Jax 2: Thâuv đảng viên zos “Lênhx uô ntêx nyuôs”

Zơưv Lèo Văn Lay, Bí thư đảng ủy xã Mường Trai, huyện Mường La thâuv tis seiz đuô 10 shông uô lơưr tỉnh, huyện tsưr ziv xor thêir qơư tu zus shuôz njêl tưz moz siêz lus muôz pir li luz gox paz têx chuôz zis tsôngv box hâur xã tsi pov kaz uô li chas thâuv nhoz jê ntus pak đêx, zok nriêr cêr, uô lơưr tsưr ziv tưs chiê hla đhâu yeiz pluôs. Thâuv qir fuô uô, têx lênhx đảng viên nhoz yênhx chi bộ tưz uô ntêx uô lơưr têx luôs hâux lưv tso tơưv. Txix 2, 3 qơư xor thêir xuz thơưx, nhiv no tas nro xã Mường Trai tưz muôx 400 ntâu qơư tu zus shuôz njêl; ntâu chuôz zis, tsưr tsêr zos đảng viên tưz muôx yênhx châuv qơư tu zus njêl.

Đảng viên Cầm Văn Sâm, nhoz jok Lả Mường tsênhv uô ntêx nyuôs muôz yênhx puô tsov đeiv chiê zuôr cxuô zav chox lok thêir, xor qơư tu zus njêl:

“Tsôngv box hâur jok iz txưv cor cav uô liêx têz xưz. Tso tơưv tsưr ziv xor thêir qơư tu zus shuôz njêl, viv uô tsi tâu sưv, cxuô lênhx sđ lênhx tưs cux cxơưx. Zuk zos đảng viên tsuv uô ntêx nyuôs uô. Xar li ntơư, viv li cur chuôz zis muôz hur si têx pênhr nhiêx, kêr txeik nzir iz kro mê njik thiêz xor thêir 3 qơư tu zus shuôz njêl, jê lok no uô siv tsưr ziv xor thêir qơư chiê zus, mak pov uô tâu trơưk siêz xar, hâur jok nhiv no 2, 3 chuôz zis cux tsênhv xar uô trơưk”.

Chiềng Bằng thâuv ntêx tâu seiz zos huyện Quỳnh Nhai thax tsav uô ntâu blêx, taz sik txos shông 2010, pak đêx tênhv tênhz Sơn La qir tâur đêx thiêz đêx pur tuôx, xã tưz uô lơưr Nghị quyết Đại hội Đảng bộ cấp tỉnh, huyện hâur hlôngr yiêz huôv tsar uô nox, krêz uô tâu jông trơưk tsưr ziv uô qơư xor thêir trơưk ntus pak đêx tênhv tu zus njêl đros trâu ntâuk muôz shuôz njêl. Nghị quyết no tưz tâu têx chi bộ hâur xã fuô kriê thiêz uô tsi so hâur 9 shông đhâu, tâu têx lênhx đảng viên to tâuz, pâuz tsênhz xưk li tix lâus Lò Văn Ban, nhoz jok Bung Én, xã Chiềng Bằng:

“Hâur six hơưv tu zus njêl mak cur pov uô tâu lok six jông, pir li uô poz cưk, chos kok ntông, uô liêx têz. Muôx phênhv sâu tâu ntâu trâu chuôz zis, uô tâu vax tsêr jông nhoz, zuôr tâu yêz, tâu gox đros luôs cheix, chuôz zis lok six shir phaz”.

Quỳnh Nhai zos iz hâur 3 thax tsav qơư nhoz Sơn La muôx pak đêx lox đar, 10.500 ntâu ha. Fuô uô lơưr tỉnh Nghị quyết lok huôv tsar tu zus shuôz njêl, cấp ủy ntơưv qơư tưz chox kriê uô trơưk ntâu faz tsưr ziv, moz siêz txos têx tsênhv chei paz trâu tsôngv box huôv tsar uô nox uô hnar.

Zơưv Ngô Trí Dũng, Phưv Chủ tịch Ủy ban huyện Quỳnh Nha heik pâuz: Hâux lưv Cục sở hữu trí tuệ-Bộ Khoa học thiêz Công nghệ muôz ntơưr côngk nhav xiv huv “Njêl Sông Đax-Sơn La” chênhr zos qơư zov chênhr chiê têx njêl Sông Đax muôs tâu trâu hâur têx ciêz đrôngs lox:

“Tsaz yênhx huôv tsar tu zus shuôz njêl zos huyện iz hâur 3 tsưr ziv zov chênhr lok huôv tsar kinh tế XH, chênhr viv li đảng bộ huyện Quỳnh Nhai sir jos chox car, yax kriê, heik tsôngv box đros moz siêz tu zus thiêz ntâuk muôz shuôz njêl sâuv pak đêx tênhv chiê truôx tuk luz nênhx nhoz thax tsav qơư yiêz”.

Ngênhx kôngz nuv thiêz cấp ủy ntơưv qơư sik đros sir jos uô, no zos têx zov chênhr chiê Nghị quyết huôv tsar tu zus shuôz njêl tỉnh Sơn La uô tâu trơưk tsưr ziv. Txos nhiv no, tas nro tỉnh Sơn La muôx yênhx châuv cxênhz chuôz zis xor thêir qơư tu zus njêl, hâur co, iz đraz têx chuôz zis ntơư zos chuôz zis đảng viên.

