Nênhs Thái Sơn La li phongz cxưx kơưk zir tưk

    Chiê uô phongz cxưx no, thâuv tos pox zơưv xeir tâu hnuz jông, hli jông, fênhx yax zos hnuz txeik nhaz, tos pox zơưv heik 2 lênhx pox niêv hlôngr njêx muôs mul “kơưk zir tưk” trâu gâux nhaz. 2 lênhx nênhs no tsuv zos lênhx nênhs muôx chuôz zis tsâu sor, shir phaz, txơưx thav, pâuz thôngz lok phongz cxưx, cêr uô nênhx, lơưr zos lênhx nênhs njik plâuz hâu thiêz “kơưk zir tưk” trâu gâux nhaz, choz chêv gâux nhaz têx luôs hâux lưv tsuv uô thâuv mul zuôr txir. Pos Lò Nhung tuôx cxôngx đoanx nghệ thuật tỉnh Sơn La puz pâuz:

          “Fênhx yax mak tos pox zơưv zuôr xeir têx hnuz jông, hli jông lok sik six hơưv jông, pir li 5 six txos 7 six sơưr nzor chiê uô phongz cxưx no 1 txos 2 six, thâuv kơk zir tưk tas thiêx li tos nhaz, cux tos ciês hâur tas cik hnuz kơưk zir tưk co”.

          Chuôz zênhx chiê bax trâu hâux lưv kơưk zir tưk muôx lok six ntâu, taz sik hâur co tsuv muôx iz luz juôs njik plâuz hâu trâu gâux nhaz, 1 ntiv đêx txiêk hâur ntiv đêx muôx poz jêz tâu muôz cxôngx 3 qơư lol, 3 trêr blôngx pênhz laz tâu muôz cxôngx 3 luz vax chiê tsâu luz juôs thâuv njik plâuz hâu trâu gâux nhaz.

          Thâuv kơk zir tưk, 2 lênhx nênhs paz kơk zir tưk, iz tos niêv txir, iz tos pox zơưv zuôr đrês oz saz tul gâux nhaz. Iz lênhx hlê gâux hnhaz chor plâuz hâu, njik cov jông, đhâu co muôz kơk trâu sâuv tênhr hâu, iz lênhx tuôr chor plâuz hâu, iz lênhx muôz chor plâuz hâu co khi. Pos Lò Nhung puz pâuz:

“Iz lênhx pox niêv nênhs Thái tưz zuôr txir mak tsuv tuôr jông thiêz uô phongz cxưx kơk zir tưk, co heik tơưv zuk zos lênhx nênhs tưz muôx txir, muôx chuôz thênhx, tâu tos pox zơưv kơk zir tưk mak zuk tsuv seiz tsiv gri, tuôr jông mênhx cxưx li phongz cxưx co”.

          Chiê plâuz hâu tsi trâus hlê thiêz chiê uô jông gâux đuô, lơưr muôz ntâu chuôz zênhx par cov khor, muôz nhiêx ntâus uô iz tul hmur reik cov plâuz hâu tsi nthuôr thiêz uô cov jông jav.

          Thâuv kơk zir tưk tas, lơưr zuôr zôngv 2 cxeik tês kơk chor plâuz hâu tov chax kơz trâu sâuv chor plâuz hâu tưz kơk zir tưk, taz por tsi trâus cxor. Cê kơk zir tưk, cê choz chêv gâux nhaz thiêz phôngv cov lơưr siz zuôr nhoz uô nênhx shir phaz. Niêv lâuk Hà Thị Vân, mênhx cxưx Thái nhoz đrôngs Sơn La, tỉnh Sơn La heik:

          “Đros cur mak pox niêv, hluôk nxeik nênhs Thái kơk zir tưk lok six jông gâux, phênhz tâu đros têx lênhx nxeik tsi tâu zuôr txir, tsi tâu muôx chuôz thênhx. Lơưr cur mak cxênhx hluôk nênhs nhiv no tsuv tuôr tsês cov jông cêr vênhx huôv jông no”.

          Ciês thâuv “kơưk zir tưk” tas, mêx jênhs zuôr hu vâur tuôx chiê choz chêv đros, phôngv trâu gơưr oz niêv txir hluôk no nhoz uô nênhx shir phaz. Đhâu co tos pox zơưv zuôr thor chiê tos nhaz mul. Cxôngx thâuv “Kơưk zir tưk”, lênhx nxeik co tâu seiz zos lênhx nxêik tưz muôx txir. “Kơưk zir tưk” cux zos chiê phênhz tsênhz mênhx pox niêv Thái tưs tưz zuôr txir. Nênhs Thái đuz xar li no, tsi cxoz hlê zir tưk, tsi xav thâuv nzuôr plâuz hâu, zos muôz luz zir tưk ntơư hlê tsi uô ntênhs tor mak lênhx nênhs co zuôr njiz trâus têx môngr tsi jông hâur luz nênhx...

          Hâux lưv seiz tsiv gri pox niêv nênhs Thái li phongz cxưx kơưk zir tưk zos tso pov pox niêv nênhs Thái li siêz seiz tsiv grê txos têx lâuk, cxênhx nênhs tov ntêx. Co zos iz vênhx huôv muôx cxôngx nzor lol, tsuv tuôr tsês cov truôx tsi chiê pôngz plox./.

