Đăk Lăk: Chos tsơưz công nghệ siêz reik đros hâux lưv muôs tơưv saz đrâuv

 têz qơưk

          100 hecta tsơưz Nam Mĩ tâu Công ty cổ phần muôv muôs Green Farm chos ntơưv jos Kruê, xã Vụ Bổn, huyện Krông Pách, tỉnh Đăk Lăk cxôngx hli 8 shông 2018. Txos nhiv no tsơưz tưz sâu tâu 2 jiês; jiês xuz thơưx tax 40 tênhr iz hecta thiêz jiês tiv 2 tax 50 tênhr iz hecta. Tiv zix, cxôngx ciês jiês sâu xuz thơưx, công ty tưz muôs tơưv tâu  20 công ten nơ tsơưz trâu niêv ciêz Trung Quốc, Hàn Quốc thiêz Singapo. Lơưr pos Lê Thị Mỹ Hạnh, Tổng giám đốc Công ty cổ phần muôv muôs Green Farm, chiê xiv huv tsơưz Nam Mỹ tax têx niêv ciêz sâuv ntiêx têz li ploz tsênhr tsơưr lươngv, cxôngx ciês hâux lưv xeir nôngz txos chos, tsoz phưz, sâu tsơưr puôr lênhx uô trơưk tsưr ziv. Muôv muôs Green Farm yưv pênhr zuôr cxix luôk zưs đêx, qir zuôv trâu yênhx tsoz tsơưz. Hâux lưv sâu tsơưz, muôx meir uô tas hur si ntêr zuôr xar 15 cei cêr tsiv uô tsơưz sâuv mênhv chêx zuôr xar 2 cxênhz yiv ndis đros 4 qơư tsiv uô. Pos Lê Thị Mỹ Hạnh puz pâuz, công ty li xiv huv tsơưz tưz nriêr tâu niêv ciêz muôs tơưv thiêz tsênhv krêz đar uô, njuôs xav txos shông 2020 chuôz ndê mênhv chêx txos 500 hecta.

          “Chiê muôs tơưv tâu chính ngạch tsuv muôx tsưr ziv uô taz por. Cxôngx ar têz, ar nhoz thax tsav tưs cux tsuv uô jông. Việt Nam tsi zos têz qơưk huôv tsar ntâu lok tsơưz, mak trâur nuv chos tsơưz muôs tơưv uô lơưr dự án li no tsênhv yiêz. Nôngz tsơưz nhi no Farm tsênhv chos zos nôngz tsơưz lâuk Nam Mỹ muôs tâu sâuv tas nro ntiêx têz”.

          Công ty muôv muôs Green Farm li Dự án chos tsơưz muôs tơưv uô ntơưv Krông Pách qir muôz hâux lưv uô trâu 250 lênhx nênhs lox tôngv tiv phaz, paz lơưr hlôngr yiêz siêz xar uô kôngz nuv thôngx cxix muôz siêz phênhv sâu, ngaz tul luz nênhx. Tix lâuk Hà Văn Khánh, nhoz jos Thanh Sơn, xã Vụ Bổn puz pâuz, đros nhiêx shar muôx nhos 5 tsov đeiv iz luz hlik tưz paz hlôngr yiêz chuôz zis li luz nênhx lok six ntâu:

          “Cxôngx thâuv công ty yênhx lix cur lol uô hâux lưv nhoz no mak luz nênhx chuôz zis cux ngaz tul đuô, phênhv sâu ngaz tul tâu 4 luz hlik no lơưv. Thâuv ntêx cur cux tsi car xar txos zuôr muôx hâux lưv uô, muôx tâu phênhv sâu li no”.

          Zơưv Trần Hồng Tiến, Bí thư huyện ủy Krông Pách puz pâuz: Vụ Bổn zos xã pluôs nhoz huyện Krông Pách. Xã muôx 15 mênhx cxưx nhoz uô nênhx, ar têz tsi jông, cxix luôk đêx liv tsi tâu yưv pênhr uô viv li tsôngv box luz nênhx njiz ntâu phêv liv. Têx yênhxx côngz cxôngx dự án chos tsơưz công nghệ siêz phưx vưv muôs tơưv saz đrâuv têz qơưk tưz krêz tơưv iz tsưr ziv huôvt sar yiêz trâu tsôngv box:

          “Nhiv no công ty tsênhv krêz đar hâux lưv tsiv uô tsơưz, pêz tsênhv tso tơưv vênhv thix đros công ty, sik côngv đros cấp ủy Đảng zuôr paz max tsôngv box uô li chas chiê phuôx huiz mênhv chêx ar, paz tsôngv box sâu zuôr xiv huv lok sik paz txưv tsưr ziv. Hâux lưv no zuôr paz trâu tiv phaz uô tiêr ploz tsênhr số 13 hâur cxiv tsa nôngx cxênhz yiêz”.

