Jax sâu  thưr 5, hnuz 26/5/2016:

Lào Cai: Paz cxơưz gra cêr shir phaz, chiê siêz trâu têx lênhx nênhs trâus sêv khiz luz chêr

Iz txưv xênhz zus tâu lok tsi muôx jông têk jông, tsi muôx luz nênhx jông li luôs lưv tuk, viv trâus moz thâuv tsênhv nhoz hâur đruôz thiêz, Lương Văn Cảnh, nhoz xã Võ Lao, huyện Văn Bàn, tỉnh Lào Cai buôk ti uô têx nuv uz no hâur luz nênhx niêx hnuz puôr lênhx lok six phiv liv, tưz li ntơư lok ho khênhr trâus luôs lưv tuk seiz tsi tâuk, heik li uz li no. Txix thâuv cxaz chuôz đros cơưv tsưr ziv uô nuv tsês trâu têx lênhx nênhs trâus sêv khiz luz chêr nhoz tsênhv qơư kriê txux chi tsưr ziv uô nuv Phú Minh hâur tỉnh lào Cai, Cảnh phaz nzưr, tsưr ziv xar iz hnuz tưz tâu nthuôr đar jux juk. Iz chas cơưv uô hâux lưv, kror mak Cảnh xar njôngr cov pâuz tâu tsưr ziv uô nênhx, zuk tsuv seiz luôs têx, lưv tuk trâu grê uô ntêx, jux juk zuk cux zuôr lênhk txeik tâu XH têx cêr hluz, moz siêz txos. Lương Văn Cảnh heik:

“ Cur trâus moz li no txix thâuv tsênhv zâu, muk lok tsi tâuk thiêz cur cux tsi tâu muk cơưv ntơưr, têx lênhx fôngx zưs txơưr đuô lơưr tưz tsi nhiêv đros cur uô si. Thâuv cur tâu tuôx cơưv ntơưv no, cur pov ntâu lênhx, lơưr cux muôx moz, tsi muôx jông têk jông tơư li cur thiêz ntơưv no kriê trâu cur têx tsưr ziv uô nênhx li nhoz hâur tsêr tsi tâu pâuz txos. Cur tuôx no li cơưv shâuv thiêz pâuz tâu ntâu zav li: cơưv chos ndêz, cơưv heik luk, cơưv lok sâuv cêr siz paz, siz hluz chiê hla đhâu têx cêr txov, phiv liv…”.

Hâur khóa cơưv no, iz chas Lương Văn Cảnh tsênhv muôx 25 lênhx txơưr đuô cux muôx têx moz nhiêk txơưr nhiêk tsi siz thôngx. Chiê kriê thiêz cơưv tiêr tâu lớp kriê txux chi, tsưr ziv uô nênhx trâu têx lênhx nênhs trâus sêv khiz luz chêr no, kror uô ntêx cux zos kror phiv liv yax mak hur si têx lênhx nênhs trâus sêv khiz heik sâuv tsuv sir jos chiê hla đhâu chênhr zuk têx cêr txov thiêz phiv liv. Cưk kriê Nguyễn Như Quỳnh, seiz car jax  kriê tsưr ziv uô kôngz nuv ntơưv Tsênhv qơư kriê txux chi, tsưr ziv uô nuv Phú Minh, tỉnh lào Cai heik pâuz:

“ Chor shux xênhz trâus sêv khiz mak lơưr tsi yuô jênhv pâuz sei li têx lênhx shux xênhz fênhx yax, iz chas ntơư zos lơưr khênhr txax muôs, tsi xar đros luôs lưv tuk uô uz uô no. Pêz thâuv tưs cux sir jos tôngv zênhx thiêz đros đreiv têx nhuôs heik sâuv chiê lơưr pâuz tâu pêz têx cêr moz siêz, hluz txos lơưr li chas. Cur seiz mak têx shux xênhz trâus sêv khiz luz chêr, muôx têx cơưv shâuv, uô tâu lưv zav hâux lưv fiv đros zuk thiêz muôx têx huôv tsar uô tâu nox”.

