Bài thứ 6.26.8.2016:

LÀO CAI: TSUV CIÊR CHÊNHR TXAR TSÔNGV BOX MUL ĐHÂU THAX TSAV RIÊZ NÊNHS

***

          Tsi tâu muôx shông tưs têx jiês lol nas nhoz Lào Cai uô riêz nênhs li shông no. Ntux lol nas mak txơưv muôx đêx cuôr yôngz thiêz tox poz xưz. Tsuôk hâur 1 luz hlik, lol nas 2,3 jiês tưz uô ruôr hiêv txos yênhx puôk tỷ đeiv. Taz sik co nhiv kruôr zos xav txos têx cơ sở chuôz zênhx chuôz tas, yuôr ruôr hiêv lok lênhx nênhs mak njuôs xav tsi tâu.

          Nhiv no đros thiêz ntâu lênhx tsôngv box nhoz tox siêz Lào Cai, thâuv njuôs pov zuôr muôx ntux nas mak txơưv pov lok six cxơưx, hnor nas lol xưz cux nyei viv lơưr tưz tâu pov têx trâus zênhr shar zov chênhr tiv ntux nas- uô muôx đêx cuôr yôngz, tox poz ar lơưk. Niêv lâuk Chảo Tả Mẩy, nhoz jos Sủng Hoảng 2, xã Phìn Ngan, huyện Bát Xát- qơư nhiv kruôr muôx jiês đêx cuôr yôngz zov chênhr hnuz xiêz 5/8 uô 3 lênhx nênhs tuôs, 16 chuôz zis mul tsi tâu kror tưs puz pâuz:

          “ Zos tsi lol nas mak tsi nyei, taz sik zos ntux lol nas mak lok six nyei, cur tsi tâu muôx jiês tưs xar tiêk zuôr tror lol jêx jos thiêz, viv tưz lol mak zuôr tơưv mul tsi tâu, đhâu jiês ntux nas cux tsi muôx tsêr chiê nhoz lơưv thiêz”.

          Yuôr iz jiês riêz nênhs thiêz thâuv tas cik hnuz 22/8, iz jiês tox poz muôx yênhx cxênhz tênhr poz jêz thiêz ar poz lol niêv cêr 4D, cuôr vôngz lơưv 3 luz tsêr nhoz co, hâur co muôx tix lâuk Nguyễn Công Hà li 1 luz tsêr 4 yôngx nhoz tuêv 14, jos Ô Quý Hồ, thị trấn Sa Pa, hâur tsêr muôx 5 lênhx nênhs taz sik môngr jông tsir tơưv tâu đrâuv jôngr, txos nhiv no lênhx tưs cux tsênhv lok six nyei. Tix lâuk Hà heik:

          “ Cur nhoz no cux nyei taz sik cxôngx thâuv ntêx txos nhiv no tsi tâu muôx jiês tưs pov muôx tox poz zov chênhr li ntơưv. Xar tsi tâu tiêk yênhx cxênhz tênhr ar, poz jêz zuôr poz lol li no, cur lok six nyei”.

          Têx lênhx nênhs li tix lâuk Hà, niêv lâuk Mẩy tâu seiz zos môngr jông tsi ruôr hiêv txos lênhx nênhs, đrâuv co muôx ntâu lênhx nênhs cux trâus nanv li ntơưv thiêz tuôs, trâus plox mông nriêr tsi pov. Taz sik lơưr puôr lênhx muôx iz kror xưk iz zav zos nhoz uô nênhx ntơưv têx ntus đêx lok sik tơư trôngz, têx qơư nyei tiêk jông gâux, ngaz tul taz sik ho zos têx qơư lok six riêz nênhs. Zơưv Nguyễn Anh Tuấn, giám đốc Sở kôngz nuv thiêz phuôv tsar nôngx cxênhz tỉnh Lào Cai puz pâuz:

          “ Hâux lưv iz cxiê ziv chuôz zis tsênhv nhoz hâur thax tsav riêz nênhs, njuôs xav muôx đêx cuôr yôngz, tox poz siêz tưz tâu thôngz sâu tsênhz mênhx trâu yênhx huyện, xã. Pêz cux heik têx huyện tsuv chêx chôngk vênhv tôngv, nriêr qơư nhoz trâu têx chuôz zis no mul nhoz qơư taz por. Muôx tsưr ziv zuôr trâus chiê txar têx chuôz zis no mul thâuv muôx ntux nas”.

          Taz sik tsênhz mênhx tso pov, lok six ntâu ziv chuôzz is tsôngv box nhoz Lào Cai tsênhv nhoz hâur qơư lok six riêz nênhs, taz sik tsi tâu tâu tsov cưv txos. Pir li nhoz sâuv niêv cêr 4D cxôngx thành phố Lào Cai mul Sa Pa, têx zênhr shar tiv ntux nas, tox poz cxôngx hâur cheix lol nas txos nhiv no tsênhv muôx ntâu. Taz sik, nhoz buôk têx tul đêx, têx tsas cêr txơưv tiêk njuôs xav muôx tõ xpoz taz sik têx chuôz zis tsôngv box tsênhv tso siêz nhoz uô nênhx. Muôx têx chuôz zis muôx lênhx nênhs trấu tuôs tiv ntux nas taz sik tsênhv tror tik lol nhoz qơư kuz. Puk zos têx ziv chuôz zis no jênhv pâuz tsi tâu qênhx shênhx riêz nênhs?

