Chủ tịch têz qơưk Trần Đại Quang li ntơưr phôngv tsiêz trung thu

          Tas nro têx mê nhuôs sâuv têz qơưk nziv hluz!

          Tos tsiêz trung thu shông no, Hloz thor xa txos tas nro têx mê nhuôs hâur têz qơưk, têx mê nhuôs nênhs Việt Nam nhoz saz đrâuv têz qơưk thiêz têx mê nhuôs zos nênhs saz đrâuv têz qơưk nhoz Việt Nam lul phôngv tsiêz jông tiv zix.

          Hloz lok six jông siêz thâuv tas nro têx mê nhuôs thâuv tưs cux sir jos cơưv shâuv, nhiêv uô lox tôngv, moz siêz cơưv ntơưr, sik côngv siêz côngv tês, sik đros paz max hâur luz nênhx, sir jos yênhx têx lênhx mê nhuôs ciêz thiêz txơưx njê. Ntâu lênhx mê nhuôs tsênhv sir jos hla đhâu cxuô phêv liv cơưv ntơưr hênhr tax tâu têx yênhx tix jông hâur têx jiês tưr thik têz qơưk, sâuv ntiêx têz…Têx mê nhuôs li iz hâux lưv uô tâu jông zos tsêr cơưv, zos chuôz zis thiêz xã hội li cêr jông siêz, shir phaz, uô trâu Hmo Hội trung thu ziv jông thiêz lov jêv đuô.

          Têx mê nhuôs nziv hluz!

          Đangv, Têz qơưk, têx cưk kriê, têx lênhx uô niêv uô txir thâuv tưs cux tsov cưv cxơưx trâu mê nhuôs muôx luz nênhx jông tiv zix, cơưv shâuv hâur tênhx qơư taz por thiêz jông tiv zix. Hloz xar njôngr tas nro nêx chor mê nhuôs tror phuôx huiz mênhx cxưx li cêr chax chês gruôs cơưv ntơưr, uô jông trơưk Hloz Hôx 5 lo lul hêik kriê tsês trâu mê nhuôs, gruôs, cơưv ntơưr hênhr đuô, tov kaz no tror đros cxênhx nênhs uô ntêx cxiv kho têz qơưk ziv hnuz ziv bluô nux, vav mênhx.!./.

VOV.VN- Txâur Vax cxeik nhênhv

Gra nzor tsiêz Trung thu txos trâu têx nhuôv njuôs Sơn La

Đơưz Xênhv Shôngx, 11 shông, heir nênhs Hmôngz nhoz jok Pú Sút, xã Xăm Khạ, huyện Sốp Cộp, tỉnh Sơn La, thâuv tưs txos Trung thu, Đơưz ziv pov tâu sđ têx cêr moz siêz đros paz hluz txos têx nhuôv njuôs. Nhiv kruôr muôx 2 shông xưz, tuk nhuôv Đơưz iz six huôv niêv thiêz txir puôr lênhx trâus pôngz tas, yênhx lênhx nhuôv njuôs. Thâuv tuôx nhoz trâu hâur tsênhv qơư, txeik tâu têx lênhx niêv cêr hluz thiêz moz siêz paz choz kriê, Đơưz tưz jux juk hloz lox thiêz tâu muk đros luôs lưv tuk cơưv ntâuz cơưv ntơưr. Txos Trung thu, Đơưz shir phaz lul đros têx fôngx zưs nthuôr uô ntâu cêr lov jêv jông thiêz lênhk txeik tâu phênhv huv muôz puz:

“Tuôx nhoz hâur tsênhv qơư no chor niêv, têx fâux, txir nzơưv lơưr lok six hluz pêz. Hâur têx hnuz ntênhs, trung thu li no mak pêz tâu têx txir hloz, txir nzơưv, fâux sđ muôz huv puz, cur lok six shir phaz thiêz jông siêz. Cur chos luk, zuôr sir jos cơưv ntơưr cov txơưx chiê yênhx lênhx tiz nênhs muôx liv trâu XH, trâu têz qơưk”.

Tuk nhuôv Tsok Xênhv Vax, heir nênhs Hmôngz, nhiv no tsênhv cơưv ntơưr lớp 8, tưz muôx 7 shông uô nênhx nhoz hâur tsênhv qơư pov tsơưv XH tỉnh Sơn La shir phaz heik:

“Thâuv ntêx nhoz hâur tsêr, cur tsi tâu tsưr tsix trung thu iz jiês tưs  hlo. Iz txix thâuv tuôx nhoz hâur tsênhv qơư, txos tsiêz trung thu, cur đros têx fôngx zưs ho tâu chor uô niêv, têx tix lâus, niêv lâuk tuôx tsưr tsix trung thu trâu pêz, cur lok six shir phaz. Cur xar cov lưv shông têx tix lâus thiêz niêv lâuk lơưr tror tuôx đros pêz uô tsiêz trung thu lov jêv”.

