Ninh Thuận: Uô jông luôs hâux lưv phax tar pôngz đês trâu mê nhuôs thax tsav tsôngv box mênhx cxưx tsơưs nênhs

          Hli 11/2016, ntơưv xã Phước Thái, huyện Ninh Phước, tỉnh Ninh Thuận muôx yưv txuz txiêz nanv pôngz đês lok six riêz nênhs, lênhx nênhs trâus pôngz đês zos Mã Vỹ Khang mênhx cxưx Chăm, 12 shông zos shux xênhz lớp 6 nhoz tsêr cơưv cxênhx II Đổng Dậu. Ntơư zos muôx yưv trâu ntơưv xã Phước Thái uô chuôz zis thiêz uô côngv thôngx xã hội tsênhv nyei trơưr nhoz đuôz siêz tsik plox; taz sik txos hli 3/2017, ntơưv xã Xuân hải, huyện Ninh Hải ho muôx yưv txuz txiêz nanv pôngz đês uô 1 lênhx shux xênhz cơưv lớp 2, nhoz tsêr cơưv cxênhx I Phước Nhơn, zos Nguyễn Quốc Cường mênhx cxưx Chăm pôngz đêx trâus tuôs. Thâuv so ntơưr, Cường tưz zâuv têx fôngx zưs mul ntơưv pas njês nhoz đêz tsêr cơưv muôx nhos 1 cei cêr chiê đa đêx, nzuôr chêr. Txos co, Cường flơưr ciês trâu hâur pas đêx, viv pas đêx toz thiêz tsi txơưx luôv đêx, viv li Cường thiêx trâus pôngz đês tuôs. Pas njês co đar 30 yiv, toz muôx nhos 3 yiv, zos tsôngv box khơưz chiê tu zus njês, tsi muôx lênhx nênhs seiz, tsi their xor lax caz thiêz yuôv fiêx canhv pov.

          Lơưr Sở lox tôngv-saz pênh thiêz xã hội tỉnh Ninh Thuận, cxôngx shông 2016 txos nhiv no, muôx 90 ntâu txuz txiêz nanv uô tuôs 29 lênhx mê nhuôs, hâur co muôx 24 lênhx zos pôngz đês. Chiê chuôz tsar sik côngv, phax tar txiêz nanv trâu mê nhuôs zâu, tỉnh Ninh Thuận tưz muôx ntâuz ntơưr chox kriê têx cấp, têx nganhx, tiv phaz tsov cưv têx tsưr ziv yax mông, zaoz zux lok phax tar pôngz đês trâu mê nhuôs zâu txos têx cxênhx nênhs tsôngv box, tiv zix zos têx thax tsav txov nhêv, thax tsav tsôngv box mênhx cxưx tsơưs nênhs khênhr muôx mê nhuôs trâus pôngz đês. Têx xã, huyện seiz car, cxaz nzir têx fiêx canhv pov, fiêx txưr, heik kriê têx thax tsav riêz nênhs trâu mê nhuôs zâu. Cxiv tsa “ Tsaz yênhx luôv đêx taz por”, kriê luôv đêx trâu mê nhuôs zâu ntơưv côngv thôngx thiêz tsêr cơưv; zôngv yo phao thâuv cxaz chuôz têx huôx tôngv uô si sâuv đêx...Niêv lâuk Hứa Thị Ngọc Du, Bí thư xã Đoàn Phước Hữu, huyện Ninh Phước, tỉnh Ninh Thuận puz pâuz:

          “ Xã Đoàn đros têx ban nganhx đoanx thể yax mông vênhv tôngv têx lênhx niêv lênhx txir seiz njôngr mê nhuôs li têx huôx tôngv chiê txu grês txiêz nanv trâu mê nhuôs hâur cheix so sor, tiv zix zos hâux lưv mê nhuôs trâus pôngz đês tuôs ntơưv têx pas đêx, tul đêx, trâus txiêz nanv zaoz thôngz...”

          Ninh Thuận zos thax tsav ntux kruôr gis viv li pas đêx tâu khơưz ntâu chiê phưx vưv tsiv uô xênhz yar. Đrâuv co, tỉnh tsênhv muôx ntâu njưs đêx cưx đês, têx tul đêx ntưs đhâu têx tiv phaz, thax tsav tsôngv box mênhx cxưx tsơưs nênhs. Viv li, Ninh Thuận njuôs xav muôx ntâu lênhx mê nhuôs trâus pôngz đês. Zơưv Nguyễn Văn Bình, Phưv giám đốc Sở lox tôngv, saz pênhz thiêz xã hội tỉnh Ninh Thuận heik:

          “ Têx tiv phaz, têx lênhx niêv lênhx txir tsuv tsov cưv txos têx mê nhuôs, cux xưk li uô mê nhuôs li qênhx, pêz tsuv muôx ntâu tsưr ziv xênhz huôx đros têx tsưr ziv tir tar kuôz zuôv mê nhuôs, ntâus tsiv mê nhuôs thiêz mê nhuôs trâus pôngz đês hâur cheix so sor thiêz shông cơưv 2017-2018 zuôr txos”.

          Đros trâu ntâu nganhx muôx txơưx jênhv, tiv phaz muôx têx tsưr ziv uô uô cê zuôr yênhx trus khưx phưx, txu grês txiêz nanv tiv pôngz đês trâu mê nhuôs tỉnh Ninh Thuận. Đrâuv têx chiz coaz muôx txơưx jênhv li tsưr ziv mak têx lênhx niêv lênhx txir, têx lênhx nênhs tsoz phưz mê nhuôs, cưk kriê...tsuv yax six choz chêv, heik kriê mê nhuôs tsưr ziv phax tar, yưr lir, jênhv pâuz têx qơư riêz nênhs chiê txar jav cov tâu têx kror tsik jông hêik sâu....Li ntơưv thiêx txu grês tâu têx txuz txiêz nanv pôngz siêz trâu mê nhuôs, taz por mê nhuôs muôx iz cheix so sor lov jêv thiêz taz por./.

