Sơn La: Sir jos huôv tsar uô xênhz yar thiêz cungz hax huv kôngz nuv ngaz tuk

Tâu yênhx lix txix hli 3/2017, đros uô hâux lưv xênhz yar kinh doanh pax ntâuz xor, Công ty Cổ phần pax thiêz huôv tsar kôngz nuv Công nghệ siêz tưz tsưr tsix yưv pênhr uô xênhz yar, jâuz, txir ngaz tuk. Đros thax tsavb xar muôx 6 ha, công ty uô xênhz yar lơưr saz sir zôngv công nghệ siêz sâuv thax tsav huyện Mai Sơn thiêz tưz tâu cungz ntơưr cungz jênhv zos qơư txâuk tsar tov ngaz tuk zav nox thiêz ntơưr cungz jênhv VIETGAP trâu xar muôx 20 zav jâuz, txir, kok. Công ty têx hax huv tưz tâu muôl muôs ntơưv têx qơư muôs huv nhoz Hà Nội thiêz chor tsêr cơưv ntơưr sâuv thax tsav tỉnh. Đros co, công ty tưz cxiv uô tâu têx qơư muôx jâuz, txir, kok phênhv ntâu zos điz lê đax Hàn Quốc, điz njuôz zâu Thái Lan, điz lêz kaz jiz, txir lưk suôr, jâuz nox blôngx cxuô zav. Zơưv Vũ Văn Bộ, Chủ tịch hội đôngx quản trị Công ty Cổ phần pax thiêz huôv tsar kôngz nuv Công nghệ siêz hêik:

“Cur pov tiêk cxaz chuôz trâu uô xênhz yar kôngz nuv ngaz tuk lok six muôx chêx cur trâu doanh nghiệp li uô xênhz yar, paz trâu taz viv truôx đuô cux xưk li tsưr ziv uô muk ntêr jông đuô lơưr tsưr ziv uô no”.

Lok sik xưk li lênhx pox niêv giám đốc hluôk Phạm Diệu Vân li tsưr ziv hợp tác xã kôngz nuv njuôz 26/3 ntơưv thành phố Sơn La tâu yênhx lix txix shông 2016, uô xênhz yar thiêz sâu zuôr muôs têx hax huv jâuz, txir, kok ngaz tuk lơưr tsưr ziv VIETGAP. Nhiv no, hợp tác xã muôx 7,5 ha ar uô xênhz yar; chos muôx 30 ntâu zav jâuz, txir, kk ngaz tuk, phênhv ntâu zsos zav nôngz tsơưr lươngv siêz thiêz chos tsik ndax chiv txir tsưr ziv tsoz phưz jông, tâu muôx ntơưv têx qơư muôs nhoz thành phố Sơn La thiêz iz cxiê ciêz đrôngs li Quảng Ninh, Thái Bình, Đà Lạt…paz muôx tâu phênhv sâu 1 tiv đêiv ntâu iz shông. Niêv tix Phạm Diệu Vân, Giám đốc Hợp tác xã Kôngz nuv njuôk 26/3 puz pâuz:

“Đhâu thâuv tưz tâu muôs trâu iz cxiê ciêz đrôngs, shông no hợp tác xã zuôr gra siêz tsơưr lươngv uô xênhz yar thiêz cir jênhv nzir 1 txos 2 hux thôngx lox chiê muôs trâu têx ciế đrôngs lox đuô hâur shông 2018”.

Tas nro tỉnh Sơn La nhiv no muôx 40 ntâu qơư uô kôngz nuv ngaz tuk, paz muôx tâu hax huv yênhx puô yênhx tấn iz shông, tâu muôs ntâu ntơưv ciế đrôngs Hà Nội thiêz chor tỉnh hâur thôngz têz qơưk, thôngz đhâu tex qơư muôs lox li: Vin Mart, Fivimart, Big C, Aeon, HaproMart thiêz chor qơư muôs têx hax huv ngaz tuk hâur thiêz đrâuv tỉnh. Tiv zix Sơn La tưz tsưr tsix muôs tơưv saz đrâuv têz qơưk yênhx côngz txir mok môngk tượng tơưr njuôz muk trâu têz qơưk Úc, muôs txir lưk kâuz hmaz trâu têz qơưk Pháp thiêz piêr pâuz txir lưv txir Sông Mã trâu têz qơưk Mỹ. Xav jênhv kriz đar qơư muôs zos iz hâur têx tsưr ziv cuêz tênhv txos hâux lưv huôv tsar tỉnh Sơn La li chor kôngz nuv cov truôx, pos Cầm Thị Phong, phưv giám đốc sở kôngz nuv thiêz huôv tsar jêx jok tỉnh Sơn La puz pâuz:

“Kror kriz đar qơư muôs trâu têx hax huv kôngz nuv Sơn La hâur ntu đhâu cux xưk li ntu zuôr txos mak Sở cux tsêhv tror sir jos kriz uô côngz xưv paz thơưz thương mại, hêik pâuz têx hax huv kôngz nuv hâur tỉnh thống đhâu chor ntênhk ciêz, chor jiês ntâuk gri zaz zâuv têx doanh nghiệp, chor nênhs yưv pênhr txix têx taz viv txơưr đuô tuôx pâuz txos’.

Ntu zuôr txos, tỉnh Sơn La tror cxiv tsa, huôv tsar thiêz uô tiêr têx qơư sik côngv uô xênhz yar, cungz, uô thiêz sâu zuôr têx hax huv kôngz nuv ngaz tuk ntơưv têx ciêz đrôngs hâur têz qơưk thiêz muôs tơưv saz đrâuv têz qơưk, sir jos shông 2018, tas nro têx hax huv kôngz nuv muôs tơưv saz đrâuv têz qơưk tâu muôx 80 triệu USD./.                                 

(Trấn Long-Lik Thox cxêik nhênhv)

Nriêr pâuz lok chei têz qơưk

  Hiến pháp têz qơưk VN cui tinhv li chas lok tsôngv box vax huôv siz pênhr?

 Vax huôv siz pênhr, zos tsôngv box têx vax huôv chênhr, tâu Hiến pháp, chei têz qơưk sâu jênhv thiêz taz por uô lơưr têx chei tâu vax huôv co.

Grê 30 Hiến pháp shông 2013 cui tinhv:

“1. Cxuô lênhx sđ muôx vax huôv pênhr trâu Cơ quan, tsưr tsix, xiz nênhs muôx vax huôv lok têx Cơ quan, tsưr tsix, xiz nênhs uô têx hâux lưv tsi trơưk chei têz qơưk.

2. Cơ quan, tsưr tsix, xiz nênhs muôx vax huôv tsuv lênhk nhav, đơưk tu têx txuz siz pênhr. Lênhx nênhs trâus uô hiêv muôx vax huôv tâu pâux nzir lok têx chuôz zênhx uz no, tâu luôs kho, nzuôr luz côngz luz bê trơưk li chei têz qơưk cui tinhv.

3. Txưr tsi tâu uô fêv li chas trâu lênhx nênhs uô ntơưr pênhr thiêz tsi tâu hiêv, uô fêv trâu tuk uz tuk no”.

Luôs hâux lưv sâu jênhv tsôngv box vax huôv, têx ntâuz ntơưr siz pênhr hâur Hiến pháp 2013 tưz uô qơư trâu tsôngv box sđ uô lơưr zuk vax huôv zos đrêiv chei. Thiêz thôngz đhâu têx li heik no, tưz paz phênhv trâu têz qơưk luôs hâux lưv seiz car thiêz por hưv vax huôv trâu zuk. Siz pênhr zos heil lok tsôngv box iz tsưr ziv uô lơưr zuk vax huôv huv đros thiêz zos tsôngv box  iz hâur têx hâux lưv, vax huôv seiz kaz têx lênhx nênhs lês uô hâux lưv têz qơưk.

Tsôngv box tâu vax huôv siz pênhr zos iz qơư truôx jông, uô lơưr tsôngv box têx luôs hâux lưv txơưr.  Iz chas co, no tsênhv zos qơư chiê tsôngv box sơưr tơưv txênhz, phax tir thêir têx nênhs uô cxâuv chei têz qơưk chiê por hưv têx jông trâu têz qơưk, por hưv vax huôv thiêz têx muôx liv trâu zuk tiz nênhs, thôngz đhâu luôs hâux lưv seiz car têz qơưk, seiz car XH./.

(Tuyết Lan-Riê Lâux cxeik, nhênhv)