Jax sâu thưr 2, hnuz 29/8/2016:

Tsôngv px nhoz thax tsav tỉnh Laox Cai tsênhv taz tov uô nênhx nhoz trâu thax tsav qơư tox poz

           Hâur zuôr xar iz luz hli lok no, muôx ntux nas lok lox ntơưv thax tsav tỉnh Laox Cai, tưz uô 22 lênhx nênhs trâus tuôs thiêz trâus plox, uô 1.300 luz tsêr trâus puôk tsuôx, xav nhiêx xar tas 300 tỷ đêiv. Ntơư zos ntux lok nas lox truz ntêr hnuz, uô đêx cuôr yôngz, muôx yưv tox poz, uô ruôr hiêv  hnhar, puôk tsuôx tas ntâu tsôngv px sđ têx chuôz zênhx chuôz tav, vax tsêr, kôngz lôngk thiêz lênhx nênhs. Hâur jiês cơưv sêiz car tror cxiv kho đuô têx puôk tsuôx, tiv ntux nas uô ruôr hiêv, Phó Thủ tướng Chính phủ Trịnh Đình Dũng cux hêik, Laox Cai zos thax tsav qơư trâus coz nas chuô số 2 uô ruôr hiêv hnhar; hâu nov tỉnh Laox cai tsuv yêik zênhx max chor ziv chuôz zis nhoz thax tsav qơư riêz nênhs muk nhoz trâu têx qơư truôx tuk.

         “Laox Cai tsuv zok nriêr xêir đuô qơư chiê yêik cov tas chor ziv chuôz zis nhoz thax tsav qơư riêz nênhs muk nhoz cov truôx qơư tsik chiê đêx nas chuô ruôr hiêv txos tsôngv px sđ luz nênhx nox nhoz muk lok hâur yênhx hnuz. Ntơư zos iz luôs hâux lưv Chính phủ tưz hêik ntâu jiês; thâuv tưs tror txos iz chêix ntux nas chuô, px nhoz thax tsav niêv đêx hiêr ho tsik trâus ruôr hiêv lok lênhx nênhs; taz sik, thax tsav tox siêz, đêx nas chuô ho uô tuôs lênhx nênhs”.

         Đhâu phó thủ tướng chox car, luôs hâux lưv yêik px muk cov đhâu têx qơư riêz nênhs tưz tâu uô truôx jux juk; taz sik, tsênhz mênhx, luôs hâux lưv yêik px muk nhoz trâu thax tsav qơư tsik trâus đêx nas chuô ruôr hiêv tsênhv uô kênhz cơưs. Xav txix hâur shôngk shông txos trâu nhiv no,  hur si tỉnh Laox Cai nhiv kruôr yêik tâu xar 200 hâur 1.000 ziv chuôz zis muk đhâu têx qơư riêz nênhs. Pos Chảo Tả Mẩy nhoz jos Sủng Hoảng 2, xã Phìn Ngan, huyện Bát Sát, pov njôngr đêx cuôr yôngz hnuz xiêz 5/8, uô 3 lênhx nênhs trâus tuôs, 16 ziv chuôz zis têx vax tsêr trâus puôk tsuôx hêik pâuz:

        “Zos ntux tsik lok nas mak tsik pov nyêi, taz sik thâuv tưs pov ntux qir lok nas mak nyêi hênhr, iz chê tuôs tas hur si thiêz thâuv tưs lok đhâu iz cov nas chuô, têx vax tsêr zênhx puôk tsuôx tas, tsik muôx tsêr nhoz”.

