Jax sâu thưr 4 hnuz 24/8/2016

Sơn La: Kho đuô thik ntơưr tsar yêz mêir hov A1

             Công ty Cổ phần sêiz car thiêz cxiv tsa zoz thôngz 1 zos iz hâur 5 thax tsav qơư sâuv tỉnh Sơn La tâu choz zok hâux lưv kriê tsar yêz mêir hov A1 txix 10 shông lok no, iz shông taz viv tưz kriê tâu trâu zuôr xar 10 cxênhz lênhx tưr thi tsar yêz mêir. Đhâu thâuv iz lênhx cán bộ hâur công ty trâus cxov hâur ntu nhiv kruôr đhâu tsik ntêr no, viv lênhx cán bộ ntơư nhav nhiêx thiêz paz chor nênhs tuôx tưr thi yêz mêir, Công ty tưz cơưv kiểm điểm tas nro tổ kriê tsar, tưr thi yêz mêir thiêz tso ciês zơưv phưv giám đốc sêiz car luôs hâux lưv tưr thi chêix tsar yêz. Zơưv Phạm Hồng Tuyến, phưv giám đốc Công ty puz pâuz: txuz hâux lưv nhiv kruôr đhâu zos iz kro uô trâu công ty, tsuv uô truôx đuô cxuô luôs hâux lưv côngz xưv zok muôz; txơưv tiêk công ty tưz muôx ntâu tsưr ziv hâur côngz xưv sêiz car, zoz zux chính trị, cux xưk li cir jênhv txos cxuô lênhx cán bộ uô luôs hâux lưv no. Taz sik, tiv xar sâu tâu lok ntâu nhiêx, viv li tưz uô cxâuv chêi têz qơưs. Lok saz công ty cux zuôr sik côngv chiê xưv lik lơưr luật công chức, viên chức. Lok têx tsưr ziv chiê tsik muôx têx txuz li co, zơưv Phạm Hồng Tuyế, phưv giám đốc Công ty hêik:

           “Pêz công ty cơưv ciês thiêz choz jênhv vưv trâu yênhx lênhx nênhs thiêz uô lơưr tsưr ziv đros thox cxov hov A1 thiêz tsưr ziv sik côngv đros Sở zoz thôngz vận tải Sơn La lok côngz xưv thik ntơưr tsar yêz. Muôx cir jênhv tsênhv tsênhz đros yênhx lênhx nênhs, zos tiêk phamv cxâu pháp luật mak muôx txơưx jênhv đros pháp luật thiêz giám đốc công ty”.

           Tror tso chor cán bộ muôx tsưr ziv txux chi siêz; tiv zix tsuv pâuz luk mênhx cxưx chiê muk kriê chêi zoz thôngz cêr ar trâu chor nênhs cơưv zos iz hâur chor tsưr ziv mak công ty cổ phần vận tải cêr đêx Sơn La kriz uô hâur ntâu shông đhâu. Zơưv Hoàng Tuấn Anh, giám đốc công ty puz pâuz: đros zos luz tỉnh tox siêz, ntâu tsôngv box mênhx cxưx, pox nhuôs li yênhx tưv tsênhv kik, viv li tso cán bộ pâuz luk mênhx cxưx muk kruôz kriê zos iz hâur chor tsưr ziv chiê gra siêz tsơưr lươngv thox cxov. Tsơưr lươngv thox cxov tâu gra siêz mak thiêx txar jav tâu têx kror phiv liv muôx yưv. Đros co, hâux lưv cir jênhv đros yênhx lênhx cán bộ thiêz tso đảng viên li txơưx jênhv hâur uô jênhv vưv tâu uô côngz ty uô truôx jông. Zơưv hoàng Tuấn Anh hêik:

            “Pêz muôx chor tsưr ziv uô hâux lưv tsênhv tsênhz, tso chor nếnh smuôx yênhx tưv, tiv zix zos đảng viên tsuv muôx txơưx jênhv trâu Ban giám đốc lok kror hâux lưv co, chiê uo chak cov tsơưr lươngv ziv hnuz ziv tâu gra siêz, tsik cik txos têx phiv liv hâur qênhx shênhx thox cxov”.

            Tas nro tỉnh Sơn La nhiv no muôx 5 cơ sở thox cxov tsar yêz mêir hov A1, iz shông thox cxov thiêz cungz xar muôx 30 cxênhz ntơưr tsar yêz mêir. Đros zos tỉnh tox siêz, ntâu tsôngv box mênhx cxưx tsơưs nênhs, pêx xênhv li yênhx tưv tsênhv kik viv li tỉnh tưz muôx têx tsưr ziv hâur côngz xưv thox cxov thiêz thik ntơưr tsar yêz. Tsênhv tsênhz tưz muôx ntơưr thiêz tsênhv njiêz kriê trâu chor nênhs tsik pâuz ntơưr chiê pox nhuôs pâuz tâu yênhx tưv chiê taz por ngaz tuk thâuv cxaz chuôz zoz thôngz. Chor nênhs tsik pâuz ntơưr thâuv muk cơưv thiêz thik ntơưr tsar yêz tsuv tau chính quyền tiv phaz xav jênhv. Chiê taz por cơưv thiêz thik ntơưr tsar yêz tâu uô tsênhz, tsik chiê muôx yưv têx phiv liv li tưz đhâu, iz hâur chor qir tiv muôx yưv txiêz nanv zoz thôngz, nganhx zoz thôngz vận tải tỉnh Sơn La chiê thox cxov, hêik chor taz viv thox cxov zuôr uô truôx jông thiêz nganhx zuôr sir jos uô thox cxov ntơưr tsar yêz. Zuôr sêiz shuôk thiêz tso chor đảng viên muôx yênhx tưv, shưz xar jông chiê tsưr tsix thik ntơưr tsar yêz ntơưv chor huyện, tiv zix zos chor huyện, xã thax tsav nhoz đêz, tox siêz, đêz tsênhv qơư lax qênhz yuôx, thôngx cxix tso thanh tra sik đros sêiz kaz. Zơưv Lù Văn Cường, phưv giám đốc Sở zoz thôngz vận tải tỉnh Sơn La puz pâuz:

             “Thik ntơưr tsar yêz hov A1 mak đrâuv lơưr Bộ li cuiz tênhv lok tsưr ziv thik ntơưr tsar yêz mak Sở cux zuôr tso tơưv tsưr ziv, đros txơưx jênhv thiêz zoz qơưx thik ntơưr cir uô ntêx thâuv uô jênhv vưv no. tso tơưv tsưr ziv tsưr tsix yênhx jiês, iz zav li muk chor xã, đrâuv muôx camera sêiz kaz lơưr Bộ li tsưr ziv, cur zuôr tso lưx lươngv thanh tra thiêz chor nênhs txơưr đuô sêiz kaz truôx jông”.

             Xưv lik cov tâu truôx chor nênhs phamv cxâuv, thôngx cxix sir jos sêiz car thiêz gra siêz cán bộ, đảng viên li pưk txux haur côngz xưv thox cxov, thik ntơưr tsar yêz mak thiêx gôngr phênhv txo grêk qênhx shênhx phiv liv hâur thik ntơưr tsar yêz mêir hov A1. Muôx tâu li co, qênhx shênhx txiêz nanv zoz thôngz sâuv thax tsav thiêx zuôr tâu txo grêk thiêz chor ntơưr tsar yêz mêir thiêx muôx tsiv gri tsênhv tsênhz./.

(Tuyết Lan-Lik thox cxêik nhênhv)

Phênhv thưr 4.24.8.2016:

PHÊNHV HEIK KRIÊ

Tsôngv box li txơưx jênhv thâuv cxaz chuôz Bảo hiểm y tế

          Chiê tâu sơưv cxix cxuô têx qênhx liv lơưr chei têz qơưs li cui tênhv thâuv seiz njuôs thiêz kho moz zôngv Bảo hiểm y tế, nênhs cxaz chuôz Bảo hiểm y tế tsuv uô têx txơưx jênhv li đrav kaz:

          1. Gôngr nhiêx phir chiê cxaz chuôz BHYT

          - Zuôr Bảo hiểm y tế trâu têx lênhx nênhs hâur chuôz zis, 3 luz hlik, 6 luz hlik lok sik 1 shôngk iz jiês. Gôngr nhiêx phir zuôr ntơưr BHYT uô ntêx thâuv tas six hơưv sir zôngv.

          - Lênhx nênhs zuôr xar pluôs gôngr nhiêx phir zuôr BHYT trâu qơư muôs BHYT đros chor nhiêx txiêx cuiz tênhv đros nênhs zuôr xar pluôs.

          - Gôngr nhiêx phir zuôr BHYT uô ntêx thâuv tas six hơưv sir zôngv BHYT niêx shông.

          2. Tsuv sir zôngv BHYT zos đrêiv chêi.

          - Nênhs zuôr BHYT tsuv qênhz yuôx bê, hnuz nhôngs tâu sâu sâuv đêiv ntơưr BHYT uô ntêx thâuv jênhv BHYT. Zos xor mông sâu tsi zos mak tsuv hêik ciês trâu qơư sâu nhiêx phir BHYT chiê kho đuô.

          - Tsi puz lênhx nênhs txơưr đuô kêr txêik ntơưr BHYT

          - Khơưk tsês cov jông, tsi uô pôngz, uô ntuôs. Thâuv ntuôs, liêv lok sik pôngz mak uô ntơưr thix ziv qơư muôs BHYT chiê tâu pâur lok sik tror cungz BHYT txơưr.

          - Thâuv xênhz zus nhuôs, moz gênhs tsuv mul qơư y tế chiê seiz njuôs thiêz kho moz lơưr BHYT.

          - Mul seiz njuôs moz lơưr trơưk qơư đăng cir seiz njuôs thiêz kho moz qir thơưx li tưz đăng cir hâur BHYT.

          - Thâuv mul seiz njuôs thiêz kho moz tsuv gra BHYT thiêz ntơưr chứng minh lok sik ntâuz ntơưr txơưr muôx zuk đeiv shav ( pir li ntơưr tsar yêz....)

          - Gra BHYT thiêz hồ sơ hlôngr tsêr kho moz thâuv tâu puz hlôngr tsêr kho moz.

          - Gra BHYT thiêz ntơưr tênhv six hơưv thâuv mul seiz njuôs moz.

          - Thâuv seiz njuôs moz tsuv uô trơưk cán bộ y tế ntơưv qơư tuôx seiz njuôs thiêz kho moz li lul heik kriê.

          - Tsuv uô lơưr cưk yuôx li lul heik kriê chiê kho moz muôx chêx cuk.

          - Tsuv thêv nhiêx phir seiz njuôs thiêz kho moz têx phênhv tsi zos Cuiv BHYT thêv lơưr chei têz qơưs li cui tênhv./.

( Thu Thùy-Txâur Vax cxeik nhênhv)