr zuôr tâu zênhx hangx hêik kriê sơưr đơưk sâu lơưr ntâuz ntơưr, zênhx hangx zuôr muôz trâu sơưr đơưk txêik tâu siêz tiv zix.

          Zênhx hangx VietinBank

          Nênhs tâu txêik pênhr: Tsik lâul đuô 60 shông zos tsưr tsêr thiêz tsik lâul đuô 50 shông zos nênhs uô lox tôngv. Tsik yuôr nux gri ntơưv têx qơư txơưr đuô.

           Chor nhiêx tâu txêik: ntâu tiv zix 70% nhiêx txiêx tsuv muôx chiê muk uô lox tongv saz đrâuv tez qơưk hâur hux thôngx nhoz nênhs lox tôngv thiêz tsưr doanh nghiệp. Six hơưv txêik: Ntêr tiv zix bâuv six hơưv muk uô lox tôngv saz đrâuv têz qơưk.

          Jênhv kror ntâuk gri txêik: Chor nhiêx tâu txêik ntâu tiv zix bâuv 70% kror muôz ntâuk gri.

          Ntâuz ntơưr: Gra đros ntơưr chính minh muk uô lox tôngv saz đrâuv têz qơưk thiêz hux thôngx lox tôngv cir đros doanh nghiệp thiêz iz cxiê ntâuz ntơưr txơưr đuô sơưr đơưk zuôr tâu zênhx hangx hêik kriê uô thâuv tuôx txêik pênhr.

          No zos 3 zênhx hangx paz trâu nênhs lox tôngv txêik pênhr muk uô lox tôngv ntơưv Nhật Bản. Thâuv nênhs lox tôngv uô ntơưr cxaz chuôz tsaz yênhx, zos muôx zoz qơưx txêik pênhr zênhx hangx công ty cux hêik kriê, hêik pâuz uô ntâuz ntơưr cov tsênhz mênhx ./.

(Thanh Thủy-Lik Thox cxêik nhênhv)