Jax 3: Chiê pêx xênhv siêz truôx đrênhk nhoz thax tsav ntus đriv Sơn La

Đại tá Cà Văn Lập, Chính ủy Bôv chỉ huy Bôv đôiv pênhz phax tỉnh Sơn La puz pâuz, đhâu ntu kriz uô siv đề án, txos nhiv no, Đảng ủy bôv đôiv Pênhz phax tỉnh tưz sik côngv đros huyện ủy 6 huyện ntus đriv nhoz tỉnh xêir tsov cán bộ uô tâu tiêr cxuô luôs hâux lưv jông, muôx txux chi siêz chiê uô phưv bí thư Đảng ủy ntơưv tas nro 17 xar ntus đriv. Chor cán bộ pênhz phax no tâu chiê lok uô hâux lưv tưz phuôx huiz jông, tsik so đros đrêiv tiv phaz, tuôr truôx tâu qênhx shênhx, ndar six hơưv hêik pâuz thiêz cxaz chuôz đros ciês cấp ủy, chính quyền sêiz car, chox kriê cxiv tsa tiv phaz truôx đrênhk, paz muôx hlôngr yiêz ntâu, cxix cxuô sâuv cxuô kror nhoz thax tsav ntus đriv.

Tsuôk xav ciês hâux lưv cxiv tsa Đảng, muôx 3 shông ntâu đhâu, cán bộ bộ đội pênhz phax chuôz cxaz trâu xar paz hêik pâuz trâu cấp ủy têx xar uô ntâuz ntơưr chiê tso nhoz hâur đảng muôx 360 lênhx, ndê muôx 70% ntâu pir li shông xuz thơưx kriz uô Đề án; hêik pâuz chor nênhs jông, muôx txux chi chiê kruôz kriê huôv tsar Đảng xar muôx 660 lênhx nênhs; hêik pâuz yênhx lix yiêz, phêiz 8 chi bộ…têx chêx cur no puz pov hâux lưv tror kriz uô Đề án hâur têx shông zuôr txos zos kror tsuv tâu uô, taz sik tsuv muôx hlôngr yiêz uô chiê cov huv đros:

“Khov trâu qênhx shênhx muk nriêr pâuz tsênhv tsênhz ntơưv tiv phaz, cux xưk li tiv phaz hêik pâuz, pêz zuôr tror hêik trâu tỉnh cov tror kriz uô đề án tso chor bộ đội pênhz phax lok uô hâux lưv ntơưv têx xar ntus đriv thiêz sêiz shuôk, tso chor nênhs lok chuôz cxaz uô hâux lưv zos cán bộ tâu thênhv siêz hêik chiê lok paz trâu tiv phaz, tsik zos nênhs tâu bâux xêir ntơưv Đại hôiv, zos cán bộ cấp ủy cxaz nzir xưz, tsik cxaz chuôz trâu biên chế ntơưv tiv phaz, tsik phiv liv txos chor nênhs uô hâux lưv ntơưv no. Đros co zos kriz uô đar đuô đề án no txix hêik pâuz trâu tỉnh nhênhz chơưv, sêiz shuôk tso chor Đônx trưởng, Chính trị viên chor Đônx pênhz phax cxaz chuôz trâu cấp ủy huyện nhoz têx huyện ntus đriv”.

Khav tênhv tiêk chuôz cxaz cán bộ Pênhz phax trâu chor xar ntus đriv zos tsưr ziv uô huv đros trâu qênhx shênhx nhoz têx xar ntus đriv, zơưv Lê Hồng Phong, Trưởng Ban tsưr tsix Tỉnh ủy Sơn La cux sâu jênhv: Bộ đội pênhz phax lok xar tưz paz cêir chêx sêi têx phiv liv muôx yưv ntơưv tiv phaz. Muôx cán bộ pênhz phax lok đros uô hâux lưv, cxiv luôs chính trị ntơưv têx xar ntus đriv tâu tuôr truôx, tsơưr lươngv uô hâux lưv tâu gra siêz đuô.

