Tsêr kho moz paz chơưv đas jos Sơn La: Nênhs moz li qơư njênhs njôngr.

         Zơưv Lò Văn Đôi nhoz jok Pu Naư, xã Chiềng La, huyện Thuận Châu, tỉnh Sơn La tâu chox tuôx nhoz kho moz ntơưv tsêr kho moz paz chơưv đas jos Sơn La thâuv têx têk tơư tưz tsi muôx jos hlo đhâu cxa chax kâuv trâus moz hnhar, đas jos ntâus tak, poz njas trâus to, hlê tas tiv pư ntâu muk tsi tâuk kror tưs, hur si cxuô cêr xênhz huôx li nox hâuk, muk tơưv trôngx…..puôr lênhx zos khov lưv tuk paz.  Đhâu iz ntuk tâu têx cưk yuôx, bác sỹ tsêr kho moz paz chơưv đas jos tỉnh Sơn La moz siêz đros paz chơưv kho, txos nhiv no zơưv đas jos tưz nhoz khênhr đuô, nox tâuk, pư tâuk, têx moz tưz jông thiêz kruôr jux juk, tsi uô cuô zis. Pos Lò Thị Chấm, zos lênhx nênhs moz heik sâuv li nênhs hâur tsêr heik pâuz:

         “Cur chox cur tuk txir tuôx chơưv kho moz ntơưv tsêr yuôx, moz lok six hnhar. Lok ntơưv no, tâu chor cưk yuôx, bác sỹ moz siêz đros paz chơưv kho, nhiv no cux nhoz khênhr lơưv. Cur lok six jông siêz thiêz shir phaz viv tâu chor cưk yuôx, bác sỹ moz siêz paz chơưv kho moz trâu pêz”.

         Đros thiêz muôx 120 luz txax trâu nênhs moz tuôx nhoz, pư kho moz, hâur têx shông đhâu, tsêr kho moz paz chơưv đas jos Sơn La tưz tsi so gra siêz tsơưr lươngv seiz njuôk shuôs, kho moz trơưk tsưr ziv “moz siêz, uô jông hâux lưv seiz njuôk shuôs, kho moz trâu nênhs moz” txix ciês thâuv lênhx nênhs moz tuôx nhoz hâur tsêr kho moz. Tsuôk xav hâur shông 2016, tưz muôx 2.900 ntâu lênhx nênhs moz tuôx seiz njuôk shuôs, kho moz ntơưv tsêr kho moz no, thâuv tưs têx txax trâu nênhs moz tuôx nhoz, pư kho moz cux tsi muôx sênhv, chor nênhs moz tâu tuôx nhoz chơưv kho moz hâur no cux kho jông moz chôngz lênhx đuô pir li têx shông uô ntêx. Chor nênhs moz tuôx nhoz kho moz tsi tiêk zos têx lênhx nênhs ntơưv Sơn La, mak tsênhv muôx tsôngv box nhoz luôs 2 chas tỉnh thiêz iz cxiê tỉnh Bắc Lào tuôx thiêz. Phênhv ntâu têx lênhx nênhs moz tuôx nhoz kho moz ntơưv no puôr lênhx nhiêk muôx nhiêk iz zav moz txơưr li: Trâus moz cxa chax kâuv, moz poz kix cxax, shiz mêx siêz, moz tso jik thax lok zos jik kaz jiz, zos tsi tâu chơưv kho moz zênhx max mak zuôr uô ruôr hiêv txos txox siê. Thâuv tuôx txos tsêr kho moz, muôx têx lênhx cưk yuôx, bác sỹ txơưx chơưv kho sir jos uô luz luôs hâux lưv, moz siêz lus đros paz chơưv kho, chor nênhs moz tuôx nhoz kho moz lok six tso siêz. zơưv Quàng văn Ành nhoz jok Co Đứa, xã Nặm Dôn, huyện Quỳnh Nhai, tỉnh Sơn La tuôx nhoz kho moz ntơưv tsêr kho moz no heik pâuz:

         “Cur nhoz tox siêz đêz đrôngs tuôx kho moz ntơưv no: Tiv iz zos moz tso jik thax, tiv 2 zos shiz mêx siêz, tiv 3 zos moz têx poz kix cax. Đhâu thâuv tuôx txos tsêr kho moz cur tâu chor cưk yuôx, bác sỹ moz siêz paz chơưv kho moz, cur lok six shir phaz thiêz tso siêz nhoz kho moz ntơưv no”.

