Phax tar nox nhiêx têz qơưk-Têx tsi jông 2017-Chuôz tsar tsôngv px cêr njênhs njôngr trâu Đảng

Hâur shông đhâu, T.Ư tưz yênhx lix 8 đoanx côngz xưv muk trâu 20 tỉnh, TP chiê qênhz yuôx, seiz kaz luôs hâux lưv qênhz yuôx têx txuz uô cxâuv chêi têz qơưs, xơưz xưv, qênhz yuôx, yơưz phơưz, tik cêr cxâuv trâu têx txuz plâuz lox nox nhiêx têz qơưk, phiv liv, đhâu ntơư cxơưz cxiz luôs hâux lưv phax tar nox nhiêx têz qơưk nhoz cxuô thax tsav qơư, xuz thơưx khưx phưx qênhx shênhx “hâu nov thênhv siêz sir jos uô, cxuô thax tsav qơư tsi moz siêz đros paz”. Đhâu ủy ban qênhz yuôx T.Ư luôs hâux lưv yơưz phơưz, tưz pov muôx ntâu lênhx canr bôv cấp T.Ư thiêz ntơưv qơư, têx quyết tinhv tik cêr cxâuv, quyết tinhv yơưz phơưz tưz hu zâuv tâu chôngz lênhx tsôngv box moz siêz txos. Têx li heik ntơư tso pov, hur tiz si puôr lênhx muôx vax huôv siz luôs, côngz fênhx, uô zuôv txos tưs tik cêr cxâuv txos ntơư. Zơưv Nguyễn Xuân Hồng, Hội bôv đôiv lâuk thị trấn Minh Đức, huyện Thủy Nguyên, TP Hải Phòng heik:

“Trơưk li cur, hâux lưv phax tar nox nhiêx têz qơưk hâur six hơưv đhâu uô tâu lok six jông. Tsôngx box sđ hâur hur si têz qơưk njênhs jông lok têx hâux lưv co. Cur cux lok six njênhs lok Đảng tsưr ziv chox car, lar heik zos Tổng Bí thư Nguyễn Phú Trọng tsênhv uô, mak tưz tik cêr cxâuv trâu hur si têx lênhx canr bôv hâu nov lox nox nhiêx têz qơưk li: Zơưv Đinh La Thăng, Trịnh Xuân Thanh”.

Canr bôv têx uô zuôv, uô tsi tâu tsi tiêr tâu côngz fur trâu tas nro sđ pâuz txos, tsi tiêk muôx nhoz iz cxiê thax tsav, suôv qơư. Muôx têx chiê tik tâu cêr cxâuv trâu iz lênhx tiz nênhs zos hur si têx cêr uô zuôv txix cxuô bộ ngênhx txos trâu ntơưv qơư, tsênhv tsênhz li Trịnh Xuân Thanh. Lok sik têx tuz nhuôs, chor nênhs hâur tsêr, nênhs cxênhz.....tâu heik txos ntâu. Cux xưk li canr bôv thênhv siêz sơưr thơưx iz thax tsav qơư, iz ngênhx tsuv tâu lênhk txeik, nhav têx cêr cxâuv, ntơư tưz tsi zos iz kro muôx tsơưs. Trơưk li zơưv Phạm Thế Duyệt, kuz Chủ tịch Ủy ban Trung ương MTTQVN, tsuôk

 hâur iz shông, lok six ntâu lênhx canr bôv trâus tik cêr cxâuv, co tsi zos iz kro nhiv kruôr muôx thiêz muôx iz jâuk, mak zos hâux lưv canr bôv ntêr niêx ntâu shông hâur 2, 3 six cxiv viv li thâuv qênhz yuôx pov uô cxâuv. Cux tsi zos nhiv no nhiv kruôr muôx nox nhiêx têz qơưk, têx tsi jông, tsi zos nhiv no  têx canr bôv thiêx uô li ntơư, mak co zos iz kro pêz tsi moz siêz lês uô jông luôs hâux lưv cxiv kho Đảng, pêz tưz uô thiêz mul trơưk têx tsi lar muôx, tsi lar uô hâur cơưv shâuv thiêz uô lơưr Lâuk Hôx cêr nênhx jông.... Zơưv Phạm Thế Duyệt khav tinhv: Hâux lưv canr bôv lok six lax, lok six zov chênhr, zos tsưr ziv quyết tinhv Đảng li hâux lưv:

