Điện Biên: Tsuv ciêr chênhr txar 44 ziv chuôz zis muk qơư nhoz yiêz, viv njuôs xav

muôx tox poz cxôngx têx caz plêz lox

 

 

          Tơưv hâur luz tsêr fênhz jaz fênhz juôr, iz đraz plas tsêr tưz sâuk tas, niêv lâuk Pax Xênhv Thox, tsôngv box nhoz jos Tiêx njênhx C lok six cxơưx puz pâuz: 2,3 shông tror lol no, thâuv caz plêz tơưs đhâu, ar sâuk, tsôngv box hâur thax tsav li luz nênhx xênhz huôx txơưr txar ntâu. Lênhx tưs cux nox tsi kaz, pư tsi tsâus jos viv nyei tsêr poz vâu, tox poz thâuv tưs cux tsi pâuz. Tiv zix thâuv muôx têx jiês lol nas lox, ntêr hâur hli 9 nhiv kruôr đhâu, têx caz plêz ziv lox đuô, ntâu chuôz zis hâur jos li têx nja tsêr cux tơưs plêz, keix tas, uô tsôngv box ziv cxơưx đuô:

          “ Ntux lol nas mak tsi car pư, tsuv tsir mul pêv UB xã nhoz. Tsêr liêv tas lơưv, nhoz tsi tâu thiêz”.

          Tsêr trâus ruôr hiêv ntâu, tsôngv box jos Tiêx njênhx C tsuv yax six mul nhoz têx qơư txơưr. Têx hnuz ntux lol nas, tas nro jêx jos, txơưv chuôz zis tưs cux cxơưx đêx xâu ntâu uô tox poz lol vôngz tas nro jêx jos. Zơưv Giàng Giả Lềnh tsôngv box jos Tiêx njênhx C puz pâuz:

          “ Shông no ziv tơưk plêz lox đuô, nhiv kruôr đhâu ntux lol nas lox cur tsuv tơưk tênhz mul seiz qênhx shênhx li chas chiê hu cxuô lênhx nênhs khiêr. Cur tsêr nhoz no nhiv no cux tsi pâuz mul khov pư kror tưs. Tsuôk suô iz siêz nhoz xưz taz sik cux lok six cxơưx trâu zuk luz nênhx”.

          Caz plêz qir tâu chinhr quyênx xã Tiêx Njênhx pov cxôngx hli 9/2014, ntêr yênhx puôk yiv uô ruôr hiêv txos ntâu tsêr nhoz thiêz têx côngz tsinhx txơưr sâuv thax tsav, txos 20 ntâu ziv chuôz zis tsôngv box thiêz 80 ntâu lênhx nênhs nhoz qơư y tế xã li luz nênhx. Txos hâur hlik hli 9 shông no, caz plêz tưz uô poz 4 luz tsêr.

          Tsêr cơưv phổ thôngz bán trú cấp 1 Tiêx Njênhx, têx xor hlâu kror trei hâur qar cơưv ntơưr trâus khrâuk thiêz lor tsi pâuz poz thâuv tưs. Têx caz plêz sâuv nja tsêr thiêz plas tsêr đar 1 đok ntâu uô zênhr shar ntâu txos hâux lưv kriê thiêz cơưv ntơưr trâu 460 lênhx shux xênhz thiêz têx cưk kriê nhoz no. Cưk kriê Ngô Văn Vinh, Hiệu trưởng tsêr cơưv puz pâuz:

          “ Nhiv no tsêr cơưv tsênhv lok six phêv liv, tsuv heik têx lớp lav cơưv uô cê hâur tsêr nox mor, tsêr tso chuôz zênhx...zênhr shar lox txos tsơưr lươngv zaoz zux. Thix ziv têx cấp ủy Đảng, chinhr quyênx tsov cưv txar tsêr cơưv mul qơư taz por đuô chiê taz por trâu shux xênhz hâur tsêr cơưv cơưv ntơưr”.

          Zơưv Sinh Xênhv Zax, Phưv chủ tịch UB xã Tiêx Njênhx puz pâuz: Qênhx shênhx tơưk caz plêz, ar jov nhoz thax tsav tsênhv qơư xã Tìa Dình tsênhv nhoz phênhv zuôr trâus pov tôngv, njuôs xav tox poz lok six siêz, uô tsi taz por trâu tsôngv box. Viv nhiv no đhâu seiz shuôk mak tsênhv tror muôx cxaz têx caz plêz ntêr thiêz lox đuô 1 đok, muôx têx caz lox xar muôx 3 đok txos 2 yiv. Ntâu luz tsêr trâus keix tas iz saz. Lok lêx ntêr hâur tas nro 44 ziv chuôz zis nhoz jos Tiêx Njênhx C mak muôx cxôngx 90% chor chuôz zis nhoz uô nênhx tsi tâu hâur thax tsav no, zuôr trâus ciêr chênhr txar qơư nhoz.

          “ Xã yax kriê tsôngv box khiêr mul uô ntêx, yuôr chuôz zênhx chuôz tas mak tsi tâu txar tâu. Tsêr nhoz keix thiêz zuôr xar vâu, chinhr quyênx tiv phaz nhiv no tsi tâu muôx pênhr chiê uô tsêr trâu tsôngv box. Yuôr tsêr cơưv ntơưr cux tsênhv lav uô 6 qar tsêr chiê mê nhuôs khưx phưx cơưv ntơưr uô ntêx”.