        Zơưv Nguyễn Anh Tuấn, thơưx sêiz car Sở kôngz nuv-huôv tsar tox siêz tỉnh Laox Cai đros pêz thav tiêk: Luôs hâux lưv yêik px muk nhoz trâu qơư yiêz zos iz luôs hâux lưv zov chênhr, tsuv tâu uô zênhx max; taz sik cux tsênhv njiz iz cxiê phiv liv. Zơưv Nguyễn Anh Tuấn hêik pâuz:

        “Viv zok nriêr tsik tâu  qơư thiêz têx nhiêx txiêx muôz paz yêik px muk trâu qơư yiêz zos 20 triệu đêiv iz ziv chuôz zis; li ntơư cxuô ziv chuôz zis tsik xar muk nhoz trâu têx qơư yiêz. Iz kro thiêz zos px tsik chênhr phax hâur luz chêix ntux lok nas; thâuv ndo txos, đêx nas chuô tưz uô puôk tsuôx txos lênhx nênhs thiêz chuôz zênhx chuôz tav, vax tsêr”.

         Zơưv Tuấn cux hêik pâuz nzir tiêk, yêik px muk nhoz trâu qơư yiêz tas yênhx châuv tiv đêiv thiêz thâuv xêir tâu qơư yiêz, px jông siêz yêik muk,  cux tsik zôngx ziv yêik cov tâu ciês tav siv ntơư.

        Tsênhz mênhx nhiv no, ntơưv ntâu thax tsav nhoz Laox cai, viv ntux lok nas truz ntêr hnuz, tưz uô tox poz, ar lơưk, taz sik cux tsênhv pov px nhoz trâu thax tsav ar ntơư; têx ziv chuôz zis cux tsênhv nhoz trâu thax tsav qơư riêz nênhs  trơưk ntus cưx ha đêx. Têx jiês cux zos li ntơư, thâuv tưs muôx nas lok thiêx uô ruôr hiêv txos tsôngv px thax tsav ntơư têx vax tsêr, chuôz zênhx chuôz tav thiêz lênhx nênhs.

        Chênhr zos li hêik ntơư, hâu nov tỉnh Laox cai tsuv sir jos uô truôx luôs hâux lưv yêik cov tas px nhoz thax tsav qơư riêz nênhs muk nhoz trâu têx qơư tsik truôx tsik trâus đêx nas chuô ruôr hiêv, tsôngv px thiêx zuôr muôx luz nênhx truôx tuk, tsâu sor./.

                                                                  (Tsu cxêik, nhênhv-An Kiên, TTTB)

Phênhv thưr 2.29.8.2016:

CƠƯX MÊNHV HLI 8 THIÊZ CHỦ TỊCH HỒ CHÍ MINH LI JAX CƠƯV XEIR LÊNHX NÊNHS TXƠƯX NJÊ

          Thâuv cơưx mênhv hli 8 yênhx côngz, zos chủ tịch chính phủ Việt Nam dân chủ cộng hòa, Chủ tịch Hồ Chí Minh tưz muôx iz ntâuz ntơưr đros njiêz luv “ Nriêr lênhx nênhs txơưx njê”. Ciês đhâu co, ntâuz ntơưr no tâu Bộ trưởng Bộ Nội vụ Võ Nguyên Giáp côngz fur sâuv ntơưr pov tsir cxiv kho têz qơưs. Phưv giáo sư, tiến sỹ Nguyễn Quốc Bảo, kuz Tsar khoa tư tưởng Hồ Chí Minh, Học viện Báo chiế và Tuyên truyền puz pâuz:

          “ Hâur têx lênhx nênhs nhoz hâur chính phủ xuz thơưx, đrâuv Việt Minh, Hloz tsênhv xeir têx lênhx nênhs txơưx njê, nto bê. Đrâuv teiv plor côx hôiv Việt Minh, Hloz tsênhv zôngv têx teiv plor côx hôiv tsi nhoz hâur Đảng, muôx têx Đảng tsi mul lơưr Việt Minh... taz sik lơưr muôx pênhr xưv, têx lênhx nênhs txơưx njê. Tsi taz zos teiv plor côx hôiv mak Hloz tsênhv bo xeir uô Thứ trưởng, Bộ trưởng. Hâur tôn giáo, Hloz tưz hu têx lênhx chức sắc hâur Phật giáo, thiên chúa giáo cxaz chuôz Chính phủ”.