“Hâux lưv tsưr tsix canr bôv zos cxuô luôs hâux lưv li qir tiv. Uô tâu jông cux zos tsưr tsix canr bôv, uô tâu tsi jông tsi zos cux zos tsưr tsix canr bôv. Lar heik pêz Đảng muôx iz Đảng chox car mak hâux lưv canr bôv tsuv lok six moz siêz lês uô jông. Têx lênhx nênhs muôx zoz qơưx, six hơưv mak  seiz njiê  têx lênhx tiz nênhs ntơư chiê pâuz tâu hâux lưv tsưr tsix, kror tưs uô tsi jông trâu Đảng”.

Txix têx pâuz tâu tsênhz, shông 2017 Bộ chính trị tưz tso tơưv têx cui tinhv lok sâuv tsưr ziv ntâuk grê têx lênhx canr bôv; lok cui tinhv 5 kro xeir zuôr canr bôv; lok sâuv tsi so hlôngr canr bôv qơư uô hâux lưv; lok qênhz yuôx, seiz kaz luôs hâux lưv thôngz sâu têx chuôz zênhx.... Hâux lưv xeir zuôr, phênhz, hlôngr qơư uô hâux lưv, choz hâux lưv seiz car canr bôv, njuôk hov, kriê cxaz têx txux chi tsưr ziv yuôr trâus trâu canr bôv, uô lơưr têz qơưk têx chei paz trâu canr bôv.....cux tâu cui tinhv tsênhz mênhx thiêz jông đuô, muôx ntâu hlôngr yiêz chiê txo grêk tsơưs têx tsi jông. Tsênhv tsênhz tso pov, têx sir jos hâur hâux lưv cxiv tsa, kho đuô Đảng, sơưr tơưv txênhz, phax tar têx lênhx tiz nênhs nox nhiêx têz qơưk, tưz paz lok six jông trâu cxiv kho tsôngv px sđ cêr njênhs njôngr, chiê siêz trâu Đảng, têz qơưk. Giáo sư Hoàng Chí Bảo, kuz Ủy viên Hội đồng lý luận T.Ư heik mênhx, muôx iz Đảng hur jông mak thiêx muôx truôx vênhk. Chênhr viv li, chiê tuôr tâu tsôngv px sđ cêr chiê siêz, njênhs njôngr, mak Đảng tsuv lok six sir jos lês uô jông cxuô luôs hâux lưv zok muôz:

“Zos Đảng tsi truôx, tsi hur jông, ntơư zos Lâuk Hôx iz cêr cxơưx lox thâuv Đảng tuôr vax huôv. Chênhr li ntơư viv li chas Lâuk Hôx ho moz siêz txos phax tar nox nhiêx têz qơưk, phax tir thêir têx tsi jông hâur thax tsav, hâur têz qơưk. Đros thiêz iz Đảng cách mạng zos tuôr vax huôv, têx tsi jông lox yax zos đêz tsôngv px, uô têx nuv tsi jông, tso tơưv têx chei, cui tinhv tsi huv tsôngv px siêz. Iz Đảng hur jông mak thiêx truôx tâuk thiêz ntơư zos iz tsưr ziv uô nênhx, viv li chiê uô trâu tsôngv px sđ cêr njênhs njôngr  mak Đảng ntơư tsuv chox cêr, uô ntêx nyuôs”.

