Đak Lak: chor cưk kriê ntơưr bộ đội pênhz phax li lớp cơưv nhoz ntus đriv

          Đhâu iz hnuz khưr nriêr nox, txos thâuv tsâuk ntux pos Lữ Thị Sáng ho đros tuk nxêik muk lớp cơưv cxuôv đis muôs ntơưr zos Đônx pênhz phax 737 tsưr tsix ntơưv xã Ia R’vê, huyện Ea Súp, tỉnh Đắk Lắk chiê cơưv ntơưr. Txix thâuv zâu tsuôk pâuz uô liêx têz, viv li pos Sáng cux xưk li chôngz lênhx nênhs nhoz thax tsav ntss đriv no cux tsik pâuz ntơưr. Cxêik têk cxar chor hnuz xuz thơưx tuôr tuk chưx mêv sâu ntơưr lok six lax, taz sik tâu chor chiến sĩ bộ đội pênhz phax az, pos Sáng tưz sir jos cơưv ntơưr.

“Thâuv ntêx no luz nênhx txov nhêv, chuôz zis muôx chôngz nênhs tsik muôx tsar tov muk cơưv ntơưr tuôx no uô nox, nhiv no muôx bộ đội pênhz phax paz kriê ntơưr trâu zuk mak cux pâuz ntơưr thiêz sâu tâu zuk luz bê, cur shir phaz hênhr. Tov kaz no pâuz ntơưr mak cur zuôr sir jos chiê huôv tsar kinh tế chuôz zis”.

          Hok zơưv Hà Công Thức, nhoz jok 13 xã Ia R’vê, huyện Ea Súp mak muk cơưv ntơưr zos kror tsênhz đuô. Khov pâuz ntơưr, zơưv zuôr nhênhv tâu bê ntơưr yuôx por vêv đrox tsuôs, kruôz kriê sir zôngv qir zuôv chiê zôngv huv khoa học kỹ thuật trâu chos kôngz lôngk, tu zus tsiêx cxu huôv tsar kinh tế chuôz zis.

“Tâu chor pênhz phax lok kriê ntơưr paz trâu pox nhuôs pâuz tâu ntơưr mak shir phaz hênhr. Cơưv ntơưr chiê pâuz uô kinh tế, tu zus tsiêx cxu, kriê mê nhuôs cơưv ntơưr. Txix thâuv pâuz ntơưr mak muk zuôr yuôx, zuôr qir zuôv lok cux pâuz nhênhv bê têx yuôx qir zuôv co chiê xêir zuôr huv đros lok trâu zuk têx liêx têz jông đuô”.

          Đại úy Trương Văn Hoành, chính ủy Đônx pênhz phax 737 puz pâuz, txix shông 2012 txos nhiv no, taz viv nhiv kruôr tsưr tsix tâu oz lớp muôx 62 lênhx nênhs cơưv. Taz sik chiê muôx tâu chor lớp cơưv li co mak zos tas nro taz viv cux xưk li pêx xênhv nhoz tiv phaz lok six ntâu sir jos. Viv chor nênhs cơưv phênhv ntâu zos txix 40 shông tror sâur, zos chor nênhs khưr uô nox chênhr hâur chuôz zis, tsuv uô hâux lưv nriêr kror nox yênhxx hnuz, txos thâuv tsâuk ntux lok tsêr mak gênhk, hêik lơưr tuôx cơưv ntơưr cux lax; chôngz lênhx nênhs cơưv txos tos têk tso tsês.

“Tiv tsar tov chor nênhs tsik pâuz ntơưr nhoz thax tsav mak hnuz nhôngs siêz, iz cxiê nênhs zos mêhx cxưx tsơưs nênhs ho txax muôs tiv zuk hnuz nhôngs lâul. Thâuv hêik tuôx cơưv ntơưr mak cux phiv liv, jux juk pox nhuôs cux pâuz tâu cơưv ntơưr li kror liv thiêz tsik so tuôx cơưv ntơưr cxuô đuô chiê paz trâu lơưr pâuz tâu ntơưr”.