          Cxôngx qênhx shênhx ar trâus xưz poz zov chênhr ntơưv no, tỉnh Điện Biên tsuv ciêr chênhr qênhz yuôx, ntâus grê têx zuôr uô riêr hiêv chiê nzor muôx tsưr ziv yưr lir, ngaz tul tsôngv box luz nênhx, jav tâu têx ruôr hiêv tsi jông muôx yưv./.

( Vũ Lợi- Txâur Vax cxeik nhênhv)

 

 

 

 

Chei ngaz tuk zav nox li têx cui tinhv

 

 

Grê 7. Tsưr tsix, xiz nênhs tsiv uô têx zav nox li vax huôv

1.Tsưr tsix, xiz nênhs tsiv uô têx zav nox muôx têx vax huôv li đrav kaz:

a) Quyết tinhv thiêz côngz fur têx cui tinhv zav nox zos zuk uô muôs; Quyết tinhv uô lơưr têx tsưr ziv qênhz shuôs têx zav nox chiê taz por truôx tuk jông;

b) Heik tsưr tsix, xiz nênhs zuôr muôs têx zav nox hux jos hâur sâu thiêz xưv lik têx zav nox tsi taz por, tsi jông;

c) Xeir têx tsưr tsix ntâuk grê cêr hux jos co, qơư qênhz shuôs tưz tâu xeir chiê lês uô têx nuv côngk nhav trơưk li chei têz qơưk cui tinhv;

d) Sir zôngv thưx, ntơưr lo chiv trâu têx xiv huv trơưk chei têz qơưk cui tinhv.

đ), Heik thiêz pênhr lok têx tsi jông trơưk têz qơưk chei cui tinhv;

e) Tâu pâux nzir têx trâus uô tsi jông, ruôr hiêv trơưk chei têz qơưk cui tinhv.

2. Tsưr tsix, xiz nênhs tsiv uô zav nox tsuv uô lơưr têx li đrav kaz:

a) Uô trơưk têx cui tinhv lok taz por zav nox jông thiêz hur, taz por truôx tuk zav nox hâur six hơưv uô thiêz taz txơưx jênhv lok ngaz tuk zav nox zos zuk uô;

b) Uô trơưk Chính phủ cui tinhv lok chuôz tsar têx tsơưr pưr mak muôx tsi txâuk zuôr uô tsi jông txos côngv thôngx đas jos;

c) Heik cxix cxuô, tsênhz mênhx lok têx zav nox lo saz đrâuv hnaz, hưx, hâur têx ntơưr muôx lo đros zav nox trơưk têz qơưk chei cui tinhv lok lo ntơưr chiv têx xiv huv;

d) Yênhx lix cui tinhv chiv chir qênhz yuôx hâur six hơưv tsiv uô têx zav nox;

đ) Heik tsênhz mênhx lok sâuv ngaz tuk zav nox; heik trâu sđ pâuz zênhx max, cxix cxuô thiêz tsênhz lok têx zôngx ziv uô zav nox tsi jông, tsưr ziv phax tir thêir trâu lênhx zuôr muôs huv thiêz lênhx nênhs sir zôngv; heik pâuz lok zoz qơưx fax thâux, por hưv, sir zôngv zav nox.....;

e) Zênhx max tso tsês tsi tsiv uô, heik trâu têx lênhx cik txos pâuz thiêz muôx tsưr ziv khưx phưx têx tsi jông thâuv qênhz pov zav nox ntơư tsi jông lok sik tsi fiv đros trâu cui tinhv tưz côngz fur uô lơưr, cui tinhv kỹ thuật iz zav li ntơư....

g) Tuôr tsês ntâuz ntơưr, iz kro mê njik têx zav nox uz no zuôr trâus txos....trơưk cui tinhv lok sâuv qênhz shuôs qơư uô têx zav nox; uô lơưr cui tinhv lok qênhz shuôs, yơưz vơưz qơư uô zav nox tsi taz por ngaz tuk trơưl cui tinhv ntơưv grê 54 hâur chei no;

h) Sâu tsês, xưv lik têx zav nox đhâu six hơưv, hnuz nhôngs sir zôngv, tsi taz por ngaz tuk. Zos xưv lik txix tsưr ziv muôz hlơưr por tsês mak hlơưr por tsês zav nox ntơư tsuv uô trơưk li chei têz qơưk cui tinhv lok por hưv tênhx qơư, chei têz qơưk cui tinhv txơưr đuô cik txos thiêz tsuv thêv tas hur si têx nhiêx txiêx trâu uô luôs hâux lưv muôz têx zav nox tsi jông co hlơưr por tsês;  

i) Uô trơưk chei têz qơưk cui tinhv, quyết tinhv lok sâuv cơ quan muôx vax huôv qênhz shuôs, qênhz yuôx;

k) Thêv têx nhiêx txiêx gra têx zav nox muk qênhz njuôk shuôs trơưk chei no cui tinhv ntơưv grê 48;

l) Pâux nzir têx tsi jông, trâus uô ruôr hiêv lơưr chei têz qơưk cui tinhv thâuv zav nox zos zuk tsiv uô, uô tsi jông, tsi hur./.

(Tuyết Lan-Riê Lâux cxeik, nhênhv)