Shông 2018, 17 xar ntus đriv li chêx cur lok hâux lưv tsưr tsix đảng thiêz đảng viên puz pov: Hâur tas nro 389 Chi bộ nhoz hâur Đảng ủy tâu ntâuk gri mak muôx 20% ntâu zos “Uô tiêr jông têx jênhv vưv”, zuôr xar “70% uô tiêr jênhv vưv”. Lok đảng viên, hâur xar muôx 4.400 đảng viên tâu ntâuk gri mak muôx zuôr xar 85% zos nênhs uô tiêr jông jênhv vưv tror sâur…

“Hâux lưv chiê chor cán bộ bộ đội pênhz phax tỉnh chuôz cxaz lok uô hâux lưv ntơưv chor xar ntus đriv uô phưv Bí thư Đảng ủy xar zos kror hâux lưv tsuv uô, chiê paz trâu chor xar, chor jêx jok nhoz thax tsav ntus đriv. Tsưr ziv hâur ntu zuôr txos mak lơưr cur tsuv tror kriz uô kror hâux lưv no; tsov cưv txos têx xar ntus đriv zuôr zôngx ziv muôx yưv phiv liv cik txos tsik ngaz tuk thiêz têx thax tsav chor xar txov nhêv tiv zix”.

Tỉnh Sơn La muôx 274 cêik cêr ntus đriv, truz ntêr đhâu thax tsav 6 huyện, 17 xar, 309 jêx jok. Zơưv Lò Hải Yên, Chủ tịch UBND xar Lóng Sập-iz hâur tỉnh Sơn La li 17 xar ntus đriv puz pâuz, chiê huiz tôngv tâu tas nro đas jos, cxiv tsa tâu pênhz phax tas đro pêx xênhv tâu truôx đrênhk đuô, mak muôx iz cxiê tsênhv chêi tsuv tâu kho đuô cov huv đros:

“Têx paz trâu chor xar ntus đriv mak tsik tâu uô siz xưk iz zav, xar muôx ntus đriv đar lok sik xar muôx tsơưs cux tsuôk tâu paz 250 triệu đêiv iz shông mak tsik zos. Vav tiêk thênhv siêz têx paz trâu chor xar ntus đriv tsuv paz khov lơưr cêik cêr ntus đriv thiêz têx ndêx chiv ntus đriv. Hok tsênhv tsênhz mak huyện Mộc Châu nhiv no muôx 3 xar ntus đriv zos Chiềng Sơn, Lóng Sập, Chiềng Khừa mak xar Chiềng Sơn, Chiềng Khừa muôx oz pêz cêik cêr ntus đriv xưz, taz sik nhiêx txiêx paz mak cux bâuv Lóng Sập muôx 20 cêik cêr ntus đriv. Taz sik tsik zos tiv li co mak pêz uô tsik jông côngz xưv por vêv ntus đriv. Tsênhz tiês mak côngz xưv no zênhx tsik so tâu cấp ủy, chính quyền xar tsov cưv kriz uô jông”./.

(Thủy Thùy-Lik Thox cxêik nhênhv)

Iz cxiê tsênhv chei yiêz qir uô lơưr txix hli 10

Truz lur hnuz nhôngs muk uô nghĩa vụ công an

No zos tsênhv njiêz tâu tsưv ziv txos ntơưv Chính phủ Nghị định 70 shông 2019 cui tinhv lok sâuv muk uô nghĩa vụ công an.

Iz chas ntơư, six hơưv, hnuz nhôngs muk uô nghĩa vụ công an tâu truz lur yuôr 24 luz hlik. Cui tinhv nhiv no zos 36 luz hlik, lok zos 3 shông.

