Sik seiz lax qênhx shênhx thiêz tsưr ziv kriê thiêz shâuv heik, shâuv sâu ntơưr mênhx cxưx tsơưs nênhs

          Đhâu seiz shuôk ntơưv têx tỉnh Sơn La, Hòa Bình, Lâm Đồng, Đắc Lắc tso pov, tsôngv box têx mênhx cxưx tsơưs nênhs xar njôngr shâuv heik, shâuv sâu zuk mênhx cxưx li ntơưr. Hâur têx shôngk đhâu, chinhr phuv tưz tso tơưv ntâu ntâuz ntơưr pháp luật cui tênhv lok hâux lưv kriê heik thiêz sâu ntơưr mênhx cxưx li: Nghị định 82, cui tênhv têx theox chênhv kriê thiêz shâuv heik, shâuv sâu ntơưr mênhx cxưx tsơưs nênhs thiêz muôz theox chênhv chiê nzor chox tsôngv box têx mênhx cxưx tsơưs nênhs li lul heik, ntơưr sâu lol kriê thiêz cơưv lơưr cui tênhv. Taz sik nhiv no tsênhv muôx tsi txâuk cưk kriê lul mênhx cxưx. Tas nro têx tsêr cơưv sư phạm sâuv tas nro têz qơưk tsi tâu muox tsêr cơưv tưs yênhx lix tâu khoa thox cxov cưk kriê kriê lul mênhx cxưx tsơưs nênhs. Thôngx cxix Bộ zaoz zux thiêz thox cxov li ntơưr giáo khoa kriê lul mênhx cxưx tsơưs nênhs lơưr cui tênhv tsi muôx ntâu thiêz tsi tâu tuôv zênhv tâu têx mênhx cxưx muôx lul heik, muôx ntơưr mênhx cxưx…

          Sik seiz lax ntơưv jiês sik thav, zơưv Trần Văn Thủy, Vụ phó Vụ zaoz zux mênhx cxưx, Bộ zaoz zux thiêz thox cxov puz pâuz: Đhâu 7 shông uô Nghị định 82, txos nhiv no tsi tâu tsưr tsix tâu cxaz lul mênhx cxưx tưs chiê kriê hâur tsêr cơưv thiêz. Nhiv no đrâuv iz cxiê cưk kriê lul Khơ me thiêz lul Hoa thox cxov chuyên môn nghiệp vụ ( muôx ntơưr sư phạm lul mênhx cxưx) mak phênhv ntâu cưk kriê lul mênhx cxưx puôr lênhx zos cưk kriê cấp 1 hlôngr chiê kriê lul mênhx cxưx.Chuyên môn lul mênhx cxưx puôr lênhx zos chiv chir cơưv shâuv lok sik tâu Bộ zaoz zux thiêz thox cxov lok sik Sở zaoz zux thiêz thox cxov kriê cxaz đhâu iz cxiê jiês kriê cxaz.

          “ Nhiv no, tas nro têz qơưk tsuôk muôx tsêr cơưv Đại học Trà Vinh tưz muôx khoa thox cxov sư phạm lul Khơ Me thox cxov cưk kriê kriê lul Khơ Me. Chor tsênhv yuôr, Bộ zaoz zux thiêz thox cxov tso tơưv têx tsaz yênhx thox cxov cưk kriê kriê têx lul mênhx cxưx mak pêz tưz muôx ntơưr sâu, taz sik têx tsêr cơưv Đại học nhiv no cux tsi muôx tsêr cơưv tưs krêz tâu nganhx thox cxov…Tsênhz mênhx zos xar muôx cưk kriê muôx yênhx tưv thạc sỹ, tiến sĩ lok nganhx lul heik no zos lok six lax. Đhâu seiz shuôk xeir zuôrshux xênhz nganhx no mak tsi zôngx ziv. Xeir zuôr shux xênhz nganhx sư phạm tưz lax lơưv, sư phạm lok lul mênhx cxưx mak ziv lax đuô”.

          Chiê khưx phưx têx phêv liv no, ntâu teiv plor xar tiêk, Chinhr phuv thiêz têx Bộ nganhx đrâuv hâux lưv paz txưv têx qơư thox cxov thiêz nênhs cơưv lơưr Chinhr phuv li Nghị định 82, tsuv paz txưv chuôz zênhx chuôz tas, phaz pênhv, nhiêx txiêx trâu têx lênhx nênhs uô côngz xưv tuôr tsês, nhênhz chơưv vênhx huôv têx mênhx cxưx, xar tơưv vênhx huôv nghệ thuật trâu tsôngv box mênhx cxưx cxôngx têx mênhx cxưx tsơưs nênhs li ntơưr sâu. Bộ zaoz zux thiêz thox cxov muôx txơưx jênhv chox kriê, qênhz yuôx- hâux lưv kriê thiêz cơưv lul mênhx cxưx; lov lik cxivsâu tsaz yênhx, ntơưr giáo khoa lul mênhx cxưx. Têx Bộ nhiêx txiêx, Nội vụ, Ủy ban mênhx cxưx tso tơưv phênhv biên chế, chế độ tsênhv chei đros têx cưk kriê lul mênhx cxưx. Pos Hà Thị Khiết, kuz Bí thư Trung ương Đảng, kuz Tsar Ban vênhv tôngv tsôngv box, nhiv no zos Phưv chủ tịch Ủy ban Trung ương Mặt trận tổ quốc Việt Nam heik:

