Điện Biên: Ntâu qơư zaoz zux bax jông cxuô zav chiê tos shux xênhz tror tuôx cơưv ntơưr

          Têx hnuz no, tsêr cơưv phổ thôngz mênhx cxưx nội trú tỉnh Điện Biên tsênhv sik côngv đros Qơư y tế phường Tân Thanh, thành phố Điện Biên Phủ uô vêv xênhz, tsuôk yuôx tuô caz moz jiês tiv 2 trâu tas nro têx lớp cơưv, qơư so thiêz tas nro thax tsav iz buôk ndis tsêr cơưv. No cux zos hâux lưv tâu tsêr cơưv tsov cưv uô chiê nzor tos shux xênhz tror tuôx cơưv ntơưr hâur hâur hlik hli 3 zuôr txos.

          Pos Phạm Lệ Thanh, Hiệu trưởng tsêr cơưv phổ thôngz mênhx cxưx nội trú tỉnh Điện Biên puz pâuz: Hâur six hơưv shux xênhz tâu so ntơưr, tsêr cơưv cux yax six huiz tôngv tas nro cán bộ, cưk kriê tuôx uô vêv xênhz tsêr cơưv, lớp cơưv. Thôngx cxix chox kriê têx cưk kriê cxơưz tiês yax mông, heik kriê shux xênhz tsưr ziv phax tar moz thiêz pâuz tâu shux xênhz li đas jos nhoz hâur tsêr đhâu số tênhv di động. Đrâuv co, heik cưk kriê têx bộ môn chuv tôngv heik kriê shux xênhz cơưv ntơưr hâur six hơưv so ntơưr hâur tsêr, tsi chiê shux xênhz hnor kaz têx yênhx tưv tưz cơưv uô ntêx co. Thiêz ciês thâuv UB tỉnh muôx thôngz pov tso shux xênhz tror mul cơưv ntơưr, tsêr cơưv zuôr tsov lơưr six hơưv suôv câuv shông cơưv mak Bộ zaoz zux thiêz thox cxov cui tênhv chiê cxiv tsa tsưr ziv cơưv nzir:

          “Hâux lưv uô vêv xênhz trâu tsêr cơưv mak pêz cux tưz tsuôs yuôx tuô caz moz lơưr Tsênhv qơư y tế li heik kriê, taz por trâu shux xênhz tror tuôx cơưv ntơưr. Yuôr vênhv thix so ntơưr ntêr hnuz, pêz zuôr tsov lơưr six hơưv mak Bộ zaoz zux thiêz thox cxov cui tênhv suôv câuv shông cơưv chiê cxiv tsa tsưr ziv cơưv nzir. Đros tsêr cơưv nội trú mak jông đuô zos shux xênhz nox nhoz ntơưv qơư viv li cưk kriê zôngx ziv uô cxaz trâu shux xênhz, taz por shux xênhz tsi tsuv cơưv ntâu mak cux taz por yênhx tưv trâu shux xênhz”.

          Cưk kriê Vũ Thị Hồng Hà, kriê môn Sinh học nhoz tsêr cơưv phổ thôngz mênhx cxưx Nội trú tỉnh Điện Biên puz pâuz: viv phênhv ntâu shux xênhz hâur tsêr cơưv zos mênhx cxưx, nhoz têx thax tsav tsov nhêv, tsi muôx mạng online, viv li chiê paz têx mê nhuôs shux xênhz cơưv ntơưr hâur tsêr mak ciês thâuv muôx thôngz pov so ntơưr, cưk kriê yênhx môn cơưv tưz muôx tsưr ziv choz jax cơưv trâu têx shux xênhz mul tsêr uô. Thôngx cxix thôngz đhâu mạng xã hội thiêz số tênhv chuv tôngv paz txưv, qênhz yuôx shux xênhz li hâux lưv cơưv ntơưr. Đros khối 12 đrâuv cxix luôk tsaz yênhx cơưv, têx cưk kriê tsênhv chuv tôngv kriê cxaz têx jax cơưv muôz siêz, uô ntêx thâuv tos shux xênhz tror tuôx cơưv ntơưr zuôr muôx tâu chêx cuk jông hâur jiês thik THPT zuôr txos:

          “Pêz muôx paz shux xênhz zôngv messenger viv shux xênhz khênhr zôngv Facebook, muôz đề xa trâu sâuv co shux xênhz uô, Shux xênhz tưs tsi pâuz mak nus cưk kriê, heik cưk kriê kriê cxaz. Cur pov shux xênhz lok six sir jos cơưv thiêz cux tos njôngr txos hnuz tâu tror mul cơưv ntơưr”.