                          (TTTPHCM- Txâur Vax cxeik nhênhv)

Niêv lâuk Phàn Thị Tốc huôv tsar uô nox txix tu zus txiêx cxu

         Uô đreiv têx poz cưk, kok ntông sâuv liêx têz txix thâuv tsênhv zâu, niêv lâuk Phàn Thị Tốc nhoz jok Liếm Xiên, xã Song Pe, huyện Bắc Yên, tỉnh Sơn La luz nênhx txơưv sir jos khưr bâuv tưs, luz nênhx cux txov nhêv. Taz sik zos iz lênhx đảng viên hluôk, tsuv uô ntêx nyuôs hlôngr yiêz tsưr ziv huôv tsar cêr uô nox hla cov đhâu cêr yeiz pluôs chiê tsôngv box sơưr đơưk hâur jok cơưv shâuv uô trơưk. Txix têx tsưr ziv siêz xar ntơư, tưz cxơưz cxiz niêv lâuk truôx siêz bo zok nriêr tsưr ziv huôv tsar cêr uô nox yiêz.

Jok Liếm Xiên zos jok pluôs, txov nhêv, nhoz thax tsav tox siêz đêz đrôngs, 100% zos tsôngv box Cho uô nênhx nhoz. Shông 2012, niêv lâuk Tốc chuôz zis tâu tsêr nhiêx tsênhv chei xã hội huyện muôz trâu txeik 30 tsov đeiv, niêv lâuk seiz lax chuôz zis zuôr nôngz nhux lok zus, thiêz jux juk cxênhx txuôs tâu nzir iz kro mê njik chiê zuôr iz gơưv nôngz yis lok zus:

         "Six tsês têx tsiêx nưk nhoz nưk li ntơư uô nôngz tsi muôs, nhiv no cur chuôz zis tưz muôx 11 tuk nhux. Chuôz zis cxênhx txuôs tâu iz kro mê njik têx nhiêx txiêx, muk zuôr 2 tuk niêv yis lok zus uô nôngz, nhiv no tâu muôx nhos 30 tuk".

         Sir jos moz siêz cơưv shâuv tsưr ziv huôv tsar tu zus tsiêx cxu đhâu ntơưr pov tsir, đeix, ti vi, uô lơưr hâur luz nênhx tsênhv tsênhz, niêv lâuk Tốc chuôz zis trâur nuv tu zus tsiêx cxu jux juk gra lok phênhv sâu tâu siêz. Iz shông muôx phênhv sâu txix 50-100 tsov đeiv thiêz hla đhâu chuôz zis pluôs. Muôx pênhr, niêv lâuk Phàn Thị Tốc yưx nhiêx zuôr meir lok ndu têx kê keiz ok chiê tu zus ntâu tuk:

          "Trâur nuv no cur tưz uô tâu trơưk têk, trơưk tsưr ziv, paz cur chuôz zis hla đhâu yeiz pluôs, txos nhiv no cur tưz uô tâu 3 shông lơưv".

          Niêv lâuk Phàn Thị Tốc thâuv tưs tưz zos lênhx nênhs uô ntêx nyuôs yax kriê tsôngv box hâur jok uô jông lơưr Đảng, têz qơưk têx tsênhv chei, cui tinhv. Đros trâu têx luôs hâux lưv tso tơưv "siz hluz siz paz, lênhx nênhs muôx paz lênhx nênhs pluôs", txix têx pênhr uô tâu hâur huôv tsar tu zus tsiêx cxu, niêv lâuk Tốc cux tsênhv paz trâu ntâu lênhx pox niêv vir ndâuk muôx luz nênhx txov nhêv, sik côngk đros huôv tsar uô nox. Niêv lâuk Lý Thị Phúc, Chi hội tsar pox niêv jok Liếm Xiên heik pâuz:

       "Cxuô lênhx hội viên nhoz no zos zuôr cơưv shâuv tsưr ziv uô nox txix niêv lâuk Tốc kriê chiê ntâu chuôz zis txơưr đuô uô trơưk cov luz nênhx tsar ndê, iz hnuz cxuz tâu cêr pluôs jux juk".

         Hok lok sâuv tsar jok Liếm Xiên mak heik pâuz li no:

         "Nhiv no lar heik zos iz cxiê lênhx gâux muôv vir ndâuk huôv tsar uô nox li hlôngr yiêz tsoz chos, tsiêx tu zus, cur lok six shir phaz, chor pox niêv gâux muôv vir ndâuk tưz sir jos trâu luôs hâux lưv tu zus yis, nhux đas, chos têx ntông nox txir".

         Niêv lâuk Phàn Thị Tốc chuôz zis li luôs hâux lưv huôv tsar uô nox pir li ntâu lênhx txơưr đuô mak tsi zos lox luôs tưs, taz sik ntơư zos ntâu lênhx nhoz thax tsav tox siêz no tsưr ziv, siêz xar njôngr cov uô tâu li heik ntơư. Niêv lâuk Tốc thâuv tưs tưz xar tiêk: "Zuk zos iz lênhx đảng viên tsuv uô ntêx nyuôs hâur cxuô luôs hâux lưv, uô ntêx nyuôs huôv tsar uô nox chiê chuôz zis muôx luz nênhx jông  xưk sđ, đhâu ntơư zos paz zuk iz phênhvtsưr ziv, đas jos trâu luôs hâux lưv cxiv tsa jêx jok yiêz thax tsav qơư nhoz./.

                                        (Thanh Thủy-Riê Lâux cxeik, nhênhv)