          Tsênhz mênhx li ntơưv, taz sik cxôngx hâur shôngk shông txos nhiv no, Lào Cai nhiv kruôr tsưr tsix txar tâu zuôr xar 200 ziv chuôz zis mul đhâu thax tsav riêz nênhs. Yuôr 1.000 cxênhz ntâu ziv chuôz zis tsênhv nhoz uô nênhx hâur têx qơư lok six riêz nênhs. Cxôngx qênhx shênhx ntux nas txơưr txar tsi so, tsi muôx lênhx tưs car khav tênhv uô ntêx tul tsi, lok sik thâuv muôx têx ruôr hiêv thiêx mak li khur xiv?

          Txơưv pâuz tiêk yuôr lok six ntâu phêv liv, taz sik Lào Cai tsuv cxơưz tiês côngz xưv nriêr qơư nhoz taz por chiê txar têx chuôz zis tsênhv yuôr mul nhoz qơư taz por đuô, chêx cuk muôx yưv thâuv krêz uô hâux lưv tsi zos lav sir jos hu grus xưz./.

( An Kiên- Txâur Vax cxeik nhênhv)

Chuyên mục thứ 6/26/8/2016:

PHÊNHV TSÊNHV CHEI THIÊZ LUZ NÊNHX

Têx lênhx nênhs tâu txo grêk tsơưs nhiêx thêv cơưv ntơưr lơưr cui tinhv yiêz

            Nus: Cur tuk txir tâu têz qơưs muôz côngz mênhx tir ntâuk trok châuz hov iz, cur tuk nhuôs tsênhv cơưv trâu tsêr cơưv Đại học, uô li pok tâu txo grêk têx nhiêx thêv cơưv ntơưr lơưr Thông tư liên tịch số 09/2016/TTLT-Bộ zoz zux-BTC-Bộ laox tôngv xã hội nhiv kruôr tso tơưv?

            Têz: Bộ zoz zux têz têx luk nus ntơư li đrav kaz:

Lơưr Lênhx Bộ zoz zux thiêz thox cxov, Bộ nhiêx txiêx, Bộ  Lox tôngv-xaz pênhz thiêz XH cui tinhv ntơưv ntu 2, grê 4 Thông tư liên tịch số 09/2016/ TTLT-Bộ zoz zux-BTC-Bộ laox tôngv xã hội hnuz 30/3/2016 kriê uô lơưr Chính phủ li Nghị định số 86/2015/NĐ-CP hnuz xiêz 2/10/2015, iz cxiê grê cui tinhv lok sâuv sâu, seiz car têx nhiêx thêv cơưv ntơưr đros trâu têx qơư zoz zux zos têz qơưs têx tsêr cơưv thiêz tsênhv chei txo grêk tsơưs nhiêx txiêx thêv cơưv ntơưr, paz nhiêx nox nhoz cơưv ntơưr txix shông cơưv 2015-2016 txos shông cơưv 2020-2021, “ nênhs muôx côngz trâu têz qơưs thiêz têx lênhx nênhs muôx côngz têz qơưs li tsêr nênhs lơưr Pháp lệnh tsov cưv trâu nênhs muôx côngz têz qơưs tâu thôngx ziv ntơưv Văn phòng Côx hội ntâuz ntơưr số 01 hnuz 30/7/2012. Tsênhz mênhx zos:

-Zênhz shôngx lưv lươngv vũ trang; lênhx nênhs trâus moz trâus saz thâuv ntu tir ntâuk trok châuz; lênhx nênhs tâu sơưv têz qơưs têx chei paz xưk li lênhx nênhs trâus saz hâur ntu tir ntâuk trok châuz đrav ntêx; zênhz shôngx lox tôngv hâur ntu tir ntâuk trok châuz ( zos muôx).

-Lênhx nênhs muôx côngz trâu têz qơưs uô ntêx hnuz xiêz 1/1/1945 li tuz nhuôs ( zos muôx); nênhs đros uô hâux lưv tir ntâuk trok châuz txix hnuz xiêz 1/1/1945 txos hnuz têz qơưs tâu tiêx tuk hli 8/1945 li tuz nhuôs ( zos muôx); zênhz shôngx lưv lươngv vũ trang li tuz nhuôs; zênhz shôngx lox tôngv hâur ntu tir ntâuk trok châuz li têx nhuôv; chor nênhs tâu tas siv nênhx thâuv ntu tir ntâuk trok li tuz nhuôs; lênhx nênhs trâus saz hâur ntu têz qơưs tsi tâu tiêx tuk li tuz nhuôs; chor nênhs tâu sơưv têz qơưs têx chei paz xưk li lênhx nênhs trâus saz thâuv ntu tir ntâuk trok châuz li tuz nhuôs; nênhs uô hâux lưv tir ntâuk châuz trâus tsơưr tưx da cam li tuz nhuôs…..”.

Trơưk li Thông tư liên tịch số 09/2016/ TTLT-Bộ zoz zux-BTC-BLĐTBXH mak lênhx nênhs đros cxaz chuôz tir ntâuk trok châuz muôx côngz mênhx hov iz tuk nhuôv li heik sâuv, tsi tâu txo grêk tsơưs têx nhiêx thêv cơưv ntơưr./.

( Thanh Thủy-Riê Lâux cxeik, nhênhv)