Jax sâu thưr 7, hnuz xiêz 3/9/2016:

Uô lơưr têx tsưr ziv yiêz hâur por hưv, tuôr tsês chiê heir nênhs Thêir Sơn La têx txux chi cêr nênhx vênhx huôv jông

Zos heir nênhs Thêir, ho xênhz thiêz hloz lox nhoz jok Co Pục, xã Chiềng Ngần, TP Sơn La, tỉnh Sơn La, jok muôx 100% zos tsôngv box Thêir uô nênhx nhoz. Txix thâuv tsênhv zâu, zơưv Cà Văn chung thâuv tưs tưz xar njôngr zuôr uô li chas chiê gôngr tsux chi, tsưr ziv, đas jos đros por hưv tsês chiê  zuk heir nênhs cêr nênhx vênhx huôv jông. Txix ciês thâuv cơưv Trung cấp kôngz nuv, tas ntơưr tror lok uô hâux lưv ntơưv ntâu qơư txơưr đuô li: Phongx phênhz thiêz qênhz njuôk shuôs têx ar uô kôngz Tây Bắc; Ủy ban khoa học-kỹ thuật; muk uô tuz lênhv trâu Bắc Lào; nhiv no tror lok lênhk uô phưv Giám đốc Tsênhv qơư khoa học-công nghệ tỉnh, zơưv tưz tsês ntâu six hơưv, hnuz nhôngs nhênhz chơưv tâu ntâu txux chi heik lok tsôngv box Thêir luz nênhx nox nhoz, xênhz huôx niêx hnuz. Đros têx txux chi tsưr ziv zơưv xar thiêz uô tâu côngv đros cêr thôngx ziv muôz têx ntơưr Thêir ntâuk sâu trâu hâur meir tính, txos nhiv no têx ntơưr Thêir tưz tâu têx Tsênhv qơư zoz zux thường xuyên hâur tỉnh Sơn La muôz kriê trâu sđ cơưv. Thiêz nhiv no tsênhv tâu fuô uô, kriê cxaz trâu têx lênhx cưk kriê ntơưr zos heir nênhs Thêir tsênhv uô hâux lưv ntơưv têx tsêr cơưv cxênhx iz hâur tỉnh Sơn La phưx vưv luôs hâux lưv kriê tsôngv box Thêir têx ntơưr cơưv trâu zar tov kaz. Cưk kriê Hà Thị Thành, kriê ntơưr trâu tsêr cơưv cấp iz xã Mường Giôn, huyện Quỳnh Nhai zos iz hâur têx lênhx tâu zơưv Chung kriê cơưv ntơưr Thêir heik pâuz:

“ Cưk kriê Chung zos lênhx tuôr tâu jông chiê nênhs Thêir têx txux chi vênhx huôv, txơưv hnuz nhôngs tưz siêz taz sik cưk kriê Chung lok six moz siêz txos kriê ntơưr Thêir trâu pêz sđ. Cưk kriê Chung zos lênhx moz siêz tuôr jông chiê têx txux chi vênhx huôv Thêir”.

Đhâu têx muôx tsênhz tiês txix kriê thiêz cơưv ntơưr Thêir, li pov tâu lênhx nênhs tsi pâuz ntơưr Thêir têx phiv liv tsuv njiz trâus hâur cơưv ntơưr Thêir, zơưv Chung ho tror nhênhz chơưv, zok nriêr đuô tsưr ziv kriê trâu sđ cơưv luk thiêz ntơưr Thêir hâur meir tính. Tsaz yênhx no uô tâu jông hâur luz nênhx, zơưv Chung heik pâuz nzir:

“ Cơưv ntơưr Thêir zôngx ziv cơưv xưz, taz sik muôx kênhx lênhx tsi pâuz luk Thêir, tsi muôx lênhx tưs kriê mak cơưv tsi tâu, muôx têx lênhx cưk kriê lơưr nhênhv iz kro jux juk trâu mnôngs, cur li cxiv uô iz tsaz yênhx li no trâu hâur meir tính chiê lênhx nênhs cơưv ntơưr Thêir, ntâuk meir mnôngs, lênhx nênhs cơưv heik luk hâur meir, taz sik tsi zos lênhx tưs cux muôx meir tính, viv li cur thiêx muôz tsaz yênhx kriê cơưv no heik tso trâu hâur đĩa CD. Nhiv no têx xiv huv uô tâu tơưv mak cur choz trâu Sở Khoa học-công nghệ seiz car, lênhx nênhs tưs muôx zoz qơưs txos mak tuôx no chiê nhênhz chơưv thiêz cơưv shâuv”.

Lar heik, đros thiêz tsôngv box Thêir nhoz Sơn La, zơưv Cà Văn Chung zos lênhx muôx côngz tsiv uô tâu têx ntơưr lix Thêir chiê sđ zôngv thiêz seiz hâur luz nênhx niêx hnuz. Tsôngv box Thêir nưk muôx nưk iz tsưr ziv xav hnuz nhôngs thiêz uô lơưr hâur luz nênhx XH. Tiz jông nhênhz chơưv, zok nriêr uô têx ntơưr lix Thêir, shông 1990, zơưv tưz cxiv sâu thiêz uô tâu ntơưr lix Thêir trâu sđ seiz. Txix thâuv ntơư lok, zơưv têx txux chi, tsưr ziv xar thiêz uô tâu qir tâu tsôngv box sđ pâuz txos, nhiêv trâus. Zơưv ntâu côngz trênhx, tsưr ziv nhênhz chơưv, cxiv sâu têx ntơưr uz no tâu zôngv thiêz uô lơưr hâur luz nênhx xênhz huôx li: Ntơưr lix Thêir, ntơưr lix Khoa học Sơn La, ntơưr lix kriê tsôngv box sđ huôv tsar uô nox hâur ngênhx kôngz nuv thiêz huôv tsar tox siêz…. Iz chas ntơư zơưv cux zos lênhx nhênhz chơưv, cxiv sâu thiêz uô tâu ntâu zav ntơưr heik lok tsôngv box Thêir têx txux chi vênhx huôv jông phưx vưv heir nênhs Thêir nhoz Sơn La; nhênhz chơưv, xar thiêz cxiv sâu, kho đuô tâu xar muôx 200 jax cưr cxiêx Thêir lâuk đrav ntêx. Moz siêz nhênhz chơưv thiêz uô têx luôs hâux lưv li heik sâuv, zơưv Cà Văn Chung tsưr ziv, siêz xar njôngr zos tsi chiê zuk heir nênhs têx txux chi vênhx huôv iz hnuz trâus pôngx lox jux juk:

“ Cur lok six shir phaz thâuv zuk uô tâu têx nuv muôx liv li ntơư. Tsênhv yuôr ntâu tsưr ziv, siêz xar cur uô tsi tâu tâu, njuôk xav hâur six hơưv zuôr txos zuôr muôx ntâu nuv tsuv uô, cur xar cov sđ sik đros por hưv, tuôr jông chiê zuk heir nênhs têx txux chi vênhx huôv jông tsi chiê plox. Thiêz cur xar cov chor hluôk nhiv no sir jos cơưv shâuv, tror uô lơưr chor lâuk têx txux chi, tsưr ziv, vênhx huôv jông”.

Zơưv Cà Văn Chung tưz tâu UBND tỉnh Sơn La, ngênhx Vênhx huôv, Thể thao thiêz ju lix muôz ntâu ntơưr kruôs viv muôx tsưr ziv jông hâur por hưv, tuôr chiê thiêz huôv tsar zuk heir nênhs têx cêr nênhx vênhx huôv. Ciês tsêr cơưv Đại học quốc gia, mak tưz kruôs thiêz ndo txiêx njis txos zơưv têx tsưr ziv, côngz đas jos  paz trâu por hưv thiêz tuôr tsês chiê heir nênhs Thêir têx txux chi vênhx huôv jông./. 

