Jax sâu thưr 4.28.9.2016:

Chiê tsênhv chêi puz txeik pênhr zos đas jos paz Tây Bắc hla đhâu cêr pluôs

          Hâur ntu 2011-2015, huôx tôngv uô tsênhv chei puz txeik pênhr nhoz Tây Bắc tưz phuôx huiz tâu chêx cuk tsênhv tsênhz. Thôngz đhâu têx qơư puz txeik pênhr nhoz UB cấp xã li qơư uô xưv thiêz zuôr xar 40 cxênhz tuêv cxênhx txuôk puz txeik pênhr, 2,2 tsov ntâu jiês chuôz zis pluôs, chuôz zis zuôr xar pluôs thiêz têx lênhx nênhs tâu sơưv cêr chei tưz tâu txeik pênhr cxôngx cxix luôk zênhx hangx tsênhv chêi xã hôiv. Hâur co 1,5 tsov ntâu jiês ziv chuôz zis tsôngv box mênhx cxưx tsơưs nênhs tưz tâu txeik pênhr nhiêx. Tas nro phênhv nux grê têx tsaz yênhx puz txeik pênhr thax tsav Tây Bắc txos nhiv no tax 32 cxênhz tỷ đeiv ntâu...Tưz muôx lok six ntâu ziv chuôz zis hâur thax tsav thôngz đhâu txeik pênhr chính sách phuôv tsar chêx cuk uô kinh têr. Pos Bùi Thị Quỳnh, tuêv tsar tuêv cxênhx txuôk thiêz puz txeik pênhr nhoz jos Đo Ngoài, xã Thái Niên, huyện Bảo Thắng, tỉnh Lào Cai pheiz kênh:

          “ Khov muôx têz qơưk li chính sách puz txeik pênhr, ntâuz ntơưr uô sei, paz têx chuôz zis pluôs, chuôz zis zuôr xar pluôs hla đhâu têx phêv liv lok phuôv tsar Kinh têr, tưz muôx ntâu chuôz zis hla đhâu cêr pluôs truôx vênhs. Li nhoz cur jos mak ntâu chuôz zis tưz tax bê chuôz zis nôngx mênhx txơưx uô xênhz yar muôv muôs cấp huyện, cấp tỉnh”.

          Đros pênhr puz txeik nhoz thax tsav Tây Bắc tưz gôngr phênhv paz 320 cxênhz ziv chuôz zis hla đhâu cêr pluôs; zaz zâuv, muôz hâux lưv uô yiêz trâu 110 cxênhz ntâu lênhx nênhs lox tôngv, hâur co zuôr xar 6 cxênhz nênhs lox tôngv mul uô hâux lưv muôx six hơưv đrâuv luôk oz chas têz qơưk; paz 120 cxênhz lênhx shux xênhz muôx luz nênhx txov nhêv txeik pênhr mul cơưv ntơưr; cxiv tsa zuôr xar 700 cxênhz côngz tsinx đêx hur, vêv xênhz nôngx cxênhz; 60 cxênhz ntâu luz tsêr trâu ziv chuôz zis pluôs thiêz lênhx nênhs tâu sơưv cêr chei... Têx tsaz yênhx puz txeik pênhr tâu tsưr tsix muôx chêx cuk tưz chuôz cxaz đas jos trâu thax tsav Tây Bắc, tiv zix hâur côngz xưv txu yeiz cxuôv pluôs, gôngr phênhv txu grês têx ziv chuôz zis pluôs lơưr ploz tsênhr ntu 2011-2015 nhoz Tây Bắc cxôngx 35 % ntâu shông 2010 grês yuôr 14% ntâu shông 2015. Zơưv Trần Duy Đông, phưv giám đốc Zênhx hangx chính sách xã hội tỉnh Lào Cai puz pâuz:

          “ Zênhx hangx chính sách xã hội tưz seiz car thiêz heik trâu Ban hlôngr njêx muôk Hội đồng quản trị tỉnh Lào Cai chox kriê muôz pênhr, chêx chôngk tsov cưv trâu têx thax tsav pluôs tiv zix, zuôr trâus pênhr tiv zix thiêz têx thax tsav muôx tsưr ziv phuôv tsar kinh tế xã hội muôx chêx cuk chiê paz pox nhuôs hla đhâu têx phêv liv, sir jos hla đhâu cêr pluôs thiêz phuôv tsar kinh tế”.

          Phuôx plov ntơưv phêv ziv ntâus grê 5 shôngk uô pênhr puz txeik thax tsav Tây Bắc, ntu 2011-2015, Ủy viên Bộ chính trị, tsar Ban chox kriê Tây Bắc Nguyễn Văn Bình heik mênhx, txu grês cêr pluôs zos tsưr ziv xuz thơưx thiêz cux zos tsưr ziv lox tiv zix tso tơưv đros tas nro thax tsav Tây Bắc hâur ntu 2016-2020. Viv lơưr ploz tsênhr pluôs nhiv no, chor ziv chuôz zis pluôs fênhx pheiz nhoz Tây Bắc tsav 29 % ntâu zos tsênhv siêz pir đros thiêz tas nro têz qơưk:

          “ Kror jông zos pêz luz nênhx kinh tế xã hôiv tâu muôz siêz, viv li pêz chuôz ndê ploz tsênhr pluôs. Taz sik co cux zos phêv liv lox mak pêz tsuv muôx ntâu quyết sách, sir jos thiêx tror uô tâu têx co, tiv zix ntâus grê têx ziv chuôz zis pluôs lơưr tsưr ziv li nhiv no”.