Chor cưk kriê nhoz tsênhv qơư siêz vav xar njôngr trâu têx shux xênhz trâus sêv khiz luz chêr tưz uô tâu trơưk tsưr ziv. Kuôk no 2 hlik, 28 lênhx xuz thơưx trâus sêv khiz li heik sâuv tuôx cơưv txux chi, tsưr ziv uô nuv ntơưv tsênhv qơư no tưz cơưv tiêr, ntâu lênhx hâur têx lênhx nênhs heik co tưz đros tâu sđ hâur côngv thôngx huôv tsar uô cxuô zav nuv, muôx phênhv sâu tâu, nhoz shir phaz lus. Lơưr zơưv Đinh Xuân Học-Giám đốc tsênhv qơư kriê txux chi, tsưr ziv uô nuv Phú Minh-tỉnh Lào Cai, txơưv tiêk trâus sêv khiz lok luz chêr lok sik đas jos lơưr cux li ntâu lênhx txơưr đuô, puôr lênhx khav tinhv tâu zuk txux chi, pênhr xưv:

“ Hâur six hơưv pêz muk uô hâux lưv xeir zuôr chor nênhs trâus sêv khiz luz chêr nhoz cxuô thax tsav tuôx no cơưv mak njiz ntâu lênhx luz nênhx lok six txov nhêv. Pêz vav chiê siêz tiêk, chor nhuôs tuôx cơưv chiê cov muôx hâux lưv đros luôs lưv tuk uô, zuk cux uô tâu xưk têx lênhx muôx jông têk jông tơư. Hâur six hơưv pêz kriê txux chii, tsưr ziv uô nuv trâu têx nhuôs, txơưv chor nhuôs tsi muôx đas jos taz sik lok six gruôs, xar cơưv cov tâu iz zav nuv tuk tsi chiê tov kaz no muôx hâux lưv đros luôs uô, đros luôs muôx nhiêx txiêx, tsi yuô txov trâu chuôz zis”.

Lơưr thôngz sâu, hâur hur si tỉnh Lào Cai nhiv no muôx iz cxênhz ntâu lênhx nênhs trâus êv khiz luz chêr tsênhv nhoz hnuz nhôngs lox tôngv tsi muôx hâux lưv uô. Chiê paz têx lênhx nênhs no lơưr chuôs XH cêr huôv tsar cxuô mak krêz têx lớp kriê txux chi, tsưr ziv uô nuv li heik sâuv zos lok six zuôr trâus txos. Iz chas ntơư zos têx Cơ quan, tsưr tsix, doanh nghiệp hâur tas nro XH cêr moz siêz paz cxơưz cux zos kror jông thiêz zov chênhr paz trâu têx lênhx nênhs trâus sêv khiz luz chêr muôx têx uô tâu trơưk zuk tsưr ziv, siêz xar./.

( An Kiên-Riê Lâux cxeik, nhênhv)

Phênhv thưr 5/26/5/2016:

CHIỀNG CƠI, SƠN LA: NDO NJÔNGR HLOZ HÔX LUL KRUÔZ KRIÊ

          “ Tưz muôx cêr côngv siêz, ziv muôx cêr côngv siêz đuô, tưz sir jos, tsuv sir jos đuô thiêz chiê tuôr truôx cêr hôx fênhx, cxiv tsa têz qơưk VN tsâu sor, bluô nux thiêz shir phaz”. Hloz li lo lul kruôz kriê co, hâur têx shôngk đhâu thâuv tưs cux nhoz đreiv tsôngv box  mênhx cxưx phường Chiềng Cơi, đrôngs Sơn La siêz tsik plox, chiê tsôngv box mênhx cxưx nhoz no cơưv shâuv uô lơưr thiêz tsi so chêx chôngk huôv tsar kinh têr, txu yeiz cxuôv pluôs, cxiv tsa jêx jos hlôngr yiêz, muôx luz nênhx tsâu sor.