          Yuôr đros iz cxiê tsêr cơưv chuyên nghiệp sâuv thax tsav, lơưr zơưv Nguyễn Xuân Toán, Phưv hiệu trưởng Tsêr cơưv cao đẳng Kinh tế-kỹ thuật Điện Biên, đros thiêz côngz xưv phax tar moz cô vít 19 mak đrâuv cxơưz tiês côngz xưv yax mông, tsêr cơưv cux krêz uô ntâu tsưr ziv tsuôs yuôx tuô caz moz, uô vêv xênhz hur đu tsêr cơưv, seiz car jông cxuô huôx tôngv hâur tsêr cơưv. Hâur hâur hlik hli 3 zuôr txos, thâuv shux xênhz muôx thôngz pov tror mul cơưv ntơưr, tsêr cơưv cux bax jông đêx nzuôr tês ntơưv têx qar cơưv, seiz shuôk hâux lưv muôz đeiv bos kror ndâux tsi zuôr nhiêx txiêx trâus cưk kriê thiêz shux xênhz zôngv. Đros 30 ntâu lênhx shux xênhz Lào thâuv muôx thôngz pov tror tuôx cơưv ntơưr zuôr tâu seiz njuôs đas jos, thôngx cxix heik cán bộ y tế tsêr cơưv seiz car jông đas jos ntơưv qơư so.

          “Thâuv shux xênhz tror tuôx cơưv ntơưr zos tsi muôx tul tsi hlôngr yiêz mak tsêr cơưv tror uô jông hâux lưv taz por vêv xênhz, sêiz car jông lênhx nênhs mul lok. Yuôr shux xênhz li yênhx tưv viv qơư zaoz zux muôx têx kror muôx liv đuô têx qơư zaoz zux phổ thôngz, viv li hâux lưv cơưv nzir mak tsi zuôr tsưr tsix. Tsưr ziv, six hơưv co pêz tsi tâu uô mak six hơưv zuôr txos zuôr chêx chôngk uô, shux xênhz li six hơưv so cuz mak lis đuô xưz. Li ntơưv shux xênhz li pênhr xưv, yênhx tưv taz por lơưr tsaz yênhx thox cxov”./.

(Vũ Lợi- Txâur Vax cxeik nhênhv)

Thâuv tưs tsuv nzuôr têk thiêz nzuôr têk li chak cov huv đros chiê phax tar caz moz

Chiê phax tar tâu caz moz, iz chas zôngv ntâuz chox bos kror ndâux, Bôv Y têr hêik cxuô lênhx nênhs, cxuô chuôz zis tsuv tsik so nzuôr têk thiêz nzuôr têk cov huv đros:

5 kror muôx yưv tsuv tâu nzuôr têk chiê phax tar caz moz siz cik

Uô ntêx thâuv zuôr njiz, nhoz jê nênhs moz

                   Uô ntêx thâuv zuôr uô têx luôs hâux lưv tir thêir caz moz

                   Đhâu thâuv cor tâu nyar thiêz cxuô zav muôx sâuv luz chêr

                   Đhâu thâuv njiz lok sik nhoz jê nênhs moz

                   Đhâu thâuv cor tâu têx chuôz zênhx, cxuô zav iz ndis nênhs moz

Tsuv uô jông lơưr 6 tsưr ziv nzuôr têk, chiê tir tar caz moz:

1: Muôz đêx ntuz oz cxêik têk, muôz saz phongx nzuôr têk, plênhr cxuô nro trâu sâuv saz kâuv têk thiêz xiz têk. Muôz oz cxêik têk siz flưk cov cxuô nro.

2: Muôz cxêik têk no nzuôr saz kâuv têk cxêik têk saz tor đros nzuôr hur si têx nkriz têk cov hur si thiêz tror muôz cxêik tor nzuôr trâu cxêik no.

3: Muôz oz luz xiz têk siz cxuôv nzuôr cov hur đros chor ntir têk siz krêiz nzuôr cov hur si têx nkriz têk.

4: Muôz saz cxêik têk no nzuôr saz kâuv têk chor ntir cxêik têk tor thiêz muôz cxêik têk tor nzuôr cxêik kâuv têk no.

5: Muôz iz cxêik têk tuôr tuk ntir têk thơưx cxêik saz tor nzuôr cov hur si thiêz tror nzuôr li co trâu cxêik têk tsik tâu nzuôr.

6: Muôz chor ntir têk cxêik no nzuôr luz xiz têk cxêik saz to, xuôk cxêik têk tor luz xiz têk cov hur si đros trâu chor hâu ntir têk thiêz muôz cxêik tor nzuôr iz zav li co trâu cxêik to cov hur si. Nzuôr têk txix đêx hur, đhâu co muôz fuôv kruôr so cov têk kruôr. Six hơưv nzuôr têk li no tsơưs tiv zix zos 30 giây.

Nzuôr têk huv đros tsưr ziv kriê, muôx liv trâu sơưr đơưk!

(VOV-Lik Thox cxêik nhênhv)