Six hơưv, hnuz nhôngs hạ sĩ quan phưx vưv uô hâux lưv ntơưv taz viv, têx chiến sĩ muôx têx ntêr đuô, taz sik tsi đhâu 6 luz hlik hâur têx lênhx tưz tâu cui tinhv ntơưv chêi công an shông 2018 thiêz lơưr Bộ trưởng Bộ Công an quyết tinhv.

Nghị định no qir uô lơưr txix hnuz xiêz 10/10.

Têx yêz meir mul lok hâur thax tsav muôx chôngz tsôngv box uô nênhx nhoz, tâu muk chênhr yax zos 60 cêik iz six hơưv.

Bộ zoz thôngz Thông tư 31 shông 2019 cui tinhv tsuôk tso chei trâu têx yêz meir muk chênhr yax, hur si têx yêz meir tênhv thiêz cxuô zav yêz iz zav li heik sâuv mul lok sâuv cêr ar (yưx cêr muk chênhr) zos tsi tsênhr đhâu 40 cêik iz six hơưv.

Cui tinhv chêix tsar yêz meir muk chênhr yax hâur thax tsav muôx chôngz tsôngv box uô nênhx nhoz zos 60 cêik iz six hơưv đros thiêz têx ntu cêr muôx 2 txox nhiêk mul nhiêk, cêr muk muôx 2 saz cêr tror zar sâuv trâu têx yêz mul lok thiêz 50 cêik iz six hơưv têx ntu cêr muôx 2 saz cêr mul lok, cêr muk muôx 2 saz nhiêk mul nhiêk iz tos tuôx.

Nhoz saz đrâuv thax tsav muôx chôngz tsôngv box nhoz (yưx cêr muk chênhr, yêz meir tâu muk chênhr txos 70 cêik iz six hơưv đros thiêz têx ntu cêr muôx 2 txox cêr nhiêk mul nhiêk, cêr muk iz tos tuôx muôx 2 saz cêr tror zar sâuv trâu yêz mul lok thiêz 60 cêik iz six hơưv đros thiêz têx ntu cêr muôx 2 saz cêr mul lok, cêr muk muôx 2 saz nhiêk mul nhiêk iz tos tuôx.

  Thông tư no qir uô lơưr txix hnuz 15/10/2019.

Canr bôv seiz car, kriê ntơưr trâu cxênhx nhuôs zâu tâu cơưv têx txux chi, tsưr ziv zuôr trâul txos.

Bộ trưởng Bộ Zoz zux Thông tư sôr 12 shông 2019 tso tơưv tsaz yênhx kriê cxaz nzir txux chi tsưr ziv trâu têx cưk kriê ntơưr cxênhx nhuôs zâu, qir uô txix hnuz 12/10.

Tsaz yênhx no tâu tsưr tsix hâur niêx shông đros têx njiêz lul cik txos cêr uô nênhx, shâuv tsưr ziv uô hâux lưv jông, taz por truôx tuk trâu têx nhuôs hâur têx qơư nhoz, cơưv, tsưr ziv chơưv paz xuz thơưx trâu chor nhuôs thâuv njiz trâus têx phiv liv…

Thông tư cux heik mênhx, canr bôv uô hâux lưv seiz car hâur têx qơư kriê txux chi trâu cxênhx nhuôs zâu tsuv cơưv nzir iz cxiê txux chi, tsưr ziv zuôr trâul txos. Hâur co, tsuv uô trơưk li têx tsưr ziv zuk tưz cơưv tâu tsês thiêz têx canr bôv seiz car hâur qơư kriê cxênhx nhuôs zâu têx luôs hâux lưv uô tsi tâu tâu hâur seiz car. Cxiv tsa tâu tsưr ziv cơưv shâuv têx cêr uô nênhx jông, choz kriê têx nhuôs shux xênhz tsưr ziv uô nênhx jông, tsiv txiêx....

Iz lênhx cưk kriê ntơưr tsuv đros cơưv tsaz yênhx heik sâu zos 120 tiết iz shông cơưv./.

(Thu Thùy-Riê Lâux cxeik, nhênhv)