Cxiv kho Đảng qir txix têx hâux lưv uô hur jông chor nênhs lês uô cxuô luôs hâux lưv, phuôx huiz jênh tsuv, côngz fênhx, tsênhz mênhx. Đros trâu têx sir jos thiêz hlôngr yiêz, pov tsênhz hâur hâux lưv phax tar nox nhiêx têz qơưk shông 2017, muôz nzir tsôngv box cêr njênhs njôngr trâu Đảng. Tsôngv px cux vav thiêz xar njôngr txix Đảng têx sir jos ntơư, zuôr muôx ntâu hlôngr yiêz nhoz cxuô cấp, cxuô ngênhx, đôngx chir Tổng Bí thư, Bộ chính trị li sir jos zuôr tâu tas nro Đảng, tas nro tsôngv px, cxuô ngênhx, cxuô cấp sir jos uô lơưr hâur shông 2018, txar jav tsi chiê têx uô cxâuv tsuôk tâu qênhz pov thâuv Ủy ban qênhz yuôx T.Ư tưz grêk têk, tsênhv thâuv co ntơưv qơư, bộ ngênhx puôr lênhx heik tiêk “uô trơưk chei, cui tinhv”./.

(TTT-Riê Lâux cxeik, nhênhv)

Hêir nênhs Cơtu chax chêk txuôk cêr fôngx zưs

“Hêir nênhs Cơtu chax chêk txuôk cêr fôngx zưs zuk đros trâu jêx jos, oz chas xã, huyện. Ntơư zos txuôk đros hêik lok ar liêx têz, har jôngr ntông hâur zuk jos đros trâu đuô luz jos txơưr, uô cov tsôngv px sđ muôx cêr thôngx siêz”

Già A Lăng Bìnhn, nhoz xã A Vương, huyện Tây Giang, tỉnh Quảng nam hêik kriê lok hêir nênhs Cơ tu chax chêk txuôk cêr fôngx zưs. Trơưk li hêir nênhs Cơ tu têx luk hêik, hêir nênhs Cơ tu chax chêk txuôk cêr fôngx zưs, zos muôx nhoz 3 thax tsav tsênhv qơư thiêz têx njiêz luk txuôk cêr fôngx zưs chiê cxuô lênhx tsôngv px sđ muôx cêr côngv siêz hâur côngv thôngx đros trâu cxuô luz jêx jos nhoz iz thax tsav ntơư. Zơưv C Lâu Nâm, nhoz xã Lăng, huyện Tây Giang hêik pâuz tiêk:

  “Txuôk cêr fôngx zưs đros trâu oz chas xã, oz chas jos thiêz đhâu hâur jiês tsưr tsix ntênhk txuôk cêr fôngx zưs, chênhr zos chiê cov tsôngv px sđ muôx cêr côngv siêz đuô, tsik uô cxâuv chêi têz qơưs”.

Zơưv Bình ho thav li no: “Hêir nênhs Cơtu tsuv tuôr truôx ntênhk cêr txuôk fôngx zưs thiêx muôx cêr thôngx siêz, tsik chiê hêir nênhs Cơ tu têx ntênhk txuôk cêr fôngx zưs jông ntơư pôngz plox”.

Hêir nênhs Cơtu, zos luz jos tưs, tsưr tsix ntênhk txuôk cêr fôngx zưs, tsuv bax cxuô zav li: Buô, njuôs, kêiz, nôngs, njêk, nak tsuôs ….đros trâu cxuô zav jâuz. Lar hêik zos thâuv tsưr tsix ntênhk ntơư tsuv muôz yar kêiz thiêz njêk cxiêz, kưx, grêix nak kruôr, chơưr …uô tsâus thiêz thor txos luz ntux luz têz  chiê đros paz tsôngv px sđ cov muôx cêr côngv siêz jông, njiz ntâu cêr vav mênhx hâur luz nênhx. Zơưv A Lăng Bình hêik:

  “Têx tuz nhuôs nhoz saz đrâu, tsik sưv lok thor txuôs đros cêr fôngx zưs cux tâu; zuk xar txuôk cêr fôngx zưs đros luz jêx jos, xã, huyện tưs cux tâu hur tiz si”./.

                                                    (Tsu cxêik nhênhv-vov4)