          Chiê tror phuôx huiz, muôz siêz chêx cuk huôx tôngv txeik pênhr chính sách, tsar Ban chox kriê Tây Bắc Nguyễn Văn Bình thix ziv TW tror choz tsưr ziv chuôz tsar pênhr puz txeik niêx shông lơưr chiến lược 2011-2020 tưz tâu chính phủ thôngz đhâu zos chuôz tsar pênhr fênhx pheiz shông muôx nhos 10%. Cxôngx cxuô tsưr ziv tsuv muôx pênhr têz qơưk muôz cxaz pênhr điều lệ, pênhr têx tsaz yênhx pênhr puz txeik trâu zênhx hangx chính sách xã hội lơưr cui tênhv. Tiv zix, muôx chính sách njuôs xav phuôv tsar thax tsav kinh tế, chiê paz trâu Zênhx hangx tsênhv chêi xã hội li huôx tôngv puz txeik pênhr chính sách phuôx huiz chêx cuk, jav qênhx nênhs nênhs pluôs muôx pênhr mak tsi car txeik viv txeik tâu tsi pâuz uô tul tsi./.

( An Kiên- Txâur Vax cxeik nhênhv)

Phênhv thưr 4, hnuz 28/9/2016:

Đêx hur thiêz vệ xênhz tênhx qơư trâu thax tsav tox siêz

Hâur têx shông đhâu, tâu têx qơưs muôz pênhr nhiêx chiê cxiv uô qơư tok đêx hur thiêz vệ xênhz tênhx qơư trâu thax tsav tox siêz đêz đrôngl thiêz luôs hâux lưv cxiv tsa jêx jos yiêz, cxuô tsưr tsix phi chính phủ thiêz tâu uỷ ban tỉnh moz siêz txos, ntâu qơư tok đêx hur tưz tâu cxiv uô trâu ntơưv iz cxiê xã, jos, muôx yênhx cxênhz lênhx px tâu sir zôngv đêx hur. Xav txos trâu nhiv no, chor ziv chuôz zis tâu sir zôngv đêx hur tax tâu 82%. Xav tas hâur shông 2015, muôx 38 xã  cxiv uô tâu tiêr qơư tok đêx hur trâu px sir zôngv. Đros ntơư, cux fuô yax kriê tsôngv px huôv tsar uô kôngz lôngk, tu zus tsiêx cxu, tsik uô vuôz tsuôz kiêk nênhs tênhx qơư.

          Ntơưv iz cxiê xã cux uô tâu tiêr luôs hâux lưv cxiv tsa jêx jos yiêz zos: Chiềng Ban, Mai Sơn; Chiềng Xôm thành phố Sơn la; Mường Giàng Quỳnh Nhai. Yuôr 5 xã tsênhv taz tov uô ntâuz ntơưr lok luôs hâux lưv cxiv tsa jêx jos yiêz zos: Chiềng Cọ, thành phố Sơn La; Chiềng Bằng, Quỳnh Nhai; Chiềng Pằn Yên Châu; Mường Sang, Mộc Châu; hur si chor xã hêik ntơư, têx côngz trênhx tok đêx puôr lênhx cxiv uô zos đrêiv li luôs hâux lưv tso tơưv. Txix ntơư cux pov njôngr tsôngv px sđ muôx luz nênhx hlôngr yiêz jux juk.

          Luôs hâux hâu nov tỉnh Sơn La tso tơưv txos shông 2020, zuôr sir jos uô cov tâu tiêr  cxuô côngz trênhx tok đêx hur thiêz huôv tsar uô tâu truôx luôs haux lưv tsưx phưv tênhx qơư li: 95%  ziv chuôz zis nhoz thax tsav jêx jos tox siêz tâu sir zôngv đêx hur; hâur ntơư muôx 23 xã uô tâu tiêr luôs hâux lưv cxiv tsa jêx jos yiêz; 17 xã uô tâu tiêr luôs hâux lưv tsưx phưv truôx tênhx qơư. Chiê uô cov tâu truôx cxuô luôs hâux lưv hêik sâu, hâu nov tỉnh tưz zaz zâuv cxuô lênhx nênhs siêz jông, cxuô tsưr tsix têz qơưs thiêz kir txêik pênhr nhiêx  (WB), chiê muôz pênhr nhiêx tuôx cxiv uô thiêz  uô cê đros 3 ngênhx li:  Nông nghiệp, y tế, zoz zux đros trâu px, hâu nov huyện, xã nhoz hâur thax tsav muôz pênhr nhiêx  cxiv uô cov tâu truôx cxuô luôs hâux lưv cxiv tsa jêx jos yiêz.

          Đros trâu luôs hâux lưv, dự án txơưr tsênhv taz tov fuô uô trâu cxuô tsênhv qơư hâur thax tsav tỉnh Sơn La thiêz ziv hnuz ziv muôx ntâu ziv chuôz zis tâu sir zôngv đêx hur; tsưx phưv truôx tênhx qơư, paz phênhv sik đros côngv têk cxiv tsa jêx jos yiêz./.

 (Tsu cxeik, nhênhv-Tuyết Lan)