          Thâuv tưs cux seiz jông lênhx nênhs muôx yênhx tưv zos đas jos cxơưz tiês mênhx cxưx li hâux lưv cơưx mênhv, đhâu cơưx mênhv hli 8, Hloz muôx chủ trương thox cxov lênhx nênhs muôx yênhx tưv yiêz. Phưv giáo sư, cưk kriê Lê Mậu Hãn khav tênhv: Hloz Hôx li siêz xar, txơưx njê thiêz xeir tsov lênhx nênhs zos njiêz luv tâu tsov cưv, tiv zix hâur qênhx shênhx pêz têz qơưk sik côngv đros ntiêx têz li nhiv no:

          “ Tsuv hlôngr yiêz chính sách, tiv zix zos têx lênhx nênhs muôx yênhx tưv, sir zôngv lênhx nênhs li chas, theox chênhv uô hâux lưv li chas thiêz chế độ chính sách li chas chiê lơưr chêx chôngk, muôz siêz uô hâux lưv. Viv li, hlôngr yiêz, chuôz tsar, thox cxov, kriê cxaz yênhx tưv hâur thiêz đrâuv luôk oz chas têz qơưk chiê vênhv zôngv jông. Nhiv no, têx lênhx nênhs muôx yênhx tưv ziv coaz tsôngv chiê tuôr truôx tsưr qênhx thiêz cxiv tsa kinh tế niêv ciêz chiê tsôngv box thiêz têz qơưk ziv phuôv tsar, vav mênhx”.

          Đrâuv hâux lưv nriêr lênhx nênhx muôx txâuk txux chi, pênhr xưv trâu têz qơưk, chủ tịch Hồ chí Minh cux heik lênhx nênhs lênhs tov, coar lik tsuv txơưx sir zôngv têx lênhx nênhs txơưx njê. Hâux lưv tsov cưv sir zôngv lênhx nênhs txơưx njê lơưr chủ tịch Hồ Chí Minh li siêz xar, tsuv tâu yax six uô. Uô lơưr siêz xar no, Đảng li Nghị quyết Đại hội 12 khav tênhv: tsuv cxiv tsa cov tâu ntâu lênhx cán bộ txơưx njê, gôngr phênhv uô zênhx liv 2 jênhv vưv zos cxiv tsa thiêz por vêv têz qơưk xã hội chủ nghĩa. Chiê uô tâu hâux lưv no, lơưr Phưv giáo sư, tiến sỹ Nguyễn Trọng Phúc, Học viện chính trị quốc gia Hồ Chí Minh mak hâux lưv thox cxov, kriê cxaz cán bộ zos Đảng li hâux lưv zov chênhr:

          “ Côngz xưv cán bộ lơưr Hloz Hôx li ntâuz ntơưr tsês chiê “ Cán bộ zos cxuô hâux lưv uô li hâur pâus thiêz thox cxov kriê cxaz cán bộ zos Đảng li hâux lưv tsênhv”. Cur xar mak lơưr Hloz li siêz xar côngz xưv cán bộ nhiv no tsuv chêx chôngk thox cxov, kriê cxaz cov jông, viv no zos hâux lưv tsênhv. Hâux lưv co uô jông mak lok six zôngx ziv. Zos thox cxov kriê cxaz tsi taz por zoz qơưx mak lok six lax”.

          Uô lơưr Hồ Chí Minh li siêz xar, tsưr ziv xeir zuôr lênhx nênhx txơưx njê, six hơưv đhâu pêz Đảng tưz tsov cưv thox cxov, kriê cxaz têx cán bộ trâu Đảng. Hâux lưv sir zôngv lênhx nênhs txơưx njê huv đros, trơưk lơưr li txux chi pênhr xưv. Zos xeir tsov tsik tâu lênhx nênhs txơưx njê, côngz xưv zuôr uô tsi tâu jông, zuôr uô ruôr hiêv txos Đảng. Hloz li siêz xar xeir tsov lênhx nênhs txơưx njê tiêv tiêv zos jax cơưv lox hâur Đảng li côngz xưv cán bộ./.

( TTT- Txâur Vax cxeik nhênhv)