          Zơưv Quàng Văn Hội chuôz zis nhoz jos Mé, phường Chiềng Cơi muôx 8 lênhx nênhs, thâuv ntêx chuôz zis lok six txov nhêv, taz sik cxôngx shông 2010, chuôz zis truôx siêz yưv pênhr uô guôx tu zus buô greix chiê muôs, thâuv tưs hâur guôx cux muôx 60 txos 80 tul buô. Đros trâu têx tsưr ziv yưv pênhr uô huv đros, tsoz phưz jông, buô hloz lox sei, iz shongk fênhx pheiz tso lol phênhv sâu tâu zos 200 tsov đeiv ntâu. Chiê txu grês qênhx shênhx tênhx qơư trâus kiês nênhs, zơưv Hội chuôz zis tsênhv uô kror biogas, cxôngx co chuôz ndê chêx cuk kinh têr trâu chuôz zis. Đros co, zơưv Hội tsênhv pheiz kênh tsư ziv huôv tsarr tu zus buô trâu pox nhuôs hâur thax tsav. Zơưv Quàng Văn Hội heik:

          “ Thâuv ntêx cur cux txov nhêv, nhiv no tu zus, chuôz zis cux muôx nox muôx tsês. Tiv 2 zos lênhx tưs xar phuôv tsar uô lơưr mak cur paz max. Txos nhiv no mak chuôz zis cux ngaz tul thiêz tâu jông đuô thâuv ntêx”.

          Trâur nuv tu zus buô thiêz uô kror biogas txos nhiv no tưz tâu krêz uô đêz đar hâur thax tsav phường Chiềng Cơi, đros co zos têx trâur nuv hâur ntâu vênhv thix li: muôv muôs, jix vuv... Txos nhiv no, phường Chiềng Cơi tsênhv sir jos hlôngr yiêz tsưr ziv huôv tsarr cêr uô nox thiêz phường li kinh tế tưz hlôngr yiêz ntâu, tsiv grê shông 2015 tax tâu 130 tỷ đeiv; phênhv sâu fênhx pheiz iz lênhx nênhs sâu tax tâu 2 tsov đeiv iz luz hlik; 100% lênhx mê nhuôs txâuk shông tâu mul cơưv ntươr cxix cxuô thiêz muôx 80% ziv chuôz zis tax tâu chuôz zis vênhx huôv.

          Chênhr zos sir jos uô tâu ntâu luôs hâux lưv jông, phường Chiềng Cơi tưz tâu UB tỉnh Sơn La khơưk muôz qix “ Taz viv tưr thik jông sơưr thơưx đrôngs Sơn La” shông 2014, Bộ công an khơưk muôz “ Taz viv sơưr thơưx phongz yaox tas nro tsôngv box por vêv txiv ngaz têz qơưk”, đros trâu ntâu ntơưr kruôk txơưr đuô... Têx phênhv khơưk kruôk co zos cxơưz cxiz phường Chiềng Cơi tror sir jos uô lơưr Hloz Hôx li lul heik kriê, sik côngv siêz cxiv tsa Đảng bộ huôv tsar truôx vênhs. Zơưv Lâm Văn Minh, Bí thư đảng ủy phường Chiềng Cơi puz pâuz:

          “ Uô Bộ chính trị li chỉ thị 03 lok tror cxơưz tiês hâux lưv cơưv shâuv thiêz uô lơưr Hloz Hôx li cêr uô nênhx jông, nhiv no Đảng ủy phường tror lênhs tov Mặt trận thiêz têx đoanx thêv chính trị xã hội, tror phuôx huiz chêx cuk cxiv vênhv tôngv cơưv shâuv thiêz uô lơưr Hloz Hôx li cêr uô nênhx jông, gôngr phênhv muôz siêz chêx cuk têx phongz yaox tưr thik, thôngx cxix tir tar têx hâux lưv muôx yưv tsi jông hâur xã hội”.

          Sir jos cơưv shâuv uô lơưr Hloz Hôx li lul kruôz kriê, uô jông Đảng thiêz têz qơưk têx chêi tso tơưv; Đảng bộ thiêz hâu nov ntươv qơư đros 12 mênhx cxưx nhoz phường Chiềng Cơi thâuv tưs cux sik côngv siêz, sir jos cxiv tsa jêx jos huôv tsar, hlôngr yiêz./.

( Hoàng Long cxiv sâu- Txâur Vax cxeik nhênhv)