Tsênhv qơư pov tsơưv XH tỉnh Sơn La nhiv no tsênhv tu thiêz car seiz 70 lênhx nhuôv njuôs tsi muôx niêv thiêz txir, chor nhuôv tsênhv trâus moz HIV...... Đros thiêz txơưx jênhv, siêz nhiêv têx nuv uô, niêx hnuz zuôr xar 30 lênhx canr bôv nhoz no thâuv tưs tưz moz siêz tsoz phưz, choz kriê thiêz paz max têx nhuôs nzor sưv jông đros têx fôngx zưs muôx luz nênhx txov nhêv iz zav  li zuk thiêz sik tưr siz chos cơưv txux chi. Nhiv no, Tsênhv qơư tưz muôx 17 lênhx nhuôs tsênhv cơưv ntơưr trâu têx tsêr cơưv Đại học, cao đẳng kriê nuv uô. Ntâu lênhx nhuôs tưz hloz lox, yênhx nênhs li tuk nhuôv Meir Xênhv Zax nhiv no zos Phưv Chủ tịch Hội liên hiệp pox niêv huyện Vân Hồ, tuk nhuôv Hoa Xênhv Muôk zos canr bôv tsêr kho moz huyện Sông Mã.... Tsi tiêk lol shuôs Tsênhv qơư tsi so, mak têx nhuôs tsênhv sir jos vênhv tôngv siz chos paz trâu têx nhuôv muôx luz nênhx txov nhêv xưk li zuk zar đrav ntêx. Niêv lâuk Dương Thị Thu Huyền, Phưv Giám đốc Tsênhv qơư pov tsơưv XH tỉnh Sơn La heik pâuz nzir:

“Thâuv lênhk tol têx nhuôv tuôx nhoz hâur tsênhv qơư mak canr bôv viên chức tsênhv qơư xav tinhv tsênhz mênhx zuk hâux lưv, xar gra tas zuk tsưr ziv, siêz xar chiê  hluz thiêz tu, choz kriê têx nhuôv cêr uô nênhx. Lar heik hâur têx ntênhs tsiêz, trung thu, iz chas canr bôv viên chức têx cêr moz siêz txos, mak nhiv kruôr đhâu cux tưz lênhk txeil tâu sđ têx cêr paz max, đros tsưr tsix trung thu trâu têx mê nhuôv”.

Hâur six hơưv tsiêz trung thu no, Tsênhv qơư pov tsơưv XH tỉnh tưz txeik tâu cxuô cấp cxuô ngênhx, tsưr tsix, xiz nênhs, têx nênhs siêz jông cêr moz siêz txos, tuôx seiz shuôs, tôngv zênhx thiêz muôz huv puz trâu têx nhuôv zâu lov jêv tsiêz trung thu. Iz chas têx hnaz ntơưr, ntơưr sâu, chưx mêv, nduôr thax...., huv trâu têx nhuôv zâu ntơưv tsênhv qơư tsênhv muôx nzir têx luz tênhz tơưk uô si lov jêv hâur hmo hli đra zos qơư tsiv uô poz jêz njêr Spa-Sơn La muôz puz; đros trâu têx lênhx xênhz zus shông 1987, thiêz xênhz zus shông 1980 Sơn La đros iz cxiê tsưr tsix txơưr đuô li ntâu huv muôx liv cux tưz đas cir muôz huv puz, tsưr tsix hmo hli đra trâu têx nhuôs. Tix lâus Trương Ngọc Hiếu, lênhx uô thơưx hâur têx lênhx xênhz zus shông 1987 Sơn La heik:

“Pêz tuôx njiz thiêz shuôs, tôngv zênhx, muôz huv trung thu puz trâu têx nhuôs ntơưv tsênhv qơư. No cux zos pêz chor xênhz zus shông 1987 Sơn La li iz hâur têx hâux lưv uô jông siêz tsi so. Pêz cux xar njôngr cov tror tâu đros uô têx nuv li heik sâuv chiê cxơưz paz trâu têx nhuôv muôx luz nênhx txov nhêv no”.

Trung thu tưz lok txos trâu têx nhuôv zâu hâur Tsênhv qơư pov tsơưv XH tỉnh Sơn La, viv sđ têx cêr hluz thiêz đros paz max, sik pheiz kênh têx cêr txov./.

                                 (Chẻo Thu-Riê Lâux cxeik, nhênhv)