( Lường Hạnh-Riê Lâux cxeik, nhênhv)

Phênhv thưr 7, hnuz xiêz 3/9/2016:

Đắc Nông huôv tsar truôx du lix

Hội nghị cơưv cxươz cxiz hêik kriê lok du lix hâur thax tsav tỉnh Đắc Nông cov muôx chôngz lênhx muôz pênhr nhiêx tuôx cxiv uô huôv tsar du lix-huôv tsar kinh tế-xã hội…

Đắc Nông muôx tox trôngz câuv har, muôx ntâu pak đêx, ntâu tsas đêx ntưk jông jav, nto bê li: Gia Long, Đuôz pox niêv, Liêng Nung, Đắc Glun…Thax tsav tox trôngz câuv har Tà Đùng, jôngr ntông Nâm Nung lox đar thiêz muôx ntâu thax tsav qơư di tích lịch sử, vênhx huôv tsiv grê. Ntơư zos thax tsav qơư muôx 40 ntâu hêir nênhs siz chos huôv tsar cêr uô nênhx nhoz thiêz muôx ntâu cêr nênhx vênhx huôv jông đros trơưr hâur luz nênhx.

Ntơưv hội nghị, cxuô doanh nghiệp, cxuô lênhx nênhs sêiz car tưz sik thav lok luôs hâux lưv muôz pênhr tuôx cxiv uô trâu tỉnh Đắc Nông; hâur ntơư, cux hêik txos huôv tsar du lix jôngr ntông thiêz zuôr muôx chôngz lênhx kruô tuôx sêiz shuôk. Zơưv Nguyễn Phi Bằng, thơưx sêiz car Việt theo ntơưv đrôngl Buôn ma thuột hêik pâuz:

“Cux li cxuô lênhx doanh nghiệp nhiv kruôr hêik tas sâu mak Đắc Nông tsênhv zos thax tsav qơư jông huôv tsar cxuô zav. Zos pêz uô jông sir zôngv txuôk đros cxuô thax tsav mak Đắc Nông chênhr zos qơư pov cêr lul lok huôv tsar du lix thiêz hâu nov tỉnh Đắc Nông tsuv  cxươz cxiz lênhx nênhs huôv tsar uô thiêx tâu truôx”.

Trơưk li ủy ban tỉnh Đắc Nông njuôk xav, txix nhiv no txos shông 2020, hâu nov tsênhv qơư tsuv sir jos cxiv huôv tsar uô du lix cov huv đros. Uô ntêx, tsuv cxiv uô vax tsêr, cxiv uô thax tsav qơư uô si, cxiv uô thax tsav qơư du lix jôngr ntông…Zơưv Lê Diễn, bí thư tỉnh ủy Đắc Nông hêik pâuz tiêk: tỉnh tsênhv zuôr đros cxuô tsênhv qơư hâur thax tsav Tây Nguyên, Nam Trung Bộ, đrôngl HCM sik đros huôv tsar uô du lix cov truôx đrênhk.

“Đắc Nông muôx ntâu thax tsav qơư, tsuv muôz pênhr nhiêx tuôx cxiv uô thiêz pêz tưz muôx quy tênhv chiê cxươz cxiz cxuô doanh nghiệp muôz pênhr cxiv uô cov muôx iv trâu sđ. Cur njênhs njôngr tiêk: txix nhiv no txos shông 2020, luôs hâux lưv huôv tsar du lix thiêz cxiv uô vax tsêr zos oz luôs hâux lưv zov chênhr tsuv uô cov tâu truôx”.

Ndax trâu ntu no, ủy ban tỉnh Đắc Nông tưz quyết tênhv trâu 4 doanh nghiệp huôv tsar uô, pênhr nhiêx cxiv uô zos 362 tỷ đêiv./.

                                                     (Tsu cxêik, nhênhv-TTT)