          Txix zos lênhx pênhz phax li siêz jông thiêz txơưx jênhv, cán bộ, chiến sĩ đônx pênhz phax 737, bộ đội pênhz phax tỉnh Đak Lak tưz đros đrêiv pox nhuôs nhoz xã Ia R’vê, huyện Ea Súp. Tiv zix, đros đội côngz xưv quần chúng, yênhx hnuz nhoz đros tiv phaz, đros nox, đros nhoz, đros pêx xênhv khưr uô nox. Thôngx cxix kriz chor lớp kriê cxuôv đis muôx ntơưr, paz pox nhuôs jênhv pâuz, muôx txux chi đuô huôv tsar kinh tế-xã hội chiê đros bộ đội pênhz phax tuôr truôx tsưr qênhx ntus đriv têz qơưk./.

                                                   (TTTN-Lik Thox cxêik nhênhv)

PHÊNHV CHEI TÊZ QƠƯK THIÊZ LUZ NÊNHX

Nus, têz lok uô cxâuv chei cheix tsar yêz mul lok tâus cêr thâuv tsi muôx ntơưr tsar yêz

          Lường Văn Huấn nhoz huyện Yên Châu, tỉnh Sơn La nus: Kuôk nor 2, 3 hnuz, Cur thiêz cur tuk cưr trâus cảnh sát zoz thôngz huyện cxov thiêz bluô nhiêx uô cxâuv chei cheix yêz mul lok tâus cêr thâuv tsênhv taz tov tsar yêz tsi muôx ntơưr tsar (no zos cur tuk cưr thâux cur) taz sik hur tiz si ưz 2 lênhs puôr lênhx tsi ntông câuk mov por hưv tâuz hâu. Cảnh sát zoz thôngz tưz uô ntơưr bluô, taz sik ho sâu tsi tsênhz mênhx chor nhiêx mak tsuôl heik tiêk bluô 2.500.000 đeiv xưz? Uô li thor nus seiz, phênhv bluô sâuv pok zos chei lok tsi zos? Thor paz têz iz lo luk tsênhz mênhx trâu cur pâuz:

          Uô li thor uô cox tsâus ntâu, tưz nus txos pêz, thiêz têx li cox heik co mak pêz thor têz cox li đrav kaz:

          Tsik muôx ntơưr tsar yêz: Viv cox tsi heik tsênhz, cox tuk cưr shor zos tsi tâu muôx ntơưr tsar yêz lok zos tsi ndo kaz gra ntơưr tsar yêz đros, taz sik cux tsênhv tsar yêz meir, viv li muôx têx zuôr muôx yưv 2 kro li no:

          Tiv iz zos lênhx nênhs tsi gra ntơưr tsar yêz đros: Trơưk Chính phủ cui tinhv ntơưv grêix 2 grê 21 Nghị định số 171/2013, cui tinhv xưv bluô têx lênhx nênhs uô cxâuv cui tinhv li đrav kaz:

          Bluô nhiêx txix 80 cxênhz txos 120 cxênhz trâu têx lênhx uô cxâuv li: Nênhs tsar yêz meir tsi gra ntơưr tsar yêz. Li ntơư cox tuk cưr muôx têx zuôr trâus bluô txix 80 cxênhz txos 120 cxênhz đeiv nhiêx. Oz zos cox tuk cưr tsi muôx ntơưr tsar yêz mak phênhv bluô zuôr uô lơưr grêix 5 grê 21 Nghị định 171/2013.

          Tiv 2, bluô nhiêx txix 800 cxênhz txos 1.200.000 đeiv trâu têx lênhx nênhs tsar yêz meir tsi muôx ntơưr tsar yêz lok sik sir zôngv ntơưr tsar yêz tsi zos Cơ quan muôx vax huôv muôz, ntơưr tsar yêz trâus cxuôv, cok pov tsik tsênhz.

          Li ntơư, cox tuk cưr muôx têx trâus bluô nhiêx txix 800 cxênhz txos 1.200.000 đeiv. Iz chas co, cux muôx têx trâus lưv lươngv cảnh sát zoz thôngz chaz yêz tsês hâur 10 hnuz./.

(Thanh Thủy-Riê Lâux cxeik, nhênhv)