Hâux lưv shux xênhz grâuv hâur hnaz tax hla đhâu đêx mul cơưv ntơưr nhoz Điện Biên: Tsôngv box shir phaz lok chủ trương cxiv tsa tul qox đhâu đêx

          Têx hnuz no, tsôngv box jos Huổi Hạ, xã Na Sang, huyện Mường Chà, tỉnh Điện Biên lok six shir phaz thâuv muôx chủ trương tsuv ciêr chênhr cxiv tul qox mul đhâu tul đêx Nậm Chim, kho đuô zaoz thôngz cxuô zav nhoz thax tsav têx jos: Nậm Pó, Huổi Hạ thiêz têx jos nhoz buôk co thôngz đhâu têx ntâuz ntơưr zos Bộ zaoz thôngz vênhv teiv, UB tỉnh Điện Biên tso tơưv. Zơưv Giống Xênhv Vưx, tsar jos Huổi Hạ puz pâuz:

          “ Heik kriê trâu pox nhuôs mak lơưr lok six shir phaz, jông siêz. Nhiv no yuôr tênhv tênhz thiêz đêx xênhz huôx cux lok six phêv liv, zos 2 hâux lưv no tâu car chêx thiêz mak tsôngv box ziv jông siêz đuô”.

          Yuôr đros thiêz chinhr quyênx xã Na Sang, têx sir jos hu grus pênhr yưv uô, phưx vưv 1000 ntâu lênhx tsôngv box li zoz qơưx mul lol hâur thax tsav ntêr lol no tsuôk tax tâu chêx cuk thâuv muôx VOV thiêz têx chiz coaz pov tsir sik côngv đros uô.

          Hâux lưv co tso pov cxôngx hâux lưv Bộ zaoz thôngz vênhv teiv muôx ntâuz ntơưr hnuz xiêz 6/9/2018 ciêr chênhr trâu UB tỉnh Điện Biên thix ziv ciêr chênhr côngv đros Tổng cục cêr ar Việt Nam seiz shuôk cxiv tul qox đhâu tul đêx Nậm Chim lol “Dự án yưv pênhr cxiv tsa qox mul lol trâu tsôngv box thiêz coar lik tiv phaz li cêr” zos Bộ zaoz thôngz vênhv teiv tsênhv coar lik. Thiêz cux tas cik hnuz xiêz 6/9, Sở zaoz thôngz vênhv teiv tỉnh Điện Biên thiêz têx phongx ban chuyên môn huyện Mường Chà li đoanx côngz xưv tưz mul seiz car tsênhv tsênhz qênhx shênhx zaoz thôngz nhoz ntơưv co.

          Lơưr zơưv Pó Xênhv Vax, Chủ tịch UB xã Na Sang, huyện Mường Chà, tỉnh Điện Biên, zos tsi muôx VOV thiêz têx chiz coaz pov tsir sik côngv đros uô mak njuôs xav hâux lưv no zuôr tsi tâu car chêx sei li no:

          “ Saz hạ tầng sik côngv đros Sở zaoz thôngz vênhv teiv tưz mul Huổi Hạ seiz car lơưv. Xã Na Sang lok six shir phaz viv tsôngv box tsi tsuv cxơưx cêr mul lol lơưv thiêz. Muôx tsêr mnov Khắc Long, Thanh Trì, Hà Nội li đoanx jông siêz cux khơưk muôz huv trâu pox nhuôs. Lok six xar njôngr muôx iz tul qox, muôx cêr jông mul chiê pox nhuôs tsi khưr thiêz, canr bộ mul uô côngz xưv cux zôngx ziv đuô”.

          Shir phaz viv muôx chủ trương cxiv tul qox, uô cêr yiêz cux tuôx txos têx tsêr cơưv, tiv zix zos têx cưk kriê tsênhv kriê ntơưr nhoz thax tsav xã Na Sang. Viv cxôngx nhiv no mul, shux xênhz mul cơưv ntơưr zôngx ziv đuô; côngz xưv kriê ntơưr, pheiz côngz cưk kriê mul kriê ntơưr cux tsi njiz ntâu phêv liv li ntu đrav ntêx. Cưk kriê Trần Thị Vinh, Hiệu trưởng Tsêr cơưv cấp 1 số 1 xã Na sang, huyện Mường Chà, tỉnh Điện Biên shir phaz heik:

          “ Tas nro tsêr cơưv lok six shir phaz viv muôx cêr jông mul mak mul uô côngz xưv ntơưv Huổi Hạ tsi khưr li thâuv ntêx lơưv thiêz, lênhx tưs cux mul tâu. Cxôngx thâuv muôx pov tsir paz thôngz xor mông, njuôs xav tập đoàn Grap cux zuôr paz cxiv 2 qar tsêr nội trú viv lơưr tưz tuôx seiz shuôk lơưv”.

          Txơưv hâux lưv cxiv tul qox mul đhâu tul đêx Nậm Chim trâu tsôngv box, shux xênhz jos Huổi Hạ thiêz kho đuô cêr mul lol hâur thax tsav tsi tâu tâu uô ciês hâur 1,2 hnuz zuôr txos, viv tsênhv khov txos têz qơưk li pênhr muôz, xeir chor nênhs cxiv uô, njuôs xav chiê uô...taz sik hâux lưv têx bộ, nganhx Trung ương ciêr chênhr sik côngv đros uô, chinhr quyênx tiv phaz li sâu jênhv tưz tso pov pov tsir li xor mông tsênhz tsênhz paz côngv thôngx, xã hội lok six ntâu lok hâux lưv no.