          “ Muôx ntâu mênhx cxưx tsi pâuz ntơưr mênhx cxưx taz sik txơưx heik lul mênhx cxưx, viv li đồng chí nhoz cơ sở tsuv tsov cưv txos vênhv thix no. Thiêz nhiv no tsưr ziv krêz uô zos “ Zôngx ziv mak uô uô ntêx, lax mak uô tov kaz”. Krêz uô hâur cán bộ công chức, tiv zix zos khối lưx lươngv vũ trang, mặt trận đoanx thêv, canr bộ Đảng, têz qơưk yax six mul cơ sở tsuv cơưv lul mênhx cxưx chiê txơưx heik thiêz jav tâu têx hâux lưv tsi jông muôx yưv”./.

( TTT-Txâur Vax cxeik nhênhv)            

Blôngx vươs ntông ciz zos hêir nênhs Êđê iz zav jâuz nox kaz

          Hâur amí sa ley luz tsêr mor nhoz jos Ea mắp, xã Eapô, huyện chư mga, tỉnh Đắc Lắc, tsênhv taz tov tuôr blôngx vơưs ntông chiê ciz shơư pax mâuv cuôz bax trâu chuôz zis pluôk nox. amí sa ley thav tiêk: zav nox no zos iz zav nox tsik pâuz đhuôr.

          Chiê ciz cov tâu iz zav blôngx vơưs nox kaz, tsuv xêir chor blôngx vơưs ntông mok, tsuv muk đê thâuv têis cik sơưr nzor thiêz thâuv đê tâu lok ntơư, muôz nzuôr cov hur mav chox lok tuôr cov mok mok li muôz chox lok ciz uô nox.

          “Blôngx vơưs kok ntông, haur luz chêix ntux nas mak muôx ntâu, hâur luz chêix ntux kruôr muôx tsơưs. Chor nhuôv zâu nhoz hâur tsêr zênhx nhiêv nox zav nox no, txơưv grêix njêk muôx ntâu, taz sik tsuôk zos nos blôngx vơưs kok ntông, txơưv uô iz lâux câuz lox cux zênhx nox tas. Thâuv uô ntơư, tsuv muôz cxuô zav txux lov li: Cuô txoz, taux đuz shơư uô cê cux tâu hur iz si”

          Iz chas muôz cuô txoz, tâux đuz shơư, lar hêik đuô zos tsuv muôz blôngx vơưs kok ntông shơư ciz đros pax mâuv cuôz, txir lưk iêz…. Zos muôx njêk, tsuv muôz oz pêz tus njêk shơư thiêz thâuv uô tâu siêr ntơư, nox cux nziv siêz cơưs. Pos Nguyễn Hải Yến, zos iz lênhx uô jâuz mor muôs trâu tsôngv kruô nhoz đrôngl Chư mga, zuôr hêir nênhs Êđê cux hêik pâuz tiêk: Blôngx vơưs kok ntông ciz shơư pax mâuv cuôz, thâuv uô tâu siêr ntơư, nox cux sik siêz cơưs huv đros hêir nênhs Êđê li luz nênhx.

          “Pax mâuv cuôz muôx iz tsok iêz, thâuv đê tâu lok tsuv muôz hau iz lưv cov chor cuô iêz ntơư lok tas li muôz bo chox lok ciz; thiêz tsuv muôz chor cuô txoz tưz tuôr tâu chox lok shơư”

          Thâuv ciz zav blôngx vơưs kok ntông, tsuv trâur tơư chis cov tov thơưx thiêz ciz cov siêr,  nox muôx iz tsok iêz thiêz  nox thiêx sik siêz. Pos aduôn H nháp nhoz jos knia 4, xã Eaba, huyện Buôn Đôn hêik pâuz: Blôngx vơưs kok ntông, tưz muôx đros đrêiv hêir nênhs Êdê li luz nênhx đrav ntêx, txix thâuv tsênhv yuôr ntâu cêr txov nhêv. Taz sik, txos trâu nhiv no, blôngx vơưs kok ntông cux zos hêir nênhs Êđê iz zav jâuz nox kaz tsênhv muôx đros đrêiv hêir nênhs Êđê li cxuô chuôz zis li luz nênhx.

“Cur cux uô tsik so zav blôngx vơưs kok ntông chox lok nox, taz sik nhiv no lâuk lơưv, tsuôk zos uô trâu chor mê nhuôv nox hâur niêx hnuz. Lar hêik đuô zos, tsuv ndo njôngr muôz tâux đuz, pax mâuv cuôz uo shơư”.

          Tsik tas muôz ntâu txux lov uô shơư thiêz tsik tas uô ntâu zav ; viv li, blôngx vơưs kok ntông, thâuv tưs cux muôx đros đrêiv heir nênhs Êđê li pluôk nox hâur niêx hnuz./.

                                                                 (Tsu cxêik nhênhv-TTT)