(Lợi Long-Txâur Vax cxeik nhênhv)

Iz lênhx pox niêv Cho Thanh Y tsênhv huôv tsar truôx zuk hêir nênhs têx tsôngk trik yo cxôngx nzor

              Hâur iz luz tsêr nhoz jos 6, xã Quảng La, huyện Hoành Bồ, tỉnh Quảng Ninh, pos trương thị hoa tsênhv taz tov kriê cxuô lênhx nxêik hâur jos xơưk hêir nênhs Cho Thanh Y têx tsôngk trik yo, tsôngk tiêz hnar muk uô nhaz.

          “Kror no tsuv muôz têk xơưk thiêx xơưk tâu txêix pax jông jav thiêz tsuv uô siêz truôx bo max mav xơưk thiêx xơưk tâu tiêr chox lok hnar thiêz cur pov muôx chôngz lênhx ntâu tus nxêik xar cơưv shâuv, cur thiêx kriê chor nxêik hâur jos xơưk zuk hêir nênhs têx tsôngk trik yo”

          Hêir nênhs Cho Thanh Y têx tsôngk trik yo muôx ntâu zav xơưk, txêix pax jông txơưr tsik siz thôngx, txix thâuv txiêr tâu puôr lênhx zos muôz têk xơưk. Chênhr zos li hêik ntơư, tâu iz lênhx pox niêv tsênhv huôv tsar zuk hêir nênhs têx tsôngk trik yo li pos Trương thị Hoa cux tsik yuôr ntâu. Niêv hluôk Đặng thị Lê, zos iz lênhx tâu pos Hoa kriê xơưk zuk hêir nênhs têx tsôngk trik yo hêik pâuz tiêk: Xar xơưk cov tâu hêir nênhs Cho iz chêr tsôngk trik yo jông jav chox lok hnar, tsuv xơưk 1-2 shông thiêx xơưk tâu”

          “Txix thâuv muôx 15-16 shông, cur tưz cơưv shâuv pos Hoa têx tsưr ziv xơưk trik yo, viv khưr uô kôngz lôngk, tsik muôx six hơưv hnuz nhôngs cơưv. Têx hnuz tsik uô đaz tsi, cur li cơưv shâuv xơưk trik yo”

          Iz chas kriê cxuô lênhx nxêik hâur jos xơưk zuk hêir nênhs Cho têx tsôngk trik yo cxôngx nzor, Pos Hoa cux tsênhv zuôr kriê tsôngv tuz nxêik hluôk sđ cơưv shâuv hêik hêir nênhs Cho têx suôz sênhr cưr cxiêx đros trâu  zuk hêir nênhs têx txux chi, vênhx huôv jông cov muôx đros đrêiv hâur luz nênhx tsik chiê pôngz plox.

“Cur cux zaz zâuv tsôngv tuz nxêik hluôk cơưv shâuv hêik zuk hêir nênhs têx suôz sênhr cưr cxiêx thiêz cơưv shâuv xơưk zuk hêir nênhs têx tsôngk trik yo. Têx hnuz tsik muôx hâux lưv đaz tsi uô, cur cux hêik cxuô lênhx nxêik hâur jos tuôx siz chos cơưv cov huôv tsar truôx zuk hêir nênhs têx txux chi, vênhx huôv jông”

          Tus muôv Lý Thị Như, muôx 18 shông, zos pos Hoa tus nxêik xênhz nzưr, zos iz lênhx muôz siêz trâu ntuô cơưv shâuv sơưk zuk hêir nênhs têx tsôngk trik yo, pax ntâuz đuôr tưk thiêz cơưv shâuv suôz sênhr hêik cưr cxiêx.

          “Cur lok six nhiêv zuk hêir nênhs têx txux chi, vênhx huôv jông cxôngx nzor thiêz nhiv no cur tsênhv taz tov cơưv shâuv xơưk têx tsôngk tiêz tsôngv trik yo thiêz hâur ntu zuôr txos no cur cux tsênhv zuôr cơưv shâuv zuk hêir nênhs Cho têx suôz sênhr cưr cxiêx cov iz tiêv đhâu tiêv tsik chiê pôngz plox”

          Pos Trương Thị Hoa tsưr ziv siêz xar njôngr huôv tsar truôx zuk hêir nênhs têx txux chi, vênhx huôv jông cxôngx nzor, tsik xav txos têx côngk đas jos kriê. Pos Bùi Thị Giang, phưv tsar sêiz car vênhx huôv-du lix tỉnh Quảng Ninh hêik pâuz:

“Cxuô hêir nênhs têx txux chi, vênhx huôv jông cxôngx nzor, pêz cux tso tơưv luôs hâux lưv chiê kriê tsôngv tuz nxêik hluôk sđ cơưv shâuv, khơưk tsês zuk hêir nênhs têx txux chi, vênhx huôv jông cxôngx nzor cov iz tiêv đhâu tiêv muôx đros đrêiv hâur luz nênhx tsik chiê pôngz plox”./.

                                                                       (Tsu cxêik nhênhv)