Jax thưr 5, hnuz 25/8/2016 ( Bài thứ 5/25/8/2016)

Tsôngv box thax tsav tox siêz Yên Bái tsênhv tsik tâu cxươx txos nas chuô hâur chêix ntux nas

         Thâuv zuôr muôx iz coz nas chuô lox, hâu nov tỉnh Yên Bái puôr lênhx hu tênhv lok six nzor kriê trâu tsôngv box hâur cxuô thax tsav, fuô kriê têx tsưr ziv phax tir thêir nas chuô. Hâur ntơư chêx tsôngk lok luôs hâux lưv kriê tsôngv box têx thax tsav qơư kik, hâur têx vuôs har yeik txar muk nhoz têx qơư taz por thiêz heik tsôngv box nhoz têx thax tsav, suôv qơư muôx tsas ar siêz lok sik qơư nxaz chênhr phax, sox seiz njôngr zos muôx yưv têx tsi jông li chas mak tsuv yeik txar zênhx max. Txưr tsi khênhr tsôngv box sđ bo tơư, ntâuk njêl hâur đêx thâuv ntux nas lox, đêx huôv hloz. Hâur têx hnuz muôx ntux nas lox, tsôngv box tâu vênhv tôngv, heik kriê cov tsi cxoz pư pêv têx liêx têz chiê phax tar tox poz lok trâus lênhx nênhs. Zơưv Nguyễn Ngọc Xuân, Phưv Giám đốc Sở kôngz nuv thiêz huôv tsar tox siêz tỉnh Yên Bái heik:

        “ Pêz tưz heik têx taz viv hâur cxuô thax tsav cxiv tsa tsưr ziv tsênhz mênhx chiê thâuv muôx ntux nas lox, đêx ngaz, tox poz ar lơưk mak muôx tsưr ziv phax tir thêir tâu zênhx max. tiv 2 zos hâux lưv heik trâu tsôngv box tsuv uô tâu sei, nhiv no pêz yax kriê txos tsôngv box sđ đhâu lok six ntâu tsưr ziv chiê lơưr bax phax tsưr ziv txar jav thâuv muôx têx tsi jông”.

         Taz sik lok six ntâu ziv chuôz zis tsôngv box lơưr tsênhv tso siêz, tsi uô trơưk têx luk fuô kriê. Ntâu chuôz zis tsôngv box cux tsênhv nhoz, pư pêv têx liêx têz, hâur têx qơư muôx tsas ar siêz, viv lơưr xar tiêk, tsi tâu muôx jiês tưs ntux nas lox, uô hiêv txos ntơưv lơưr têx qơư nhoz, viv li tsi nyei. Chênhr zos li heik ntơư, thâuv muôx ntux nas lox, tsi ndo chênhr phax tưz trâus uô ruôr hiêv tas; phênhv ntâu shông tưs, tỉnh Yên Bái cux muôx lênhx nênhs trâus tuôs tiv tox poz ar lơưk thiêz đêx nas cuôr yôngz. Iz chas co, tsôngv box thax tsav qơư kik mak lơưr xav trơưk zuk tsưr ziv. Iz lênhx tsôngv box nhoz phường Hồng Hà, TP Yên Bái heik:

        “ Đeix heik pâuz tiêk, têx đêx nas huôv lox siêz đuô iz thiêr xưz, viv li tsi cxơưx, tsi tas bax đaz tsi”.

