Hòa Bình: Cxiv tsav txênhz tir tar zax zênhz sâuv txox cêr 6

          Six hơưv jê ntơưv no, lưx lươngv Công an Hòa Bình tsi so ntês cxov tâu ntâu txuz zax zênhz lox. Tsênhz mênhx, hnuz 18/3, tưz ntês tâu 2 lênhx nênhs đros 30 poz zênhz đơưz thiêz 1 luz yêz ô tô sâuv thax tsav thị trấn Lương Sơn, huyện Lương Sơn, tỉnh Hòa Bình. 10 six tsâus ntux đros hnuz, têx lưx lươngv tror ntês tâu 1 lênhx nênhs, sâu tâu 100 poz zênhz đơưz thiêz 247 tsov đeiv. Nhiv kruôr đhâu, ntơưv thị trấn huyện Mai Châu, Hòa Bình, têx taz viv nghiệp vụ tưz pov thiêz ntês tâu 2 lênhx nênhs gra 10 poz zênhz đơưz. Thav txos hâux lưv no, Đại úy Trương Đức Hậu, tuêv qênhz yuôx cảnh sát zaoz thôngz công an Hòa Bình puz pâuz:

          “ Nênhs fêv tsar yêz đrâu trâu zuk taz sik zuk jav zênhx, 2 lênhx nênhs co trâus ntos yêz, thâuv ntês tâu krêz luz yêz meir pov muôx 10 poz zax zênhz nhoz hâur”.

          Ntơưv huyện Mai Châu, iz thax tsav muôx ntâu qơư muôv muôs zax zênhz nhoz tỉnh Hòa Bình, ntâu shông no, têx lưx lươngv muôx txơưx jênhv tưz sik đros têx tsưr tsix đoanx thêv xã hội chuôz tsar hu grus tsôngv box sir jos cxaz chuôz trâur nuv Tuêv sik côngv coar lik phax tar, tơưv txênhz, heik kriê lênhx nênhs phamv cxâuv thiêz cxiv tsa xã, phường, thị trấn tsi muôx zax zênhz. Đại tá Nguyễn Ngọc Minh, Tsar Công an huyện Mai Châu puz pâuz:

          “ Đhâu trâur nuv tuêv sik côngv coar lik, tsôngv box tsi taz chiv chir phax tar mak tsênhv thôngx ziv paz lưx lươngv công an hâur hâux lưv pov thiêz tơưv txênhz đros nênhs phamv cxâuv, tiv zix zos nênhs phamv cxâuv zax zênhz, đhâu co phuôx huiz tâu tas nro cxix luôk chính trị, tas nro tsôngv box li đas jos tơưv txênhz tir tar nênhs phamv cxâuv”.

          Cxôngx hâur shôngk shông txos nhiv no, lưx lươngv muôx txơưx jênhv tỉnh Hòa Bình tưz pov thiêz ntês cxov 77 txuz, 89 lênhx nênhs muôv muôs zax zênhz, sâu tâu 24 poz zênhz đơưz thiêz 4000 ntâu njiêr zax zênhz. Thôngx cxix, sik côngv đros têx taz viv sâu tâu 170 poz zênhz đơưz, 3 luz yêz ô tô thiêz ntâu chuôz zênhx muôx lênhx coaz. Chiê tơưv txênhz, cxuôv por tsês têx qơư muôv muôs zax zênhz, Công an tỉnh Hòa Bình tưz yênhx lix qơư qênhz yuôx, thôngz ntơưr heik kriê nênhs phamv cxâuv, xor tênhv heik kriê nênhs phamv cxâuv....Thượng tá Phạm Hùng, Phưv tsar phòng CSĐT nênhs phamv cxâuv zax zênhz, Công an tỉnh Hòa Bình puz pâuz:

          “ Pêz cux yax six thôngz xor mông, cxeix laov lok nênhs phamv cxâuv zax zênhz li huôx tôngv cxôngx saz đrâuv ntus đriv lol VN thiêz mul thax tsav Hòa Bình chiê qênhz yuôx tsênhz mênhx, phưx vưv côngz xưv phax tar, zaoz zux thiêz tơưv txênhz”.

          Nênhs phamv cxâuv zax zênhz sâuv niêv cêr 6 ziv hnuz ziv muôx ntâu, ziv tsi pâuz nyei tul tsi thâuv thâux gra thiêz muôv muôs zax zênhz. Viv li, lưx lươngv công an nhoz no muôx pưs txux coaz tsôngv hâur côngz xưv phax tar nênhs phamv cxâuv riêz nênhs no./.

(TTT-Txâur Vax cxeik nhênhv)

Suôx câuv jiês cơưv đros thiêz têx đại biểu Côx hôiv ntâu lul heik, thix ziv

         Ntơưv jiês cơưv tiv 3, Côx hôiv tưz thôngz đhâu 12 dưv anr Luật thiêz iz cxiê dự thảo Nghị quyết. Côx hôiv tưz thôngz đhâu Luật paz doanh nghiệp mê thiêz tov thơưx, muôz jông qơư, six hơưv chiê fuô uô têx hâux lưv paz doanh nghiệp tâu trơưk Chính phủ tsưr ziv, siêz xar. Têx chei ntơư tâu tso tơưv zos zuôr paz cxơưz nzir đas jos chiê uô têx luôs hâux lưv heik sâuv txos shông 2020, hur si têz qơưk muôx tsơưs tsơưs iz tsov doanh nghiệp uô hâux lưv chiê paz đas jos zov chênhr cxiz tsar ndê kinh tế. Iz chas ntơư, txix têx nux grik tsi jông, thêv tsi tas....tưz uô hiêv txos ngênhx kinh tế, pir li GDP tsav nhos 13%, Côx hôiv tưz thôngx ziv thôngz đhâu Nghị quyết uô siv luôs hâux lưv đros đơưk tu têx tsưr tsix nhiêx txiêx têx nux grik tsi jông chiê lơưr muôx hâu cêr muk. Hâux lưv đơưk tu têx nux grik tsi jông taz por uô trơưk chei, cui tinhv, tsênhz mênhx, tsi zôngv txos têz qơưk têx nhiêx txiêx chiê thêv trâu têx nux grik ntơư.