         Iz chas phưx vưv kho moz thiêz tsoz phưz đas jos trâu nênhs moz ntơưv tsêr kho moz, tsêr kho moz tsênhv cxơưz tiês uô jông luôs hâux lưv paz chơưv đas jos khov lok côngv thôngx. Viv têx lênhx nênhs moz tsuv nhoz kho têx moz li paz chơưv đas jos hâur tỉnh lok six chôngz taz sik têx txax trâu nênhs moz tuôx nhoz, pư muôx tsi txâuk, tsêr kho moz tưz khov lok têz qơưk têx nhiêx txiêx tsaz yênhx y tế chiê chơưv kho moz trâu iz cxiê lênhx trâus moz tsi yuô hnhar tsi tas tuôx nhoz kho moz hâur tsêr kho moz. Thôngz đhâu ntơư, yênhx puô lênhx nênhs tưz tâu seiz njuôk shuôs, kho moz nzor ntơưv côngv thôngx chiê txo grêk tsơưs trâus moz hnhar, uô ruôr hiêv txos lênhx nênhs. Bác sỹ Vũ Tiến Giang, Phưv Giám đốc tsêr kho moz paz chơưv đas jos trâu têx lênhx nênhs moz, tỉnh Sơn La heik pâuz:

         “Pêz cxơưz tiês uô jông luôs hâux lưv chơưv kho moz trâu  nênhs moz khov lok côngv thôngx, viv huôv tsar uô hâux lưv paz chơưv kho moz khov trâu côngv thôngx thiêx muôx ntâu lênhx tâu buôk ti txos têx tsưr ziv seiz njuôk shuôs, kho moz. Txơưv tiêk Đảng, pêz têz qơưk muôx lok six ntâu chei jông tsês trâu têx nênhs moz, taz sik cux muôx lok six ntâu lênhx nênhs moz nhoz tox siêz đêz đrôngs, thax tsav txov nhêv, thax tsav tsôngv box heir nênhs tsơưs, luz nênhx txov nhêv tsi tâu buôk ti thiêz pâuz txos têx chei jông ntơư. Pêz cxơưz tiês uô jông hâux lưv paz chơưv đas jos khov lok côngv thôngx chiê cxuô lênhx tsôngv box sơưr đơưk tâu buôk ti txos Đảng, têz qơưk têx chei seiz njuôk shuôs, kho moz”.

         Shông 2016, tsêr kho moz paz chơưv đas jos trâu têx lênhx nênhs moz hnhar tỉnh Sơn La hmôngr jông tâu Chủ tịch têz qơưk muôz côngz mênhx uô tâu hâux lưv jông hov 2. Kror no cê zos cêr shir phaz, cê zos pênhr jos cxiz têx lênhx cưk yuôx, bác sỹ hâur tsêr kho moz muôx cxaz đas jos uô tiêr tâu jông luôs hâux lưv seiz njuôk shuôs, kho moz trâu tsôngv box cxuô heir nênhs./.

(Lường Hạnh-Riê Lâux cxeik, nhênhv)

Tsuv yưr lir txos qơư hâux lưv bo xeir lênhx nênhs cxênhz jê uô hâux lưv

          Cxôngx tsêz no, tsôngv box tỉnh Thừa Thiên- Huế lok six tsi jông siêz đros qênhx shênhx ntâu lênhx cưr tix nuk muôs hâur Bí thư huyện ủy A Lưới chuôz zis tâu bo xeir uô hâu nov nhoz ntơưv tiv phaz no. Tsênhz mênhx, zơưv Hồ Xuân Trăng, 46 shông, bí thư Huyện ủy, chủ tịch HĐND huyện A Lưới zos cưr tix đros zơưv Nguyễn Mạnh Hùng, 37 shông, phưv bí thư Huyện ủy, chủ tịch UB huyện. Pos Lê Thị Thêm, zơưv Trăng li pox niêv tâu bo xeir uô Tsar phongx vênhx huôv thôngz xor mông huyện A Lưới. Đrâuv co, zơưv Trăng tsênhv muôx 2 tul cưr zos Nguyễn Nam Sinh tsênhv uô Phưv tsar Công an huyện thiêz zơưv Hồ Thanh Hà, Phưv tsar phòng tài chính-kế hoạch huyện A Lưới. Zơưv Trần Hữu, canr bôv so lâus phường Thuận Hòa, Thành phố Huế xar tiêk huyện A Lưới bo xeir canr bôv hâur iz chuôz zis li co uô ntâu lênhx nênhs tsi jông siêz:

          “ Huyện A Lưới bo xeir cưr tix muôk nus uô lênhs tov lơưr cur mak tsi jông. Tiv 1 zos hâur iz chuôz zis thâuv khiêz phêv tsi muôx chir chiv phê bình thiêz phê bình... Car chêx têx hâux lưv tsi tsênhz mênhx...Vênhv thix no Bộ Nội vụ tsuv qênhz yuôx jông thiêz tsuv muôx tsưr ziv hlôngr canr bôv zos muôx pênhr xưv thiêz zos lênhx tưs tsi trơưk cui tênhv, tsi muôx txâuk bằng cấp thâuv bo xeir uô canr bộ mà tsuv tso tsês thiêz kiểm điểm txos qơư, kror tưs uô cxâuv mak tsuv yưr lir ciês”.