        Tsi tiêk tso siêz hâur yeik txar qơư nhoz, lênhx nênhs thiêz têx chuôz zênhx chuôz tas đhâu thax tsav riêz nênhs, tsôngv box tox siêz Yên Bái cux tsênhv muk lok hla đhâu ntâu tus cưx ha đêx thiêz txơưv tưz muôx chei txưr, lơưr cux muk nhoz pư têz, muk ntâuk muôz njêl….. Co zos tsôngv box sđ cêr cor cav thâuv muôx ntux nas lox, lơưr khênhr muk bo tơưk hâur têx đêx lok tsês chiê trâur, tsi tâu muk txiêr tơưk đêz, lok sik đêx huôv hloz, muôx njêl trơưk đêx lok ntâu, muk ntâuk muôz njêl hâur têx hnuz muôx ntux lok nas tâu ntâu đuô…. Taz sik, sđ tsuv ndo njôngr tsi cxoz uô li ntơư, viv iz hnuz ntux txơưr txar ntâu, tsi thôngx li đrav ntêx, đêx nas lox zuôr lok thâuv tưs lok pâuz tsi tâu. Lar heik, viv tsôngv box sđ hlôngr tsi tâu têx tsưr ziv, siêz xar li heik sâuv, thâuv ntux nas lox khênhr muk bo tơưk hâur đêx, ntâuk muôz njêl, tưz muôx ntâu lênhx trâus đêx nas cuôr yôngz. Iz lênhx tsôngv box nhoz huyện Văn Chấn, thâuv muôx ntux nas lox khênhr muk bo tơưk hâur têx đêx heik tso siêz li no:

       “ Cur chuôz zis tsi muôx tơưk trâur viv li thâuv đêx nas lox, têx tơưk yôngz trơưk đêx lok mak khênhr muk bo tsês chiê tâu trâur, zos bo tâu ntâu tơưk mak muôs iz cxiê, muôx hluô khi hur si viv li tsi nyei đêx yôngz”.

        Tưz txos six hơưv tsuv uô ntơưr trâu tsôngv box sđ nhav tsês, thâuv muôx ntux nas lox tsi tâu muk trâu têx qơư riêz nênhs li: bo tơưk hâur têx đêx tsês chiê trâur, ntâuk muôz njêl thâuv đêx huôv hloz….. Têx thax tsav trâus đêx nas ngaz lok suôv qơư zôngx ziv muôx tox poz ar lơưk, tsuv bax uô luôs hâux lưv yeik txar têx ziv chuôz zis tsôngv box muk nhoz qơư taz por  uô ntêx thâuv cheix ntux nas zuôr txos xưk li têx tỉnh tiêx đras, lơưr yeik txar tsôngv box ntơưv têx qơư riêz nênhs muk nhoz qơư taz por uô ntêx thâuv zuôr muôx iz coz nas chuô lox lok. Nhoz têx thax tsav, suôv qơư riêz nênhs tsuv phênhz nhiêx txiêx bax uô têx fiêx fuô kriê trâu tsôngv box sđ pâuz. Uô li ntơư, thiêx txo grêk tsơưs nas chuô uô ruôr hiêv, tsôngv px sđ thiêx muôx luz nênhx truôx tuk./.  

 ( Tuấn Xuân-Riê Lâux cxeik, nhênhv)

Phênhv thưr 5 hnuz 25/8/2016 ( Chuyên mục thứ 5.25/8/2016)

Lênhx nênhs tâu chor nênhs fêv nhoz Sơn La cxơưx hlo

        Trung tá Nguyễn Tuấn Anh, phưv Đội trưởng đội cảnh sát Hình sự, Công an thành phố Sơn La, cơưv tiêr học viện An ninh shông 1997, tix lâus lok jênhv hâux lưv ntơưv phongx An ninh chính trị Nội bộ, Công an tỉnh Sơn La. Shông 2011, tâu lok uô hâux lưv trâu Đội cảnh sát qênhz yuôx phamv cxâuv ngaz tuk xã hôiv, Công an thành phố Sơn La thiêz txos shông 2014, tix lâus tưz tâu xêir uô Đội phưv Đội cảnh sát qênhz yuôx phamv cxâuv lok ngaz tuk xã hội, Công an thành phố. Txix uô tsưx phưv an ninh lok uô côngz xưv hình sự, no zos iz luôs hâux lưv uô yiêz. Tix lâus hêik: Đros lênhx lính hình sự, zos uô trơưk têx tsưr ziv xar mak tsik tâu txâuk, siêz tsuv truôx bo, sir tas đas jos tsưr ziv uô thiêz njuôk xav tâu têx nênhs phamv cxâuv uô yưv. Trung tá Nguyễn Tuấn Anh hêik:

        “Côngz xưv hâur tênhv qơư hình sự ziv hnuz ziv ntâu kror txơưr txar, chor nênhs fêv lok six trâus cxơưx, taz sik pez zuôr sir jos uô cov tiêr têx jênhv vưv tâu choz”.