         Đros thiêz dưv anr Luật kho đuô, cxaz nzir iz cxiê grê hâur Bộ Luật hình  sự 2015, đhâu thâuv Bộ luật no tax trâus nduô tsês viv qênhz pov iz cxiê kror uô zuôv, tsi zos chei, đros thiêz txux chi tsưr ziv, cêr sik đros moz siêz txos, chor đại biểu Côx hôiv tưz tiz jông seiz lax đhâu 2 jiês cơưv thiêz sik thôngx ziv thôngz đhâu ntơưv jiês cơưv tiv 3. Côx hôiv cux tưz seiz lax, uô jông thâuv quyết tinhv tso tsês tsi thôngz đhâu Luật njuôk hov, viv muôx ntâu kror cik txos cui tinhv hâur têx chei nhiv no, tsuv muôx têx bộ ngênhx đros paz seiz lax, nhênhz chơưv.

Jâuv xuz thơưx ntơưv jiês cơưv no, Côx hôiv tưz tsês ntâu six hơưv trâu seiz lax lok kinh tế, xã hôiv thiêz nhiêx txiêx têz qơưk txos 6 six 30 phênhz tsâuk ntux. Txơưv tưz tsês ntâu six hơưv li ntơư, taz sik chor đại biểu tok chiê tâu heik zuk têx  luk, thix ziv ntơưv Hội trường cux tsênhv yuôr lok six chôngz lênhx, ntơư tso pov têx đại biểu thiêz tsôngv pêx xênhv hâur hur  si têz qơưk lok six moz siêz txos tsênhv njiêz zov chênhr co. Chor đại biểu Côx hôiv tưz heik tiêk, tsar ndê kinh tế khov lok têx muôx ntơưv qơư tsuôk zos tsưr ziv lav uô, tsi truôx thiêz muôx têx zuôr uô tsi jông txos ntu tov kaz no. Iz chas ntơư cux heik, hâur ntu hlôngr đuô ngênhx kinh tế, hlôngr yiêz trâur nuv tsar ndê, ciêz đrôngs ntiêx têz thiêz tsênhv chei muôx têx txơưr txar sei, mak chiê uô tâu têx hâux lưv heik sâuv zos chuôz tsar GDP tâu zuôr xar 7% thiêz têx trâus pôngz grê tsơưs đuô 4% hâur shông no tsuv lok six sir jos thiêx uô tâu. Ntâu ziv chênhv heik cov tror qênhz shuôs, uô tsênhz mênhx têx phênhv chuôz tsar, chêx tsôngk taz por truôx tuk kinh tế; phênhz pênhr yưv uô cov huv đros; đơưk tu têx phiv liv, cxiz huôv tsar uô nox trâu têx doanh nghiệp, trâu tsôngv box; heik Chính phủ cxơưz tiês hlôngr yiêz têx ntâuz ntơưr, sir jos qênhz shuôs, qênhz yuôx, đơưk tu têx txuz nuv uô trâu sơưr đơưk tsi jông hâur xã hội, lar heik zos têx txuz nox nhiêx têz qơưk, uô tuôr xuôv têz qơưk thiêz tsôngv pêx xênhv têx chuôz zênhx.....

         Kror yiêz hâur jiês cơưv jâuv no zos Côx hôiv tsês nzir iz tar sur trâu nuk têz lok sâuv têx nuv ntâu tsôngv box tsi jông siêz, heik ntâu txos. Ntâu luôs hâux lưv xã hội moz siêz txos li: Kôngz nuv, y tế, tsưr ziv thiêz yưv pênhr uô, vênhx huôv, ju lix tưz tâu chor đại biểu Côx hôiv thiêz thành viên Chính phủ sik thav, siz seiz lax chiê uô tsênhz mênhx nzir. Lok six ntâu ziv chênhv heik txos têx cuz nxor, phiv liv. Tsi tiêk siz thav, heik txos iz jâuk, mak muôx kênh lênhx đại biểu tưz tsi so heik trâu Bộ trưởng 3, 4 jâuk thiêz sik thav đros têx đại biểu txơưr đuô chiê yơưz vơưz , uô tsênhz mênhx đuô lok tập thể  bộ, ngênhx lok têx thành viên chính phủ li txơưx jênhv, hâux lưv. Lok têx lul nuk, chor phưv thủ tướng chính phủ car seiz luôs hâux lưv ntơư cux tưz buôk ti têz thiêz uô tsênhz mênhx nzir têx tsênhv njiêz zos Chính phủ li hâux lưv cxuô, txix ntơư tso tơưv ntâu faz tsưr ziv chiê lês car uô jông đuô......

          Côx hôiv tưz cơưv suôx câuv đros thiêz têz  qơưk ntâu luôs hâux lưv zuôr trâus uô hâur tsênhv tsênhz. Jiês cơưv no cux ntâuk hov têx hlôngr yiêz  hâur têx cêr nuv, txix Côx hôiv gôngr ziv chênhv, paz tsưr ziv txos trâu sik thav, siz seiz lax chiê uô tsênhz mênhx đuô. No zos têx xuz thơưx zov chênhr chiê trâu Côx hôiv uô hâux lưv thiêz uô tâu tsênhv tsênhz trơưk tsưr ziv, siêz xar./.

(TTT-Riê Lâux cxeik, nhênhv)