          Đros trâu Na Sang, xar njôngr ntâu jêx jos txơưr tsênhv txov nhêv nhoz Điện Biên heik taz, hâur thax tsav faz Bắc heik cxuô zuôr tror tâu tsov cưv yưv pênhr uô zaoz thôngz thiêz têx theox chênhv txơưr chiê huôv tsar kinh têr xã hội, paz pox nhuôs muôx cxaz đas jos huôv tsar uô nox uô hâuk. Tiv zix zos tsi muôx têx hâux lưv pôngz siêz thâuv tsôngv box tsuv mul fuôx gox lok sik zôngv hnaz tax chiê mê nhuôs mul đhâu đêx tuôx trâu tsêr cơưv ntơưr..../.

( Vũ Lợi- Txâur Vax cxeik nhênhv)

KRIÊ KHƠƯK SÂU POR TSÊS TÊX HNAZ, HƯX YUÔX POR VÊV ĐROX TSUÔS ĐHÂU ZÔNGV TAS

Heik ntơưv jiês cơưv zos Tỉnh ủy Sơn La tưz tsưr tsix đros thiêz têx ngênhx muôx vax huôv cik txos seiz lax hâur hâux lưv car seiz, txo grêk tsơưs têx txuz nuv nhiv kruôr muôx đhâu tas tsi ntêr ntơư, đôngx chir Nguyễn Hữu Đông, ủy viên dự khuyết T.Ư Đảng, Phưv Bí thư tỉnh ủy Sơn La heik têx cơ quan muôx vax huôv nhênhz chơưv trâu Ban Thường vụ tỉnh ủy tso tơưv Chỉ thị lok hâux lưv car seiz zuôr muôs thiêz sir zôngv têx yuôx por hưv đrox tsuôs hâur thax tsav tỉnh; Sir jos seiz kaz uô lơưr jông têz qơưk têx cui tinhv tưz fuô tơưv đros têx qơư zuôr muôs yuôx tuô đrox, tuô caz hmoz. Chuôz tsar hux jos đros cxuô thax tsav qơư car seiz têx qơư zuôr muôs chor yuôx heik sâuv; heik têx qơư zuôr muôs yuôx ntơư tsuv kriê tsôngv box sir zôngv têx yuôx trơưk li mông tưz tâu sâu sâuv têx hnaz tax, hưx yuôx; Sở Kôngz nuv thiêz huôv tsar tox siêz hux jos đros Sở đêx ar thiêz tênhx qơư tỉnh zênhx max sik thôngx ziv têx faz tsưr ziv khơưk sâu thiêz hlơưr por tsês têx hnaz, hưx yuôx tsuôs tuô đrox, caz hmoz đhâu zôngv tas; chuôz tsar luôs hâux lưv yax kriê chiê tsôngv box pâuz tsênhz thiêz sir zôngv, khơưk sâu têx hnaz, hưx yuôx heik sâuv đhâu zôngv tas trơưk cheix chiv thiêz chêx tsôngk trâu thax tsav tox siêz đêz đrôngs. Huiz tôngv cấp ủy, hâu nov thiêz têx đoanx thêv sik đros fuô uô têx nuv co, cxaz nzir cui tinhv hâur jêx jok lol hâux lưv sir zôngv thiêz khơưk sâu têx hnaz, hưx yuôx tuô đrox. Đôngx chir Nguyễn Hữu Đông heik:

“Iz zos tsuv chox kriê cxuô sở ngênhx hux jos truôx đros Ủy ban têx huyện, TP car seiz jông têx qơư zuôr muôs chor yuôx heik sâuv. Iz chas hâux lưv vênhv tôngv yax kriê mak tsuv tơư kriê uô nuv, đảng viên seiz car têx chuôz zis mak tsuv yax kriê uô ntêx chiê paz tsôngv box hâur six hơưv uô kôngz, Đảng viên uô uô ntêx mak tsôngv box zênhx uô trơưk xưz”.

Ủy ban cxuô cấp li txơưx jênhv:

b) Ủy ban cấp xã muôx txơưx jênhv:

- Yax kriê, heik tsôngv box sđ sir zôngv têx yuôx tuô đrox, tuô caz hmoz hâur thax tsav uô lơưr cui tinhv khơưk sâu têx hnaz, hưx yuôx;

- Cui tinhv thax tsav uô qơư trâu têx hnaz, hưx yuôx; fuô kriê cxiv uô qơư trâu cov taz por zoz qơưx trơưk cui tinhv;

- Yax mông, heik kriê lênhx nênhs sir zôngv têx yuôx heik sâuv hâur thax tsav khơưk sâu têx hnaz, hưx yuôx tso trâu hâur têx qơư trâu têx hnaz, hưx yuôx co thiêz uô lơưr chei têz qơưk têx cui tinhv cik txos;

- Qênhz yuôx, heik kriê khơưk sâu têx hnaz, hưx yuôx ntơư đhâu zôngv tas trơưk chei têz qơưk cui tinhv;

- Niêx shông, iz shông 2 jâuk (uô ntêx hnuz xiêz 10/6 thiêz xiêz 10/12) qênhz shuôs luôs hâux lưv sir zôngv nzir têx hnaz, hưx yuôx đhâu zôngv tas hâur thax tsav seiz car, heik trâu Ủy ban huyện..../.

                                     (Bích Thủy-Riê Lâux cxeik, nhênhv)