Trơưk li zơưv Nguyễn Thành Công, Giám đốc Sở Kôngz nuv thiêz huôv tsar tox siêz tỉnh Sơn La, chênhr chor đảng viên têx jêx jok li cêr uô ntêx nyuôs uô trơưk, tưz uô tâu lơưr Nghị quyết huôv tsar tu zus shuôz njêl sâuv pak đêx tênhv tênhz Sơn La:

“Pêz pov cấp ủy cấp tỉnh chox kriê lok six tsênhz mênhx, tỉnh muôx Ban chox kriê fuô krêz uô qơư tu zus shuôz njêl sâuv pak đêx tênhv tênhz Sơn La; muôx chei paz trâu tu zus shuôz njêl li Nghị quyết 28 lok paz xor thêir uô qơư tu zus, co zos tsưr ziv chox kriê uô lơưr txix cấp ủy cấp tỉnh txos trâu cấp ủy cấp huyện; txix huyện txos trâu têx xã thiêz chor đảng viên hâur tu zus shuôz njêl. Heik cxuô, cấp ủy cxuô cấp li sir jos sik đros fuô kriê têx tsưr ziv tu zus shuôz njêl uô tâu lok six jông, muôx cêr sik thôngx siêz, thôngx ziv truôx”./.

(Tuyết Lan, Trấn Long, Đắc Thanh-Riê Lâux cxeik, nhênhv)

Iz cxiê tsưr ziv tu zus tsiêx cxu hâur ntu hlôngr cheix

1. Tsưr ziv nox hâuk

          - Muôz cxuô zav nox taz por tsơưr lươngv thiêz huv đros yênhx paz tsiêx cxu hov hnuz nhôngs. Tsi zôngv têx zav nox tưz tuôx pưv, tsư kâuz. Đros mê nhuôv buô nhiv kruôr shâuv nox krâur mak tsuv puz nox li chas cov taz por txâuk tsơưr pưr. Đros thiêz nhux tưv, nhux đas tsuv puz nox krâur đros jâuz, tsuv vâuv jâuz lok sik nhaz blês đros urê chiê uô zav nox cxênhx tsês hâur cheix ntux no trâu nhux tưv nhux đas. Puz tsiêx cxu hâuk đêx hur.

2. Chuv tôngv phax tar moz cxôngx yuôx vắc-xin

          - Cxax cxix cxuô têx zav yuôx vắc xin phax moz trâu tsiêx cxu lơưr tsưr ziv.

          + Đros thiêz nhux tưv nhux đas, cxax yuôx phax moz đôngs nyar, tơưv ndâux hlê trâu.

          + Đros thiêz buô, tsuv cxax yuôx phax tar 4 zav moz (đôngs nyar, moz thox plaz, moz ơưk buô, tơưv ndâux hlê trâu).

          + Đros thiêz keiz ok, zax, zuôv cxax cxix cxuô têx zav yuôx phax moz Newcasle, Gumboro, moz ơưk keiz ok, moz thox plaz....

          - Zôngv yuôx kháng sinh shơư têx zav nox lok sik đêx hâuk trâu tsiêx cxu, keiz ok chiê phax tar iz cxiê zav moz khênhr njiz thâuv qiv hơưv txơưr txar li: moz đôngs nyar, moz thox plaz...

          3. Chuôz tsar uô vêv xênhz guôx tu zus

          - Yax six qêz, vêv xênhz hâur thiêz đrâuv guôx cơư tsiêx cxu; đaz nox hâuk, chuôz zênhx tu tsuv nzuôr tsik chiê vuôz tsuôz kiêk nênhs.

          - 1 txos 2 jiês iz ciêz, tsuôk yuôx tuô caz hmoz iz buôk ndis guôx tu zus.

          - Yưr lir têx qir cxôngx zôngv kror biogas, vâuv qir...trơưk tsưr ziv uô ntêx thâuv muôz lol hâur tênhx qơư.

          - Tsov cưv their guôx tu zus, their chuô, tiv zix zos têx hnuz ntux no njiv. Thâuv ntux lol nas ntêr hnuz, tsuv tuôr tsov sor trâu tsiêx cxu, tiv zix zos đros thiêz mê nhuôv nhux, nhuôv buô nhiv kruôr sha lol.

          4. Yax six qênhz yuôx, seiz njuôs đas jos trâu tsiêx cxu

          - Yax six qênhz yuôx, seiz njuôs đas jos trâu tsiêx cxu.

          - Thâuv pov muôx tsiêx cxu tsi xar nox hâuk, gru, lax uô pa, gênhs gênhs.... tsuv muôz cơư iz qơư txơưr chiê seiz shuôk, puz nox cxaz tsơưr pưr, tsov phưz cov jông.

          - Thâuv tsiêx cxu jông thiêx li tror muôz cơư đros chor tsiêx cxu txơưr.

          - Zos tsiêx cxu trâus moz hnhar tsuv pov ciês trâu cán bộ thú y chiê muôx tsưr ziv yưr lir cov huv đros./.

(Thu Thùy- Txâur Vax cxeik nhênhv)