Jê no tiv zix zos txuz hâux lưv cxov Hà Thanh Bình, zus shông 1990, nhoz ntơưv xã Mường Sang, huyện Mộc Châu, tỉnh Sơn La, thâuv trâus châuv cxov, tiv uô tuz saz tưz zôngv fov tuô trâus saz phưv Công an phường Quyết Thắng. đhâu co, khiêr gâuv hâur thax tsav qơư pêx xênhv nhoz. Đros hâux lưv zos trinh sát chênhr, thâuv zok cxov, tix lâus Nguyễn Tuấn Anh tưz gas muk cxov tâu lênhx nênhs co.

        Xav txix shông 2013 txos nhiv no, tix lâus tưz chox kriê thiêz qênhz yuôx uô tsênhz mênhx 177 txuz, 224 lênhx nênhs phamv cxâuv cik txos hình sự, cxov tâu 13 lênhx nênhs trâus zok cxov, sâu tâu ntâu zav, gôngr phênhv zov chênhr trâu côngz xưv tuôr truôx ngaz tuk nhoz tiv phaz. Tix lâus tsik so tâu chor nênhs đros uô hâux lưv ntâuk gri siêz, zos nênhs chiê chor chiến sỹ hluôk cơưv shâuv uô trơưk. Thượng úy Bùi Hồng Trọng, cán bộ đội cảnh sát qênhz yuôx phamv cxâuv lok ngaz tuk xã hôiv, Công an thành phố Sơn La puz pâuz:

       “Pêz zênhx tsik so sik côngv, sik paz. Côngz xưv mak txơưv hmo ntux muôx ntux nas chuô lok tix lâus cux uô ntêx hlo đros đrêiv sơưr đơưk  hla đhâu têx phiv liv chiê uô tiêr jông têx jênhv vưv tâu choz. Pêz lok six jông siêz thiêz tix lâus zos nênhs chiê pêz cơưv shâuv thiêz uô trơưk”.

       Đros chor nênhs fêv li huôx tôngv txơưr txar ntâu li nhiv no, công an yơưz phươz zok cxov têx nênhs fêv, thâuv tưs cux zuôr njiz trâus têx phiv liv. Trung tá Nguyễn Tuấn Anh tsik so khưx phưx têx phiv liv, sik thav, cơưv shâuv lok tsưr ziv uô hâux lưv, cux xưk li chêi têz qơưs, cơưv shâuv đas jos chiê uô cov tâu tiêr cxuô luôs hâux lưv zok muôz.  Zuôr xar 20 shông uô côngz xưv hâur lưx lươngv công an tưz paz trâu tix lâus sir jos tso siêz tir thêir chor nênhs fêv. Tix lâus hmôngr jông, ntâu jiês tâu Bộ trưởng Bộ công an thiêz chủ tịch UBND tỉnh Sơn La muôz ntơưr kruôk, viv uô tâu truôx luôs hâux lưv tsav txênhz phax tar têx nênhs fêv; thôngx cxix, tâu bâux xêir zos iz hâur 30 lênhx nênhs uô tâu hâux lưv jông hâur tỉnh Sơn La li hâux lưv “Cơưv shâuv thiêz uô lơưr zơưv hloz Hôx”. Trung tá Nguyễn Tuấn Anh hêik:

        “Cur cux lok six tso siêz, viv txix thâuv tsênhv cơưv cxênhx pêz tưz zênhx xar tâu uô cảnh sát hình sự. Nhiv no tưz zos kror tsênhz mak cur zuôr sir tas jos chiê uô tiêr jênhv vưv tâu choz”.

         Đros trâu cxuô luôs hâux lưv uô tâu tiêr li hêik sâu, nhiv no Trung tá Nguyễn Tuấn Anh tsênhv niêx hnuz đros lực lươngx công an tỉnh Sơn la, sir jos uô cxuô luôs hâux lưv tir thêir thiêz zok nriêr, yơưz phươz têx nênhs fêv hâur thax tsav tỉnh Sơn la tsik chiê ruôr hiêv txos tsôngv px sđ luz nênhx./.

(Hồng Việt-Lik Thox cxêik nhênhv)