          Hâur 9 tiv phaz, taz viv uô cxâuv nhiv kruôr tâu Bộ Nội vụ hêik pâuz muôx tsênhv qơư pháp y, nhoz Sở y tế thành phố Đà Nẵng. Uô ntêx thâuv Bộ Nội vụ tso tơưv xor mông no, Sở y tế TP Đà Nẵng tưz chox kriê qênhz yuôx yưr lir, uô tsênhz mênhx trâu tsôngv box pâuz cxôngx kaz shôngk tsêz no. Lơưr co, hâux lưv cir hôx thôngx, xeir zuôr, bo xeir zos ntu zơưv Võ Đình Thạnh tsênhv uô Giám đốc tsênhv qơư puôr lênhx uô trơưk tsưr ziv cui tênhv. Zơưv Thạnh li lênhx nênhs cxênhz jê uô hâux lưv ntơuv Tsênhv qơư pháp y Đà nẵng muôx zơưv Võ Văn Bảy zos tul cưr, uô nênhs tsar yêz thiêz coar lik chuôz zênhx. Zơưv Bảy pox niêv zos pox Trần Thị Thu Vân tâu bo xeir uô Phưv phongx tsưr tsix- hành chinhr-tài vụ; Trần Thị Ngọc Linh, zơưv Thạnh tul xênhz nzưr uô nhân viên văn thư lưu trữ. Uô ntêx thâuv bo xeir pos Vân, taz viv tưz uô ntơưr bo xeir trơưk têx tsưr ziv. Hâux lưv xeir zuôr zơưv Võ Văn Bảy uô hâux lưv cux taz por ploz tsênhr. Lơưr pos Ngô Thị Kim Yến, giám đốc Sở y tế TP Đà Nẵng mak tsênhv qơư pháp y zos taz viv muôx phênhv sâu kis, theox chênhv uô hâux lưv phiv liv, tsi muôx lênhx tưs xar uô thiêz zos kror lax xêir zuôr canr bôv. Zơưv Võ Ngọc Đồng, giám đốc Sở Nội Vụ TP Đà Nẵng puz pâuz:

          “ Thâuv muôx ntâus grê, UB tưz chox kriê Sở y tế yưr lir hâux lưv co. Muôx têx uô cxâuv taz sik cux muôx têx tsi uô cxâuv. Nhiv kruôr đhâu tưz muôx pov cov Bộ Nội vụ, Thanh tra Bộ Nội vụ tưz ntâus grê lơưv. Seiz car têx hâux lưv mak tsênhv qơư pháp y uô. Tul tsi uô huv đros mak tso tsês, yuôr uô cxâuv mak thix ziv tsuv kho đuô”.

          Phưv giáo sư- Tiến sĩ Hồ Tấn Sáng, cưk kriê Khoa cxiv tsa Đảng, Học viện chinhr trị thax tsav III xar tiêk, hâur six hơưv pêz Đảng tsênhv uô Nghị quyết TW 4, khóa 12 lok cxiv tsa thiêz hlôngr yiêz Đảng mak hâux lưv Bộ Nội vụ hêik pâuz 9 taz viv, tiv phaz muôx qênhx shênhx bo xeir têx lênhx nênhs cxênhz jê uô hâux lưv zos iz hâux lưv jông gôngr phênhv hlôngr yiêz têx muôx yưv tsi jông. Lơưr zơưv Hồ Tấn Sáng, têx chiz coaz muôx txơưx jênhv tsuv yưr lir txos qơư, uô tsênhz mênhx kror tưs uô zos, kror tưs uô cxâuv:

          “ Kror jông zos uô trâu Đảng car heik tơưv tas nro. Đảng heik taz thiêz tas nro cxix luôk chinhr trị heik cxuô tsênhv uô hâux lưv heik ndax chiê kho đuô. Coaz tsôngv zos yưr lir têx vênhv thix co li chas. Bộ Nội vụ thôngz pov zos jênhv, coaz tsôngv đuô zos têx lênhx nênhs muôx qênhx sik đros yưr lir vênhv thix co li chas chiê tror thôngz xor mông trâu tsôngv box pâuz”.

          Tsôngv box jông siêz viv Bộ Nội vụ tưz qênhz yuôx, ntâuk grê tsênhz mênhx thiêz heik tơưv bê têx tiv phaz, taz viv uô cxâuv hâur côngz xưv canr bôv. Tsôngv box cux xar njôngr, têx chiz coaz muôx txơưx jênhv tror seiz car, qênhz yuôx côngz xưv xeir zuôr canr bôv nhoz tas nro têx chiz coaz, taz viv chiê ciêr chênhr kho đuô qênhx shênhx “ tas nro chuôz zis puôr lênhx uô hâu nov”./.

( PV- Txâur Vax cxeik nhênhv)