          Huôv tsar kôngz nuv lơưr saz công nghệ siêz tsênhv zos vênhv thix tâu CHinhr phuv cxơưz cxiz uô, chiê huôv tsar truôx vênhs, chuôz tsar tơưv txênhz sâuv niêv ciêz ntiêx têz. Tây Nguyên heik cxuô, Đăk Lăk heik taz, đros têx muôx ntơưv qơư li ar têz lok six zuôr trâus têx doanh nghiệp yưv pênhr lol, uô tâu têx xiv huv kôngz nuv muôx tsơưr lươngv phưx vưv muôs tơưv saz đrâuv têz qơưk, gôngr phênhv cxiv tsa thiêz huôv tsar nôngx cxênhz huv đros thax tsav li têx muôx jos, taz por huôv tsar kinh têr xã hôiv njuôz-jông thiêz truôx vênhs./.

(TTTN-Txâur Vax cxeik nhênhv)

Lênhx nênhs paz trâu xênhz zus ntơưv jok Vạn sir jos uô hâux lưv

Pos Muôn zênhx zos nênhs uô nênhx txix chuôz zis muôx luz nênhx txov nhêv. Taz sik, đros sir jos cơưv uô hâux lưv y, pos tưz thik tưr tâu cơưv ntơưv iz luz tsêr cơưv y têr huyện Mộc Châu, tỉnh Sơn La. Đhâu cơưv tiêr, pos lok uô y têr jêx jok thiêz uô nênhs paz trâu xênhz zus mê nhuôs txos nhiv no. 40 ntâu shông uô hâux lưv no, pos tưz ndo tsik tâu shor zuk paz trâu pêx tsơưs jiês xênhz zus, kror pos shir phaz đuô hur si zos tâu tsôngv pox nhuôs hâur jok njênhs njôngr thiêz nhiêv txos:

“Lênhx tưs txov nhêv muk tsik tâu trâu tsêr kho moz, zos li zuk cux tsik muk paz lok uô chak, iz tas hmo lok cux tsuv muk. Taz sik lênhx tưs tuôx trâu trạm xá lơưr hêik tiêk zos tsik muôx zuk paz mak lơưr cux tsik zus tsuv muk trâu tsêr kho moz xưz. Zos tiêk hnhar đhâu hênhr lơưv mak lơưr cux thor cov zuk paz chox muk trâu tsêr kho moz”.

Cê uô y têr jêx jok, cê uô nênhs paz trâu xênhz zus mê nhuôs lok six phiv liv, nhiêx hli mak tsik tâu ntâu luôx tưs, iz hli tsuôk tâu oz pêz chov cxur, taz sik hâur têx shông đhâu, pos Muôn tsik so sir jos uô zuk kror hâux lưv. Đros pos, tsuôk muôx tâu iz lo luk uô tsâus, lok sik pov tâu chor niêv tuz zuk paz txêik mê nhuôs co muôx jos, têx mê nhuôs hloz lox thiêz muôx jos; lok sik paz tâu trâu chor nênhs muôx luz nênhx txov nhêv…xưz pos tưz jông siêz thiêz shir phaz lơưv. Pos Muôn hêik:

“Tsênhz tiês mak zuk cux hluz, zos tiês mak zuk cux tsik muôx txơưx jênhv lơưv, xưk nhiv no zênhx tsik tâu nhiêx hli đaz tsik hlo, tsik zos zuk txơưx jênhv taz sik lênhx nênhs cêr siz hluz chak pov muôx li co zuk ho tsik paz, zuk tsuv muk, zuk pâuz txos tưs mak paz txos co xưz”.

Thâuv paz tâu trâu iz jiês xênhz zus, pos cux kruôz kriê jông chiê uô chak cov lênhx niêv thiêz mê nhuôs muôx đas jos jông. Zos lênhx tưs muôx moz, lok sik xênhz zus tâu njiz trâus têx phiv liv, pos puôr lênhx cxơưx thiêz uô jông hêik kriê, paz sâu ntơưr zuôr yuôx nox cov lênhx niêv muôx đas jos jông. Niêv tix Đào Thị Thắm nhoz jok Vạn, lênhx nênhs tâu pos Muôn paz zênhz zus oz jiês puz pâuz:

“Cur pov lok six tso siêz, thâuv zus tuk nhuôs xuz thơưx mak cux cxơưx taz sik zus tuk nhuôs tiv oz mak lok six tso siêz lơưv, pos txux chi chênhz zênhv lok six jông. Cur pov li no cux lok six jông, nhoz no mak trạm y têr cux jê taz sik thâuv iz tas hmo mak zênhx njiz phiv liv ntâu, thiêz xar muk trâu huyện mak cux đêz hênhr, muôx pos nhoz ntơưv no lok six tso siêz”.

Txix chênhz zênhv thiêz zuk li siêz jông, pos Muôn tưz paz tâu trâu lok six ntâu chuôz zis muôx luz nênhx txov nhêv ntơưv têx jêx jok nhoz đêz, tox siêz, tsik muôx tsar tov tuôx trâu tsêr kho moz chiê xênhz zus mê nhuôs./.

(Đắc Thanh-Lik Thox cxêik nhênhv)