Jax sâu thưr 7.28.5.2016:

TUÔR TSÊS THIÊZ PHUÔV TSAR TRUÔX VÊNHS TƯR THEV THAO MÊNHX CXƯX SIK LÂUZ PAK

          Đros trâu nthuôr cêr lov jêv, leiv poz, tuô hnênhr, truz hluô...sik lâuz pak zos tsôngv box mênhx cxưx tsơưs nênhs têx tsưr ziv nthuôr uô cêr lov jêv muôx cxôngx nzor đros trơưr hâur luz nênhx. Nthuôr uô cêr lov jêv lâuz pak, tsuôk zos txiêr iz zar shôngz lok zos ntông ntêr 2 thiêr ntâu. Qar tưr thik zos iz luz vox đar 5 yiv. Vênhv tôngv viên lâuz pak Lê Huy Phương, đrôngs Cần Thơ puz pâuz: môn thiv thao no txơưv tiêk tsưr ziv tưr thik zôngx ziv taz sik vênhv tôngv viên mak tsuv muôx jos thiêz pênhr xưv:

          “ Thâuv sik lâuz mak 2 cxeik tês tsuv shaz cov ndax thiêx li. Phênhv ntâu zos zuk njiê seiz thâuv tul đros zuk sik tưr lâuz pak tưz liv mak lâuz tiês cov lơưr tơưv đrâuv vox txơưv tâu. Iz jiês tưr thik ntêr 3 phênhz, zos zênhx uô ntêx 3 phênhz mak tâu xav, đhâu 3 phênhz mak tsv cir seiz lênhx tưs siz đuô mak zênhx. Môn thiv thao no tsuv muôx jos, sei đrơưv thiêx li thik tâu”.

          Cxôngx tsưr ziv uô si lov jêv tâu tsôngv box mênhx cxưx xar tơưv tâu chiê uô si, shâuv cov muôx jos, sik lâuz pak tưz yênhx têx môn thiv thao jông, zaz zâuv chôngz lênhx nênhs cxaz chuôz, tiv zix zos shux xênhz. Vênhv tôngv viên Phạm Thị HUyền, xênhz shông 1992, nhoz huyện Yên Thế, tỉnh Bắc Giang heik: HUyền shâuv sik lâuz pak tâu 10 shôngk ntâu, tưz 8 jiês cxaz chuôz thik giải sik lâuz pak tas nro têz qơưk. Shâuv môn thiv thao mênhx cxưx no, đrâuv chuôz cxaz đas jos mak tsênhv paz Huyền truôx siêz đuô hâur luz nênhx:

          “ Thâuv ntêx cur shâuv tês tơư, cưk kriê cux kriê sik lâuz pak. Cur tsi pâuz tul tsi mak cux shâuv lơưr cưk kriê, qir thơưx zos uô cov lov jêv, tov kaz no nhiêv thiêz shâux jux jus. Nhiv no cur pov lok six ntâu tỉnh, thành phố cxaz chuôz thiêz krêz uô đêz đar. Cur cxaz chuôz môn thiv thao no zos chiê gôngr phênhv tuôr tsês mênhx cxưx li môn thiv thao”.

          Nhiv no, môn thiv thao sik lâuz pak mênhx cxưx tsi taz phuôv tsar ntơưv têx tỉnh tox siêz muôx chôngz tsôngv box mênhx cxưx tsơưs nênhs li Sơn La, Hòa Bình, Lai Châu...mak têx thành phố lox li Hà Nội, thành phố Hồ Chí Minh cux chox lol hâur tsaz yênhx tưr thik thiv thao phongz yaox, tiv zix zos têx giải tsês trâu shux xênhz... Zơưv Nguyễn Thanh Nhàn, giám đốc Tsênhv qơư thiv thao quận 11, thành phố Hồ Chí Minh puz pâuz:

          “ Nhoz thành phố Hồ Chí Minh, lênhs tov Sở vênhx huôv- thiv thao cux li lênhs tov têx tsênhv qơư quận, huyện lok six tsov cưv yưv pênhr trâu môn thik no hâur têx Hôiv li li Hội khỏe Phù Đổng thành phố; Hôiv thao shux xênhz thành phố, liên tịch Sở zaoz zux thox cxov thiêz Sở vênhx huôv thiv thao thành phố niêx shông. Pêz cux heik kriê trâur nuv môn thik no trâu têx tsêr cơưv THCS thiêz THPT sâuv thành phố. Pêz lok six jông siêz viv têx môn thiv thao mênhx cxưx tsi taz tâu tuôr tsês mak tsênhv phuôx huiz cov tsi trâus pôngz plox”.

          Zơưv Phạm Đông Anh, phưv vụ trưởng Vụ thiv thao tsôngv box ( tổng cục thiv thao , Bộ vênhx huôv thiv thao thiêz ju lix” puz pâuz: Môn thiv thao sik lâuz pak mênhx cxưx tâu phuôv tsar cxôngx shông 1996 txos nhiv no. Hâur têx shôngk đhâu, sik lâuz pak tưz tâu chox lol hâur têx Hôiv thik tas nro têz qơưk chiê xeir tơưv, kriê cxaz têx vênhv tôngv viên hluôk thiêz gôngr phênhv phuôv tsar đêz đar môn thiv thao mênhx cxưx ntơưv têx tiv phaz:

          “ Têx shôngk đhâu, Tổng cục thiv thao cux tưz tso tơưv Luật sik tưr thik lâuz pak thiêz tâu têx tiv phaz thôngx ziv uô lơưr. Sik lâuz pak phuôv tsar hâur côngv thôngx tsôngv box mênhx cxưx tsơưs nênhs; tiv zix zos têx lênhx nênhs tưz tâu shâuv hâur têx tsêr cơưv phổ thôngz thiêz hâur têx jiês tsưr tsix têx huôx tôngv vênhx huôv thiv thao mak phênhv ntâu têx tiv phaz chox môn sik lâuz pak no lol hâur tsaz yênhx tưr thik. Tsưr ziv hâur six hơưv zuôr txos pêz tror tuôr tsês thiêz phuôv tsar têx môn thiv thao mênhx cxưx tsơưs nênhs, thôngx cxix heik kriê txos côngv thôngx chiê muôz siêz đas jos”.

          Hâux lưv tuôr tsês thiêz phuôv tsar cêr lov jêv sik lâuz pak heik taz thiêz têx môn thiv thao mênhx cxưx txơưr đuô gôngr phênhv tuôr tsês, phuôx huiz tsôngv box têx mênhx cxưx tsơưs nênhs hâur tas nro têz qơưk li têx tsiv grê vênhx huôv jông. Cxôngx co, cxơưz cxiz cxênhx hluôk nhiêv, shâuv chiê  môn thiv thao mênhx cxưx sik lâuz pak phuôv tsar đêz đar, truôx vênhs./.

( TTT-Txâur Vax cxeik nhênhv)